ابلعب بس طرقي طويل>>>>>>>محاوره

[محمد بن دحيلان]

السلام عليكم



وودي اخذ سجه بالمحاوره

الرد مفتوح للجميع



سلام رديةٍ براقها لا ناض صوبه تحيل = يجذب هل الشعر صوبه والقوافي يجذب اجزالها
ذلليل .. ذلليل .. ياشعار ابلعب بس طرقي طويل = يالله عسى به عميلٍ ينقض المعنى على جالها

[طيف الوله]

هلا والله بالسهلي

ماشا الله عليك ناوي الشعار كل ابوهم طيف وبعدها سهم ثم عشق والحين بانتظار من؟ وين الكايد وين شقرا وين منيف ؟؟

وين البقيه ؟

يالسهلي وش رايك تكون المحاوره مجموعتين مجموعه بقيادتك ومجموعه بقيادة عشق او سهم


وانا بشجعكم من المدرج:p

بانتظار من يحاور السهلي :confused:

[محمد بن دحيلان]

هلا يالطيب

مساء الخير

لا انتي منتي راعيت مدرج;)

الميدان ويالله نقدرك

يالله خذي بيلة شاهي وحاولي تردين

وباقي الاخوان فيه ابرك اللي بيلعب الله يحييه
عجلو:rolleyes:
تقبلو تحياتي

[فالح الشلوي]

سلام رديـةٍ براقهـا لا نـاض صوبـه تحيـل
يجذب هل الشعر صوبه والقوافي يجذب اجزالها
ذلليل .. ذلليل .. ياشعار ابلعب بس طرقي طويل
يالله عسى به عميلٍ ينقض المعنى علـى جالهـا

****************************************
يامرحبا بك يامداوي القلب والقــاف العليـل
شفــــت القصيــــده وجيتك ناصي كبار اهوالها

يالله عســــى بالحضـــور اللي للمعـــنى يشيل
وان دحــدروا للــردى نــرقى الجبــــال طوالها



اخوي محمد عساني بس على نفس اللحن لاني حاولت اللحنها ماجت معي

تحياتي لك

[طيف الوله]

هلا والله بالسهلي تاخرنا عليك بغينا بيالة شاي قالو مافي خلص الشاي

تنفع القهوه؟؟:mad:

ابشر بالرد والباقين يشاركون السهلي قال المحاوره مفتوحه لا توهقوني معه وتتفرجون خصوصا اني ما عرفت للحن ولا للبحر اللي يكتب عليه بس بحاول :o





حياك ربي عد ما هل المطر وعداد مجرى السيل


.............................بلعب معك يا شاعرٍزاد القوافي جمالها


الشاعر اللي من الشعر جانا ببحرٍ مستحيل


............................لكن نحاول والعذر للقافيه ومن قالهاااا

[محمد بن دحيلان]

وعليكم السلام

هلا بالهديل نورنا في مروورك

الهديل قصيره ابياتك شوي مهوب الحن

وزنك صح وبس لحنك غير مهوب الحن اللي قلته


طيف لاتدققين تصير كثير:p

المهم لاهنتي في مروورك يالطيف

بس انتي مثل هديل

ماجبتي الحن

الحن اطول شوي من اللي قلتوه

تقبلوا تحياتي

اخووكم

[طيف الوله]

يالسهلي عندي لك راي

وش رايك تسجل الابيات بصوتك وتغنيها لنا نسمع لحنها ثم نرد عليك:mad:

مالها الا كذا ههههههههههههههههههه

[أبوعبدالرحمن]

سلام يا الشاعر اللي ينظم القيفان ماهو بخيل
............ يهندس الكلمه اللي يبطي العرّاف ما قالها

لو تصعب اليوم ما تصعب على شاعر مثل ( عشق ليل )
........... هات القوافي نبا الليلة نشيل اللحن بطوالهـــا

[محمد بن دحيلان]

ياسلام ياعشق


استلم



دام البقا يالعميل اللي على وزن القوافي دليل=يالله عسى يا عميلي طرقتي ذلليل تحتالها

دربي طويلٍ واحب النيه البضا وعاف البخيل=شف المعاني وميز دقها ياعشق وجلالها

[طيف الوله]

الله الله الله

عشق ليل حضر اذن الجميع سيلتزم الصمت للاستمتاع بالتقاء عشق والسهلي


لو تصعب اليوم ما تصعب على شاعر مثل ( عشق ليل )
........... هات القوافي نبا الليلة نشيل اللحن بطوالهـــا

لو تصعب اليوم ما تصعب على شاعر مثل ( عشق ليل )

لو تصعب اليوم ما تصعب على شاعر مثل ( عشق ليل )

لو تصعب اليوم ما تصعب على شاعر مثل ( عشق ليل )


وانا اشهد

[أبوعبدالرحمن]

الله الله


استلم


نسهر مع القاف واللي يمر من عند القوافي يشيل
....................... يا صاحبي زانت الليلة مع الجمهور لا شالها

يا السيل هات المعاني اللي تخلي الحرف فالشعر سيل
...................... طابت لي الليله ,, الليله وطاب بشوفتك فالها

[محمد بن دحيلان]

فزتك حلوه ولاكن يا عميلي شفت نطقك ثقيل=رمعتك دون الهدف مع ان مثلك يعرف اكيالها


ياعشق يا عشق اشوف البرق يغري حضرتك والمخيل=شووف البضايع وركز لا ياغرك صوت دلالها

[محمد السبيعي]

مَرَرْتُ فأُعْجِـبْـت فـســلـَّـمـت فقط .


ماأطـْيـَبـْـك يا وقتنا خليتني أشوف علمٍ جميل=شفت المطر والعرب غرقى ببطن السيل برحالها
يوم أظلمت قامت العربان في العتمة تخم وتشيل=ماتدري إن المساري في الغداري تندب رجالها

[ااالامبراطور]

ماأطْيَبْـك يـا وقتنـا خليتنـي أشـوف علـمٍ جمـيـل
شفت المطر والعرب غرقى ببطن السيل برحاله
ماأطْيَبْـك يـا وقتنـا خليتنـي أشـوف علـمٍ جمـيـل
شفت المطر والعرب غرقى ببطن السيل برحالها
ماأطْيَبْـك يـا وقتنـا خليتنـي أشـوف علـمٍ جمـيـل
شفت المطر والعرب غرقى ببطن السيل برحالها
ماأطْيَبْـك يـا وقتنـا خليتنـي أشـوف علـمٍ جمـيـل
شفت المطر والعرب غرقى ببطن السيل برحالها
ماأطْيَبْـك يـا وقتنـا خليتنـي أشـوف علـمٍ جمـيـل
شفت المطر والعرب غرقى ببطن السيل برحالها
ماأطْيَبْـك يـا وقتنـا خليتنـي أشـوف علـمٍ جمـيـل
شفت المطر والعرب غرقى ببطن السيل برحالها
ماأطْيَبْـك يـا وقتنـا خليتنـي أشـوف علـمٍ جمـيـل
شفت المطر والعرب غرقى ببطن السيل برحالها
ماأطْيَبْـك يـا وقتنـا خليتنـي أشـوف علـمٍ جمـيـل
شفت المطر والعرب غرقى ببطن السيل برحالها
ماأطْيَبْـك يـا وقتنـا خليتنـي أشـوف علـمٍ جمـيـل
شفت المطر والعرب غرقى ببطن السيل برحالها:confused::confused::confused:

[طيف الوله]

الله الله الله

متابعه لكم حتى النهايه

روعه اجتماع السهلي وعشق فعلا دروس مجانيه لكل من اراد ان يتعلم الشعر

وساكون اولى التلاميذ واحجز مقعدي لاتابعكم واتعلم منكم خصوصا ان هذا البحر بالنسبه لي صعب

لكن ابشرو بس اتعلم هالبحراكتب في نفسي معلقه مدح على نفس الوزن واثبتها:p

[قوت القلوب]

صح الساااااانكمممممممممممممم مم
:confused:

[أبوعبدالرحمن]

الله الله

استلم يامحمد ,,

واعذرني لاني بطلع من النت الان

والشباب موجودين وماهم مقصرين

وكان لي الشرف يوم حاورتك



نظمي على الوزن والمعنى كمل ما رحت أنا للبديل
............................... اخترت أنا سدرةٍ ما يوصل الشعار لظلالهــــا

ما مال رمحي وانا ما اعتدت في القيفان اجاوب بميل
............................... والخيل بالسبق ما تعرف سوى من طيب خيالها

[عاشق الحزن]

<<<<<<<< حجز مع طيف الوله في الصفوف الاولي

[فالح الشلوي]

لو كبرت الغيمه وارتفعت بالسما عالي اشتد الهديل

0000000000000وطــبع القــوافي وافيــه حتى لو تكاثرت حمولها


تطحن لحونك يامحمد طحن القهوجي للبن والهيل

00000000000000والشمس لا بانـت فرحنـا وقلـنا يازين اطــلا لها

[محمد بن دحيلان]

استلم طال عمرك


مدام رمحك على ماقلت يشفي ضرمتك والغليل=سود السحايب ترى يا صاحبي ماهزة اجبالها

من قال اباكل بثنتين الايادي ما يعين حصيل=ام الكباير على مافات لا يغريك خلخالها

[محمد السبيعي]

بـَيـَّـض الله وجيهكم جميع ، وجمــّــَل حـالـكـم ، لـقـد اسـتـمـتـعـت بوجودي بينكم .
واسـمحـوا لي أن اودعـكـم ،،


سهيل ما فيه نجمٍ في السماء غيره يسمى سهيل=والأرض ربي معاقبها وزاد سهيل زلزالها
ياسهيل تسلم على طول الزمن وأنت الرفيع النبيل=ليت الثريا تغـِّرد لك مع الـِّسـبَّـع ترى أشوى لها


مرة أخرى شكراً للشاعر الرائع / محمد على هذه الدعوة العامة التي امتعنا بها .

أخوكم / محمد السبيعي

[محمد بن دحيلان]

عشق ليل الشاعر صح السانك ولاهنت

محمد السبيعي جزاله وحَبْـك معاني ماهي غريبه عَـلـَيـْه
صح ابدنك ولاهنت على المروور الطيب



تحياتلي للجميع