مهدي بن مسفر الحبابي
10-12-2006, 04:29 PM
بدون مقدمات هذي أحد قصائدي والمنشوره صباح هذا اليوم الاحدالموافق19/11/1427هـ0
على صفحة مدارات شعبية في جريدة الجميع جريدة الجزيرة والذي يشرفني نقلها كما نشرت
يا قلب يالي من عنا الوقت منصاب = قلبي صويب وما لقينا علاجه
باصابة القلب الشقي حاروا أطباب = وعزي لمن همه يكدر مزاجه
وهموم قلبي دونها قفل دولاب = عشر سنوات تنتظر لانفراجه
ترجي متى تعفى ويفتح لها الباب = وتسمع صدى صوت ينادي انبراجه
ياما اجتهدت وطارق كل الأسباب = أتبع طريق الحق ما أخشى المواجه
وأصارع الوقت الذي كشر انياب = اللي يا عاملني وكني خواجه
يوم أكثر أصحابي غدوا كنهم أحزاب = وكل على ما قيل يتبع خراجه
اشره على الطيب من اقراب واصحاب = يوم الزمن عقد بوجهي حجاجه
كل تخلا والقمر فالسماء غاب = والجو في دنياي كوس عجاجه
والي تخلا ما حسبنا له احساب = اهم شي انحن معاد أنتواجه
ما نلحق المقفى مشاربه وعتاب = ومن صد عنا مالنا فيه حاجه
الحر منزاله شواهيق وهضاب =عنده وتبقى عزة النفس تاجه
واقول له يا باشة الوقت غلاب = خلا قوي البأس يشرب هماجه
فيا اللي تجر الصوت وألحانك أعذاب =ردد حجر ذا الوقت يخشى الزجاجه
مهدي بن مسفر بن عليان الحبابي
وادي الدواسر - الخماسين
على صفحة مدارات شعبية في جريدة الجميع جريدة الجزيرة والذي يشرفني نقلها كما نشرت
يا قلب يالي من عنا الوقت منصاب = قلبي صويب وما لقينا علاجه
باصابة القلب الشقي حاروا أطباب = وعزي لمن همه يكدر مزاجه
وهموم قلبي دونها قفل دولاب = عشر سنوات تنتظر لانفراجه
ترجي متى تعفى ويفتح لها الباب = وتسمع صدى صوت ينادي انبراجه
ياما اجتهدت وطارق كل الأسباب = أتبع طريق الحق ما أخشى المواجه
وأصارع الوقت الذي كشر انياب = اللي يا عاملني وكني خواجه
يوم أكثر أصحابي غدوا كنهم أحزاب = وكل على ما قيل يتبع خراجه
اشره على الطيب من اقراب واصحاب = يوم الزمن عقد بوجهي حجاجه
كل تخلا والقمر فالسماء غاب = والجو في دنياي كوس عجاجه
والي تخلا ما حسبنا له احساب = اهم شي انحن معاد أنتواجه
ما نلحق المقفى مشاربه وعتاب = ومن صد عنا مالنا فيه حاجه
الحر منزاله شواهيق وهضاب =عنده وتبقى عزة النفس تاجه
واقول له يا باشة الوقت غلاب = خلا قوي البأس يشرب هماجه
فيا اللي تجر الصوت وألحانك أعذاب =ردد حجر ذا الوقت يخشى الزجاجه
مهدي بن مسفر بن عليان الحبابي
وادي الدواسر - الخماسين