اقرب شاعر

[عـــكـــاش]

السلام عليكم ورحمة الله وبركاته .....

مساالخير جميعا ً .....


يشرفني ويسعدني ان انظم إلى هذا المنتدى الرائع لكي نفيد ونستفيد ...

وبما إني لأعرف شعراء هذا المنتدى فأضع هاذه الابيات لإي شاعر منكم .....

استلمو الله لايهينكم ...



سلام الله وان ضيف ٍ جديدا ً قمت بالتسجيل=سلام ٍ نرسله للناس حاضرها وغايبها
بعدها هذا نبا شاعر يجيد الحل والتحليل=وبا منه الجزيله والهزيله لايجيني ابها

[ناصر القزلان]

هلا يامرحبا بالضلع والغالي له التبجيل = تحيزم والليالي من ولدها مات شايبها
أشوف النجمه اللي في سماها نورها تضليل = عسا الساري على النجمه يسوق الخيل جايبها

[ناصر القزلان]

الغالي .. عكاش ..

أنت شاعر معروف ..

وجودك مكسب كبير للمنتدى وخصوصا ( المحاورة ) ..

على هونك علينا ترى رفيقك ( عليمي )..

[عـــكـــاش]

استلم استلم ....


وحياك الله تكفي وتوفي ...



يدوم الك البقى يلي ترحب مار ليلك ليل=توصيني وانا هاذي وصات ٍ منك مرغبها
انا من فظل ربي ماعليه خوف يالحلحيل=اعرف الدرب وامشيبه فجوج البيد نضربها

[عـــكـــاش]

الغالي ناصر ..

والله وانا اخوك إني اتشرف العب معك وانا العليمي مهوب أنت ..

وعلى طاري عكاش انشاء الله اني اكون مشهور ومثله

برغم اني مدري منهو رفيقك الي تبيه يالقرم ...


تقبل تحياتي

[برج المملكه]

مرحبا فيك ياعكاش

بين اخوانك في غرابيل

بدايه موفقه ورد جميل من ناصر

وواصلوا وحنا متابعين

برج

[ناصر القزلان]

سريت الليل ياعكاش تنقل بالخلا دربيل = عيونك ماتشوف الدرب مير اعقل ركايبها
عليك الله وكيل ارقد ولاتامن طريق السيل = ترى بعض العرب ماهيب تدري عن معايبها

[عـــكـــاش]

البقا طال عمرك ....


هلابك يابرج المملكه ويشرفني اني اكون متواجد عندكم ....


تقبل تحياتي

عكاش ....

[ناصر القزلان]

والله اللي رحنا فيها ..

برج المملكة فوق روسنا ؟؟؟؟

استر ماواجهت يالبرج .. وان حصل تغشيش ترا ماهيب شينه ..

[ناصر القزلان]

عكاش ..

فيك البركه .. أنت والا واحد ثاني .. ماتفرق ..

القافية على ( يبها ) انتبه ..

[عـــكـــاش]

استلم استلم ......




بعيّد الفرق مابين الثرى ياصاحبي وسهيل=حرام ٍ من حزامي يانويصر ماتفوز ابها
على هونك على هونك ترا خصمك قوي الحيل=وحرار الجو يالقزلان تاكل من مخالبها

[عـــكـــاش]

القاف سره على الي تباه

ابّها .... مثل اليا الي تحطها ... حط شده وريح نفسك

ههههههه


وبعدين جميع الطرق تؤدي الي روما وبعدين تراك واطي ٍ لك بيت الي هو غايبها

[ناصر القزلان]

الى مني سمعت اللي يحب المدح والتطبيل = رفعت النفس عن بعض العرب ماني محاسبها
أكيل الكيله اللي ماعرفها غير راع الكيل = والى من العرب عيت ترى مانيب غاصبها

[ناصر القزلان]

طيب .. يالطيب .. فاتت علينا هذي ..

لكن عدلناها .. لاتشيل هم ..

[ناصر القزلان]

اخوي .. عكاش ..

تشرفت بأن أكون أول من يلعب معك ..

لكن الليل سرى يالغالي .. النوم صرعنا .. والصلاة ورانا ..

العذر والسموحه ..

سيكون لي معك لقاء آخر باذن الله ..

تصبح على خير ,,,

[سعودعبدالله]

الله الله


صحت قلوبكم يا شعار ابدعتوو وامتعتووو


لله دركم


وتراني في صف عكاش ترجيبن به في قسمنا قسم المحاوره من غير مهونه في ناصر القزلان



مرحبا يا عكاش والليل

[عـــكـــاش]

عذرا على التاخير والإطاله الجهاز مش مضبوط ...

استلم استلم يالذرب...


مدام إنك سمعت الطبل يالقزلان روح وميل=على فكره ترى كل اللحى من دون واجبها
ليا منه نقص بنك نزيد البن بن وهيل=عسى بعض العرب ياصاحبي تحمي شواربها

[عـــكـــاش]

حياك الله ياسعود عبدالله .

اي والله شجعني توي عليمي وجديد بعد عندكم ....

لاتتركني يالقرم ..

ولاهنت يالقزلان وتشرفت باللعب معك ...

وتصبحون على خير جميعا ً


تقبلو تحياتي

[ربح السبيعي]

مرحبابك ياعكاش في منتداك وبين اخوانك



وصح لسانك يالقرم على البدايه التي تنبي عن وجود شاعر متمكن



وصح لسان ناصر على الرد الوافي



ماسك الصفين

[عـــكـــاش]

ابقاك الله يالسبيعي ....


وهذا شرف الي ان اكون احد شعراء غرابيل ...

صح بدنك ولاهنت يغالي ..

تقبل تحياتي

[عنيده]

هلااااااااااااااا بعكاش انا بصفك اكيد مايبغى لها كلام