خبر عاجل برج المملكه

[ملحق المخلين]

بدون هرج زايد





يابرج شف نشرة الأخبار=اللي على الدش والرادي
فالمملكه شغل الرادار=وأفطن لموجات الارصادي



.


.

[برج المملكه]

تراني كنت بعيد عن الجهاز .. :)

وهاك بدون هرج زايد و عبيد .. :)



عندي خبر مار شبّ النار=لا تقعد تصيح وتنادي
حدّ الذبيحه على الجزّار=وابشر لك ببشت وشدادي

[ملحق المخلين]

معذور

وهاااااك




مادام ماشفت دمك فار=ماني بصايح ولا عادي
لكّن قلي وش اللي صار=من بعد حطوك فالنادي



.


.

[برج المملكه]

ما همّني لعب بسّ و فار=يبقى القمر في السما بادي
لكنّ رح علّم الشطّار=لا تنكر الملح و الزادي

[ملحق المخلين]

ياليت ابو زيد والعفار=ماحدروبك مع الوادي

صحيح جابوك بالمنظار=غلطه ولا عاد تنعادي




.


.

[العسجديه]

ملحق المخلين

بدايه رااائعه من شاعر مميز

برج المملكه

لاجديد سوى تأكيد الاعجاب بحرفك

صحت قلوبكم
متاابعه

دمتم بخير

[برج المملكه]

حوصتك يالثعلب المكّار=ياسرعها مار منصادي
يا طيبكم كلكم شعّار=لكنّ حضران و اجوادي

[برج المملكه]

العسجديه

حضورك له وقعه الخاص في النفس ..

لاهنتي و دام عطاءك

برج

[ملحق المخلين]

عينين في راس ياالبيطار=ما الومهم دلو الغادي
ناخذلك الثار يا بشار=من ماجراء وسط بغدادي



.


.

[ملحق المخلين]

ياهلا ويامرحبا


حياتس

الأروع حضورتس


ونشكر لك المتابعه

[برج المملكه]

نكبة فلسطين ابو عمّار=اغواه و اعماه ابو فادي
لو ان وجهه من الاخيار=مجرم و فاسق و سرمادي

[أبوعبدالرحمن]

صحت قلوبكم


متابع هنا


وبصفك يالبرج

[ملحق المخلين]

تدري عن الجار قبل الدار=ياطيب قلبك يابن هادي

من يوم عدى على سنجار=فوقه بنا بيت باوتادي

.


.

[هداج تيماء]

الله اكبر

يا سلاااااااام

ملحق المخلين وبرج المملكه يحلقون تحليق يمتع القاريء

ابدااااع وااااضح ومعاني جزله ...مخفيه ونص كم ... ولا فاتت صاحبكم

صحت السنتكم وسجلوا اعجابي ومتابعتي

والصف رسمياً مع البرج لانه زميل وتربطنا علاقة عمل

وودياً مع ملحق حيث تربطنا علاقة مقانيص وما شابه


لا هنتووووا

[ولد الشيوخ]

متااااااااااااااااااااااب عين بقوووووووووووه

صح لسانكم

وتراني ماسك الصف

[ملحق المخلين]

ابو عبدالرحمن


حياك وسلمت على الحضور المشرف


هداج

صح بدنك ومرحباً الف

أهب هداج مشغلِ الرادار .أستر علينا الله يستر عليك.:tongue: حي والله ذالعين


ماعلي منك لو تروح ودياً ورسمياً مع برج <<<<<<<<<< من الغبن


ولد الشيوخ

يامرحبا وياهلا

الصف أيات ؟


<<<<<<< اهم ماعنده الصف لو أن بيوته مكسره

[برج المملكه]

انت اول الخير واوّل جار=مشفوح وسنونه حدادي
قدام لا حرقك بالما الحار=خلك على الضلع من غادي

[برج المملكه]

ابو عبدالرحمن

ارحب نورت الصف لاعدمتك

هداج تيما

صديقي واستاذي و زميلي الاشرافي مرحبا مليون في مليون :)

ولد الشيوخ

مرحبا و مسهلا نورت

[ملحق المخلين]

تبا الصراحه للا الزوار=ماعنك يابرج نشادي
من بعد هاذيك روح إشهار=منته بخصم أبن شدادي



.


.

[برج المملكه]

صح صح صح لساااانك وعلا شانك


شرفتني وا متعتني وارهقتني كلهنّه :11ctor:


تقبل احترامي و تقديري

[ملحق المخلين]

صح لسااانك


والشرف الي طال عمرك ...


ونشكر كل من مر من هنا ومتعنا بحضوره