|؛¤ّ,¸¸,ّ¤؛|لايمكن العثور على ملقم |؛¤ّ,¸¸,ّ¤؛|

[سيف العدالة]

لايمكن العثور على ملقم

الملقم

تعريفه

ماهو الملقم

هذا الملقم

الي غاثنا وبالقوة بعد

مدري وش سالفته كل مافتحت صفحة طلع لي لايمكن العثور على ملقم

طيب وش اسوي وين ألقاه هالملقم وش بلاه كارهني أنا وصبر داري عنا من ديرة وحدة

ومرة يطلع الملقم مشغول يعني وش سالفة أهله بالله يوماً ماهو ماوجود ويوماً مشغول وأحنا بعد

بنقهره ولما نتصل على النت نكتب مشغول واليوم طلع لي خطأ في الملقم

يالله يعله من ملقم علة كبد حاط دوبه دوبي أنا وجارتي

ياصبر تعالي فشي خلقك هنا بالملقم

تعالي نحش فيه ياعساه العلة

تعالي نعرف الملقم

هو شيء لرفع الضغط وهو خطير على مرضى القلب وننصح من مصاب بالسكر الأبتعاد عنه

لأنه قد يؤدي بحياة المصاب الى النهــــــــــــاية في أسرع وقت

لذا ننصح من لايستطيع العثور على الملقم بشرب ماء مع الملح لترطيب الحلق

وأكل خبز يابس وشرب قرفة بالتفاح حتى تبرد أعصابه ويفكر بالطعم وينسى الملقم

ثانيا إذا اصبح الملقم مشغول لاتتصل عليه عشان ماتزعجه أكييييييييييد هو قاعد يتمنذل في عرب غيرك

وكل شوي يقول لايمكن العثور عليه تدرون يروح يدشر أخذت رجله على الهيسه

ثالثا إذا طلع لك خطأ في الملقم هذا الله يسلمكم يمكن طبيتم في ملقم أجنبي ومستحيييييييييل يخدم العرب

لذا غث الملقم هذا كل شوي

ملااااااااااااااحظة ::

كل ماذكر أعلاه نتيجة لعدم العثور على ملقم فلا تشرهون علينا أنا وصبر

[نبـض]

عندنا وعندك خير

يختي حتى انا اشتكي منهhttp://www.cheesebuerger.de/images/more/bigs/a032.gif

وش نسوي له هالملقم..عاق الله يصلحه:زعلان:


تعالي بس وانا اختك نشوف وش عندكhttp://www.cheesebuerger.de/images/smilie/liebe/a010.gif



لايمكن العثور على ملقم

الملقم

تعريفه

ماهو الملقم


لغه: كلمه تتكون من اربعة احرف...ميم ولام وقاف وميم===ياسفابي يالذهينه يرحم امتس انقلعيhttp://www.cheesebuerger.de/images/smilie/boese/e080.gif
اصطلاحا: ورقه بيضا منقّشه بالخطوط السوداء تظهر عندما تريد ان تفتح موقع..وعندها تنفلت اعصابك وتشطاط غضبا==لااحد يسألني وش معنى تشطاط منعا للاحراجhttp://www.cheesebuerger.de/images/smilie/boese/g035.gif




طيب وش اسوي وين ألقاه هالملقم وش بلاه كارهني أنا وصبر داري عنا من ديرة وحدة

خلّك اكبر منه ولاتحطين عقلك بعقله...الحقران يقطع المصران..احقريهhttp://www.cheesebuerger.de/images/smilie/boese/e060.gif




ياصبر تعالي فشي خلقك هنا بالملقم


حتى انا بفشه معاكم...صار كوره مهوب خلق:11ccer:


عموما

والله هالملقم عاهه على مجتمع النت...:زعلان: ..قسم بالله واحد ماينعطى وجهه...طيب..دام انه بيطلع لي..على الاقل يطلع لي عربي مو انجليزي لعل وعسى نقعد نقرا وش مكتوب فيه ونتسّلى..لكن صدق اللي قال شين وقوي عين...مدري الاخ شايفني دارسه بنيويورك والا كندا والا مدرسة الثامنه والعشرون بالخبر؟؟===آخر وحده خلوها لي ذي:11ctor:


مااقول الا الله يهديه بس


مشكوره حبيبة البي بغداااااادووووووووووووو:11o ud9:


مرور عالسريع

بتكون لي عوده:wink:

ط
ط
ط
طحياطي
نبووضه









ب

[سعود]

بغداد والله انك صادقه


يقول مشغول


انا ادري مين شاغله


<<== يشك في نجلاااااء


واحياناً يقول لم يتم العثور عليه


وبحثت عنه في كل مكاااان للاسف لم اعثر عليه



رحت واعلنت عنه في جريدة الرياض والجزيرة والشرق الاوسط



وان شاء الله يعثرون عليه



مشكور اختي بغداد على طرح هيك موضوع يهم المواطن والمقيم



تحية عطرة

[سيف العدالة]

اسمعوا هو مشغول يمكن ظروف وزوجته طاردته من البيت

ولا مسكين توي لقيته يبكي

ويقول زوجتي قوية تطردني وعشان كذا أنا مشغول

[نور بني تميم]

ودي اشوف المقلم واعيطه 10 بوقساااااااااااااااااااات ..................<<<<<متأثرة ب جاكي شان.....................:11owoff:
والله والله والله قاهرني ......
والله مزديه فيه<<مقديه فيه<<<<يعني يستاهل ماجاه من السب
<<<<<محششه :واو:
يسلمموووووووووووووووو عالموزووع النااااااااااااايس

[صــــبر]

ياربي يسعدك ويصلحك هالحين من غير ماهو قاهرني تروحييين تسوين موضوع فيه هالخبل ياعسااااه المرض !!! ألحين يصدق حاله ويقفل معنا ياعسل .


ولا وأنت الصااادقه ياعسل قال ايه مشغووووول جداً !!!

إحباط البرنامج النصي

لا يمكن العثور ولا خطأ في الصفحة


وصار يتفنن برسايله ياعسااااه العله ... زووود ماهو قاهرني


لا تصفح زين ولا نعرف نكتب رد ولا نرسل ولا نبارك ولا نشارك ولا نلعب ولا نشحذ ولا نشتكي ولا نتثقف ولا نطبخ وياربي رحمتك بس ..


وشوتات على كيفك برااااااااااااا وياخوفي اسمي واسمك ِ يابغداد على قائمة الممنوعااات من الدخول لغرابيل !!


شيء ولا في أفلالام الرعب صار هالملقم !!!


لي رجعه كتبت هالسطرين وأنا مقهوررره من هالملقم الخبل !!!



أرووح أتسلف إتصال من هنا ولا هنا لعل وعسى !!!

[عذوووق]

لاتحشووون فيه


مااخذين رراحتكم تكلموون بغيااابه


<<<<<< تمصلح معه




والحااال من بعضه يالغلا :زعلان:


اختك / عذووق

[صــــبر]

لو كان هالملقم رجلاً لقتلته


بغداد الأمجاااد يابنت الأجووواااااااااااد


هاه بشري عسى تم العثور عليه ولا جار البحث عنه هالمصرقع !!!

[سيف العدالة]

ايها العرب

ايها الناس

نبض القصيد

سعود

نور الكون

صبر

عذوووووق



هل من مجيب هل من منقذ من من مغيث

يامغيث أغثنا ومازلنا في انتظار هذا الملقم

ولكن اين يذهب هذا المقلم الداشر خوف الله انه يتصرمح في الأسواق وتركن العربان يبكون ويشكون هنا

ويصيحون وباأعلى الأصوات يامغيث اغثنا

[الأنامل الذهبية]

ياجعل هالملقم الفقر

وانتي الصاجه مادري وش فيه حاط حطه على خلق الله

والعالم الله انه غرور وتكبر يابغداد

ماعليه خليه الحين

لكن مرده يرجع ويستسمح الهيس الاربد

خخخخخخخخخخخخخخخخ

بغداد هالملقم داء لم يوجد له دواء لانه شبيه بالاحمق

ماسمعتي بالبيت اللي يقول

لكل داء دواء يستطب به الا الحماقه اعيت من يداويها

الشاعر هنا يقصد الملقم بالحماقه

لاتساليني كيف المعنى في بطن الشاعرتبين تعرفين عطيه مس كول

ويعطيح العلم الغانم ..

هع هع هع هع

دمتم لمحبيكم
:
:
أختكم /أنامل

[صــــبر]

ياجعل هالملقم الفقر

وانتي الصاجه مادري وش فيه حاط حطه على خلق الله

والعالم الله انه غرور وتكبر يابغداد

ماعليه خليه الحين

لكن مرده يرجع ويستسمح الهيس الاربد





ياربي يسعدك يالطيبة

أنااااامولوووووووووه <<< ياعماااااااااااااااااااار

هو اللي مخلينا ولا يبينا شكله هالملقم

حلوووووه

الهيس الأربد

يستاهل ماجاه وأزوووود بعد أحد قاله يسفهنا