الصقر = البرازي قررررب جاي [الأرشيف]

تراحيب الحربي

21-11-2006, 11:40 PM

مسيت بالخير شاعرنا القدير حبيت اخذ معك طاررروق

استلم

ياالصقر لاحت بروق وزانت الهدة=والخرش قامت تذرى عن مخاليبك
لقيت وحده وحده مالها مدة=لاعل رزة نحرهاء في مقاضيبك

صالح محمد العنزي

22-11-2006, 12:50 AM

قريت قولٍ جميل ينظر رده = ياراعي القول ماوصلو مناديبك

مرسولك اللي بعثته ماوصل جده = حوّل على نجد وتحصل معازيبك

عذرا على التدخل وهو بقصد الملاطفه

لك مني كل التقدير والاحترام

اخوكم ابو محمد

تراحيب الحربي

22-11-2006, 01:16 AM

تسلم وحياك ومقبوله منك 00
والمعذره من الصقر 000
="

تراحيب الحربي

22-11-2006, 01:17 AM

المشكله الادارة انتبه من برج

صالح محمد العنزي

22-11-2006, 01:22 AM

تراحيب والله اني طلعت لاني ابطيت انتظر وغلبني النوم " وتخبر بكره دوام "

لكن قبل ماقفل الجهاز رجعت اعقب تعقيب اخير ولقيتك راد

ولعيونك ابلعب معك

وليتها من اول الليل

لحظات يالغالي

صالح محمد العنزي

22-11-2006, 01:25 AM

المشكله الادارة انتبه من برج

مافهمت يالغالي وبيوتك مالقيتها مادري هل الخلل في جهازي ام ماذا

عذرا اخوك جديد على الانترنت

ارجو التوضيح

دمت بود

تراحيب الحربي

22-11-2006, 01:25 AM

والله بناااااااااااااااااااااام ماشوف ياخوووك دوام بدري السموحه

صالح محمد العنزي

22-11-2006, 01:27 AM

والله بناااااااااااااااااااااام ماشوف ياخوووك دوام بدري السموحه

مسموح وجعلك ماتشوف شر

تصبح على خير

الصقر البرازي

22-11-2006, 06:07 PM

مسيت بالخير شاعرنا القدير حبيت اخذ معك طاررروق

استلم

ياالصقر لاحت بروق وزانت الهدة=والخرش قامت تذرى عن مخاليبك
لقيت وحده وحده مالها مدة=لاعل رزة نحرهاء في مقاضيبك

يامسهلا ومرحبا ياكبير ( الشعراء ) والعذر والله اني ماشفت الابيات الا هالحين

اهلن هلابك عدد تصفيقت الرده == يالشاعر اللي علوم الطيب من طيبك

هي من طيور السما ولاّ وسط بنده == وان كانت الثانيه ولّم خطاطيبك

تراحيب الحربي

22-11-2006, 11:16 PM

الله = الله
طيب طيب

استلم عندك00

بحر الخليج المسمى يابحر جدة=تعلم بغيبه وهو يعلم بعد غيبك

بنت المطر ماتعرف الجزر مع مدة=وش جابها للبحر وفنون اساليبك

الصقر البرازي

22-11-2006, 11:34 PM

استلم

وعلى عرسك

يالحربي انته تجيب الخير وتمده == وانته وكيلي وقل له وش مطاليبك

لو يطلب طويق مني والهدا اهده == وتزفنا ياتراحيب الهنا بجيبك

تراحيب الحربي

22-11-2006, 11:44 PM

الله الله ياصقر طيب طيب 00

وشلون يمي تمد العلم وتردة=وانا ياصقر السعد ماشي وغازيبك
ثم قلها تسترح والاشقر تكدة=من لعبها شاب رمشي وانت واشيبك[/poem]

الصقر البرازي

23-11-2006, 12:03 AM

استلم والظاهر ان زولها مهو لعبها هو اللي شيب الرموش

لا تنشد اللي طمع وش فيه وش عنده == والصيد في مخلبه وانت بمصاليبك

معذور من محزمه في وسطها شده == كلن طلب ودّها وبعين تسريبك

منيرة الحربي

23-11-2006, 12:25 AM

لا اله الا الله

الله يحوسكم

مثل بعضكم

الصقر البرازي

23-11-2006, 12:29 AM

الشاعره والساحره الكبيره بنت الامراء

مرورك شرف لي ولزميلي الشاعر تراحيب الحربي

وما نحن الا تلاميذ من تلاميذك الكثيرين

تقبلي ودي واحترامي

اسامي

23-11-2006, 12:30 AM

هههههههههههه

تراحيب وصقر

صحت الالسن

متابع لكم

واصلوااااا

تراحيب الحربي

23-11-2006, 12:32 AM

عندك واسطه انت الضاهر ههههههههههههههه المحاكم مافيها واسطات ههههههههههههههه

الصقر في مخلبه وانت امصاليبك0000 هذا الصحيح انت كاتب الصيد

دوووووك عندك

لو نتفق وا ن تعاهد نبعد الصدة=وشلون ياصقر كيف امن هناديبك
واقول معذور من صبرة وصل حدة=لا اتصحي الناس في جمرة مشاهيبك[/poem]

الصقر البرازي

23-11-2006, 12:45 AM

انا ياطويل العمر لي واسطه

واذا عندك كلام رح للقاضي

واذا خصمك القاضي مانت بقاضي

وتراني حاولت اضبط وزعل <<<<<<<<<<<<<مقرود هالعود

منه الشجاع الجري مصفوع في خده ==== من عقب ماهو يودي معك ويجيبك

الكل يركض وراه ويدعي لجده ==== وانا ضحكت وكشر ثم قال وش لي بك

الصقر البرازي

23-11-2006, 12:49 AM

الشاعر الكبير تراحيب الحربي

لي الشرف والله اني لعبت مع شاعر بحجمك

تقبل وافر التحيه وصادق الاحترام

من اخوك \ الصقر البرازي

تراحيب الحربي

23-11-2006, 01:05 AM

الله يستر منك انت وواسطتك 00هودناء 00اخر مرة فيها نعاندك نبي نزبط العلاقه 000
ههههههههه

شاكر ومقدر الله يطول عمرك

وتصبح على خير واتشرفت بالعب معك تسلم000

محمد الجبريني

23-11-2006, 01:25 AM

صحة السنتكم
ياشاعرين

متابع الله الله فاتتني

الحاااوره والمعاااني

الي ماابعدها

تحياتي

الصقر البرازي

23-11-2006, 01:32 AM

فارس المنتدى

محمد الجبيريني

مرورك شرف وربي

ولو انه متاخر شوي ههههههههههه

دمت سالما غانما ايها الفارس