][ لــوحــات شــاعــريــة ][

[جواهر عبدالله]

بسم الله الرحمن الرحيم

السلام عليكم ورحمة الله وبركاته

هنا أٌقدم لكم فنون اللوحات الشاعرية .. بريشة شعراء وشاعرات غرابيل ..

لوحات شاعرية .. تحمل بين طياتها أجمل المشاعر الراقية

تأملات في صورة .. ثم إبداع راقي .

http://www.sfsaleh.com/vb/upload/1662312177.gif

[جواهر عبدالله]

صورة معبـّرة
لامرأة بلغـــت خريف العمــر في لحظــة تأمــل
بعثناها لعدد من مبدعين غرابيل للتعليق عليها ..

http://www.al-wed.com/pic-vb/764.gifhttp://www.al-wed.com/pic-vb/764.gifhttp://www.al-wed.com/pic-vb/764.gifhttp://www.al-wed.com/pic-vb/764.gif

http://www.sfsaleh.com/vb/upload/274456774.jpg

http://www.al-wed.com/pic-vb/764.gifhttp://www.al-wed.com/pic-vb/764.gifhttp://www.al-wed.com/pic-vb/764.gifhttp://www.al-wed.com/pic-vb/764.gif


يالظلام اللي يتسآءل ينتظر للصبح نور=هو بقى للشمس باقي والصبر قرب يمل
آه يا صبر الكراسي والوعد مليان زور= والشتا بوجه العرايا ناوي ٍ سيفه يسل
ما دريت ان الثواني يمكن بلحظه تثور=كنت اظن ان انتظاري يلزم الغيمه تهل
ما بقالي غير صوتي يقتله مليون سور=ما بقالي غير لحظه بعدها موتي يحل
[ الشاعر / فايز آل بذال ]

http://www.al-wed.com/pic-vb/762.gif


ارعديلي ياعيوني ونثري دمع الغرايب = وغسليلي صورة ام الصوره اللي حزنتني
حطت اليسرا على الكرسي تبا ريح الحبايب = وابعدت نظرة عيونن من نظرها ذكرتني
ذكرتني ياجواهر من تحت هاك النصايب = امي اللي ياجواهر ليتها ماوادعتني
الزمان ان قلت داير والشباب ايصير شايب = والليالي مع بلاها مع بلاها حيرتني
[ الشاعر / محمد الروقي ]

http://www.al-wed.com/pic-vb/762.gif


يا جدتي ماهو بهذا مكانك =واللي خلق قدرك على الراس من فوق
من فيض حبك نرتوي من حنانك =الله يا مـحـــلاك يـا أعــز مــخلــــوق
وفيك الأصالـه من عراقة زمـانك=حتى تجاعـيد الــزمـن بك لهــا ذوق
من بين أحفـادك أنا اللي عشـانك = أربع بيوت أسوقها للغــلا ســــوق
[ الشاعر / زيد العتيبي ]

http://www.al-wed.com/pic-vb/764.gifhttp://www.al-wed.com/pic-vb/764.gifhttp://www.al-wed.com/pic-vb/764.gifhttp://www.al-wed.com/pic-vb/764.gif

[جواهر عبدالله]

كل إنسان وله زاوية معينة ينظر من خلالها للأمور ...
وبما أن للشاعر حس مرهف ... لاشك أن له نظرة خاصة متفردة كل التفرد ...
لنتعرف على رؤية شعرائنا لصورة مؤلمة عرضناها عليهم ...

http://www.sfsaleh.com/vb/upload/277932869.jpg

،

،


سكة قطار ووردتين على الأرض=اتفقن الثنتين مرة على الموت
بعد انتحار الحب بالطول والعرض=مصير كل الورد يموت بسكوت
[ الشاعر / مفرح بن مناحي ]

http://www.al-wed.com/pic-vb/762.gif

سكة القطر الحديدي أحضنت غالي الورود=مدري من جور الليالي أرتمى بأحضانها
يالحديد الصلب يمكن فيك دقة بالوعود=والزهور تموت حسرة لا جفوا خلانها
[ الشاعر / حمد الأسمري ]

http://www.al-wed.com/pic-vb/762.gif

اخـــر بقــايـا رحلتـك باقـة ورود = يوم افتراق الدرب ضيع خطاويك
يوم الدمــوع تعانق عيونك السود=منديلك الـورده وشوقي يناديك
يشهد عليك الورد وكفوفك شهود= لو انتظرت شوي يمكن اخاويك
[ الشاعر / فالح الشلوي ]

http://www.al-wed.com/pic-vb/762.gif

وردة ٍ ما قدروها واشلعوها من المناجع=لون وجهي مثل لونه بعد ما صارت يبيسة
لاتنادي للمهاجر هقوتي ماهوبراجع= ليه يرجع لك مدامك اول اسباب النحيسه
قصتي فعلا مريره ما تلملمها مراجع=دمع وافراق وشجون وحالةٍ غبرى بئيسة
ودعيني يالليالي واقبلي سر الفواجع=واسمحيلي يالقوافي وزن والمعنى نقيسه
[ الشاعرة / نوض سدير ]

http://www.al-wed.com/pic-vb/762.gif

علي سكة قطار جنيف لندن=رميت الورد يومك تطعنيني
تزوجتي لك تاجر وساكن=بوسط اجنيف لا ويضئ تبيني
انا ون جيت من ذيك الاماكن=بلاد المصطفي ما بيع ديني
[ الشاعر / عبد الرحمن الغطفاني ]

http://www.al-wed.com/pic-vb/762.gif

أقفى بعد ما أعلنت له زود حبي= ولو هو بكيفي والله إني ماخليه !!
أقفى وضيع مابقى لي وربي =غصبن عليَّه يوم ابرحل واجافيه!!
أقفى بعد ماأهديتله ورد قلبي =ادري طريقي موحشٍ مير بامشيه !!
[ الشاعرة / راحلة بسـ ـ ـ ـ ـكات ]

http://www.al-wed.com/pic-vb/762.gif

[جواهر عبدالله]

اختلفت المعاني .. واتفقت الألوان ..
لوحة رسمها الشعراء بنبضاتهم .. فكل شاعر له ألوانه الخاصة .. وذوقه الذي ينفرد به عن غيره ..
حياة قد تكون مليئة بالتعاسة يراها كل متأمل لهذه الصورة ..

http://www.3tt3.net/up4/get-1-2008-y7u938at.jpg (http://www.3tt3.net/up4)

وشعراء غرابيل تفننوا بتلوين هذه اللوحة كلُُ على حسب نظرته الخاصة ..

http://www.uaekeys.com/fwasel/www.uaekeys.com81.gif

الشاعر / علي الأسمري ، ومرزوق العطاوي ، وجارح الكسر .. اتفقت ألوانهم على ريشة التفاؤل فرسموا لنا لوحة مليئة بالقناعة والرضى بما كتبه الله عز وجل ..

خلّوني ارتاح وأعبِّر عن اشْعوري=تعبت في وحدتي من قسوة الدنيا
اراقب الوقت وأرقب حسّ دافوري=والعالم الله من يرحل ومن يحيا
العيشة الفارهة ماهي بمنظوري=مير انّ ربي رزقني شيّ يسوى أشيا
مرتاح في وحدتي..وأقنع بمقدوري=وقناعتي طامنة..لو نظرتي عليا
[ الشاعر / علي عبد الرحمن الأسمري ]

لافيه لازحمه ولايوجـد ازعـاج=هوىٍ عليل ويطرق البيت والبيت
في وقته اللي فات ابه فلت حجاج=لياتخيلتـه بـدووووره تمنيـت
دوره وقت اهله لهم بالنقا تاج =صفا قلوب وصف مافيه تشتيت
[ الشاعر / مرزوق العطاوي ]

بعد التعب من شقة النور شغااااال=بين السواقي والنخل والفلاحة
رجعت لعيالي وفي يدي شوال=وأخذت من زود العنى قسط راحة
نايم بلا هم وغرابيل وأهوال=صافي نقي قلبي طهر من جراحه
أسمع جهاز الراديو ويش ينقال=والقدر يكفيني و لو به شحاحه
[ الشاعر / جارح الكسر ]

http://www.uaekeys.com/fwasel/www.uaekeys.com81.gif

والشاعرين / ظافر السهلي ، وزايد الروقي .. لونا اللوحة بألوان الفقر والحرمان الذي قتل آمال الكثير من المسلمين بلا ذنبٍ اقترفوه ..

الدهر لو يرحم اللي ما يطيق العيِشه=مجتمع فقر وعجـوزٍ مالهـا ذريـه
أنطوت بين السنين العوج مثل الريشه=فارقت غصن الحياه وعيِشة الحريـه
[ الشاعر / ظافر سعيد السهلي ]

تعال واكتب صرخة الحزن و الويل =اكتب طعون الفقر و اكتب حياتـي
هذا فراش الفقر صبحي مع الليـل=غير الاثير و موجته وش غناتـي؟
اكذب على دنياي يـا هـدة الحيـل=وابخر الماء من حـرارة شفاتـي
ما يحتظن فقري نفيلة هـل الجيـل=غير اليمين الـي تغطـي عباتـي
[ الشاعر / زايد الروقي ]

http://www.uaekeys.com/fwasel/www.uaekeys.com81.gif

واتفق الشاعر / محمد مساهج ، وفايز بن ماجد ، وعبد الناصر العالي ، والشاعرة / لين .. على رسم اللوحة بريشة الأسى الذي يجتاح كل أم تخلى عنها أبناءها بعد هذا العمر !!

لي ثـلاث شهور وأنا أطـبخ الحـزن بـ...سـؤالي =و أنثر الملح / السنين .. و حيرتي ( بقدر ) أنتظاري !!
ليه غابوا .... و أتركوني بـ..هالعمر أبقا ..لحالي=تـطـحـن الـوحـده أبتساماتي ... و يعـجني أنكساري
ما بقا .. إلا ( الراديو ) يسألني عن نخوة عيالي..= وينهم ؟!! ... و تقـص له دمـعـه .. حـكايـة حـلـم عاري
وينهم ؟... لا بارك الله بـعـجزي اللي ذل غالي !!=شاب صوتي .... وهذا هو آخر فصل و ( أسدل ستاري ) !!
[ الشاعر / محمد مساهج ]

آآآه مااقسى هالزمن مايرحم القلب الحزين=لا ونيس ولاجليس الا المدامع والمآسـي
والعجوز اللي بها بانت تجاعيـد السنيـن=من شقاها بس تسأل وينهم هم وين ناسـي
اتركونـي للعـذاب وللسهـاد وللأنيـن=من قساهم ماارحموني وآنا بلحالي أقاسي
[ الشاعر / فايز بن ماجد ]

بعد السنين وبعد زهـرة شبابـك=امسيت بين الناس محدٍ درى عنك
حتى عيالك انكـرو طـق بابـك=ماكنهم ياوالـدي قطعتـن منـك
[ الشاعر / عبد الناصر العالي ]

خبريني يالزوايا عن شقا مـر السنيـن =عن نهايات البداية عن تفاصيل الحكايا
الوكاد الوضع بيّن لو بغيتـي تشرحيـن =قمة الإهمال صارت يوم بدلنا النوايـا
هذي أم ٍ كم عطتنا من حناياها الثميـن =تنثر الغالي لأجلنا ماتحسـب للعطايـا
ويوم كبرت وأدركتها نقمة العمر الحزين =كبرت اخطانا ورحنا وهي لاذت بالزوايا
[ الشاعرة / لـــيـــن ]

http://www.uaekeys.com/fwasel/www.uaekeys.com81.gif

أما الشاعر / محمد الروقي ، وسعيد الشمري ، ومهدي بن مسفر بن عليان .. فقد أختنقت عبراتهم بألوانهم عندما ذكرتهم اللوحة بحال المسلمين في بلاد الإسلام .. وحالهم في المعتقلات .. تحت أيدي لاهبة لا تعرف للإنسانية معنى !!

صورة تعبر عن مجاعة ونسيان=ام (ن) وحدها مابقا من ترجاه
راحو ضحايا حرب في حرب الافغان= واخر سجين اب قونتنامو ترجاه
يالله يامعطي ويارافع الشان= جيش العين ابلير مع بوش تمحاه
ويصير من نقصان يمشي للنقصان= مع طول ايادينا وقصر(ن) بيمناه
[ الشاعر / محمد الروقي ]

الزوايـا كلهـا حـزن وسكـون=بين مذياع العجوز وصوت نـاره
ارقـدي ياسيـده مـل الجفـون=الزمن كلـه مشاويـر وخسـاره
وش سمعتي في جهازك من جنون=وايش سوى الظلم باطفال الحجاره
والعراق اللي على العالـم يهـون=احتضر وانهد تاريـخ وحضـاره
[ الشاعر / سعيد الشمري ]

خـلـونـي ارتـاح عن هـمـي ولـو ســاعـه=لأخـبار عـبـر الاذاعـــة اشـغـلـت بـالـي
الـنـار كـنـها بوسـط الــقلـب ولاعـــه=والـقـدر يـغـلـي عـلى الـكـولـة من الصالـي
مـا جـاه جـانـي وعـمري صـفـط اشـراعـه=واسـبــاب ذلـك كـثـر هـمي وغـربـالــي
[ الشاعر / مهدي بن مسفر بن عليان ]

http://www.uaekeys.com/fwasel/www.uaekeys.com81.gif

الشاعرة / الأسمى .. لونت لوحتها بألوان خاصة .. لم تستطع من خلالها تحديد أي لون بحد ذاته .. فرسمت لنا شقاء الأم الذي دفنته تجاعيد الزمن .. ليمحو لنا معالم الحقيقة !!

هي تنطر الغالي يجي او ترجي الي راح=هي تستعد لجيته او ترجـي حضـوره
ايامها ضحك وفرح اوهي بكى واتـراح=تتوسدالماضي غلا او تدمـع لجـوره
كنها مداين صالح وأفكـاري السيـاح=متناقضه حد الـ؟؟بلا حد هذي الصـوره
[ الشاعرة / الأســـمـــى ]

http://www.uaekeys.com/fwasel/www.uaekeys.com81.gif

تعبير فني .. من لون آخر .. انفرد به شاعرنا / حمد الأسمري .. لوحة مأساوية .. امتزجت ألوانها بقسوة الفراق .. والوداع القاتل ..

آه يمّه
كيف هذا الحزن من بعدك ألمّه
آه يمّه
مابقى بي من بعد فرقاك همّه
آه يمّه
ليش قلبك ؟!
ما تذكرني وحن
ليش وآنا
من غيابك عقلي جن
هو بعد تسعين عمري
ياحبيبي باقي سن؟
وآآآآآآآآآآآآآآه يمّه .

[ الشاعر / حمد الأسمري ]

http://www.uaekeys.com/fwasel/www.uaekeys.com81.gif

[جواهر عبدالله]

عندما يعلن الورد عن بداية الذبول .. عندما تحكي الرمال عن ألم غامض ..

ورد بأشواكـ .. ودبلة لفظت أنفاسها على رمال الغربة ..

صورة تحمل معاني عديدة .. لونها الشعراء والشاعرات بألوان مختلفة .. كلُُ على حسب ريشته الخاصة ..

http://www.sfsaleh.com/vb/upload/39344926.jpg

للوردة التي تجلت في صحراء الصمت .. شاعرتنا القرينية تكتب :


وردة ظماها الشوق في صحرا الأمطار=ترجي عسى قطـرة نـدى ترتويهـا
تصبر على شح الزمـن مابـه ادرار=حتى كساهـا الشـوك فـي جانبيهـا
مابين شمس(ن)تشرق الناس باجهـار=ومابين ظل(ن)حابـس الخـوف فيهـا
خاتـم زمنهـا كـل ماحولـه غبـار=مايمنعـه كـود الخـطـر لايجيـهـا
يالله عسـاك تبـدل الحـال بـاقـدار=وتصير (وردة)في حمى اللـي يبيهـا

http://www.al-wed.com/pic-vb/16.gif

عندما يشكي الورد .. ويبكي بقلم شاعرنا زايد الروقي :


خل الورود الـي لهـا عطـراً يفـوح=تشكي على( محبس) يدينه بالاوجـاع
تحكي بصوتً حاويه هـم و جـروح=و يبكي عليه الوقت و يشهد له القـاع
كيف الزمن وقف لنا الصّمت و ميروح=لو تقنعه ما راح صمتـه و لا طـاع
الشـوك ينتـج للغـلا و رد ويبـوح=بأن الحلا يا نـاس لـه لـون ميـاع
ناظر حبوب الرمل من كفهـا ينـوح=يحفظ اثرها من غلاء زيـن الاطبـاع

http://www.al-wed.com/pic-vb/16.gif

شاعرنا محمد الشمراني تصور حالة إنسانة تجرعت مرارة الهجر من حبيبها فرمت الورد والدبلة لأنه لا يستحق حبها :


الله يا صحرا... الظما الله يا......برد الهجيـر=الله على حب (ن) رميته فـي مهبـات الريـاح
اعطيتك احساسي وروحي والمحبـة والظميـر=ما كنت اظن انك تجازينـي بتجريـح الرمـاح
ياهاجري خذ دبلتك خذ باقـة الـورد الوفيـر=دام ان حبك ما احتواني ليه تطلبنـي السمـاح
لا .. لا تحاول تعتذر جرحك على قلبي كبيـر=رضيت هذي دنيتـي والـدار بالبيـد الفسـاح
ابغيك يا ذيب الفلا تاوي على القلـب الكسيـر=ذيب البشر مصدر عذابي مثخن (ن) في الجراح

http://www.al-wed.com/pic-vb/16.gif

شاعرنا .. ابن البادية لون اللوحة بألوان الوداع والذكريات المريرة :


ليش الوداع الله يجازيك قلي=ليتك مكانك ماتركت الي ذكراك
ماتدري انه من كذا وش حصلي=يامنزل(ن) خاتمك من كف يمناك
حطيتلك وردة غرام(ن) اتحلي =مجلاسنا مع حلو ضحكة محياك
واليوم جيت وشفت ياعين هلي=على عشير (ن) عاف حتى هداياك

http://www.al-wed.com/pic-vb/16.gif

الشاعر سعيد العمودي .. وذكريات ندية قبل أن تذبل الوردة :


تذكر زمان التلاقي كانت الورده =يقطر نداها برغم الشمس والصحرا
ايام كان الهوى واللين والشده =ايام كان الظلام يموت بالقمرا
واليوم هذا مكان الهجر والصده =خذ خاتم الحب قبل البعد والمسرا
واذكر حبيبك لانه كان في وده =يودعك قبل ماترحل مع البكرا

http://www.al-wed.com/pic-vb/16.gif

[ مخاليب الأشواكـ ] هكذا عنونت الشاعرة العنود أبياتها :


يا ورد لاتامن مخاليب الأشواك=في بيدتن يصليك حامي لهبـــها
اي متصل بالساق والجذع وياك=ينهش بساقك لين يبقى حطبها
ياورد في سمّه وبلواه جازاك=تارك لهوب الصيف يشوي رطبها
مير الله الواحد ولا اظنّ ينساك=وذكراك خاتم والبيارق نصبــــها

http://www.al-wed.com/pic-vb/16.gif

شاعرنا ناصر الجعيدي صور قمة العذاب التي تسبب بها الورد لنفسه .. مع بعض الأمل في اللقاء :


أثـر العـذاب يعـذب الـورد يـاشـوق=من يوم شفت الشوك لاوي جذوعه
عـذاب فـي جذعـه ولكـن مـن فـوق=هبّت هبوب الصيف واللون روعـه
الله جمـع ورده وخاتـم مـن الــذوق=والعـالـم الله بـعـد فـرقـاء ولـوعــه
كنها تذكرنـي علـى شـوف مخلـوق=واحساسي انها شامنه لي رجوعـه

http://www.al-wed.com/pic-vb/16.gif

واقع وظروف تحكيه الصحراء .. وحلم لقاء وارتباط اتضح من الوردة .. ونتيجة لتلكـ الظروف يوضحه سقوط الدبلة ليكون هذا النزف مع شاعرنا محمد مساهج :


الصوره اللي تعـبر عـن نهـاية حلم =ورده و صحرا و دبلة حب مرميه
أحـلام لكـن هـوت بـالـواقـع المظلم=اللي علي أنقاضها غني ( وداعيه )
أحباب عانوا من اللي يعشقون الهدم=عذال خطوا ... بوجه الوصل مرثيه
والناتج ( الدبله ) اللي تنزف بلا...دم=مـاتت و لكـن بقـت بالـذاكره ( حيه )

http://www.al-wed.com/pic-vb/16.gif

والشاعرة .. مشاعر حالمة جادت قريحتها بهذه الأبيات :


ورده وخاتم حب لجل المحبه= تذكار حبي والدليل الاساسي
يالله عساها تصير للود سبه= وتذكر اللي بالهوا صار ناسي
الصاحب اللي في خفوقي لعبه=واخذت من حبه كثير المآسي
اللي جرحني جرح محتال طبه=انشهد انه حيل ياناس قاسي
ياما نصحت القلب عيا يكبه= وياما سقاني سم في وسط كاسي
اغليه انا بالحيل والله واحبه= لبست حبه مثل مالبس لباسي
ورده وخاتم حب لجل المحبه= جاتك هدية حب ياتاج راسي

http://www.al-wed.com/pic-vb/16.gif

دبلة مرمية .. ووردة ذابلة .. وماذا بعد ؟! .. ومع شاعرنا محمد فراج الدوسري :


كأن الي رماهـا فـي دروب التيـه مايبالـي=وهي أبعد عليه من النجم وسط الضحى لو بان
بها شوكٍ تسوّرهـا وطوّقهـا وانـا الحالـي=أثرّها باقيٍ فيني وهم هـم وغبـن واحـزان
لقت من يحتفل فيها وقالـت لـي أنـا مالـي=ابوي واهلي وعاداتنا تاقـف علـى البيبـان
ياوين أحلامي الي ضاعت وياوينهـا آمالـي=تموت بطيش رعبوبه وانا دم والحم وانسـان
بسيطه يازمن آخـر زمـن افـراح تغتالـي=بكره او بعد بكـره تجيبـك حبكـة القيفـان
سواءً جيتي أو رحتي نسيتك أوعلـى بالـي=أبرمي دبلتك0 وردك ذبـل يالعنـة الأزمـان

http://www.al-wed.com/pic-vb/16.gif

ماذا تبقى ؟! .. فقط هي الدبلة تشكي للوردة قبل موعد الذبول .. ومع شاعرنا علي عبد الرحمن الأسمري :


مابقْي في وجه الزمن يا قسى الوقت=الاّ بقايا ورد وأنفاس دبلة
دبلة تقول اني طريحة ولا طقت=تشكي لوردة قبل تنزاح ذبلة
ارجيك يمكن ياالذي بالهوى ضقت=ترجع زمان وراجع الحب قبله
يمكن ليا فكرت فيها ترفقت=ترحم بقايا ورد..وأنفاس دبلة

http://www.al-wed.com/pic-vb/16.gif

بقايا نلملمها .. وذكريات تشتت وتلونت بالعذاب .. فراق مؤلم .. وضحايا وداع .. صورتهم لنا شاعرتنا المهرة :


من بقايا الفراق زهرة شبـاب=قبّلت وجه الثرا تحضن ترابـه
كانت اللقيا لها غيث السحـاب=واستباحـت للفـراق و للكأبـه
وخاتم الذكرى تلـون بالعـذاب=وارتمى بأرضه بعد عز ومهابه
"عمر ووصل"اثنين فوق التراب=هم ضحايا للمـوادع والرتابـه

http://www.al-wed.com/pic-vb/16.gif

فراق لم يكن بالحسبان .. انكسار لم يقتل حقيقة الحب .. ومع شاعرنا تراحيب الحربي :


كنت ساري يمها وابحتويها=وعن سوالف امس قدمت اعتذاري
كنت ماشي وكل مافيه يبيها=وكل مافيه يبي شوفة عذاري
جيتها غرقان فيهااا مهتويها=جيتها ساري بطوعي واعتباري
والحديقه صمت هادي يكتسيها=غير صوت الورق ولحون القماااري
طشت الورده ولاادري ويش فيها=واتركتني في ذهولي واحتياري
والحقتها الدبله الي في يديها=دبلت ن جتها بذوقي واختياري
هو تعمد تركها ولا نسيها=او نوى يخلي فؤادي من عااري
اتركتها نور عيني مايبيها=ولا يبى للحب ياهل الحب طااري
الهنوف الي قمرنا مبتليها=والسبب تاخذ من القمرا مواري
الهنوف الي فؤادي مهتويها=اطعنتني بالسيوف وبالشباري
اطعنتني اه منها وش عليها=واتركت ورده - ودبله000وانكساااااري
والحقيقه والصراحه امووت فيها=هايم ن فيها ولو طال انتضاااااري

http://www.al-wed.com/pic-vb/16.gif

أيام مضت .. وأفراح غابت .. ولم يتبقى سوى الذكرى .. وأيام عساها تعود .. ومع الشاعر فايز الماجد :


وردة تذكرّنـي بأنـثـى وحـيـدة=في وسط صحرا فاقده كل الاحبـاب
والدبلـة اللـي قبـل كانـت بأيـده=ماعاد تسوى من عقب فسخ الكتـاب
ماغيـر تدعـي ياعسـى الله يعيـده=ذاك الزمان اللي بكت سود الاهـداب
اصبحت انا من جور وقتي قصيـدة=في صفحة ٍ ضاعت وتبحث عن كتاب

http://www.al-wed.com/pic-vb/16.gif

وتعبير من نوع آخر صوره لنا الشاعر سعد الجميلي :


تـهـديـنـي الورده/ودبـلـةخـطـوبـه=وتخط لي فوق/ الرمل /بإصبعينك
توبه ماعاد /أشفق/ لطاريك توبه=هالحيـن تــوّك جاي؟ياقوّعيـنـك!!
وين أنت يوم الشوق يلفح هبوبه=فارقني /يرحـم جـدّك /أو.والدينـك
غـلاك عنـدي صارمثـل العقـوبـه=ماعادأبـي وردك /وخـاتـم يديـنـك

[جواهر عبدالله]

http://www.sfsaleh.com/upload/uploaded//medad.jpg

صورة تنكسر لها القلوب .. وتدمع لها الأعين .. صورة تحكي عن نفسها .. أبدع شعراء غرابيل في هذه اللوحة وتفننوا بتلوينها .. كلُُ بريشته الخاصة .. وبنزفه الرائع ..

http://www.uaekeys.com/fwasel/www.uaekeys.com78.gif


يـا بنـت لا تبكيـن كـفـي الدمـوعـي=يانعنبـو دمــع البـنـات الصغـيـرات
لـو كـان قلبـك يرتقـل فـي الظلوعـي=على الذي هالحين مـن ضمـن الامـوات
ادري بـأن المـوت صـعـب ويـروعـي=وادري بـأنـك فـاقـده غـالـيٍ مــات
تكفيـن قولـي لـي ليـا قلـت طوعـي=بأمـش دمعاتـك علـى فـايـتٍ فــات

[ الشاعر / ناصر مطلق البقمي ]

http://www.uaekeys.com/fwasel/www.uaekeys.com78.gif


الغالي اللي بوسـط القبـر تبكينـه-الله عسـاه بجنـان الخلـد منزالـه
أدري عجزتي ورب البيت تنسينـه=واكبر دليـلٍ وجـودك دايـم قبالـه
أكبر جروحي بدمع العيـن تحيينـه=وأصغر جروحي بشوفك ينتكس حاله

[ الشاعرة / الدندونة ]

http://www.uaekeys.com/fwasel/www.uaekeys.com78.gif


الله يرحمنا اذا صرنا لِـما صاروا إاليه=تحت الوطا وسط القبور خليّ ماغير العمل
الموت كلن ذايقه مار البـلا مـاذا يليـه؟=ياويل حالي ان مارحمني ربي بحسن الامل
وفرت دمعي ابكي نفسي دام لي دمعن أليه=وعسى الفرح في جنة الفردوس يلتم الشمل

[ الشاعر / محمد بن ضاوي ]

http://www.uaekeys.com/fwasel/www.uaekeys.com78.gif


وينك يبه ماجيت تاخذني البيت=ماهيب عاده يايبه ماتجيني
أنادي بصوتي ولا كنّك أوحيت=ليتك تشوف اللي ضمرت بكنيني
تبقى معي حيٍ ولو واقعك ميْت=لنّك مثل روحي وقلبي وعيني

[ الشاعر / راكان محمد ]

http://www.uaekeys.com/fwasel/www.uaekeys.com78.gif


يازمان الصمت جاوب صرختي=قل لابوي اني على قبره بكيـت
من رحل عني جفتنـي فرحتـي=انطفت شمعة حياتي وانطفيـت
عند عمانـي يتيـم وعبرتـي=فوق خدي من سمعني لو شكيت
ضاقت الدنيا أثقلتنـي شنطتـي=جيت خايف عند قبرك وارتميت

[ الشاعر / ناصر القزلان ]

http://www.uaekeys.com/fwasel/www.uaekeys.com78.gif


يمه ..يا يمه ..لييييييه ماتسمعيني=طفلك يتيم ومـن عذابـه يناديـك
يمه ..يايمه ..يم ..قبرك خذينـي=والا تعالي يمنـا قبـل مااجيـك
أرجوك أنا أرجوك بس احضنيني=تعبااااان وابغى ارتاح مابين اياديك
مالي أحد والناس محـدن يبينـي=من ظلمهم أبكي ولاقيل وش فيـك

[ الشاعر / فايز بن ماجد ]

http://www.uaekeys.com/fwasel/www.uaekeys.com78.gif


يالله ياجابر عزى كـل مسكيـن=ترعى يتيمن روعه جور الايـام
يبكي ابوه وخافقه فيه سكين=مطعون من وقته وتايه ومنضام
والوقت شين ولايفيد القريبيـن=محدن درى عن مايعانيه الايتام

[ الشاعرة / بنت الأمراء ]

http://www.uaekeys.com/fwasel/www.uaekeys.com78.gif


يايمه قومي يايمه دخيلك قومي شوفيني=تركت المدرسة لأجلك أحبك والله يايمه
يايمه ودّي أضمك يايمه قومي دفيني=يايمه ليه ماتردي يايمه ودي بضمه
أببكي لين ماتقومي يايمه قومي مافيني=أنا مافيني أتحمل فراقك زاد بي همه
يايمه كل هالعالم دونك مايكفيني=يكفيني يايمه لو حجر قبرك تبعثر جيته ألمه !

[ الشاعر / محمد السُلمي ]

http://www.uaekeys.com/fwasel/www.uaekeys.com78.gif


دفـاتــري ماتنسـيّـنـي حـنــان أمّـــي=أشـم ريحـة غـلاهـا داخــل أقـلامـي
من شوقهاجيت أضـم القبـر ياعمّـي=والدمـع غـرّق عليهاشنطةأحـلامـي
مسحت دمعة عيوني في طرف كمّي=لاكن من اللي يونّس وحشـة أيامـي

[ الشاعر / سعد الجميلي ]

http://www.uaekeys.com/fwasel/www.uaekeys.com78.gif


يا الآدمي لو تعتبر من ساكنين المقبـرة=تصغر بعينك دنيتك / يصبح هدفك الآخرة
نعيش بالدنيا ومهما طولت ما أقصـره=أيامنا تمضي بنـا كأننـا فـي باخـرة
الموت يأتي فجـأة ولا تحـدد أشهـره=يمكن محرم أو صفر يمكن رببع الآخرة

[ الشاعر / فهد محزم ]

http://www.uaekeys.com/fwasel/www.uaekeys.com78.gif


صوره تهز النفس والقلب تدميه=صورة طفل بالمقبره فيه علـه
قاعد على قبراً قبالـه ويبكيـه=بالله ياللـي تعرفـه روح قلـه
الموت حق وشخصك اللى تباريه=مايرجعه لو تنثـر الدمـع كلـه

[ الشاعر / هاني محمد السلوم ]

http://www.uaekeys.com/fwasel/www.uaekeys.com78.gif


يايمه اصحي ساعة واسمعيني=لاتتركيني تايهه ماعرف الناس
ضاعت على قبرك بقايا سنيني=جيتك طفولة يتم مملوكة الياس
وين الحضين اللي زمان يحويني=حضن الامومه كله كلها عطف واحساس
ياقبر ليه اتحول بينه وبيني=يكفي يتيمه واشرب الضيم في كاس

[ الشاعر / نشمي مقعد العتيبي ]

http://www.uaekeys.com/fwasel/www.uaekeys.com78.gif


طلعت من باب مدرستي وانا فاكر=يابوي انك مثل ما اعتدت ناطرنـــــي
وتذكر البال شي(ن)كان له ناكر=واستوعب العقل شي(ن) منك حارمني
وجيتك عيوني تناظر قبرك الحاكر=ما قدر اشوفك ولا تقدر تناظرنــــــي
في جنب قبرك غمرني جوي العاكر=ودموع عيني من الحسره تداهمنــــي

[ الشاعرة / ســـهـــر ]

http://www.uaekeys.com/fwasel/www.uaekeys.com78.gif


ياصـمـت دام الـصـوت مايلـحـق الفـوت = أنا أبوجهك تلحق أفوات همي
بعضي يعـزي بعضي بصمت وسكـوت = ألين ماضاقت أعـروقي بدمي
ياربي والـدمـوع شمـوع هـماله = من اللي بعـد موته صرت أنا أشكي له
وضعـته بالقـبـر والقـلـب يـبـراله = وروحـي يـوم تـمـشـي بـه تـبـاري لــه

[ الشاعر / منصور الرويلي ]

http://www.uaekeys.com/fwasel/www.uaekeys.com78.gif


ذكراك في بالـي ابـد ماتزولـي=حتى لو ظروف الحياه منعتنـي
يوم المدامع اوشكت للهطولـي=جيتك حزينه والدموع اغرقتني
حزني بعد فرقاك غيـر فصولـي=كن المحازن فالزمـان اقنعتنـي

[ الشاعر / عبد المجيد سعد ]

[جواهر عبدالله]

البر .. بهجة النفوس .. بعيداً عن ضجيج المدن .. خضرة ، ونضرة .. وآيات كونية تسر الناظرين ..

http://www.w6w.net/album/35/w6w_200505201631005997b0c9e160.gif

http://www.graaam.com/up/p2ic/737885c8b3.PNG

http://www.w6w.net/album/35/w6w_200505201631005997b0c9e160.gif


البر يغني عن هموم المدينه=الياازعجك نورالشوارع والاصوات
فيه ابتهاجات النفوس الحزينه=لاكثرت هموم الزمن والحسافات
تستاق له كل الصدور السجينه=بعيد عن صخب البلد والمتاهات

الشاعر / سعد الجميلي

http://www.w6w.net/album/35/w6w_200505201631005997b0c9e160.gif


البر زين وطلعته تبهج انظار=وانا حياتي عشقها في نظرها
الروض لاصار به نفلٍ وأزهار=يالبا قاعٍ امتلت من زهرها
يوم السحاب يمرّ وتهل الامطار=يسقي الرياض وترتوي من مطرها
ويرتاح راسٍ صجته كثر الاخبار=من زود كذبه مايصّدق خبرها

الشاعرة / مشاعر حالمة

http://www.w6w.net/album/35/w6w_200505201631005997b0c9e160.gif


ان ضقت فجّيت الخلا في موتري=لااشوف لي شارة ولا لوحة مرور
والى وقف غيري بنقطة عسكري=وقفّت بين البلّ والفحل الهدور
اسلى الحوار اللي بذودٍ مغتري=بين النياق يسير ويحنّ ويدُور

الشاعر / علي عبد الرحمن الأسمري

http://www.w6w.net/album/35/w6w_200505201631005997b0c9e160.gif


شـــوق بــــدوي ٍ كــــل مـاخـاطــره ضــــاق =أخـــــذ مـعـامـيـلـه بــســاقــة نــيــاقــه
ثـــم شـــب نـــار جـمـرهـا يـحــرق احـــراق =وســــوّا عـلـيـهـا الــلــي يـنـشــط مــذاقــه
فـنـجــال بــــن ٍ اشــقــر الــلــون بـــــراق =يـســوى الـوجــود ومــادخــل فــــي نـطـاقــه

الشاعر / منصور الحربي

http://www.w6w.net/album/35/w6w_200505201631005997b0c9e160.gif


والارض خضراء تبهج القلب ويريح=والبر جاهز للمكاشيت وبادي
كنه ينادي للمخاليق ويصيح=ياللي بوسط البيت وين انت غادي
عز الله انه يبعد الهم ويزيح=شوفه منى روحي ويبري فوائدي

الشاعر / هاني محمد السلوم

http://www.w6w.net/album/35/w6w_200505201631005997b0c9e160.gif


ياماحلا البران مع طلعة النور=والشمس توه ترسل الود وتجود
عند الدلال اللي تنادي هل الشور=اهل الكفوف الوافيه ريحة العود
ودارت سواليف تقل در منثور=والقاف حرك كامن الوجد بركود

الشاعرة / النوري

http://www.w6w.net/album/35/w6w_200505201631005997b0c9e160.gif


ياجاهلٍ كلمة البـر ويـش تعنـي=البر ماخوذ مـن كلمـة بريريـه
الوقت في ذكر حسنـه مايسعنـي=بالذات لاعـط روضـه بالعبيـري
فرصتك في هاذي الأيـام طعنـي=وانحاش عن سمع الأخبار المريري

الشاعر / سعد الغنامي

http://www.w6w.net/album/35/w6w_200505201631005997b0c9e160.gif


يوم الخميس لنا مع البدو منزال=مابين ريضان الحياء والمسيله
يوم استوى المقيال والفي مامال=والكيف طاب وحط بنه وهيله

الشاعر / وافي السبيعي

http://www.w6w.net/album/35/w6w_200505201631005997b0c9e160.gif


الـبر متعـة حزينِِ في ضمـيـره هـمـوم = يـفرج بـه الهـم واعتبره لمثـلي أعلاج
به يجد الشخص نفسه خص بين القروم= اللي على نفـس شفـه منهـجـه والمـزاج
راقـين باسـلوبهم يا طيبهم فالسلوم = ما هم مثل من مجـالسهم سـوات الحراج

الشاعر / مهدي بن مسفر بن عليان

http://www.w6w.net/album/35/w6w_200505201631005997b0c9e160.gif


حلالاه يابر تربع به الطرعات =بحزة شروق الشمس لحال دونه نو
وحلالاه ياتمر الحساء في لبن خلفات=وحلاله يالبن اليماني وقرص الضو
ودر العراب فيه طعم من النبتات=وخبرة نشاماء لا بد الشان ماصدو

الشاعر / محمد المحلكم

http://www.w6w.net/album/35/w6w_200505201631005997b0c9e160.gif


طلعة أسبـوع تعـادل فـعـيني سـنين=ارمي بها أعباء الحياه و نكدها
أرجع لذاتي و أكسر أصفاد ( روتين )=و أطلق عنان العين و أغسل رمدها
البـر جـنه .... و تـكتمل مـع قـريـبين =نعمة و جنه ... و تحتضن من قصدها

الشاعر / محمد مساهج

http://www.w6w.net/album/35/w6w_200505201631005997b0c9e160.gif


أنا بدوي وأحب طبع البدواة =والبر لي عنده معزة وقيمة
وان جا ربيع وصار عندي فضاوة = بفياض نجد ابني من الشوق خيمة

الشاعر / فايز ماجد

http://www.w6w.net/album/35/w6w_200505201631005997b0c9e160.gif

http://www.l22l.com/l22l-up-1/eecc67aa1b.png (http://www.l22l.com)

[جواهر عبدالله]

عندما يكون الدمع لغة التخاطب الصامتة .. هنا فقط يتحدث الألم .. وينزف الجرح .. فـ يفوق تعبير الدمع كل العبارات .. وهي التي لا تحتاج إلى ترجمة ..

رسالة لا تحمل هوية وطن .. تصل لأي مكان بلا حدود .. ولن يكون هناك أبلغ من دموع أخواننا في العراق وفي فلسطين .. أن وجدت قلبُ يعي ..

شعراء وشاعرات غرابيل .. تفننوا بتلوين هذه اللوحة الشعرية بريشة إبداعاتهم الخاصة ..

http://www.w6w.net/album/35/w6w_200505201631545997bd23b052.gif

http://www.l22l.com/l22l-up-1/44e0b3cbfb.png (http://www.l22l.com)

http://www.w6w.net/album/35/w6w_200505201631545997bd23b052.gif


على مد النظر ضاعت حروف الشاعر الموهوب = مثل ماضاعت حروفه مثل ماضاعت احلامه
ياكم مره لمحله نور في ليل وظلام دروب = واذا ماخانت حظوظـــــه ابد ماجادت ايامه
على كف القدر يمشي ولايدرى عن المكتوب =وعلى ليلاه نغمـــــــة احزانه من الهـــــــامه
[ للشاعر / محمد السليس ]

http://www.w6w.net/album/35/w6w_200505201631545997bd23b052.gif


ياللي غرامك بوسط القلب متكاثـر=ماتدري أني أحبك يـوم تهجرنـي
وش فيك تدعم شقاي وحظي العاثر=كنك على رحلة المكتوب تجبرنـي
تعال شف دمعي السكّـاب متناثـر=يمكن بعد ماتشوف الدمع تعذرنـي

[ للشاعر / فيصل العتيبي ]

http://www.w6w.net/album/35/w6w_200505201631545997bd23b052.gif


يامرّ طعم البعد في دمعة العين=في ذمّتي ما مثلها مرّ دمعة
من وقعها في جانب الخد سكّين=قد ذوّقت من قبلها القلب جرعة
باقي معاناتي لها لين ذلحين=وماعاد لي فيها طريقة وصنعة
حتى الصّبُر ملّيت قول الصّبُر زين=زدت العيار..وزادت العين دمعة

[ للشاعر / علي عبد الرحمن الأسمري ]

http://www.w6w.net/album/35/w6w_200505201631545997bd23b052.gif


يامل قلب (ن) راح وجهة غرابيل=يطري عليه اليوم تسعين طـاري
يانـور ياللـي بينـن بالقنـاديـل=نورك جذبني بعد ماكنت سـاري
ياسعود هات الكيف جيب المعاميل=ماتدري ان الروح والحال بـاري

[ للشاعر / وافي السبيعي ]

http://www.w6w.net/album/35/w6w_200505201631545997bd23b052.gif


هليّ يادمعه طالبك إيه هلّي= الصدر ضايق من تلاعيب الأيام
جالس محلي .لا.. ولاني محلّي= من سالفة العام قمت (0000) العام
أصيح بأعلى الصوت (ياوين خليّ)= وأعيش يومي بين همن والآلام

[ للشاعر / عبد الرحمن مازن العطاوي ]

http://www.w6w.net/album/35/w6w_200505201631545997bd23b052.gif


لاتذرف الدمع مابه شي يستاهل=ياهيه دمعك عزيز وهيبتك هيبه
ادري ظروفك تهد الحيل والكاهل=لكن بعض المواقف هم ومصيبه
ادري ولكن تبي تصعب علي الجاهل=يفسرالدمع من عينك ويفتيبه

[ للشاعر / سعيد العمودي ]

http://www.w6w.net/album/35/w6w_200505201631545997bd23b052.gif


حاولت أقرا ماوراهـا واراهـا=وقدرت افسّر وش هو اللي وراها
الصورة اللي كلها هم واحـزان=بنتاً تبي وقفة أصيلاً قراهـا..!

[ للشاعر / فايز ماجد ]

http://www.w6w.net/album/35/w6w_200505201631545997bd23b052.gif


خلي الدمعه بعينـك وأزعلـي ثـم أحضنينـي=وقولي انت إنسان قاسي كيف سميتك سمـوح
يالعيـون اللـي هدبهـا بالتسلهـم تبتلينـي=كفي الدمعه دخيلك .. وفضفضي .. كل الجروح
لو تعرفين بغلاتك وش كثـر إتعيـش فينـي=مايكفيك! أنك انتـي فـي كيانـي بأسـم روح
ياعذابي .. من دموعك جيت يمك وأسجنينـي=وأن طلبـت العفـو منـك لاتخليـنـي أروح

[ للشاعر / خالد عبد الكريم ]

http://www.w6w.net/album/35/w6w_200505201631545997bd23b052.gif


السالفه طالت وطالت وطالـت=والكل في نفسه يبي معرفتهـا
لاتحسب الدمعه حزن يوم سالت=ضاقت محاجر عينها واذرفتهـا
دمعه ماهي باغلى دموع ٍ تتالت=العين تذرف لو يديّك اطرفتهـا

[ للشاعر / نياف العتيبي ]

http://www.w6w.net/album/35/w6w_200505201631545997bd23b052.gif


الدمعة اللي حولت وحدرت =هل هي دموع الأنس والا التعاسه
الدموع اليا احدرت وانزلت=اما دموع الحزن والاالاناسه

[ للشاعر / هاني محمد السلوم ]

http://www.w6w.net/album/35/w6w_200505201631545997bd23b052.gif


دموع سالت بس ايش السبايـب؟=سالت وسال الكحل مع ناعم الخدّ
دموع عينه فوق خـده سكايـب=وحاله من الاحزان تالف ومنهـدّ
أقسى الدموع دموع فرقا الحبايب=الدمع يذرف دامه الحزن مشتـدّ
واصدق دموع الناس ادموع تايب=سالت دموعه يوم للربّ يسجـدّ

[ للشاعر / منور العوني ]

http://www.w6w.net/album/35/w6w_200505201631545997bd23b052.gif


لاينزل الدمع يالغالي علـى خـدك=طلبتك امسح دموعك وإنس منديلك
لو كان هالكون كله يالغـلا ضـدك=لا تعزف الناي مع جرة مواويلـك
" يارب " قلها من اعماقك ولا يردك=رب ٍ كريم ٍ يقوّي عزمك وحيلـك
يابخت بختك اقولـه أو مـن قـدك=لو كان دمعك ذرفته يالغلا بـليلـك

[ للشاعر / صالح المرزوق ]

http://www.w6w.net/album/35/w6w_200505201631545997bd23b052.gif


صراحه اني محب مشاهد الدمعه=حتى ول انها ماغيـر فالصـوره
يادمعة العشق مدري دمعة السمعه=انا ادري انك ماسلتي غير مجبوره
نزولك بهالطريقه يتلـف الشمعـه=لو ان بعض البشر ماينبلع سـوره
لكن ابا ادعي لك الله ساعة الجمعه=علك تصيرين بعد اليوم مسـروره

[ للشاعر / سعد الغنامي ]

http://www.w6w.net/album/35/w6w_200505201631545997bd23b052.gif


الدمعه اللي على خـدك تهـل وتسيـل = وش جابهـا يا حسين الـدل وش جـابهـا
ارجوك هـون على عينِِ هدبها كحيل = أخف كثر البكى يكـشف وش اسبـابـهـا
ويصير دمعـك روايه بيـن قالِِ وقـيـل= كـلمة مجـرب وجـاتك واحسب أحسابها
ويلزم تمـاشي زمـانك بيـن عـدلِِ وميـل= وقـال المثـل (أهـل مكه تعرف اشعابها)

[ للشاعر / مهدي بن مسفر بن عليان ]

http://www.w6w.net/album/35/w6w_200505201631545997bd23b052.gif


عينٍ تهل الدموع اليـوم معـذورة=ماالومها لو تجرّح خـد راعيهـا
الوقت هذا عصيب وشانت أموره=مافيـه عيـنٍ يجيهـا مايبكيّـهـا
دام العروبة بيدين الغرب مأسورة=وشلون تضحك عيون وحزنها فيها

[ للشاعرة / الدندونة ]

http://www.w6w.net/album/35/w6w_200505201631545997bd23b052.gif


هلّت الدمعة على خدّ الفتاة =يوم قالوا ربعها راحوا شديد
أصبحت من بعد لمّتهم شتات=من يجمّع شملها غير الحميد
الألم واضح وتخنقها أعبرات=دمع رايح يتبعه دمعٍ جديد

[ للشاعرة / مشاعر حالمة ]

http://www.w6w.net/album/35/w6w_200505201631545997bd23b052.gif

الايا دمعي الــباقي..
نشف حبري من أوراقي
وحلمي ضاع في همـي
وصــبري مـل...واشواقي
انادي كيف ما انادي
غريبه تهت في وادي
وذاب الصوت في فمي
وحزني فطّر أفوادي

[ للشاعرة / النوري]

http://www.w6w.net/album/35/w6w_200505201631545997bd23b052.gif


يا اللي تدور ما يضايقني = أجلها تكفى لحظة الفرقى
الدمع من فرقاك يسبقني = وحروفي من حزن الورق غرقى

[ للشاعرة / جواهر عبد الله ]

http://www.w6w.net/album/35/w6w_200505201631545997bd23b052.gif


عيون الوجد مع شوقي وعيني=تناديني و"تستنـزف "حنينـي
ملاها الدمـع والفرقـا بليـة=وليل الهم صايـر محتوينـي
وش ألي صار يادمعي تحـدر=وليه الشوق أنا دايم يجينـي
رغم حزني ورغم أللي أحسه=ورغم الدمعة أللي دوم فينـي
أنا قلبي عن الذكرى نهرتـه=ولوفاضت علي دموع عينـي

[ للشاعرة / أمل عبد العزيز ]