يمه..أفهميني...أنا...أبي...أعر

[تاجر مواشي]

اغنام - ابل - دواجن - طيور


يمه..أفهميني...أنا...أبي...أعر� �.. زوجوني ؟؟؟؟ (http://www.aghnam.com.sa/vb/showthread.php?t=249248)


أبي أعرس ...... زوجوني (http://www.aghnam.com.sa/vb/tags.php?tag=%D2%E6%CC%E6%E4%ED)
نزلت هذه الكلمات مثل الصاعقه على الأم
كانت صدمة لها
مع أن المفروض أن كل أم تفرح لما تسمع هالكلمة من واحد من عيالها
لكن سبب الصدمة كان أن هالكلمة ما صدرت من ولدها
لكنها صدرت من .... من ....
من " بنتها "
إيه " بنتها "
و الله النشبه "



أنربط لسان الأم
دارت فيها الدنيا
قامت توسوس
الولد نقدر نخطب له ... اما البنت كيف !!!
من وين نجيب لها رجال !!

" يمه ... ردي علي .. دخيلك ... زوجيني "

صحت الأم من الهواجس الساخنة ... القاتلة ...الي أصابتها من الصعقة السابقة

كانت البنت تهز كتف أمها .. و تترجى فيها :
" يمه ... أفهميني ... أنا أبي أعرس ... "

لكن الأم ما قدرت ترد بأي كلمة
كانت بس تناظر في عيون بنتها و تقول بينها و بين نفسها :
" هذي الحظة إلي ما عملت لها حساب .... الظاهر بنتي كبرت و أنا ما أدري ... "

رجعت البنت و رمت بنفسها على الكرسي بكل إحباط و قالت :
" أنتم ليش ما تبون تفهموني .. أنا خلاص كبرت ... صرت حرمه ..
عمري الحين فوق العشرين سنة .. يعني حرمه .... أفهميني يمه الله يخليك "

أخيراً تكلمت الأم و قالت :

" خلاص يا بنتي ... فهمتك "
... و هي قاعده تفكر وشلون تبي تفاتح الأب في هالموضوع ... لا مصيبه !!!!

قربت البنت من أمها و قالت :


" يمه وش الي خلاص ... أنتي تتحسبيني الين الحين نون ... بتصرفيني ؟؟
.. أنا حرمه .. أنا الحين صرت حرمه .. و كل صديقاتي الي معاي أعرسن...
يمه الله يخليك حسي فيني ترا الاحساس نعمه "

و الأم المسكينة يتقطع قلبها على بنيتها .. و تقول في خاطرها :
" الله يعينك يا بنيتي .. كل هذا في قلبك و متحملته "

و البنت أستمرت في صراحتها ...

" يمه أنتي أكيد تعرفين مشاعر أي بنت في عمري .. و أنا ما طلبت شيء خطا ..
طلبت العرس بس .. "

و هوجست الأم :
" العرس بس !! .. إيه هين بس .. هو العرس ينقال عنه بس ؟؟
و كملت البنت :
" يمه سامحيني على صراحتي
بس ما لي غيرك أفضفض له
أنتي لو تعرفين شلون إحساسي كل ما فكرت في صديقاتي المتزوجات
أتخيل سعادتهم ... و أتصور شعورهم
فاهمتني يمه ؟؟؟

و قفت الأم في مكانها .. و حاولت إنها تكون صارمه عشان تنهي الحوار و قالت :
" خلاص يا بنت .. قلت لك خلاص ..
أنا فهمت و ماله داعي كل هالشرح
و إذا جا أبوك تفاهمت معاه ... أنتي تحسبين الموضوع سهل ..
بينجلط ابوك وبيروح فيها "

قامت البنت من مكانها .. و واجهت أمها و قالت :
" لا .. ما بعد فهمتيني .. و لا حسيتي بالي أحسه
أنتي عايشه في نعيم .. أنا أشوفك كل يوم تروحين وتجين مع أبوي ..
و أنا محرومه من هالشيء ..
تحسبيني ما أفهم .. ما أحس
أعرف شعورك لما تكونين مع الوالد رايحه جايه "

و مسكت كتوف أمها بين إيديها و حطت عينها بعين أمها و قالت :
" يمه أفهمي ليش أنا أبي أتزوج .. "

الأم ما قدرت و لفت وجهها عن بنتها و قالت :
" يا بنت إستحي "

لكن البنت كملت كلامها :
" يمه المسأله ما فيها حيا.. هذي مشاعر طبيعية ..
كله كوم .. و منظر صديقاتي كوم ..
كل يوم أشوفهم الصبح يجيبونهم أزواجهم للكليه
و أنا قلبي يتفطر
أشوف أشكالهم مع رجاجيلهم.. و أنقهر ..
و أنا كل يوم أركب مع السواق للكليه
يمه أنا كلي أحاسيس و مشاعر
يمه أفهميني عاد "

لكن الأم ما أستحملت
طاحت على الأرض مغمى عليها
و الظاهر إنها إنجلطت اكيد جتها جلطه ..

جلست البنت على ركبتيها .. جنب أمها ..
تحاول إنها تصحيها و هي تصرخ :
" يمه أفهميني ... أنا .... أنا .... أنا ....
أنا أبي أتزوج عشان ..

7
7
7
7
7
7
7
7
7
7
7
7
7
7
7
7
7

عشان ابي اركب قدام في السياره !!
ههههههههههههههههه



المصدر: منـتـديات أغـــنـام (http://www.aghnam.com.sa/vb) - من قسم: الــمــنــتـــــدى الـــعـــــــــــام (http://www.aghnam.com.sa/vb/forumdisplay.php?f=23)


dli>>Htildkd>>>Hkh>>>Hfd>>>Huvs>> .,[,kd ????