ملحق ..قبل عيد الضحيه !!

[العسجديه]

السلام عليكم ورحمه الله .. وكل عام وانتم بخير قبل الزحمه

واستلم لاهنت

سلام الله على ملحق سلام ٍ يطرب العربان0000 على بسم الله الرحمن نبديها وننهيهاا
قبل عيد الضحيه نعقد القمه مع بليهان0000 نحاول نصلح اوضاع ٍ عجز شيخ البلد فيها

[برج المملكه]

وعليكم السلام و الرحمه و الاكرام ..

العسجديه ..

(( شاعرة غرابيل ))


بدايه فعلاً تطرب و تشدّ الانتباه تركيباً و مضموناً .. :)


كل عام وانتي بخير و ازهلي الصف ..


في انتظار بليهان ملحق المخلين :)


واصلواا

[ناصر القزلان]

بداية قوية يالعسجديه ..

بصراحه مبدا مغري لكن له معزب ..

صح لسانك ..

بانتظار ملحق ..

تحياتي ,,,,

[العسجديه]

برج المملكه

حضور يشبه المطر لاعدمنا تواجدك ايها الشامخ


ناصر القزلان

صح بدنك ولاهنت على المرور

لكما احترمي

[ملحق المخلين]

وعليكم السلام والرحمه ... كل عام وأنتي بخير والجميع بخير


ودوووتس



ألا يامرحبا ترحيبتٍ يرجح بها الميزان=عدد مالاحت بروقٍ تكاشف في مناشيها
خصال المؤمن المسلم ليا منه عهد ماخان=تراء بعض الدعاوي مالها ياكود راعيها

.

.

[مرزوق الغنامي]

وعليكم السلام ورحمة الله وبركاته


العسجديه


مرحبابك تراحيب المطر



بدايه قويه من شاعره متمكنه جدا




وانا بصفك والمخرج ملي



والصب على روس الظوامي




وان انت يا بليهان



الليل الليل


ياملحق المخلين

[العسجديه]

الله الله
دوووك

الا وابك البقاء وافطن وثبتها على نيشان0000 ياكم تفاق صيد اخطى وانا ماظن تخطيها
زمان مختلف فيه الذيابه ترتع مع الضان0000 ولكن وش نقول ان كان حاميها حراميها

[ملحق المخلين]

برج ياهلا والله ويامرحبا .. أنت تدري أنك مقفلٍ نسبه طلوع من زود حبك ..

<<<<<<< يحاول يكسبك في صفه


ناصر ياهلا ويامرحبا


حياك يالغالي


مرزوق

<<<<<< رهجه بطنه يوم شاف أسمك ولا يدري عن باقي ردك ..

المهم حياك وهلا

[العسجديه]

مرزوق الغنامي

يامرحبا ملياااااااااااااار حضورك له نكهه خاصه وجودك بصفي يشرفني ويزيد النور نور

لك احترامي وتقديري

[محمد الدهمشي]

ياسلام من الشاعر والشاعره
بس مادري وشلون امسك صف العسجديه والاختلاط ممنوع

[ملحق المخلين]

ياسلا ياسلام

هااااتس



لا لاني فارس الميدان ماقلتي هذا العنوان=ولالتس هم و الله ماتروّح لين اسميها
أشوف وعندي الحل المناسب مير مهما كان=نظام امن الوزاره والوزاره كيف نلغيها

.

.

[أبوعبدالرحمن]

صحت قلووبكم جميع

ومتابع معكم هنا

[مرزوق الغنامي]

الا وابك البقاء وافطن وثبتها على نيشان0000 ياكم تفاق صيد اخطى وانا ماظن تخطيها
زمان مختلف فيه الذيابه ترتع مع الضان0000 ولكن وش نقول ان كان حاميها حراميها





الله الله



يالعسجديه والله الكلام اللي يجمد على الشارب


ليلك ليل



ياملحق المخلين




وانت منت بقليل شر



مار مهجود مهجود



واصلوووووووووووووووووووو

[ملحق المخلين]

ابو عبدالرحمن


ياهلا والله ويامرحبا


نشكر لك حضورك


مرزوق

أدخل على الله لا تربكني خلني أركز مع المحاوره

[العسجديه]

دووووك

كفوو لكن تركد بالعجاله ماقضينا شان0000 ابضبطها على الهادي وابكتبها وبمحيها
وابسندها على الي رجح الكفه بلانقصان00000 عسا ه يلجم الي للحراسه في مفاليها

[العسجديه]

ابوراشد لاهنت على المرور

ابوعبدالرحمن حيالله حضورك ولاهنت على المرور

مرزوووق الغنامي مرور ثاني فيه دعم نفسي معنوي خطير لاعدمت حضورك

[بعيد المراميس]

الله الله

العسجديه

في صفك والمخرج ملي

وملحق المخلين بيني وبينه الله معاد اداني صفه مرره مرره

ايه يالعسجديه شبي عليهم النار لاخلينا من لعبك وجزالتك

هاتحياتي

[العسجديه]

بعيد المراميس

مرورشاعر بحجمك يعني لي الشي الكثير

دام حضورك

[ملحق المخلين]

هاااتس


أنا اشوف السفينه راسيه ياحي ذالربان=وأبا أغوص البحر وأخذ من المكنون غاليها
بعد ماكلفو حراس قالو هاذي الاوطان=وش اللي في ضميرتس للحراسه قد رسمتيها
.

.

[ملحق المخلين]

بعيد المراميس


ياحبك للمزح.. الصف يحتريك <<<< يتمنى

[أبوعبدالرحمن]

صحت قلوبكم

ومازلت متابع

[ملحق المخلين]

حياك الله يابو عبدالرحمن




متابعتك شرف يالغالي


وياجعلك فالوجود

[العسجديه]

دوووك


انا بلقيس مارضى حكمها لو كان مهما كان0000وانا اشوف الضياغم تجتلد والغبن ماليها
ترى الاعور يشوفونه مفتح ديرة العميان00000 عوامل نقص في بعض العرب يالله تشفيها

[ملحق المخلين]

هااااتس


لك الله نعرف أنتس بنت شيخ بمنزلة راكان=والارنب ماتروّح لو نجودها با أذانيها
ترا المسؤل أعرفه مجهله والله فصيح لسان=لكّنه جامل الثرثار لجل علوم ناويها

.


.

[اسامي]

الله الله الله



لعب وفن ورستكه


فاتتني المحاوره لكن مازال فيها بقيه



العسجديه

شاعرة غرابيل المبدعه


جزله جزله لاعدمنا ابداعك

ملحق المخلين


شاعر مايحتاج اشهد لك


لكن تراك ازعجتني من يوم بدت المحاوره وانت تقول تعال في صفي :)




معي بلكه وفي صفك وعيوني في بعيد المراميس وبرج





متابعين للمبدعين


واصلوا لو بكره



دمتم بخير

[ملحق المخلين]

ياهلا ومرحبا


مباك تشهدلي واثق طال عمرك ..

يعني المكالمه ماراحت خساره أول مره أستفيد من الكلام معك ..






بس لو تترك بعيد وبرج وتصك مرزوق بالبلكه اللي معك أكون لك من الشاكرين ..


خلك فالصف ياذيبان

[العسجديه]

دوووووووك

لك الله اعرفك من لابة ٍ يوم لقاء فرسان0000 نصيتك واعرف انك تفتهم وشهي معانيها
عزايه بالبطانه تصحي المسئول ياابن فلان0000 او اسج القدم وابعد عن الحيه واراضيها

[العسجديه]

اسامي

حضور لايشابه اي حضور اسعدني مرورك وتواجدك

مع اني من شفتك تكثر مدح وانا عارفه بتقول بصف ملحق

بس ماشي انا معي القوه الضاربه مو محتاجتك هالمره(برج ومرزوق وبعيد) من قدي يالله لاتغير علينا :)


لاعدمت حضورك

[ملحق المخلين]

هااااتس



مدام أنتس تجيبين الذهب والول والمرجان=رفيعت شان وأم جنيب تحت الحزم خليها
ترا الغلطان مايقدر يعلم واحدٍ غلطان=لكن أقول اللتس بعدين معهم ويش تاليها
.


.

[اسامي]

ترى ملحق تسذوب

اول شي جواله مفصول

ثاني شي هو عندي في المقهى هههههههههههههههه



لاتسذب


<==== منفحس يوم يقول ما احتاج شهادتك :11bomb:

لكن في صفك ومرزوق بيني وبينه خطوه ونص ما اقدر مسوي معه حلف

لكن الباقين بيني وبينهم علوم


=========

العسجديه

هههههههههههههههه


ها خليهم ينفعونتس لامنّي طشيت روسهم بالبلكّه <= بالشدّه


:11air: <===== واحتمال بالكرسي زي هذا :نيني:




.

[ملحق المخلين]

اسامي

البلكّه معك الها شهرين ماجالها فعل :huglove: يمديها تفتفتت ....


حياك فالصف ونورت

أنت تدري أن في قيلون ولا ودك تزعلني :vampire:


خلك فالصف على شان صوتك زين ...

[العسجديه]

دووووك

كما السوق السعودي في تذبذب والبلا خسران0000 مجنن والمجنن يبتلش منهو يناحيها
ياملحق المرض مزمن وطبه مستحيل الأن00000 واظن اشهار موقع محترم يبعد حراويها


وصح لسانك مدد بلاعدد وبيض الله وجهك يالذيب

[ملحق المخلين]

هههههههههه

هاااتس




والا ياطير رفرف منت والله فالدير بلشان=أبا أعزم وأتوكل والرجل ماعاد أبا أثنيها
مدام ان الجماعه فالبلد راكبهم الشيطان=على حسب الكلام اللي صدر ماني مزكيها

صح لساااانتس وسلمتي تشرفت بمجاراتس

.
.