طلب و رجاء من الجميع ..!!

[برج المملكه]

السلام عليكم و رحمة الله و بركاته

اخواني و اخواتي

باذن الله سوف اغيب لاداء فريضة الحج ..

من لديه حق عندي اتمنى ان يسامحني فيه وان كان لي حق عند احد تراه مسموح من قلب و لسان .. :)

و الله يوفق الجميع لما يحبه الله ويرضاه

اخوكم برج المملكه

[بعيد المراميس]

برج اطلبك 37 ريال والله اني ماسامحك وعلى مايشهدون الاعضاء

مير سددني والا ترا مالك حج

[ملحق المخلين]

هلا والله باخوي برج المملكه


وجعل حجك مبروووك



وأرجو أنك تسامحني من قلبك ..



وأنت حشاء والله ماجاء منك خطاء مذكر أنك أخطيت علي ..


أخوك / ملحق المخلين

[برج المملكه]

ههههههههههههههههههههههه

والله يخي مذكرها

مار تبا العلم

تراني موكل ٍ سعود علاها لين اجي ان جيت ابشر بها وان ماجيت اخذها من سعود :)

[برج المملكه]

ملحق المخلين

مسموح وانت والله ماجا منك الا كل خير

لاعدمت هالخشم اي والله

لك تحيتي ومودتي

[بعيد المراميس]

وسعود يمكن يجحدني خله يتصل ويقول عندي

والا ترا مالك حجه مرره مرره

[منيرة الحربي]

والله انك مسموح ثم مسموح ثم مسموح يوم انك حذفت محاورتي انا ومقعد الدغيلبي

تراى امزح عليك لاتخذها فالصحيح

وقلبي ابيض وتمنا لك كل الخير يابرج المملكه



والاجانا منك الى الخير يابرج اقوله والله صادقه


وعساه حج مقبول وذنب مغفور انشالله


ونشالله تروح وتجي بالسلامه


تحياتي لك من قلب

[برج المملكه]

بعيد المراميس

لاتخليني اطلع دفتر الحسابات حق المقهى ثم والله لالزمك برقبتك يوم القيامه

خل ال 37 هههههههههه

مار انت توحيني متى سلفتني 37 ان كانك صادز ؟؟


بنت الامراء

اشكر لك نظافة قلبك ونقاء سريرتك ..

وانتي تعلمين بوجهة نظري من تلك المحاوره ..

والاهم من ذلك انك اخت وعزيزه للجميع

سلمتواا جميعا ً

[بعيد المراميس]

ابي اشتكيك على المحافظ


يابرج انا ابغى منك سبع وثلاثين =سدد او اعرف منقبل منك حجه
سلفتك وحنا منول وراعين =حتى الاماره ( كان فالجو عجه )
شريتلك كوره بخمسه وعشرين=تلعبها قدام بيت الموجه <<< موجه الرياضيات اسماعيل
ثم جيت قلت ابعيد عطني ريالين=ابشتري بسكوت من عند حجه <<< العبده اللي في زاوية الحاره
واخذت لك عشره سلف عقب يومين =وتقول انا رجال ماني بدجه
واليوم ماسمحلك وانا طالبك دين= سدد وخلك رجل من دون صجه

[أبوعبدالرحمن]

سـلـفـتـك وحــنـــا مــنـــول وراعــيـــن
حـتــى الامـــاره ( كـــان فـالـجـو عــجــه )

ههههههههههههه


سدد يالبرج


الامارة العجة


وانا شاهد

[برج المملكه]

ههههههههههههههههههههههههه


ها اسمع اجل


طيب تذكرني بها عاد هالحين
يوم اني لمكه ركبت متوجّه

اجّل على شاني سدادك لبعدين
واخذ الك في موقع غرابيل سجه

لو اني اصلا منك ماخذت قرشين
اذكر هذاك الوقت سويت ضجه

تمرني مسرع وعدّادك الفين
ومن اعترض دربك بكوعك تخجّه

و من اللعانه تشتري لك عصيرين
الاول تسفّه و الاخر تبجّه

وان قلت عطني قلت ماعندي منين؟
وانته عصيرك في يداك وترجّه

وان كان دينك له شهود و براهين
ثبّت ولا نحتاج صجّه و لجّه

:11ctor:

مع السلامه

[سعد البراق]

ما تشوف شر وانا اخوك تروح وترجع بالسلامه

الله يا جعل حجك مبرور وسعيك مشكور

وابو جسار نبي نتقاط ونسدده

[اسامي]

برج المملكه


الله يقبلها منك قل آمين


انت ماغلطت معي بشي عشان اسامحك


انت اللي حاول تسامحني فالقك وانت صغيرون


:)