قوّي الشكيمه .. لاهنت

[لطّام]

السلام عليكم ورحمة الله وبركاته


ماغير نبي نتعلم منك واقرب يامحمد الجبريني :)




سلامي سلامي للرجال الفهيمه=يخص الرجال اللي لها فالبلّد باع
سليم ويمّثلها قوي الشكيمّه= ونبغا نشوف سليم ونشوف الاوضاع

[محمد الجبريني]

الله الله يستر والله اني شفت اسمك البارح مدري اليوم واني هههههههههه
ارتعت وضيعت البيت الي بكتبه اثنا محاورتي لسامي العتيبي

واني شكيت انك ناويني مير حياك الله ولي الشرف في مجاراتك يالقرم
الله الله خلووووووووووووووووووها




هلا مرحبا ترحيبتً مستقيمه = على الطيب والي يتبع الطيب ماتاع
امثل سليم اولاامتثل للهزيمه = معك شك فالسلمان عطنيه ذا الساع

[سامي العتيبي]

الله الله الله


ابداع ابداع من الجميع


واصلو واصلو ومتابعين لكم


عساكم على القوه

وشد حيلك يا لطام وانا في صفك ولا يهون أخوي محمد


تحياااتي

[لطّام]

الامور كلّها هواين ومرحبا ومسهلا :)


دوك دوك :)




محمد عليك ملاحظاتن قديمه = لو انك تقول بداية الليل مرتاع
ترا اللي فعلتّه يامحمد ظليمه=تبا تقبس النيران مابين الاسباع

[لطّام]

ارحب ياسامي :)




وجودك مهّم وشرفتني :)

[محمد الجبريني]

استلم

يالطام ودي بس اعرف الوسيمه = تبي حق والا جيت فازع وفراع
ترى العاقل ايقولون عقله خصيمه = ومن ينقز المسعار تراااه طماع

[الصقر البرازي]

الله الله


ياللله عساها خير



صح لسان الجميع

وانا طبعا ماتخوفني الاسماء ( صدام ولا لطام ولا غيره 00000

ومع فارس المنتدى محمد الجبريني الى ان تنقرض الكمبيوترات وتحترق غرابيل ------- بعد عمرن طويل


ولايهون الشاعر لطام


لكما التحيه من \ الصقر البرازي

[محمد الجبريني]

اررررررررررحب ياسامي

لاهنت العلم وشو انت موصي على ولا
من الفزوع هذا وجاء ون المعركه الاوله قد فرقت هههههههههههههههههه
الله ايسلط على اعتيبه...,, ظفرين فالشر مقوااااهم
اصغر فتاء فيهم امصيبه ,, والنعم فيهم وشرواااهم

شرفني حضورك يالقرم تقبل فااائق احترااامي

[لطّام]

ياسلاام


هاستلم استلم :)




من الساس ليّن اليوم روس ٍ عظيمه=ولالي مع اهل الضلّع حق ٍ وقد ضاع
ولكّن قلوب الناس يمّك رحيمه=تبا مايجيك الموت من سيف قطّاع

[هداج تيماء]

لطام/
سلامي سلامـي للرجـال الفهيمـه
يخص الرجال اللي لها فالبلّـد بـاع
سليـم ويمّثلهـا قـوي الشكيـمّـه
ونبغا نشوف سليم ونشوف الاوضاع



محمد الجبريني /
هـــلا مـرحـبـا ترحـيـبـتً مستقـيـمـه
على الطيب والي يتبع الطيب ماتاع
امـثــل سـلـيـم اولاامـتـثـل للهزيـمــه
معك شك فالسلمان عطنيه ذا الساع


الله الله الله

ياسلاااااام عليكم بداية من الطراز الاول

من بدايتها وتبشّر بمحاورة راقية

صحت السنتكم يا شعاااار

ومتابعين

[لطّام]

ههههههههههههه الصقر البرازي


جعل والله الكمبيوترات ماتنقرض وغرابيل كذلك :)



انت مامثلك فالدنياء غير اثنين واحد انت والثاني يقولون قد مات :)


حياك الله ووجودك مشرف بغض النظر عن الصف


........



هههههههههه



ماعليك زود يامحمد ولافيها توصيات ولا اسهم ولا شيء :)


عندك عندك :)

[محمد الجبريني]

الله الله


ياللله عساها خير



صح لسان الجميع

وانا طبعا ماتخوفني الاسماء ( صدام ولا لطام ولا غيره 00000

ومع فارس المنتدى محمد الجبريني الى ان تنقرض الكمبيوترات وتحترق غرابيل ------- بعد عمرن طويل


ولايهون الشاعر لطام


لكما التحيه من \ الصقر البرازي
كفو يا الصقر البرازي والله ومليون نعم

الطير البرق ماينجيه ذله ,, لاجاه حرن اشقر الريش شلاع
على التوقيع صح السانك ومرحبااابك ابن ماجيت وحيث ماحليت

وتسلم على الحضور والجبريني ليس الا تلميذ من تلاميذك اخي العزيز ومنك
يستفيد و يتعلم وتسلم ودي وفائق احترااامي

[لطّام]

يامرحبتين ياهدّاج تيما


وحضورك مشرف طال عمرك :)

[محمد الجبريني]

خلووووها


عسي الله يجيب النا العواقب سليمه = اوروسً عظام اوروس لسيف يناع
تجود ولاتنزل عن اشداد ريمه = جهدك اوجهدها وثبت الفعل فالقاع

[صادق الإحساس]

يا سلاااام



يا سلاااام




قااااااف أكثر من رائع


وشاعران أكثر من مبدعين



وأنا كأني أخال ضرب ورمي

لطااام


ضرب فارس من فرساااان عتيبه الهيلا


أكيد بصف لطااااام

ولا هان صديقي

محمد السلمي


واصلا
وابدعا

ونحن لكما بالتأكيد

مشجعين وبكل حمااااااس
عُرف بتاريخ المحاورااات


ههههههههههههههههههههههههه ههه



لكما
ود و ورد




صادق الإحساس

[محمد الجبريني]

هداج تيماء مرحبا مرحبا واعذرني الجهاز قام ينتع ويهنق ورديت عليك قبل شوي وماشوفردي الله يحييك
ويشناء شانيك تقبل فاااائق ودي والمعذره على التأخر صخن الماخوذ وندزززه واتصاله
فااائق ودي واحترااامي

[محمد الجبريني]

يا سلاااام



يا سلاااام




قااااااف أكثر من رائع


وشاعران أكثر من مبدعين



وأنا كأني أخال ضرب ورمي

لطااام


ضرب فارس من فرساااان عتيبه الهيلا


أكيد بصف لطااااام

ولا هان صديقي

محمد السلمي


واصلا
وابدعا

ونحن لكما بالتأكيد

مشجعين وبكل حمااااااس
عُرف بتاريخ المحاورااات


ههههههههههههههههههههههههه ههه



لكما
ود و ورد




صادق الإحساس



صادق الأحساس تسلم على الحضور

خلاص تأكدلي خصمي مادام انك في صفه

كان الله في عوووونه ههههههههههههههههه

ونعم بك وبه وبالي ايتابعووونه

تقبل فااائق الاحترااام



اتوقع بيجي شاعر بعده ذلحين بس ازززززززهل
الي الصبح ما تزعزعنا الرياح العاااتيه لو هبت ههههههههههههه ولو بغيت انواصل الي بعد بكره
تبشر لاهنت تقبل فائق الاحترام

[لطّام]

استلم استلم




على الجهّد والرجال ربّه عليمه= عسى سليم تال الوقت ماترجع ارباع
ليا طال ليلك لاتذبّ الخريمه=وترا اكثر سيوف الناس ماهوب بتّاع

[لطّام]

يامراحب ياصادق الاحساس :)



والصف يتشرف بوجودك معه :)



لاهنت ولاهان حضورك :)

[لطّام]

اتوقع بيجي شاعر بعده ذلحين بس ازززززززهل
الي الصبح ما تزعزعنا الرياح العاااتيه لو هبت ههههههههههههه ولو بغيت انواصل الي بعد بكره



هههههههههه



جعلك والله ماتزعزع دايم :)



وعساك على القوه :)

[كاسب العز]

عسي الله يجيب النا العواقب سليمه
اوروسً عظام اوروس لسيف يناع



كفو والله بمحمد ولطام



محمد


ابيك على الخاص بريدك ممتلأ



كاسب

[محمد الجبريني]

ماعليك زود يالطام انا مااقراء البيوت عدل مغير اراوغ بوجهي مدري علامي
هههههههههه يمكن انعس لاتشره ,,,

استلم لاهنت



بنينا بيوت العز ماهي بخيمه = يلولحبها الغربي لياهب ذعذاع
وعينك ماتبصر وشبها هي كريمه = يالطام طيع الوقت لاان كان ماطاع
اسف غلى التأخر والمعذره
ماطلع الرد عندي الا قبل 6 دقايق فقط

[محمد الجبريني]

عسي الله يجيب النا العواقب سليمه
اوروسً عظام اوروس لسيف يناع



كفو والله بمحمد ولطام



محمد


ابيك على الخاص بريدك ممتلأ



كاسب




اخوي كاسب العز ماعليك زود ونعم بك وانت اكفاء واوفاء

والله يعزك في طاعته وكسب الاجر وثواب الدنيا والاخره

وتفوز بالجنه امر وابشر بس اخوك من الصبح اليوم وهو في اشتباك وصيطره ومدري متي
يفظي ولاكن ابشوف حل لها الرسائل المتزبره الي مافظيت لنسفها في مويت البحر

انتظرني لاحضات وارسل ماعندك تحياتي

[لطّام]

ماحاصل تأخير ولا ابطاء من جاء :)


استلم استلم




علامك مشكك والصداقه حميمه=بيوتك خبرناها على راس مطلاع
لياصار صاحبنا زمانه يظيمه=ترا نعلن الموضوع من جوف مذياع

[بعيد المراميس]

الله الله الله عليكم يالثنين

صحت السنتكم وتراني ارزح فالصفين

وياليل السعد اي والله :)

شعار وكبار ولعب على اعلى مستوى


متااااااااااااااااااااااا اابع

[لطّام]

يامرحبتين يابعيد المراميس



شرفت الصفوف ياطويل العمر :)



في انتظار محمد

[محمد الجبريني]

تر ماتجي في وسط زقمي لقيمه = لاكن خلها براد حالي بنعناع
وربعي سليم اهل عقول حكيمه = لياطار ستر امخوتمت عشر الاصباع
اخوي تقبل تحياتي واحترااامي وتشرفت بالعب معك وان بغيت نكمل بكره ابشر والله ربشوني المسلمين من كل جهه جوالات ورسايل خاصه وتلفون البيت وحتي عند الدرايش هرنات وازعاج ومدري وش خاتمة ذالليل الله يستر

هههههههههههههههه والمعذره هذا الي اخرني الليله غرابيل ولعت حريق من اولها الياخرها وانا لليلي اتصل بالدفاع المدني تحياتي




صدقت عظيمه سرت ماقولك اني اربشوني ماعاد اني في سنعك اسف ولو مدري حكيمه بعد سرت ان سرت غيرها

وربعي سليم اهل عقول حكيمه

وربعي سليم ان جاك منهم صتيمه

اختار ولاتحتاررر

[لطّام]

عظيمه كان ماني بموهم انها سرت :)

مير حياك الله ومعذور وصح لسانك

تشرفت باللعب معك والاستفاده

لنا لقى اخر ان شاءالله


الشكر للجميع واللي تابعو

[سامي العتيبي]

صح لسااانك يا لطااام وصح لساانك يا محمد والله أمتعتوناا بقاف

ولعب راائع وليس غريباا على مبدعين مثلكم ...



تحيااااااتي لكم

[لطّام]

صح بدنك ياسامي



والله لايهينك على المتابعه

[محمد الجبريني]

استاذي العلم بعيد المراميس

تسلم على الحضور والله العذر من الله ثم منك اني مانبهني الا صورت وجهك الكريم
ولا الكتابات معاد اشوفها من كثر ماني مركز على الشاشه

لاهنت حضورك ومرورك شرف ولاعدمناك تقبل فااائق ودي