يوميات أحلى وحده شينه << الله من زين اليوميات

[أحلى وحده شينه]

سلام عليكم

...

قررت بمناسبة اني مالي حاجه اسدحلكم موضوع هع هع هع



المهم نخشش في الموضوع سيدااا ..

بس عندي طلب .. هجوا بيبانكم المشرعه .. وطفوا لمباتكم .. وسووا ذاك الشاهي اللي مايروي من زينه .. وهاتو لكم مركى ومسندة ابو طير .. وركزوووا معاااي .. لايجي واحد من بزارينكم ويفصل فيش الجهاز ..

احم..

كان يامكان وفي يوم من الايام كنت في غرفتي اللي كانها عزبة هنود ..

وفيما انا متربعه على الجهاز حسيت ببطني يقرقر .. واثري جوعانه << شي جديد سبحان الله خخخ

وقررت بهالمناسبه السعيده اني اسوي الفطور

مع العلم اني حاصله على شهادات انذار ومن بعدها حرمان من دخول المطبخ ..

جمله اعتراضيه : تراي والله سنعه .. مره سويت كيك .. ولا القباني .. اهلي انهبلوا ماغير ياكلون وياكلون

اصابيعهم وراه .. بس للاسف من بعدها عيا يضبط << مو كل مره تسلم الجره >> تسمع فيه وودها تدخله بالموضوع خخخخخخ

المهم يالربع وكما تعلمون لايأس مع الحياة ولا حياة مع اليأس .. واختكم في الله مايأست كل يوم اسوي كيك بس مايضبط << حالتن مشكاها على الله ..

وكل يوم احصل على شهادات انذار بس مااسمع الحتسي .. لما تعديت حدودي حرموني من المطبخ << فرقاه عيد خخخخخخخ

وبالرغم من اني حاصله على هالشهادات وانا كلي فخر بها .. الا انني رميت برقعي وقلت علي الملازيم لااسوي فطوري << وشدخل البرقع آي دونت نو خخخ

والله واقوم واطلق رجيلاتي واطامر بالدرج << خخخخخخخ

ولا ردني الا الارض << الله من الطفاقه

على طول رفعت جسمي واتلفت اشوف احد شافني والالا .. الحمدلله ربكم ستر والله واضف رجولي وادخل المطبخ ..

وتقابلني الخدامه وانا صادتن وجهي عنها مابيها تشوف الوان الطيف بوجهي ..

وقالت لي : قود مورنينق .. دو يو وانت بريكفست << الله يرجها تعرف اسباني ولاتعلمني ..

ومير انا اقولها لا والله امي تقول سوي في الليل مرقوق ..

واروح اطلع الخبز وتطمر تلقطه مني وماغير انا واياها حلوف وطقاق هي تقول انا بسوي الفطور وانا اقول علي الملازيم ماتسوينه ..

بالاخير اتفقنا انا افك الجبن وهي تحطه بالخبزه << مقطعنا السنع

المهم يالربع الحرمه ماقصرت سوت الساندويتش والحين دوري احطه بالآله اللي تحمي الخبز .. طبعا انا متعوده يجيني الخبز جاهز واحبه شوي يحترق ..

والله واحط الخبزه واسكر الآله .. واختكم في الله ماتدري متى تطلع الساندويتش .. بس قلت ماعليه ادبرها ..

وأجلس أتأمل في مطبخنا .. صراحة مطبخنا حلوو << كانها تتكلم عن مطبخ جيرانهم مو مطبخهم خخخخخخخخ

وأروح وافتح الآله والى الخبزه توها وأرجع أسكرها .. قلت خل أخذ جوله بالصاله فيما تستوي ..

وأدور وماشيه بالهواجيس سرحانه ..:11retcher والله وأختكم تشم ريحه ..

وأذكر إني حاطه خبزه بالآله ..

وأطمر للمطبخ .. وأشوف الآله تدخن .. ويطيح قلبي ببطني من الروعه ..

وأدور الخبزه وينها ؟!

ماأشوف قدامي إلا شي أسود خخخخخخخ << الله يرحم الخبزه :icon_conf

قلت بمناسبة إننا مااحترقنا ولله الحمد باكلها خخخخخخخخخخخ

وأطلع هذيك الصينيه اللي تفتح النفس .. .. وأطلع صحن سبايدر مان << لو يدري عني أخوي الصغير ذبحني خخخخخخخ

وأحط الساندويتش فيه .. واحط رجلي ماأبي أحد يشوف العمله السوده اللي عملتها خخخخخخخ ..

مادريت الا واللي متسدحه علي من الضحك :هاها: .. وأرفع راسي وأشوف أميمتي حفظها الله ورعاها ..

وهي تحمد ربها وتتشكره عاللي تشوفه خخخخخخخخخ ..

^
^
الحمدلله جت على كذا .. :كلوش: أنا استنى أحد يذبحني بوقتها.. خخخخخخخخخخخ


وتوته توته خلصت الحتوته .. بعد ماحللت صوركم خخخخخخ


وكما اتمنى من اعماق قلبي ان لايحصل مثل هالموقف معاكم خخخخخخخخخ

ونصيحه لوجه الله .. اللي مثل حالتي لايفكرون يتسينعون مره ثانيه ويدخلون المطبخ خخخخخخخخخ

والحين شرعووا بيبانكم المهجهجه وشغلوا اللمبات .. وغسلوا الكوب والا البياله .. ورجعوا المركى والمسندة .. واطلقوا

العنان لبزراينكم وخلوهم يفصلون ابو الفيش خخخخخخخ


ميغسي على حسن الاستماع والانصات .. ياهلا فيكم..

وترى الموضوع ملطوش مع اضافة بعض البهارات مني هع هع هع


ويالله عاد الحين تفضلوا الله لايهينكم واسدحوا ردودكم



أختكم



أحلى الشينات

[أمل عبدالعزيز]

ياشينة

ياااااااشينة

يعني في النهاية طلع الموضوع ملطوش؟
ماهقيتها منك
خابرتك تجيبين سوالف سنعة مثل ساندويتشك يام رجيلات عصلا
هههههههههههههههههههه

بس بصراحة ودي أني خليت البزارين يفصلون النت أحسن

ههههههههههههههه

ودي أني كبيت الشاهي
ودي أني أشوفك الحين وأحطك بالفرن أشوف وش مدى سناعتي في شويك
<== تعوذي

ههههههههههههههههههههههههه هههههههههههههه

عارفة دمك عسل
بس اليوم صاير فنتو

بنكهة التوت
ههههههههههههههههههههههههه هه:نأ:

[عطر طيبه]

أحلى وحده شينه
الحمد على سلامتك زين انك نجيتي من ماساة المطبخ<<<<< مسويا فيها طباخة

[سعود]

وهاتو لكم مركى ومسندة ابو طير .. وركزوووا معاااي


<<== جلس نص ساعة يدور المسنده ابو طير في المستودع وبعد ماحصلتها


طلع الموضوع ملطوش





.. اهلي انهبلوا ماغير ياكلون وياكلون

اصابيعهم وراه .. بس للاسف من بعدها عيا يضبط


<<== ذكرتيني اول مافتحت حساب في البنك واطج ذاك التوقيع


ولا توقيع وزير ياشيخه


والى يومك هذا ماقدرت اقلده


<<== كل شوي هواش مع البنك عشان التوقيع الاقشر




تبين الجد يابنيه


انااا زعلااان على بنات هاليومين :زعلان:


رفلااااات بقووووة


اول كانت البنت مايجي عمرها 13 الا هي تعرف تطبخ الذبيحه لوحدها


ام الحين لا تعليق:زعلان:



مشكوره ياحلى وحده شينه على هيك موضووع راااايق



تحية عطرة

[فوووووشي]

حلووووووووووووووووووووووو وووه

ههههههههههههههههههههههههه هه

ههههههههههههههههههههههههه

قسم منتي بصاحيه يا بنيه

وبعدين الموضوع يا عيال مو لاطشتوووه البنت هي خذت فكرتووووه وكتبت زيوووه

حتى شوفوا اسلوووبها انا اعرفووووه من بين الاساليب <<ناويه ترقع عملة البنت الشينه

خخخخخخخخخخخخخخخخ

يا حبني لك يالشينه والله انك عسل ..بصرااحه مير تفاعلت مع القصه كانك انتي اللي كاتبتها

<<==الحين تقولين اهي اللي كاتبتها ما سرع ما قلبتي

ومشكووره حبيبتي على الموقف النايس يا قلبي ..والله انها محاوله كتابيه حلووه منك

اهم شي انك كتبتيه باسلوووبك ..

اختك فش فاشه

[الأنامل الذهبية]

يصلمو أشين وحدة شينه....<<<حتى من الشينات تبقين شينه

عادي انا والشينه نجوز شينات ونمون على بعض ..

خخخخخخخخخخ

وربي ان هالموقف اللي ذكر اعلاه يشبهني

احسه يصير لي

ياولد عمي ياولد خالي والارجح الارجح المرجوح انه ولد الجيران

احم احم اقصد

اااااااااااامممممممم صار لي مايشبه هالموقف بالمطيبيخ اللعين بتاعنا

اخ بس كم اكرهك يامطبخنا العزيز..

صانكيوهات شينونه ...

اختكم اللي لاتشرهون عليها /أونيملة

[أحلى وحده شينه]

تؤبرون تسبدي كل أبوكم ياللي رديتوا على موضوع


وتراكم مافشلتوني أبد

الموضوع مثل ماقالت فش فش أنا اللي كاتبته بس أخذت فكرته من موضوع ثاني بعدين لاتخافون

مالطشته من أحد غريب لاطشته من أختي خخخخخخخخخخخخخخخخخخخخخ

[أحلى وحده شينه]

أمل عبد العزيز


ياحبي لتس وياحبي لخفة دمتس وياحبي لمرورتس اللي زي وجهتس <<<< ترا ذي مدحه لاتحسبينها سبه





أووووووووووووووختس

[أحلى وحده شينه]

عطر طيبه

يسلموووووووووووووو على المرور اللي حلو خخخخخ

[أحلى وحده شينه]

هلا بك سعووود



نبدأ بالإقتباس الحين :




<<== جلس نص ساعة يدور المسنده ابو طير في المستودع

بعد انت الله يهديك وشوله العجله على طول رحت جبت المسنده خخخخخخخخخخخخخ



<<== طلع الموضوع ملطوش

سعود قلتلك الموضوع انا اللي كاتبته بس أخذت الفكرة من موضوع ثاني بعدين لاطشته من أختي

موب من أحد غريب خخخخخخخخ







<<== <<== ذكرتيني اول مافتحت حساب في البنك واطج ذاك التوقيع

ولا توقيع وزير ياشيخه

والى يومك هذا ماقدرت اقلده


خخخخخخخ تستاهل وشوله تكشخ بالتوقيع كان خليت توقيعك اسمك وبس





<<== تبين الجد يابنيه

اي والله أبيه



<<== انااا زعلااان على بنات هاليومين :زعلان:

أفاااا ليش



<<== رفلااااات بقووووة

لا حرام عليك



<<== اول كانت البنت مايجي عمرها 13 الا هي تعرف تطبخ الذبيحه لوحدها

هذاك أنت قلت هذاك أول بعدين حرام عليك تخيل شكلي بنت توني بعز شبابي قاعدتن أطبخ ذبيحه

احمد ربك إني أعرف أسوي قهوة أما الشاهي نادر مايظبط معي الحمد لله والشكر على قولة أمي إذا سويت شاهي

تقولي انقلعي انتي والشاهي حقتس اللي كأنه شاهي هنود خخخخخخ





<<== مشكوره ياحلى وحده شينه على هيك موضووع راااايق

العفو وشووووكرن على المرور

[أحلى وحده شينه]

[mark=CCFF66]حلووووووووووووووووووووووو وووه

ههههههههههههههههههههههههه هه
ههههههههههههههههههههههههه

قسم منتي بصاحيه يا بنيه


والكليه تخلي أحد صاحي وأنا أختس




[وبعدين الموضوع يا عيال مو لاطشتوووه البنت هي خذت فكرتووووه وكتبت زيوووه

حتى شوفوا اسلوووبها انا اعرفووووه من بين الاساليب


والله إنتك الوحيده اللي فاهمتني هنا



[يا حبني لك يالشينه والله انك عسل ..بصرااحه مير تفاعلت مع القصه كانك انتي اللي كاتبتها


الله مير يسلمتس بصراحه أخجلتي تواضعي <<< طايحه فيها هالأيام



[ومشكووره حبيبتي على الموقف النايس يا قلبي

عفووون يالغاليه وشوووووكرن على المرور

[أحلى وحده شينه]

يصلمو أشين وحدة شينه....<<<حتى من الشينات تبقين شينه

الله يصلمتس وبعدين ياويلتس من الله تراي والله منب شينه <<<< تنرحم




عادي انا والشينه نجوز شينات ونمون على بعض ..


الله يرووووج ابليسك رجا مبرحا



اخ بس كم اكرهك يامطبخنا العزيز..

اي والله حتى أنا كرهك يامطبخ أونيمله العزيز << أنتي وش دخلك

وهو فيه مطبخ ينحب وأنا أختس تصدقين عاد أنا إذا جيت أعاند أمي أقولها (( أنا إذا تزوجت ماراح أحط ببيتي

مطبخ أصلا )) خخخخخخخ


صانكيوهات شينونه ...


عافنيوهات = على وزن صانكيوهات

تسلمين على المرور اللي حلو مرررررة



أوووووختس