الشاطر يوطوط حولــــــــــــــــــــــ ـــــــي ,,, وينك ياراعيها ؟!!!!

[ناصر القزلان]

ياسلام الله سلام ٍ يسبق الطياره = ياصل الشعار والشاطر يوطوط حولي
جيتكم بالبوصله والرمح والكساره = من يبيله كاس شاي ومن يبي صامولي

[اسامي]

هههههههههههه


الله الله


ناصر صح لسااانك ولاهنت


بانتظار راااعيهاااا

متابعين ان قاله الله


.

[ناصر القزلان]

هلا بك يا.. ( اسامي )..

تشرفت بوجودكـــ يالغالي ..

الله يجيب اللي على البال ..

تحياتي ,,,,

[بعيد المراميس]

الله الله

لقافه ياناصر واستلم


مرحبآ ترحيب والغارة تسوق الغاره=جاك شاعر يضرب الشعار عرض وطولي
ناصر القزلان فالميقاف يشعم ناره = خبزته في كاسته شاعر محلي دولي

[بعيد المراميس]

اسامي خلك قريب

وترا الزكمه هالصتني وعاني بالفروه وعيوني تزالم تسني بس :)

[ناصر القزلان]

مرحبا بالزعيم ..

لو دريت انك حولي غزيت البيرق من بدري ..

سلامتك يالغالي من كل شر ..

[سعود العصيمي]

ياسلام الله سلام ٍ يسبق الطياره = ياصل الشعار والشاطر يوطوط حولي
جيتكم بالبوصله والرمح والكساره = من يبيله كاس شاي ومن يبي صامولي



صح لسانك


ياناصر القزلان

ابداع

[سعود العصيمي]

الله الله

لقافه ياناصر واستلم


مرحبآ ترحيب والغارة تسوق الغاره=جاك شاعر يضرب الشعار عرض وطولي
ناصر القزلان فالميقاف يشعم ناره = خبزته في كاسته شاعر محلي دولي



خبرته في كاسته شاعر محلي دولي

صح لسانك

مليوووووووووووون


يابعيد المراميس

رد وافي لاهنت

[ناصر القزلان]

يابعيد الليل توه محتفظ باسراره = لاتحرك من مكانك لين أدق طبولي
ماخبرت اللي يصيد الضب بالسناره = خبزتي عندي خبرها شالها مرسولي

[ناصر القزلان]

الغالي .. سعود ..

حضورك لمبه يابعدي ..

ولعت الملعبه ..

تحياتي ,,,

[اسامي]

مرحبآ ترحيب والغـارة تسـوق الغـاره=جاك شاعر يضرب الشعار عرض وطولي
ناصر القزلان فالميقـاف يشعـم نـاره= خبزته في كاسته شاعـر محلـي دولـي


الله الله الله


ياسلام يبو جسّار .. هذا وانت مزكوووم :soccer_h4

صح لسانك اي والله

قريبن منك وجايبن لك كرتون مناديل :icon_mrgr



متابعين للأبداع

[ناصر القزلان]

اسامي خلك قريب

وترا الزكمه هالصتني وعاني بالفروه وعيوني تزالم تسني بس :)

سلامات يابعيد ..

لك عندي علبة ( فقس ) الاصلي مع ابو فاس .. وحده بوحده ..

[بعيد المراميس]

الله الله

وانا عرجبي :)

مير استلم


من يحلب لضيفه يدور خيار بكاره=ومن يطيّب لايخلط العود بالمعمولي
هات مافي ضامرك وانته دريول طاره=قدم راسك يلحسه سيف الله المسلولي

[بعيد المراميس]

سعود العصيمي مرحبآ تراحيب المطر اي والله وحظورك زاد المحاوره نور يالقرم

اسامي والله مدري لاكن تدري عن شي دورلي منشفه الفاين مايسوي شي هههههه

ابك ياناصر انت تباني افارق الحيين فقس ابو فاس هذا ممنوع اقليميآ :(

[ناصر القزلان]

أهب يازعم ..

أنت مالك اسم مع المتواجدين ..

الظاهر تدخل متغلمط بالفروه .. أبك اقلع الفروه خل نشوف وجهك لاتصير ارهابي ..

[ناصر القزلان]

استلم يابعيد .. والشر عنك ابعيد ..


والله اني يابعيد أفكك السياره = والدريول لبق التيدر وهومصطولي
خل سيفك في غماده واشرب المطاره = لاتقول اني زعيمك خابرك حنشولي

[بعيد المراميس]

الشر مايجيك وانا اخوك

واستلم والباقي نكمله بكره


واحدن يرمي وعينه ماتحق الشاره=لايهيجن فالخلا ويقاله مبدولي
من حشم مقدار نفسه خابرن مقداره= ومن يماش الجرب يجرب ماتعدا الحولي

[ربح السبيعي]

الله الله الله

ناصر القزلان وابوجسار

صحت السنتكم


شعار مبدعين ومتميزين


واصلو وانا ماسك الصفين

[ناصر القزلان]

غالي ومحشوم يابعدي ..

اللعب معك شرف ياطويل البقا..

والله ماجت على البال يابو جسار لكن رب صدفه خير من الف ميعاد ..

بكره ماني موجود .. لكن الله يحييك متى مابغيت نكمل الطاروق والا نجدده ..

تصبح على خير ..

تحياتي لكل من حضر ..

[ناصر القزلان]

الغالي .. ربح السبيعي ..

تأخرت يالغالي .. لكن خيرها بغيرها وحقك باقي ..

أبو جسار مصخن .. والا كان سريناها الى الفجر ..

شكرا لحضورك وكلماتك الرائعة ..

تحياتي ,,,,

[برج المملكه]

الله الله


ناصر القزلان و بعيد المراميس

شعراء متميزين ومحاوره رائعه وفيها وطوطه خبوز وكاسات وسيارات و اتيدرات :biggrin:

صح السنتكم يامجنّه :)

وتصبحون على خير كفيتوا ووفيتوا

برج

[ناصر القزلان]

برج المملكة ..

وراك من بعيد توايق علينا ؟؟؟

حضورك يشرفنا ويزيدنا حماس ..

شكرا للحضور خلف الصفوف ..

تحياتي ’’’’

[صادق الإحساس]

ما شاء الله
تبارك الله

ناصر القزلان صديقي
وزعم الغنامي رفيقي


والله محاورة وابداع
ما بعده ابدااااااااااع



لكن حوسة ( ههههههههه )
واحد صديقي ! وواحد رفيقك!
تكفى .. يا بو محمد مالقيت غير
زعم عشان بس أكون في صفك

وأنت يا زعم ليه ماتترك القزلان
صديقي عشان أصير بس بصفك


عموما ... شعراء كبار
وصفحة للتعلم من خيرة
شعار غرابيل ( الوطن )




سوف أتابع عن بعد
و مشجع في القلب




لكما
تحية حد الغماااااااااااااااااام
ومحبة حد السمااااااااااااااء



صادق الإحساس

[عواض المالكي]

الليل يالشعار


ياسلام ياسلام


شاعرين يستحقون التصفيق وبحراره



صحت السنكم



واااصلووو وااصلووو



لاهنتم

[ناصر القزلان]

ما شاء الله
تبارك الله

ناصر القزلان صديقي
وزعم الغنامي رفيقي


والله محاورة وابداع
ما بعده ابدااااااااااع



لكن حوسة ( ههههههههه )
واحد صديقي ! وواحد رفيقك!
تكفى .. يا بو محمد مالقيت غير
زعم عشان بس أكون في صفك

وأنت يا زعم ليه ماتترك القزلان
صديقي عشان أصير بس بصفك


عموما ... شعراء كبار
وصفحة للتعلم من خيرة
شعار غرابيل ( الوطن )




سوف أتابع عن بعد
و مشجع في القلب




لكما
تحية حد الغماااااااااااااااااام
ومحبة حد السمااااااااااااااء



صادق الإحساس

العفو ياصادق ..

أهم شي يعترفون بي قسم (( المحاورة )) وبعدين يحلها الحلال ..
مادام واحد ( صديق ) والثاني ( رفيق ) يعني مافيه فرق كلنا ( هنود) ههههههههههههههههههههه
والله لو تمنيت ابو جسار منوه مالقيته .. لكن ربك جابه ..
تبي الصدق ياصادق ..
عيال عمك صكوا علي مثل الذيابه هاك الليل ..
قلت مالي الا الله ثم أنت يابو زياد .. نخيتك لكن ماسمعتني ..
لي لقاء باذن الله مع ( أبو جسار ) ..
يعلم الله اني معجب بهالولد من اول ماسجلت بالمنتدى ..
شكرا يابو زياد على حضورك الرائع ..
تحياتي ,,,