سعودعبدالله
21-11-2006, 12:33 AM
السلام عليكم ورحمة الله وبركاته
هذه محاوره جرت بيني وبين مرزوق الغنامي وحنا جايين من الحجاز الى عفيف ولها فتره
وحبيت اعرضها لكم هنا من باب المشاركه والاطلاع في منتدانا الغالي
<<<<< مسجلهم كان خربان :biggrin:
البدايه كانت من زميلي الشاعر مرزوق الغنامي
يقول مرزوق
ياسعود غنّ و طنّش القيلـون=سرّ المعاني و امـش بالرّاحـه
إتكل على الله و ادحر الملعـون=وعطني علوم الصيف في الباحه
قلت
مرزوق دام انك عليّ اتمون=صندوق قلبي دوك مفتاحه
إصبر ولا بد الصعيب يهون=وتذوق رمّانـه و تفّاحـه
قال مرزوق
ماكلّ شيّ ٍ للعرب مضمون=الطيّب اللي يجني ارباحـه
اللي يبا التفّاح و الليمـون=يابعد مهجاده و مصباحـه
قلت
لاتقرّب الجمره من الغليون=يطير عنك الطير بجناحـه
البعد ياراع الهوى مسنون=ماهو مجرّد فلم في الواحه
قال مرزوق
كلّ ٍ يخمّ البيض في الكرتون=والجرح ماله غير جرّاحـه
زمان ٍ اقشر ماسح الطبلون=يزرق هل العادات برماحـه
قلت
مدام قلبك بالغلا مشحـون=تبا تجـدّد بكـره اجراحـه
ان طعتني جنّب عن المجنون=قـدّام لا يشغلـك بصياحـه
قال مرزوق
صقر النصافي مثل ابن لعبون=اثنينهم في البحـر سبّاحـه
حنّا نحبّ اللولـو المكنـون=لجله تسيطرنا على الساحـه
قلت
لا اوحيت لك فوق الغصون لحون=شارك حمام الورق فـافراحـه
حذراك حسّـاد الهـوى يـدرون=مابيـن جـدّ الوقـت و مزاحـه
ثم وصلنا وانتهت المحاوره وسلامتكم
هذه محاوره جرت بيني وبين مرزوق الغنامي وحنا جايين من الحجاز الى عفيف ولها فتره
وحبيت اعرضها لكم هنا من باب المشاركه والاطلاع في منتدانا الغالي
<<<<< مسجلهم كان خربان :biggrin:
البدايه كانت من زميلي الشاعر مرزوق الغنامي
يقول مرزوق
ياسعود غنّ و طنّش القيلـون=سرّ المعاني و امـش بالرّاحـه
إتكل على الله و ادحر الملعـون=وعطني علوم الصيف في الباحه
قلت
مرزوق دام انك عليّ اتمون=صندوق قلبي دوك مفتاحه
إصبر ولا بد الصعيب يهون=وتذوق رمّانـه و تفّاحـه
قال مرزوق
ماكلّ شيّ ٍ للعرب مضمون=الطيّب اللي يجني ارباحـه
اللي يبا التفّاح و الليمـون=يابعد مهجاده و مصباحـه
قلت
لاتقرّب الجمره من الغليون=يطير عنك الطير بجناحـه
البعد ياراع الهوى مسنون=ماهو مجرّد فلم في الواحه
قال مرزوق
كلّ ٍ يخمّ البيض في الكرتون=والجرح ماله غير جرّاحـه
زمان ٍ اقشر ماسح الطبلون=يزرق هل العادات برماحـه
قلت
مدام قلبك بالغلا مشحـون=تبا تجـدّد بكـره اجراحـه
ان طعتني جنّب عن المجنون=قـدّام لا يشغلـك بصياحـه
قال مرزوق
صقر النصافي مثل ابن لعبون=اثنينهم في البحـر سبّاحـه
حنّا نحبّ اللولـو المكنـون=لجله تسيطرنا على الساحـه
قلت
لا اوحيت لك فوق الغصون لحون=شارك حمام الورق فـافراحـه
حذراك حسّـاد الهـوى يـدرون=مابيـن جـدّ الوقـت و مزاحـه
ثم وصلنا وانتهت المحاوره وسلامتكم