الرويحي دامك موجود

[لطّام]

السلام عليكم ورحمة الله وبركاته



مدامك متصل يالرويحي استلم والفائده لنا




سلام الله سلامن يالرويحي مثل دهن العود......تحيّه صادقه من هاجسن ما اختل ميزانه
عسى الله لايهينك واقترب مادامك الموجود .....يقولون العرب جوف البحر لولو ومرجانه

[الرويحـــي]

ياهلا ويامرحباااا


حياك الله يالطام

واستلم لاهنت




هلا يامرحبا ترحيبتن مثل الصبا والنود=على من خصني من بد خلق الله بقيفانه
يغني من صباح الله يومن العباد رقود=ولادري وش يبا بالولو والمرجان والدانه

[لطّام]

ابقاك الله يالرويحي


ودوك



يدوم الك البقى والمعرفه من زود داخل زود=وعسى الله لايبارك في بخيلن صك بيبانه
حسب ماقالو العراّف بأن سعيد فاد حمود= وانا بلزّم خشيم حمود وادري وين عنوانه

[الرويحـــي]

طيب طيب




ليال ٍ بيض يالطام وليالٍ وراها سود=وعينك في كريم النو براقه وربانه
ليامنك لقيت الحقه اعقلها مع اهل الذود=وطب السوق بجيوب ٍ مع اهل السوق مليانه

[لطّام]

ياسلام سلّم


هاستلم



انا ماني معرّض وقفتي من يلحق المنقود=لو انه يعترّض قدام عيني فرخ شيهانه
ثبّت قول الجماعه يالرويحي واثبتوه شهود=ولاكن علّم اللي مادرى يشتال قشّانه

[الرويحـــي]

الله الله


ترا منت بنبي الله ولابرضو من آل سعود=ولا انت اللي نقل عن فعل خاله قول عمانه
تبا تثبت وتفلج حجتك لا جا البرا مردود=على ماقيل منهو يلحس المسواط ياوذانه

[سعد البراق]

لطام ،،،، الرويحي

صح السنتكم وعلا شانكم

متابعين

[لطّام]

استلم يالرويحي




انا اضن الرويحي ياجماعه فيه عرق زيود=ولاكن لو سكّن جدّه يبا يملا ميّة خانه
ترا لو صرت شاعر فالبلاد وفيك عرض عضود=تعشّاك الاسود اللي تجوب الدار فسقانه

[لطّام]

حياك الله يا اسامه سعد


حضورك مشرف وصح بدنك