محاورة خط بيني وبين مرزوق الغنامي

[سعودعبدالله]

السلام عليكم ورحمة الله وبركاته

هذه محاوره جرت بيني وبين مرزوق الغنامي وحنا جايين من الحجاز الى عفيف ولها فتره
وحبيت اعرضها لكم هنا من باب المشاركه والاطلاع في منتدانا الغالي

<<<<< مسجلهم كان خربان :biggrin:

البدايه كانت من زميلي الشاعر مرزوق الغنامي



يقول مرزوق






ياسعود غنّ و طنّش القيلـون=سرّ المعاني و امـش بالرّاحـه
إتكل على الله و ادحر الملعـون=وعطني علوم الصيف في الباحه




قلت






مرزوق دام انك عليّ اتمون=صندوق قلبي دوك مفتاحه
إصبر ولا بد الصعيب يهون=وتذوق رمّانـه و تفّاحـه




قال مرزوق






ماكلّ شيّ ٍ للعرب مضمون=الطيّب اللي يجني ارباحـه
اللي يبا التفّاح و الليمـون=يابعد مهجاده و مصباحـه




قلت






لاتقرّب الجمره من الغليون=يطير عنك الطير بجناحـه
البعد ياراع الهوى مسنون=ماهو مجرّد فلم في الواحه




قال مرزوق






كلّ ٍ يخمّ البيض في الكرتون=والجرح ماله غير جرّاحـه
زمان ٍ اقشر ماسح الطبلون=يزرق هل العادات برماحـه




قلت






مدام قلبك بالغلا مشحـون=تبا تجـدّد بكـره اجراحـه
ان طعتني جنّب عن المجنون=قـدّام لا يشغلـك بصياحـه




قال مرزوق






صقر النصافي مثل ابن لعبون=اثنينهم في البحـر سبّاحـه
حنّا نحبّ اللولـو المكنـون=لجله تسيطرنا على الساحـه




قلت






لا اوحيت لك فوق الغصون لحون=شارك حمام الورق فـافراحـه
حذراك حسّـاد الهـوى يـدرون=مابيـن جـدّ الوقـت و مزاحـه









ثم وصلنا وانتهت المحاوره وسلامتكم

[ملحق المخلين]

صحت السنكم




وعسى مسجلكم مايصلح





شعار مبدعين

[هداج تيماء]

يا سلاااااام



سعود ومرزوق وتجمّعوا عاد



وفي سيارة وحدة << والظاهر انها ونيت غماره والصفوف فالصندوق


هذي فيها قسيمة محاورة مع الخط وبدون ربط حزام الامان


عموماً صحت السنتكم وفيتوا وكفيتوا محاورة رووووعة

[الرويحـــي]

صح السانك ياسعود


وصح السان مرزوق


مشالله عليكم يالثنين
ابيات سلسه وجزله


واي شي يجي بينكم لاتبخلون علينا به



تحيااااتي لكم يالثنين

[اسامي]

يازقنكم يالثنين والله اني ما اشوف مثلكم

وصحت السنتكم وسلمتوااا

لعب على الكيف

[ربح السبيعي]

محاوره رائعه



صحت السنتكم ولاهنتو

[برج المملكه]

الله الله

محاوره قمه منكم يالطرفين

والله الله

وصح السنتكم يامبدعين

تقبلوا اعجابي ومتابعتي واحترامي

برج المملكه