تسجيل الدخول

مشاهدة النسخة كاملة : قصيدة وردها


صالح محمد العنزي
22-11-2006, 12:21 AM
[ قصيده اتتني من قريب لي وهو الشاعر / خليل صقار العنزي

يقول



قم يانديبي يم صالح وقله = انّا بوقت اللازمه نرتميله

حلحيل كل امر معقد يحله = ينهيه ولغيره ابد مايحيله

هو سيفي اللي لاتضايقت اسله = ووقت الوازم ماندور بديله

ماني بمن يملك عماير وفله = ولو قل مالي ماعتبرها فشيله

بعض العفون كنوز تملك وحله = ولجل الريال تشوف نفسه ذليله


والقصيد اطول من ذلك ولكن هذا مااحفظه والقصيده قديمه نوعا ما



][/poem]
صالح محمد العنزي
22-11-2006, 12:23 AM
ورديت عليه اقول


يالله ياللي عندك العلم كله = بسمك بدا الشاعر تناظيم قيله

يالواحد اللي ضل سبعه بضله = في يوم مايوجد ظلال بديله

رب شفى ايوب من بعد عله = ورد الذي وجّهه على البيت فيله

هو حامي ابراهيم من حر ملّه = خلا اللهب برد وسلام لخليله

ارجيه رجوى اللي سجد خاضعله= ولاخاب عبدٍ ياملا يلتجيله

ومن بعدها جبت القلم والسجله = واخترت من قاف القصايد جزيله

قافٍ على معناه مافيه خلّه = مشيه عدال ولاحصل فيه ميله

من شاعرٍ بدع المثل عادتله = وقت الطرد تسبق هلا الخيل خيله

رد على اللي بالصدر شايلله = قدرٍ كبير من سنين طويله

الصاحب اللي صاحبه مايمله = رجلٍ تحلا بالخصال الفضيله

اهل المخازي جعلهم فدوتله = اللي فعايلهم تعيب القبيله

ارسل مناديبه بورده وفله = وعرفت انا مضمون شيٍ تشيله

ومطلوبكم ياصاحبي حاضرله = يوصلك المردور باسرع وسيله

تشكي من الدنيا وهي مضمحله = لازم بها المخلوق يعلن رحيله

مره تجيللك ضاحكه مسفهله = ومره تجيلك بالهموم الثقيله

مره يجي زرعك سحاب يبله = ومرات صبحك يختلط فيه ليله

قال المثل من سار دربٍ وصله = واقول انا مايوصل الاّ الدليله

محداٍ عرف للوقت مذهب ومله = في كل يوم يختلف في مديله

واللي يبي وقته يجي صافيله = تراه يطلب حاجةٍ مستحيله [/poem
بعيد المراميس
22-11-2006, 05:02 PM
الله الله صوت وصدى ولا اجمل

صحت السنتكم

وعز الله ردك وافي ياصالح

مـره تجيللـك ضاحكـه مسفهلـه
,,,,,,,,ومـره تجيلـك بالهمـوم الثقيلـه

الله الله بيت عن قصيده الله لايهينك

اكرر صحت السنتكم ولاهنتوا


تحياتي


اخوك
مقعد الدغيلبي
23-11-2006, 12:17 AM
أقوووووووووول
لله
درك ياصاااااااااالح
رد وافي من شاعر متمكن
---------------------------أرجيه رجوى اللي سجد خاضعله
ولاخاب عبدٍ ياملا يلتجيله
قاااااااال المثل من سار دربٍ وصله
واقول أنا مايوصل الا الدليله
كلاااااااااااااااااااام من ذهب
صح اللسانك مليوووووووووووون
يامبدع
تقبل تحياااااااااااتي
صالح محمد العنزي
23-11-2006, 10:54 AM
الله الله صوت وصدى ولا اجمل

صحت السنتكم

وعز الله ردك وافي ياصالح

مـره تجيللـك ضاحكـه مسفهلـه
,,,,,,,,ومـره تجيلـك بالهمـوم الثقيلـه

الله الله بيت عن قصيده الله لايهينك

اكرر صحت السنتكم ولاهنتوا


تحياتي



اخوك




بعيد المراميس


صح بدنك ولاهنت




اسعدني مرورك الكريم

دمت بود
صالح محمد العنزي
23-11-2006, 10:58 AM
أقوووووووووول
لله
درك ياصاااااااااالح
رد وافي من شاعر متمكن
---------------------------أرجيه رجوى اللي سجد خاضعله
ولاخاب عبدٍ ياملا يلتجيله
قاااااااال المثل من سار دربٍ وصله
واقول أنا مايوصل الا الدليله
كلاااااااااااااااااااام من ذهب
صح اللسانك مليوووووووووووون
يامبدع
تقبل تحياااااااااااتي


مقعد الدغيلبي



صح بدنك ولاهنت يالغالي



واشادتك بالقصيده فخر لي



تقبل تحياتي وتقديري
الصقر البرازي
23-11-2006, 11:28 AM
صالح محمد العنزي


عز الله انها قصيده ومن العيار الثقيل لفظا ومعنى وجزاله



وفيها من الحكم مايطرب له الحكماء





لك التحيه من \ الصقر البرازي
ربح السبيعي
23-11-2006, 01:22 PM
صح لسانالشاعر / خليل


وصح لسانك على الرد الوافي
صالح محمد العنزي
23-11-2006, 03:42 PM
صالح محمد العنزي


عز الله انها قصيده ومن العيار الثقيل لفظا ومعنى وجزاله



وفيها من الحكم مايطرب له الحكماء





لك التحيه من \ الصقر البرازي


الصقر البرازي


شكرا جزيلا لك على مرورك الفاضل واشادتك الكريمه التي افتخر بها



لكي مني كل موده وتقدير
صالح محمد العنزي
23-11-2006, 03:43 PM
صح لسانالشاعر / خليل


وصح لسانك على الرد الوافي



ربح السبيعي



صح بدنك يالغالي ولاهنت



تحياتي وتقديري