الطارف من الشعار

[سعد الغنامي]

السلام عليكم ورحمة الله وبركاته

الطارف سديد من الشعراء





سلام ردة خير تبرابها الذمه = من شاعرٍ دايم علومه على الديني
ياهل العلوم الغانمه يالله الهمه = لاحدٍ يقول ابطيت ماعاد يمديني

[ربح السبيعي]

مرحبابك يالغنامي



صح والله لسانك يالقرم على هالبدايه الطيبه



ننتضر الشاعر المقابل

[البــــــواردي]

وعليكم السلام ورحمة الله وبركاته واستلم يا شاعر



من شاعر يارد ويشرب من الجمه= يا مرحبا ترحيبة تعجب العيني
حث المطيه والهدف عالي القمه= خل الفتيله تشتعل بينك وبيني

[عواض المالكي]

اسلم اسلم ياسعد ...



متابعين


وبقوه

[البــــــواردي]

الليل سرررررى وين راح الشاعر الله لا يهينه

[سعودعبدالله]

سلالالالالالالالالالالام


وياسلالالالالالالالالالال الام


سعد الغنامي وبدايه قويه


صح لسااانك يا مبدع


البواردي


مرحبا بك وحياك الله تحيات المطر بين اخوانك



وصح لسانك على الرد الكاااايف




متابع متاابع لكم يا مبدعين



وتراني في صف البواردي جهرا والعين ترا



الليل



الليل

[ملاك الشعر]

ياسلام عليكم

صح لسان الشاعر سعد ووصح لسان الشاعر البواردي


متابعه

[ملحق المخلين]

سعد الغنامي


صح لسااانك على البدايه الطيبه


البواردي


صح لسانك وحييت



متابع

[سعد الغنامي]

عذرا اخوي بس بين تنزيلي للبيوت وبين ردك ساعتين ونصف تبيني اقعد انتظر رد من يرد .التوالي الها والي طال عمرك
واستلم :



اثر اليماني مايجنب عن الشمه = يختارها ويجنب الخوخ والتيني
ابواردي مير الهدف رميك يزمه = ام الفتيل استبدلوها بمرتيني

[البــــــواردي]

معذور يا خوي سعد ووجهة نظر سليمه واستلم



اثر الصعيدي يختلف ذوقه وشمه= طبيعته ما يبخص الزين والشيني
ابواردي والذيب الاسحم نثر دمه=اليا رمى له رميةً تقضي الديني

[البــــــواردي]

ربح السبيعي وعوض المالكي حياكم الله ارحبو









سعود عبد الله صح بدنك ومتابعتك وحضورك مكسب لا عدمناك ولا صرت في صفي ازهل ازهل
ويا زين الفزعه اللي تجي جهراا والعين ترى هههههههههه





ملاك الشعر صح بدنك وحياك الله يا النشميه




ملحق المخلين صح بدنك والله يبقيك ,,,,, ويحيك وارحب

[سعد الغنامي]

الشكر الجزيل لكل من مر من هنا

وعطرنا بطيبه

واستلم يالبواردي:


المشكله في طاولة مجلس الأمه =اقل حاجه ودي بعضو يوحيني
تغاضو عن الكسره لصالح الضمه = اذنٍ بها عجين واذنٍ بها طيني

[البــــــواردي]

استلم يا سعد الغنامي


ماكل من جا العد يمتاح من فمه=والناس ما تجهل هدير البعاريني
فالخاتمه ما ضر ابو زيد من ذمه=والمدح ما اظنه يعشي هل الضيني

[السنافيه @]

فالخاتمه ما ضر ابو زيد من ذمه
والمدح ما اظنه يعشي هل الضيني

فالخاتمه ما ضر ابو زيد من ذمه
والمدح ما اظنه يعشي هل الضيني

الله الله

ياحييه



البواردي انا في صفك مادمت الاقوى

[البــــــواردي]

السنافيه مرور السعد وعلى اسمك سنافيه وصاحبة فزعة مشكوره وصفي يسعد بك

[سعد الغنامي]

استلم يالبواردي :



صدقت لكن للممات اعصب العمه = نبي نحطك في صفوف المفاديني
والخاتمه تبي تضوي لك مطمه = ياشاعرٍ يعجبك صوت المغنيني

[البــــــواردي]

استلم يا سعد الغنامي



ما احداً يثاري غير في خاله وعمه=والذيب لو هرول ثبت فالمياديني
لا تعترض للسيل ما تقدر تزمه=تبغى السلامه عد روس الضلاعيني

[ربح السبيعي]

ياسلام على الابداع



صح لسانك ياسعد الغنامي وصح لسان البواردي



محاوره قمه وروعه



واصلو وانا متابعين

[سعد الغنامي]

استلم يالبواردي:


انا احسبنه نمس واثره درعمه = اضرب ثنين بواحد الناتج ثنيني
اللي يبي يرتاح يرتاح عند امه =فالطرقه اعرف منهو اللي يخاويني

[البــــــواردي]

استلم يا سعد الغنامي


الصيرمي ماتاق لمرافق الرمه=اللي من افضال العرب جاله ابطيني
داب النفود يموت من غيضه بسمه=يرجم بسبع احجار مثل الشياطيني

[البــــــواردي]

صح بدنك اخوي ربح السبيعي واشكرك على المتابعه

[سعد البراق]

سعد الغنامي


صح لسانك وعلا شانك


------------------

البواردي


صح لسانك وعلا شانك


-----------------

كل شوي تقولون والخاتمه


ولا عينا خاتمه


اللعب يزيد ويحتمي ههههههه


متابع لكم وبقوه

لين تقولون الخاتمه المسريه

[سعد الغنامي]

ارحب ياربح وارحب يا اسامه

متابعتكم له نكهه خاصه


واستلم يالبواردي :


موج البحر لاهاج ماحوله يطمه = عينت باخرت السلام الثمانيني
وانا ليا شفت الولد نافذٍ كمه = اقول له تعوّذ من الشياطيني

[البــــــواردي]

استلم ياسعد الغنامي



راكب سفينة نوح واثق ولا همه =ماضاق صدره من صفير الغلاميني
ام العبيد احيان ابو غانم تخمه=ودواه عند مرجحين الموازيني


(الشياطيني ساااريه )

[البــــــواردي]

صح بدنك يا اسامه سعد والخاتمه اللي وردت في الابيات لها دلاله اخرى وحياااك ولك منا الشكر على المتابعه

[الصقر البرازي]

سعد الغنامي


البواردي


صحت الالسن والقلووب



وانا في صف الشاعر البواردي مع الترصد وسابق الاصرار او الاصرار وسابق الترصد <<<<<<<< ضاعت



لكم التحيه

[سعد الغنامي]

البواردي تشرفت باللعب معك اخوي

وانت شاعر يشار اليه بالبنان


وعذرا على تكرار الوقفه مانتبهت لها الا بعد مافات الفوت وانتهت اخاصية التعديل

والشكر موصول لكل من تابع اللعب

دمت كما تحب والى لقاء آخر انشاء الله


تحيه عطره للجميع

[البــــــواردي]

الشاعر الرائع : سعد الغنامي

الشرف لي طال عمرك وشهادتك اعتز بها وصح لسانك ياسعد

وبالنسبه للوقفه ماعليك جل من لا يسهو

والله يعطيك العافيه على المستوى الراقي الذي قدمته وتقبل شكر اخوك البواردي

[البــــــواردي]

صح بدنك يالصقر البرازي واشكرك على حضورك وانضمامك لصفي