انا سلم سلام ٍ من هجوسي بطلق الشعار ،،،، صناديد الرجال اللي ينومسنا مقارعها

[سعيد بن دلهم]

السلام عليكم ورحمة الله وبركاته


انا سلم سلام ٍ من هجوسي بطلق الشعار ،،،، صناديد الرجال اللي ينومسنا مقارعها


انا شوف المجامل مايفيد الناس ياشطار ،،،، ماتطلع لو تحط صورها ولا تطلعها

[خالد الشليخي]

وعليكم السلام والرحمه
يامرحبا ومسهلا اخوي سعيد
صح لسانك وفرحنا بقدومك
واسمح لي بالرد ومجاراتك دام عزك




هلا يامرحبا بالتاجر اللي شرّف التجار=تراحيبٍ تدلّه قلب قايلها وسامعها
ترى كثر المجامل ما يسوّق سلعة السمسار=تبور السلعه اللي ما تبيّض وجه بايعها

[السنافيه @]

وعليكم السلام

هلا
سعيد بن دلهم حياك وصح لسانك


خالد الشليخي صح لسانك انا في صفك

[سعيد بن دلهم]

مرحبا ياخالد وحيالله السنافيه

وسمحوا لي على التأخير خلووووووووهاااااااااا

استلم ياخالد

انا عرفك مخضرم ياشليخي ماعليك اغبار ،،،، لكن اعرف مقاصد صاحبك ولا تطبعها

صحيح الطايره ماساقها الا الكابتن الطيار ،،،، وترى بعض العرب لو قابلتنا ماندلعها

[خالد الشليخي]

ياهلا بالسنافيه .. صح بدنك ومرحبا بك في صفي
مرحبا ياسعيد ومسموح .. صح لسانك واستلم




يقولون السفينه مالها إلا دبرة البحّار=وانا اقول السفينه عاتيات النود تقلعها
نبي ناخذ علومك من بعد غيبتك والاسفار=عسى ما ضاع لك بعض الودايع يا مودّعها

[سعيد بن دلهم]

خلووووووووووووووها

استلم ياخالد

اناعرف اليمين ايمين واعرف اليسار ايسار ،،،، لاكن اهل الطبايع ماتخلت عن طبايعها


علومي الصور اللي نشاهدها مع لاخبار ،،،، اذا تمت على مجامل بعضها جيت اسنعها

[خالد الشليخي]

اسلم اسلم



تقدم للهدف وإخذ الفشق والبندق أم عيار=وإذا زانت لك الرميه تركّد لين تقذعها

انا بنشدك عن حلقة مسلسل عنتر وغوّار=وألا شين الوجيه الغبر والموجه وذايعها

[سعيد بن دلهم]

الله الله


استلم


انا لامن رميت ارمي وحول بالهدف جهار ،،،، وكم روس ٍ عنيده عاندة راسي وطوعها


انا لولاك ياخالد ومثلك عفت انا اهل الدار ،،،، اضروس ٍ في طرفها سوس والقلاع قالعها

[خالد الشليخي]

الله لا يهينه



دخيلك لا تورّد لك علوم ٍ تلفت الانظار=وإذا كبرت ملفات القضيه من يراجعها ؟
ترانا ما لحقنا شك فيكم يا حماة الجار=عسى تفداك قوم ٍ تخلف الهقوه روابعها

[الرويحـــي]

صح السانك ياسعيد ابن دلهم
ولاهنت على هالمحاوره والابيات




ابو خلود

ياسلام عليك انت
ماكنت موجود والا كان تلقاني فالصف

صح السااانك مليوووون يالجزل

وبيض الله وجهك على هالابيات


تحيااااتي لكم