يا سلام الله سلاماً

[القنــّـــاص]

السلام عليكم :

,


يا سلام الله سلاما مثل نور الفجر=من سنا نوره نجوم السما ترجع ورى
كم سفينة حطها الموج في بطن البحر=تدري العربان والغافل اللي ما درى



,




ـ

[ربح السبيعي]

صح لسانك يالقناص


على هالطاروق الرائع والجزل



ننتظر الشاعر المقابل

[منيرة الحربي]

كان تبي ردي هاذا هو وكان ماتبي ردي انا اسفه على تدخلي

القناص



مرحبابك ياهلا صاطعه مثل البدر = لو قناص المسمي تذرا بالذرى


الله اللي قاسمه ياتينا يبن البشر = واعين فكري ويديني تلاعب بالثرى

[نبيل السلمي]

السلام عليكم :

,


يا سلام الله سلاما مثل نور الفجر=من سنا نوره نجوم السما ترجع ورى
كم سفينة حطها الموج في بطن البحر=تدري العربان والغافل اللي ما درى



,




ـ


مرحبا ترحيب وافي بعد راح الشهر=في محلن مايجي فيه العواني وقصرى
كم عيوناً ماتنام الليل واتعبها السهر=والعرب تدري وتسري مير اشوفه ماسرى


ولاتهون الشاعره بس حاس بيتها فيه اخطاء املا املائيه او انه فالتركيب والله اعلم وشكرا

[سعد البراق]

يا نبيل

تبي تكحلها وانا اخوك واعميتها ههههههههه


ترى ردك على القناص ما هو على اللحن وخاصه البيت الثاني


وبخصوص رد بنت الامراء من حيث اللحن فهو سليم



ملاحظة بسيطه كلمة ( المسمي ) ، والصحيح بدون ياء (المسمى)

[& مشاوير &]

مداخله بسيطه مع العلم اني مبتدي ولا احد يشره على التركيب او المعنى

مرحبا وان كان رديت لي كلي فخر &&&& وانته ابكيفك تشوف المزاج وما يرى
جاك ردي مرسله بازكى انواع العطر &&& يا امير القوم واعداد مابيع وشرى

[نبيل السلمي]

اسامه لاهنت تسلم على الملاحظه وشاكر لك واعتذر من الجميع

[القنــّـــاص]

صح بدنك واشكرك يا ربح السبيعي على حضورك والله لا يهينك
اشكرك يا اسامه سعد على حضورك وتوضيح بعض النقاط للاخوان ولا هنت


ثانياً ماهذا يا اخوان ويا اخوات كلكو عليًّه دناااا غلباااان هههه << امر محيًر وموقف لا احسد عليه .
صارت رباعية هذي بس على باب واحد .

انا يا اخوان ما ودي اجرح خاطر احد واستثنيه ولهذا استلموا كلكم والله اكبر عليكم

بنت الامراء /


يابدر وشلون مريت فالدرب الخطر=والبضايع نار والسوق غال المشترا
فيه ورد وفيه يالظبي سكة للجمر=أخذ الأيمن والحذاري تمرّ الأيسرا
/
/
نبيل السمي /


البقا مار السوالف لها بطن وظهر=عند كاتب عدل تكتب وعنده تنقرا
من يجيب المبتدا لازم يجيب الخبر=ويتوقف كلما شاهد النّور احمرا

/
/
مشاوير /


البقا مار العرب صابها جوع وفقر= كل عاقل قدم عينه يشوف المنظرا
مشكلتهم جات فالسمع مدري فالنظر=واعتدوا عدوان مقصود والله اكبرا


وارجو التوقف هنا لان هذي هوشه ثلاثه على واحد ولكم مني يا بنت الامراء ونبيل السلمي ومشاوير
الشكر والاحترام والاعتذار ان حصل قصور وصح لسان كل واحد فيكم

ملاحظه مهمة جداً /
اذا طرح الشاعر ابياته ينبغي ان لا يرد عليه الا شاعر وااحد او شاعره واحده ويكون عارف اللحن والا صارت فوضى

[اسامي]

هههههههههههههههههههههههه


الله اكبر


صح لسانك يالقناص ولاهنت


والله يعوضك بخير



صحت ابدانهم الشعراء اللي ردوا

[هداج تيماء]

صح لسااانك ياالقناص ولاهنت راااائع

وصح لساااانك يابنت الامرااء وصح لسااانك يا نبيل السلمي

وصح لساااانك يا مشاوير الجميع لا هنتوا وما قصرتوا رااائعين

ولكن يا اخوان فعلاً المسألة تحتاج الى تنبيه وانتم اهل المعرفه

ولكن للتذكير فقط

نرجوا من الجميع اذا وضع الشاعر ابياته

ورد عليه شاعر اخر او شاعره اخرى فنرجوا منكم عدم الرد

الا بطابع التشجيع اي (صفوف )

ولكم اجزززل التقدير

[& مشاوير &]

القناص خشمك......
ماهو بالقصد ياخوك تخريب الدعوى اسف وحقك علي
وان كان لك رغبه فانا افتح المجال(( لبنت الامراء ونبيل السلمي))
بانسحابي

واكرر اعتذاري




مشاااااااااااااااوير

[القنــّـــاص]

هههههههه


صح بدنك يا (اسامي) والله لا يهينك ومشكور على الحضور والتعزيه ولا عدمناك


صح بدنك يا هداج تيماء واشكرك على الحضور والتذكير الله لا يهينك

مشاوير.... يسلم راسك وخشمك وما يحتاج مقبول الاسف والاعتذار وانا اعتذر منكم يا اخوي

وتراك ناسي نور السيارة شغال طالع فوق هههه الصورة

[محمد الجبريني]

القناص صح السانك

وصح السان الجميع الي ردو عليك


مامديني اظربها خلاص توقف شن الغارات عليك يالقناص

هههههههههههههههه خيرها بغيرها

بس فعلاْ هذي فوضه وسباق راليات مدري هجن


ابو عبدالرحمن حطني مشرف محاورات خلاص موافق واعلمك في ذا الفوضه العالميه
ههههههههههههه


تحيااتي للجميع