][][والله ماكان الفراق اختياري ][][

[المحتـــار]

ليت ربي ماكتب لحظة وداع***ولافراق ولادموع ولاضياع

وليت كل الناس خل مع خليل

وكل ماقيل النهاية بين الاحباب الرحيل
قلت احبه حيـــــل
.
.
.
فيه شي بالدنيا مؤلم مثل الفراق!!
باعتقادي مافيه الم بالعالم يوازي الم الفراق.. تنوعت اشكاله بس عذابه والمه واحد..
حتى يعتقد المفارق انه الوحيد اللي يتعذب في هالدنيا..وان مافيه عذاب اكبر من عذابه..ومافيه هم اكبر من همه..

من عشق بعدي وفارق ياترى !!

للاسف قبلك كثير..واللي هم من بعدك اكثر ..

.
الفراق نوعين ..فراق دنيا وفراق اخره..
فراق الاخره ..اللي هو الموت ..وهو الاشد والاقسى على الاطلاق..
يعني شعور جدا صعب لما يكون الشخص من اقرب واحب الناس لك..ويجي الموت ويخطفه منك بلمحة بصر.. بدون اي سابق انذار..
تحس بعدها بكره للدنيا والزهد فيها ..وتتمنى لو انك انت تكون مكانه ..


العين يملاها حزن موت الاحباب.........
والقلب من جمر التناهيد محروق
الموت حق والمقادير بكتاب.............
والموت سيف لجل الاعمال مخلوق
اليوم مجهم وازرق الدمع سكاب.............
والصدر كنه بعد فرقاه مشقوق

الصبر يارب المخاليق وهاب...............
لامن نشف ريق المحبين بحلوق

دنيا نجيها لكن نسافر اغراب.............
والوقت سارق لكن العمر مسروق


.
.
النوع الثاني اللي هو فراق الدنيا..وهذا اشكاله كثيره ومتعدده لكن مهما تعددت الاشكال تاكدوا ان المراره وحده..



ماغير اصفق على فرقاكم كفوفي........
ماودي ابعد وحظي عنك قاصيني

من شاف عيني يقول الطرف مخطوفي...
من كثر ماابكي وامش الدمع بيديني

.
.
لما اقول فراق..فانا اقصد به الفراق بشكل عام ..سواء فراق حبيب او صديق او اخ اخت ....الخ
يعني شخص تحبه كان بجنبك بيوم من الايام..وبعدها يختفي ويروح..
بتحس بعدها ان هالكون الكبير ضاق عليك..وبتحس بالوحده..

اشتكي لليل حالي..واكتم العبرات واسهر..بعد فرقا راس مالي..لوني الصافي تكدر..

مابقى بالليل نور..هكذا الدنيا تدور..
.

.
.
بعض الناس تعرف مقدار حبك لها..فتتلذذ بتعذيبك..وتجد متعتها بهالشي..
يطلون يوم ويغيبون شهر..والمفروض بكل مره يرجعون فيها نرجع لهم بطريقة مختلفه افضل من اللي قبلها..محملين بالشوق ورامين ورانا كل التعب والهم اللي سببه لنا غيابهم..ومانذكر الا شي واحد..انهم موجودين وبس..حمدلله شي حلو منهم حنوا وعطفوا وذكرونا!!
بصراحه انا هالنوع مااحبه لاني اعتبر اللي يسوي هالشي انسان ناقص..هدفه من هالزوبعه كلها اكتشاف مدى اهميته..ومقدار حب الناس له غير آبه بحجم العذاب اللي ممكن يعقب رحيله..باختصار يستحق بكل جداره لقب اناني مع مرتبة الشرف ..




جابك الله من غياب ٍ ضيّق صدور المباني.......
قبل لا الوحشه تزعزع بيتك الصلب وتبيده

بيتك اللي من رحلت وكل جدرانه تعاني..................
ماتحمل ينتظر شهرين وعيونك بعيده

الله العالم لو إنك جيت متأخر ثواني...................
ماتشوف إلا بقايا من حصاه ومن حديده
من عرفتك وأنت تايه من مواني لي مواني...............
وتارك ٍ قلبي مولّع من وقيده في وقيده
ضاعت سنيني أحد بهاليالي وتحداني..................
وأنت ماتشبع غياب ولاتخاف من النقيده
ودي أتحمد لك الله بالسلامه , مامداني.................
كل ماتوصل برحله ترجع برحله جديده
دام تدري كل وجه ٍ غير وجه الله فاني.............
ياخي أكسبلك ثواب وخاف ربك في عبيده
شف غيابك وش يسوي بالصدور وبالمباني....
وأنت تدري كيف كانت صدمت غيابك شديده
والله أنك لو وصلت البيت متأخر ثواني..................
مالقيت إلا بقايا من حصاه ومن حديده



.
.
وبعض الناس فراقهم امر لابيدك ولابيدهم..سببه يكون شئ خارج عن السيطره الحسبان..
فيه منهم اللي محكوم عليهم بالفراق طول عمرهم..وهنا يكون الامر اكثر مراره ..لانك تكون فارقتهم وانت في قمة حبك لهم..


تدري انا ماعاد اضن ان لي معك قسمه.........
وياعزتي للي القدر هو نده وخصمه

قاوم هبوب العاصفه وهدته نسمه..................
نسمة رقيقه ظالمه مابقلبها رحمه

.
.
والمشكله ان هالفراق مايزيدهم بعيونك الا غلا وشوق وحب اكثر ..وبالتالي صعب نسيانهم..


على بابه...............
لااصرخ واهد الليل ماتحمل غيابه

وفيه اللي محكوم عليهم بالفراق لمده معينه..وعلى الرغم من مرارة هالشي الا انه يعتبر الاهون بين الانواع الثانيه..لانك عارف انه مهما غاب مصيره يجي اليوم اللي بيرجع فيه..وكون انه الاهون هذا مايمنع من بعض العذاب والشوق..يكفي انه يحمل مسمى فراق..
ليتك تعرف الشوق لاصار واجد................
ليتك تعرف اوجاع كثر الحنين

ماقد شكيت الحر والجو بارد......................
ماقد سهرت الليل طول السنين
واحد اسوأ اسباب قطع العلاقه واكثرها الما هو الخيانه ..فبمجرد اكتشاف الطرف الاخر لهذا الشئ سيفضل الانسحاب والرحيل الى غير رجعه ..

ضاقت وساع الفيافي والوعد متن السفينه...............
للطريق اللي دعاني بعد امان الله وامانه
لاتناديني وصوني قلبك الله لايهينه...................
لايراهن في رجوعي لاجل مايخسر رهانه
ليه ماارحل عن غرامك بعد ماذقت الغبينه...............
اذكري لي شي واحد يستحق اقعد عشانه
وين رايح لاي درب مايرجع للمدينه..........................
ليه رايح لان قلبك ماترك قلبي وشانه
كيف ابنسى ربي اللي ملهم القلب السكينه....................
مثل ماعانه بقربك لانوى فرقاك عانه
اسمحيلي مابقى فيني مكان تطعنينه........................
واقبلي من جوف قلبي كل عطفه وامتنانه
والله الله في عذابك بتركك عينك بعينه...........................
دلليه ولايرده عن شقاك الا لسانه
والا انا قررت اسافر وامتطي ظهر السفينه................
لان مابه شي واحد يستحق اقعد عشانه


.
قله اللي وصلني منه يكفيني عمر..كيف يبرى طعن سكين الغدر
قله حلله ربي وباحه...اللي ماعرفت الا جراحه.. هان قلبي واستباحه.. دانني والجرم حبه..
قله وفقه ربي بغيري .. واني رحت في شري وخيري..له مصيره ولي مصيري..لايعلقني بدربه..
.
.

وفيه فئه تعلقك فيها وتعيشك بحلم حياتك..حتى تعتقد وقتها انك ملكت العالم وانت معهم..وبعدها يتركونك تكمل حلمك لحالك..وهم يبدون بتجربه جديده (تنويع يمكن )..
طبعا وكيف لا..ناس بدون قلب وماتحس بغيرها تتوقعون نشره عليهم يعني؟!!!
وتتوقعون لو دارت بهم الدنيا ورجعوا بيلقون محلهم موجود ويستقبلهم؟؟!!


مانيب لك جسر تمره وبتروح ...................
ومارضى تهين النفس لو كنت غالي
طو الرحال وشد واقول مسموح...........................
قلب طلبك اول يرفضك تالي.


.


اخر فئه بتكلم عنها وهم الاغلبيه للاسف..
هم اللي يكونون اقرب من روحك لك..يملى عليك وحدتك..يشاركك بساعات فرحك ويوقف معك بأشد لحظاتك..تحس بمرارة فقدانه غير عن كل البشر..باختصار هو معك كل شي ..
ويجي يوم يتركك..فجأه بدون سابق انذار..ومايكلف حاله حتى لو بسؤال واحد..
وش بيصير له بغيابي وانا اللي اقرب له من عروقه؟


قضى كل الكلام اللي قدر يشرح لك الامي............
قضى فيني الشعور وماخلصت اتالم لبعدك
كذا تجني علي بغيابك اللي توه احلامي.............
انا شسويت لك حتى تصحيني على فقدك؟!
.

.
بس طيفك ماتركني

ظل ساكن وسط جفني
كان وافي
كان يذكر ..وانت جافي!!!
انت وينــــــــــــــــــــــ ــــــــك؟؟؟
جيتني تشكي الزمن..
وجيتك ابي أدفى
لقيت في قلبي وطن
ولقيت بك منفى..


وقتها ..بتسال نفسك وينه؟وليه راح؟وليه غايب؟؟معقوله كل هالفتره لاحس ولاخبر؟!

وتبدا تسال الناس عنه ..وتختلق الاعذار له..
يمكن تعبان..صارت له ظروف اقوى منه..او يمكن صار له شي هالفتره..الله يستر..وتظل تردد الغايب عذره معه..
بعيد عن تصورك انه غايب لمجرد الغياب وانه تركك بدون سبب..يمكن لانك من كثر حبك له تشوفه الملاك اللي مايخطئ..

امانه يانسيم الليل سلم لي علـى احبابـي...........
ورجع لي خبر منهم ترى عايش على اعصابي
.

.

تعال ومابقالي يوم بغيابك يصبرني....................
اخاف اموت من شوقي وانت مطول بغيابك
تعال وكل شي صار في بعدك يذكرني..............
دروبك ضحكتك طاريك وريح العطر بثيابك

.

.
واخر شي يجي اللي يجاوبك على كل سؤالاتك ..(هو طيب ومافيه الا كل خير)..
اسالكم بالله مب ذي هي قمة الالم..
وبعدمايعودك على غيابه ويذيقك الامرين ويكويك بنار فراقه.. تلقاه يرجع وكأن شيئا لم يكن..احيانا بيتاسف واكثر الاحيان لا.. ليه يتاسف وهو يشوف انه ماغلط ؟!!
رجع والمفروض انه يرجع كل شي كما كان ..كذا بكل بساطه..ماكانك قاسيت بغيابه ولاسهرت الليالي على ذكراه..يرجع وهو مايدري ان غيابه سبب لك جرح وفراغ كبير بحياتك..ماكانه احال ايامك ولياليك لسواد حالك..
راجع بكل بساطة العالم والمطلوب منك انك تنسى كل الالم وكل اللي فات..انك تكون جهاز كمبيوتر بضغطة زر تمحي كل همومك والامك اللي شفتها بغيابه ..وماتذكر الا شي واحد..انه الحين معاك,,
بذمتكم وقتها مايتقزم الم هجرانه وهم فراقه مجتمعين امام الم عودته لك؟!!
طيب ليه ترجع وتزيد الهم هم؟ خلني انسى براحتي دام انك انت اللي حكمت من البدايه..
وتتوقع اني بقدر انسى؟!
طيب شلون ابنسى؟! ووش اسوي بدمع عيوني..وسهر الليالي..وعذابي في بعدك؟!!
وتتوقع اني لو رجعت لك برجع مثل ماكنت؟!!

صباح الخير توك تسأل عني اشلوني.................
والله وطلع بك وفا واللي مضى باقي
يقفي وينسى لوعتي والجرح وشجوني.............
ويقبل ومفروض اني انسى منه احراقي
ماعاد يعنيني وفاك ارحل به بدوني......................
بعيد عن عينك تعود وتسكن اعماقي
تصبح على خير ياللي تسأل وشلوني.................
وسلم على طاري الوفى وبلغه بفراقي

وتتوقع انه بقى بي باقي يحن لك و يطلبك الرجوع..

مااعتقد..وحتى لو رجعت مااضمن لك الرجوع بنفس مكانتك..

وش الباقي..رحلت ولابقى باقي ..وذاك اللي يسمونه وداع حطم اعماقي..
.
.
**مخــــــــــــــرج**

والله ما كان الفراق اختياري..............
ولا عمري اخترت الوصال ولقيته
وانا اعشقك عشق المطر للصحاري............
مهما قسى وقتك على ما جفيته
ماكان بعدي عنك بالبال طاري...............
اخترت بعدي عنك منك ورضيته
لوكنت داري بس لو كنت داري................
مااعطيت لك قلبي وحبك مشيته
لو مل من صبري حنين انتظاري...............
ماقلت ابيك ولارجوعك رجيته
اذبلت من طبعك ورود اعتذاري...............
عطشان ذوق ولطفكم ماارتويته
ليت الزمن يقدر يرد اعتباري......................
ويبري لهايب قلبي الي كويته
روح مراح الليل .. والليل ساري.................
ولوكان مهما كان حبك نسيه


منقووووول





محبكم//المحتار

[نور الإيمان]

الفراق نوعين ..فراق دنيا وفراق اخره..
فراق الاخره ..اللي هو الموت ..وهو الاشد والاقسى على الاطلاق..
يعني شعور جدا صعب لما يكون الشخص من اقرب واحب الناس لك..ويجي الموت ويخطفه منك بلمحة بصر.. بدون اي سابق انذار..
تحس بعدها بكره للدنيا والزهد فيها ..وتتمنى لو انك انت تكون مكانه ..
المحتار
موضوعك مميز وتناولت موضوع حساس جد ااااااااااااااا
لكل الأعضاء الاوهو الفراق
نعم الفراق مؤلم جدااااااااااااا للجميع صغارا وكبارا
فالكل يتألم للفراق
لما له من نتائج سلبيه مؤثره على النفس
لكن هذا حال الدنيا
لحظات لقاء ثم يتبعها فراق
وهكذااااااااااااااااااااا ااااااا
دوام الحال من الحال
تحيتى لك
اختك نور الايمان

[المحتـــار]

نور الايمان



الف شكر لك ع المرور ونورتي صفحتي



محبكم//المحتار

[خيالات الشعر]

يسلموووو المحتاار


على طرحك الجميل والمميز


دمت بوود

[المحتـــار]

خيالات الشعر



تسلمي يالغلا على مرورك العطر



محبكم//المحتار

[أبى الوليد]

الفراق كما قلت نوعان ؛
فراق محتوم وهو فراق الموت وهذا مصيبة ليس بعدها مصيبة، والذي نفسي بيده، إن الموت "مش كويس "؛



والفراق الثاني فراق غير معلوم، وهو فراق مر ، لا يقل عن الأول مرارة، ولكن يبقى الأمل في اللقاء يخفف "مرورة" المرارة ،؛،
المختار أحييك على طرحك ؛،،

[خالد المصرى]

شكر اخى الكريم

بارك الله فيك

وجزاك الله خير الجزاء

[المحتـــار]

ابى الوليد


اسعدني مرورك ولكن لي تعليق بسيط

على هذه الجمله


فراق محتوم وهو فراق الموت وهذا مصيبة ليس بعدها مصيبة، والذي نفسي بيده، إن الموت "مش كويس "؛


فلايحق لنا ان نعترض على الاقدار


وكما تعلم بان الايمان بالقدر خيره وشره


ركن من اركان الايمان


اتمنى منك ان تفهم ما أقصده


ولك جل احترامي



محبكم//المحتار

[المحتـــار]

خالد المصري



أسعدني مرورك يالغالي



دمت بود


محبكم//المحتار

[أبى الوليد]

ابى الوليد


اسعدني مرورك ولكن لي تعليق بسيط

على هذه الجمله




فلايحق لنا ان نعترض على الاقدار


وكما تعلم بان الايمان بالقدر خيره وشره


ركن من اركان الايمان


اتمنى منك ان تفهم ما أقصده


ولك جل احترامي



محبكم//المحتار












الهوينا يا صديقي، حتى لا تخرجني من ملتي؛،،
فكُلنا نقول عن الموت مصيبة ليس بعدها مصيبة، وكُلنا نحزن لفراق محب قد مات، ونقيم واجب العزاء ونجتمع لكي نعزي أهل الميت فهل هذا أمر يُغضب رب العزة والجلال؛ أعلم يا صديقي أنك لم تفهم فحو عبارتي ألتي لم أكتبها اعتراضاً ، فلا يوجد شخص مسلم يعترض على سنة الله في عبادة، ولكن الحزن ليس اعتراضاً ولا ألبكاء فقد بكى النبي عليه الصلاة والسلام في مواضع كثيرة فهل هذا يعني كما تعني يا صديقي ؛،،
فقد بكى "صلى الله عليه وسلم" عندما بلغه استشهاد عمه حمزة. وعن هذا الموقف يروي جابر بن عبدالله رضي الله عنهما فيقول: “لما بلغ النبي قتل حمزة بكى، فلما نظر إليه شهق” وفي رواية: مر رسول الله (صلى الله عليه وسلم) بدار من دور الأنصار من بني عبد الأشهل، فسمع البكاء والنواح على قتلاهم، فذرفت عيناه (صلى الله عليه وسلم)، فبكى ثم قال:”لكن حمزة لا بواكي له”.
وعن عائشة رضي الله عنها: “أن النبي (صلى الله عليه وسلم) دخل على عثمان بن مظعون وهو ميت، فكشف عن وجهه، ثم أكب عليه قبله، وبكى حتى رأيت الدموع تسيل على وجنتيه”.
وفي رواية أخرى عن سالم بن أبي النضر قال: “دخل رسول الله (صلى الله عليه وسلم) على عثمان بن مظعون وهو يموت، فأمر رسول الله بثوب فسجى عليه، وكان عثمان نازلا على امرأة من الأنصار يقال لها: أم معاذ قالت: فمكث رسول الله مكباً عليه طويلا وأصحابه معه، ثم تنحى رسول الله (صلى الله عليه وسلم) فبكى، فلما بكى بكى أهل الدار، فقال رسول الله (صلى الله عليه وسلم): رحمك الله أبا السائب، وكان السائب قد شهد بدرا”؛،،

[بـنـت الـشـيـوخ]

ضاقت وساع الفيافي والوعد متن السفينه...............
للطريق اللي دعاني بعد امان الله وامانه
لاتناديني وصوني قلبك الله لايهينه...................
لايراهن في رجوعي لاجل مايخسر رهانه
ليه ماارحل عن غرامك بعد ماذقت الغبينه...............
اذكري لي شي واحد يستحق اقعد عشانه

تعجبني روائع حامد زيد

اخي الكريم...المحتـــــأر

موضوع رائع ..

يعطيكـ العافيه

على النقل المميز


لاعدمنـــــــــــــــــاك ـ

[الـوافـي]

أخي // الغااااااااااااااااالي

المحتار

قلمي ينكسر خجلا منكم

أنتم درة المنتدى

فليس مثلي من يثني عليكم

أنتم مصباح ينير الطريق

لك جل أحترامي وتقديري
أخوكم
أبو مها

[صدى المشاعر]

يعطيك العافية

[المحتـــار]

بنت الشيوخ



يعطيك العافيه والرائع هو مرورك الكريم



محبكم//المحتار

[المحتـــار]

الوااااافي



لقد اخجلتني فعلآ بمرورك العطر


وليس بغريب عليك فهذا طبعك.....


ولكَ احترامي



محبكم//المحتار

[المحتـــار]

شاااااايبنا


تسلم يالغالي ع مرورك الكريم


محبكم//المحتار

[سلمان الشمري]

ابدعت بالاختيااااااااااااااار

واجدت النقل ........

الفراااااااق وانت اعلم بالفرااااااااااااق.............. .


دمت بود..

[المحتـــار]

سلمان الشمري


لقد نورت صفحتي بمرورك العطر

لاعدمناكـ


محبكم//المحتار

[(* الوفـاء طبعي *)]

موضوع رائع بارك الله فيك..

[بسمة العشاق]

مشكور أخوي على الموضوع

[المحتـــار]

بسمة العشااااق



مشكوووور على مرورك العطر


لاعدمناكـ


محبكم//المحتار

[الاماكن10]

ليت ربي ماكتب لحظة وداع***ولافراق ولادموع ولاضياع
يعطيك العافية من جد حلو

[المحتـــار]

الاماكن10


الحلو والرائع هو تنويرك لصفحتي


لاعدمناكـ


محبكم//المحتار