فهد بن عبدان
10-11-2006, 10:58 PM
.
طمعاً في التواصل
مع هذا الموقع المتميز
.
سنين أحوم ومادريت ان علي حوم=أواجه الصّعبات وآمرّ وأجتاز
وأجر كلمة حق من فم مكتوم=وأزيدها لو تشتعل نارها .. قاز
واليوم سيف العدل راضخ ومثلوم=وطويق يرقى هامته كل من هاز
كن فـ/الحنايا مضرب رماح وسهوم=والقلب (قطعة جِلد ) في ايدين خرّاز
يارب عافيني لـ (نوره) و (ميّوم)=وعطني عمر لين أفرح بعرس (فواز)
سالم وهم في نعمه وخير وسلوم=وبْعاطفتْك ولطْفك اكرام واعزاز
وعطني لهم من علمك الواسع علوم= لا منّي علّمته حدٍ منّهم فاز
واسمٍ يجنبهم هَل الذم واللوم=وعزمٍ لهم في سود الأيام معناز
ونظره تركّبهم طريق الهدى دوم=وقلبٍ لهم صافي ووافي ومنحاز
وما منهم اللي بات ليلَتْه مظلوم =ولافيهم اللي يمد يمناه معتاز
ولامنهم اللي ماعرف لذّة النوم=عيشَتْه صوره حولها الحزن برواز !
هم في عيوني كوم .. والناس في كوم=هم لي مشاريع ونجاحات وانجاز
أغلى علي من كل مارج وزيزوم =وأحلالي مْن ورود مشهد وشيراز
تصوّروا من فرط حبي لهم يوم =يوم ٍأبشرح كل ما فيه بـ / يجاز
ضميان وأجوائي لواهيب وسموم= ما أروى ولو اني على شط الأهواز
خدودهم ياللي من التوت محروم =حطيت داخل جوفها عود مزاز
وشربت لين أزريت لاأقعد ولاقوم=عطشان (ما) وأركى على نهر شيفاز
وأنفاسهم عنبر وكادي ومشموم=وعيونهم يحتر من وسْعَها الباز
وأرياقهم ماذاقها قيصر الروم=وصْورّهم اعجاز ف/ اعجاز ف/ اعجاز
كَبْروا على عُرف وتقاليد وسلوم=وحصّنتهم في ما تعلمه بن باز
وعلمتهم لحم المخاليق مسموم=وابليس وابن ابليس للسّو منغاز
وان الحياه قلوب وأحلام وعزوم=وان المواهب صقل واتقان وابراز
وان الوطن ماهوب للبيع والسوم=وان ثروته ماهيب في النفط والغاز
واخلاصنا له واجب وأمر محسوم=وماننتظر للذود عن حدّه ايعاز
وظروفنا لو تمطر غيومها هموم=نصبر صبر غزّه على جور موفاز
وان الطرب ماهوب صوت أم كلثوم=ولا بْــ موسيقى (البوب) و (الروك) و (الجاز) !
نطرب على يالله .. ياحي قيّوم=ذكر بعلاج قلوب الأموات يمتاز
ويارب طوّل عمر (نوره) و (ميّوم)=وعمري الين آلاعب عيال (فواز)
سالم وهم في نعمه وخير وسْلوم=وبْعاطفَتْك ولطْفك اكرام واعزاز
.
وسلامتكم
طمعاً في التواصل
مع هذا الموقع المتميز
.
سنين أحوم ومادريت ان علي حوم=أواجه الصّعبات وآمرّ وأجتاز
وأجر كلمة حق من فم مكتوم=وأزيدها لو تشتعل نارها .. قاز
واليوم سيف العدل راضخ ومثلوم=وطويق يرقى هامته كل من هاز
كن فـ/الحنايا مضرب رماح وسهوم=والقلب (قطعة جِلد ) في ايدين خرّاز
يارب عافيني لـ (نوره) و (ميّوم)=وعطني عمر لين أفرح بعرس (فواز)
سالم وهم في نعمه وخير وسلوم=وبْعاطفتْك ولطْفك اكرام واعزاز
وعطني لهم من علمك الواسع علوم= لا منّي علّمته حدٍ منّهم فاز
واسمٍ يجنبهم هَل الذم واللوم=وعزمٍ لهم في سود الأيام معناز
ونظره تركّبهم طريق الهدى دوم=وقلبٍ لهم صافي ووافي ومنحاز
وما منهم اللي بات ليلَتْه مظلوم =ولافيهم اللي يمد يمناه معتاز
ولامنهم اللي ماعرف لذّة النوم=عيشَتْه صوره حولها الحزن برواز !
هم في عيوني كوم .. والناس في كوم=هم لي مشاريع ونجاحات وانجاز
أغلى علي من كل مارج وزيزوم =وأحلالي مْن ورود مشهد وشيراز
تصوّروا من فرط حبي لهم يوم =يوم ٍأبشرح كل ما فيه بـ / يجاز
ضميان وأجوائي لواهيب وسموم= ما أروى ولو اني على شط الأهواز
خدودهم ياللي من التوت محروم =حطيت داخل جوفها عود مزاز
وشربت لين أزريت لاأقعد ولاقوم=عطشان (ما) وأركى على نهر شيفاز
وأنفاسهم عنبر وكادي ومشموم=وعيونهم يحتر من وسْعَها الباز
وأرياقهم ماذاقها قيصر الروم=وصْورّهم اعجاز ف/ اعجاز ف/ اعجاز
كَبْروا على عُرف وتقاليد وسلوم=وحصّنتهم في ما تعلمه بن باز
وعلمتهم لحم المخاليق مسموم=وابليس وابن ابليس للسّو منغاز
وان الحياه قلوب وأحلام وعزوم=وان المواهب صقل واتقان وابراز
وان الوطن ماهوب للبيع والسوم=وان ثروته ماهيب في النفط والغاز
واخلاصنا له واجب وأمر محسوم=وماننتظر للذود عن حدّه ايعاز
وظروفنا لو تمطر غيومها هموم=نصبر صبر غزّه على جور موفاز
وان الطرب ماهوب صوت أم كلثوم=ولا بْــ موسيقى (البوب) و (الروك) و (الجاز) !
نطرب على يالله .. ياحي قيّوم=ذكر بعلاج قلوب الأموات يمتاز
ويارب طوّل عمر (نوره) و (ميّوم)=وعمري الين آلاعب عيال (فواز)
سالم وهم في نعمه وخير وسْلوم=وبْعاطفَتْك ولطْفك اكرام واعزاز
.
وسلامتكم