واحد يانشاما

[الباشه]

اليكم مع التحيه


والطارف يسد



سلام الله سلام(ن) نقصره عن حاسد(ن) شمات=على كل الرجال اللي تشرفها فعايلها
اقول الوافيه ماجابها الا وافي المدات=واقول الناقصه معروفة(ن) ماني بقايلها

[سعد البراق]

الله الله

استلم يالباشه




هلا يا مرحبا ترحيب وافي وابرك الحزات = ليا من سقتها بالعرف ما نجهل دلايلها

علوم الطيب عند اهل الوفى يا راعي الجزلات = وانا رجال اعرف الناس حين اسمع مثايلها

[الباشه]

ولا عليك زود يانشمي




يدوم الك البقا والسالفه مابين دوك وهات=وانا اقول الطويله يالقصير مانت طايلها
تحزم لليال المقبله واللي بعد ماجات=اخاف احمولها ياصاحبي مانته بشايلها

[سعد البراق]

استلم



تهرج واستمع لي وانتبه تقرب من الزلات = وناظر بالسحايب والبروق اليوم خايلها
ولا يالشاعر الباشه من اي انته من الباشات = ترى ارجال الحمايل ما تخفى عن حمايلها

[الصقر البرازي]

اسامه سعد


الباشه


صحت السنتكم جميعا



ومتابعين الى اخر0000 رمق




لكم التحيه من \ الصقر البرازي

[سامي العتيبي]

استلم



تهرج واستمع لي وانتبه تقرب من الزلات = وناظر بالسحايب والبروق اليوم خايلها
ولا يالشاعر الباشه من اي انته من الباشات = ترى ارجال الحمايل ما تخفى عن حمايلها


الله الله



لاهنتوو


وأنا في صفك يا أسامه ولا يهون الباشه واصلوو واصلوو

[سعد البراق]

الصقر البرازي


صح السانك يالقرم ومتابعتك شرف لنا



-----------------------------------


سامي العتيبي


هلا بولد العم ، ويشرفني انك تمسك صفي يالقرم

[الباشه]

تنادي يالمنادي مير منهو يسمع الاصوات=وكيله وافيه والوافيه من يد كايلها
انا ربعي عداهم تعتبر في عالم الاموات=ونبا نتعب ليا جينا نعدد في عمايلها

[سعد البراق]

الله الله

استلم لا هنت




يا طيب الشاعر الي لا وزن ما ينقص الكيلات = يرقيها على قمة جبل بالعز نايلها
جمالك غفل لا مطرق ولا حلقه ولا عرقات = طرت لي هرجتٍ تزعلك ثم جبنا بدايلها

[الباشه]

انا اقول القبيحه والقبيحه مالها بالذات=ياكود اللي قبيحه ياعميلي في خصايلها
نكبت القاهره في حربكم يانور السادات=ولاتقدرتعدل ياقليل العرف مايلها

[هداج تيماء]

الباشه :

سلام الله سلام(ن) نقصره عن حاسد(ن) شمات
على كـل الرجـال اللـي تشرفهـا فعايلهـا
اقـول الوافيـه ماجابهـا الا وافـي المـدات
واقول الناقصـه معروفـة(ن) مانـي بقايلهـا

صح لساااانك يالباشه ولا هنت على هذا الابداع والمبدا الرائع

اسامه سعد :

هلا يا مرحبا ترحيب وافي وابـرك الحـزات
ليا من سقتها بالعرف مـا نجهـل دلايلهـا
علوم الطيب عند اهل الوفى يا راعي الجزلات
وانا رجال اعرف الناس حين اسمع مثايلهـا

صح لسااااانك يا اسامه سعد على هذا الرد الوافي الجزل

ولا يستغرب هذا منك ابداً فقد تعودنا منك الجزااااله


لا هنتوووووا

متابعين

[سعد البراق]

الله الله

واستلم لا هنت






ما دام الحمل في ظهر الجمل سر الجمل بسكات = وانا قدامكم بالعرف لا سقنا انتحايلها
ليا ِدكت مواقعكم بعد ما شِنت الغارات = اذاعتكم وكاد اليوم ما تنقل رسايلها

[الباشه]

تطيب معرفتك ياسامة


مثل قصيدك

وتشرفت بالعب معك



اخووووك

[الباشه]

هداج تيماء


سامي العتيبي


الصقر


مروركم تشكرون عليه

[سعد البراق]

الباشه


صح السانك يالقرم


تشرفنا بالعب معك ، ودمت بصحه وعافيه ،،،،