ديوانية ألامهات !!! الله يحييكم

[نور حياتي]

السلام عليكم ورحمة الله وبركاته


ايش رايكم نتكلم عن الاطفال

تتجمع فيه الامهات ويتكلمون عن نظام اطفالهم

ونتبادل الخبرات مع بعض

فبدأ مثلا بالحديث اولا عن الاكل ثم النوم ثم المهارات ...........................الخ


ويكون بالترتيب مثلا

وانا بتحدث عن ولدي اولا

الاسم:
عبدالله
العمر: 6 سنوات


الوزن: اخير 22 كيلو



ترتيب الطفل بين اخوته:الاولى

تاريخ الولاده27 /3/1421

نظام الاكل:يحب الفواكه برجه الاولى وكمان الخضار مع تشجيع ومايحب النشويات كثير الا المعكرونه و الارز

نظام النوم:ممتاز ينام7 المساء ويجالس من النوم6 الصباه وهو يصيح يبي ينام بعد

ههههههه>>>>>>>>لانه لزم يفر الساعه.

المهارات:يعرف يقراء كل الحروف ويكتب الحروف ويحاول في الجمل..

نوع الملابس او من وين:
زارا و تاب ا لويا
اللعب:يحب يلعب بلستيشن

يحب يشاهد غشم شم طاش ماطاش

الكلام:فصيحة اللسان ماشاء الله عليها



ايش رايكم حبايبي..........


بالانتظاركم 00000000000

للأمانه الفكره منقوله..
تحياتي

[sand]

اشكرك اختي على هذه الفكرة
ونحن بانتظار الامهات

[!! المتحـديـة !!]

!! نور حياتي !!

مرررررررررررررررره فكرتك خطيييييييره ’’

بس وش اسوي مش متزوجه ,,

الله يخليه لك عبووودي مره خطير ’’’

الله يحفظه يارب ’’

!! المتحدية !!

[هـمـْـْ الغلا ـْـْـس]

آنــا مــش آم عــشان آتــكلم وآقــولكـ


بــانتظار البقيه

[شــهــد]

فكرة حلوة ياام عبوودي

وننتظـــــر الامهات يستفيدوا

[نور حياتي]

sand

الله يعطيك العافيه,,


شكرا على المرور..


تحياتي

[نور حياتي]

!! المتحدية !!


الف شكرلك حبيبتي الغاليه على كرم المرور..



ربي يسعدك ويهنيك

[لمياء الديوان]

نور حياتي مشكورة على الموضوع


يارب تطور فكرة الديوانية ويستفادون الامهات مما يطرح


لدي بعض الاسئلة ودي انه كل ام تجيب عليها لانه من خلال الاجابة عليها قد


تتعلم الام قليلة الخبرة بعض المعلومات وهناك بعض الاسئلة بودي ان يجيبوا عليها


1- كم وزن ابنك او بنتك عند الولادة وكم اصبح بعد 6 شهور وبعد سنه
2- متى جلس ومتى زحف ومتى وقف ومتى مشى
3- ما هي الكلمة الاولى التي اطلقها ماما او بابا او غيرها
4- هل فحصتي حاسة سمعه وبصره في ايامه الاولى
5- اكثر شخص يحبه الطفل ؟ولماذا
6-هل تتركيه يتجول في المنزل ويلعب ام تحبسيه في غرفة اللعب خوفا عليه
7 -ما هو رد فعلك حين يخطا
8- ماهو رد فعلك حين يقوم بعمل جيد

وسوف اعود للمشاركة في الديوانيه وقد اضيف اسئله اخرى


ارجوا ان اكون وفقت في ما اقترحت .......تحياتي


لمياء الديوان

[المملوووحة]

السلام

ماشاء الله

<< أم لطفلين

لي عوده باذن الله

[نور حياتي]

لمياء الديوان

مشكورره ياعسل على المشاركه الحلوه..

والي عوده..

تحياتي لكِ

[نور حياتي]

المملوووحة


في انتظارك عزيزتي...

يسعد ربي

[الهيمـــانـــه]

جايه اركض بسرعة الف ميل بالساعه <<< من الفرحه

واكتب واكتب واكتب وباقي سطرين وتجي بنتي الله يحميها ويصلحهاوتقفل الجهاز ويروح تعبي هبائا في مهب الرياح

الله يهديها ويصلحها ..المهم..

نور حياتي**

وعليكي السلام ورحمة العلام..

كتبت مقدمه بالاول حلوه لكن للاسف طارت

بجد موضوعك رائع ومحمس بالذات للامهات وان شاء الله تعم الفائده بهذا الطرح الشيق الجميع

عزيزتي دوما تبهرينا بكل جديد ومفيد بالاخص لفلذات اكبادنا..

وعسى ربي يخليلك عبودي ويحميه ويخليلك اخوانه اذا عنده اخوان

واذا ما عنده عسى ربي يقويك ويرزقك باخوان له..

<<< ام لثلاث بنات الله يحميهم ويحمي امهم :)

ويحمي ابوهم عشان ما يزعل علينا...

بنتي البكريه اسمها أصايل


بالصف السادس الابتدائي..

من هواياتها الرسم والسباحه وتنسيق الديكورات..

امنيتها تطلع مهندسة ديكور..

تحب المأكولات الهنديه والسلطات بانواعها وورق العنب..الحلويات ما تحبها ابد والحمد لله ومن الفواكه التفاح فقط..

نومها وآآه من نومها تحب نومة العصر بمجرد رجوعها من المدرسه تذاكر دروسها وتتغدى وتنام وتصحى المغرب

وبالليل تعالوا شوفوا بالمضاربه تنام الساعه 11 لكن الحلو فيها ما تتعبني الصبح عكس اختها اللي تنام من الساعه 7 المغرب..

الملابس..

تحب الماركات العالميه واكثر لبسها من زارا والعيسائي ..

اللعب..تحب تلعب بالميك أب خخخخخ وهالشي يضايقني لكنها تحاول تتعلم وهذا شي يفيدها وتلعب مع اختها

دايم اللعبه اللي كلنا حبيناها بصغرنا اللي هي ضيوف واستقبال وحركات بنات عاد...

اما الكلام من صغرها اسم الله عليها فصيحه ..

وان شاء الله بعرفكم على اخواتها قريبا

نور حياتي امتعتينا واسعدتينا وان شاء الله الكل يستفيد ويستمتع معنا الامهات والبنات...

لكن تعالوا ديوانية البنات فيها الخير والقهوه والآاكال وكل شي وحنا مافيه شي!!!!!!!

بروح هناك واجيب تمر ههههههههههههههههههههههههه ههههههههههههههههههههههههه ههههههههههه

يالله نبي نشاط يا حريم ...

امنياتي للجميع

[نور حياتي]

الهيمـــانـــه

اسعدني وجودك عزيزتي..

الله يخلي لك اصيل وباقي اخوانه الي راح تكتبي عنهم..

والله يعطيك العافيه..

[بنت الريف]

روووووووووووعة بصراحة هالموضوع

أنا أم لخمسة أطفال :icon_bigg

4 بنات وولي للعهد // يعني رند الكبرى بعدين توأم بنت ولد وبعدين بنت ورائها بنت عمرها سنتان

يعني اكبرهم رند رابع ابتدائي ....

وزنها لما نولدت 3 كيلو الان تقريبا 37 كم بس ترى بنتي طويلة شوي لما احد يسألها باي صف انتِ ترد انا بالصف سادس

:هاها: لها قدرة ماشاء الله انها تسولف مع بنات في المرحلة المتوسطة او الثانوية .

بطبيعتها مرحة جدا /// مشت قبل بلوغها عامها الاول // تكلمت بطلاقة في سن مبكرة // تتمتع براءة الأطفال // كثيرة الضحك

عيبها الوحيد انها حساسة جدا يعني مرهفة يعني يبي لي ادور لها زوج رومانسي اللي عندها ولد رومانسي حياكم الله تعالوا ههههههههههههههههههههههههه هه

مجدة بالمدرسة حريصة على اغراضها واشيائها الخاصة ...احس انها قريبة من قلبي :huglove:

وعند ابوها هي روحة وحياته ماقدر احد من خوانها ينزل غلاها من عند ابوها .

المرة الجاية راح اتكلم لكم عن التوأم (( توأم غريبين عجبيين ) انتظرونا الحلقة القادمة لانها بتكون مثيرة :11ap:

وفيه موضوع مرة نزلته عن ابني لكن ماحصلت التفاعل المطلوب

ان شاء الله نتواصل قريبا


تسلمممممممممممممممممو على هيك موضوع يانووووور :اموه:

[نور حياتي]

بنت الريف

ياهلا وسهلا فيك..

الله يبلغك في رند واخواتها..

الله يخليهم لك ان شاء الله..


الله يعطيك العافيه..

في انتظارك..


تحياتي لكِ

[المملوووحة]

احم
باكـ أنااااا

السلام عليكم ورحمة الله وبركاته
أسعد الله اوقتاكم بكل خير وسعاده

شخباركم

ماااااااشاء الله طلع عندنا امهات واجد ربي يحفظلهم ويحفظلنا

الله يجعل لنا من ذرارينا الصلاح وقرة الاعين يارب ياكريم

احم

انا عندي بنت وولد:11ap:

البكر بنت عمرها الآن اربع سنوات اسمها 0كادي):اموه:

ولدتها عمليه :( واخذت من الشهر العاشر اسبوع << كانت شقاء ذالبنت ربي يخليها

كان وزنها 2.90 كلغ اول ماولدتها

الحين وزنها باسم الله عليها مناسب وحلو << موقايله تنضلونها خخخخخخخ:هاها:

مشت وعمرها سنه وشوي وكان لسانها ثقيل لكنها انطلقت مره وحده بعد 3 سنوات

مبهذلتني بالاكل وامي مخربتها علي لانها اول حفيده فصايره دلوعه الكل

احاول اني اغريها عشان تشرب العصيرات وتقلل من الشاكليت بس الله يصلحها عنيده والي اصلحه من جهه يخبربونه اهلي من الجهه الثانيه
:زعلان:
لبسها

من زرارا ونكست وايكس واوكايدي واحيانا مذر كير بس الحين كبرت و و الخ يعين اي شي حلو يناسبها اشتريه

لها كم شهر صاير تتحكم باللبس وابي هذا ومابي هذاك

الله يصلحها

الترم هذا دخلتها روضه قلت تتعرف عالناس وتكسب مهارات والحمدلله ماشيه ومره مبسوطه فيها
تحب الرسم كثير لان اختي الصغيره تحب الرسم فيرسمون سوا ويلعبون مع بعض واحايانا لبسهم يصير نفس بعض رغم الفارق السني بينهم 3سنوات
وه تعبت

نتكلم عن عبودي لاحقا خخخخخخخخخ
:mf_popean

::

[بنت الريف]

هلالالالا بك يالمملوحة وهلا بعيالك

اسم كادي حلو انا عندي بنت اسمها جوري كلهم من مشتقات الورود والزهور :واو:

وين ام اصايل انا جالسة استناها تكمل وكذلك الأخت نور

ولميا الديوان وينها ياعالم ؟؟؟

لان عندي اشياء مهمة ابي اتشيركم ونستفيد من بعض :36_11_16[

لكم اجمل تحية

[الهيمـــانـــه]

يا هلا وغلا باحلى امهات بالمنتدى

شلونكم كلكم عساكم بخير...دعواتي لـ نور حياتي اللي جمعتنا

بهالموضوع الجميل..

تصحيح اختي نور لمعلومه فهمتيهت يمكن غلط بكريتي بنت اسمها اصايل مو ولد اسمه اصيل...

والله يسمع منك ويجي الولد باذن الله..

الحين بتكلم ان شاء الله عن بنتي الثانيه..ولا عرفتكم على بناتي الثلاث بجاوب على اسئلة الغاليه لمياء الديوان...

((بنت الريف& المملوحه))..الله يخلييلكم اطفالكم وتعيشون وتشوفونهم عرايس وعرسان...

بسم الله..

ســـــااره <<< بنتي الوسطى

عمرها9سنوات

بالصف الرابع الابتدائي..متفوقه في دراستها ولله الحمد


من هواياتها السباحه والرسم والقاء الاشعار والخط << ما شاء الله خطها احلى من خطي خخخخخخ

تحب تلعب مع اختها ضيوف وحركات وبنفس الوقت القيم بوي مجننها..


مواعيد نومها الحمد لله منتظمه تنام الساعه 7 المغرب وتصحى نشيطه ما شاء الله ..

بالنسبه لوزنها مره ضعيفه مو مثل خواتها تقريبا 25 مع ان الطبيب يقولي تمام بس احسها ضعيفه..

اما الاكل يا حبها للشوكلاتات والايس كريمات ومن احاول اجيبلها اكل البيت تلوع نفسها مره متعبتني في اكلها..

ملابسها تتركلي حرية الاختيار وطبعا دايم اخذلها نفس ملابس اختها الكبيره زارا << وشلتهم هههههههههه..

لبقه في الكلام وبعد فصيحه اسم الله عليها ((على فكره يا جماعه الاحظ البنات دايم يجون فصيحات حتى وان تاخروا في الكلام))..

والسلام ختام وبكره ان شاء الله اسولف عن الصغنطوطه القلبس حق امهاااا سوار...

امنياتي ..

[نور حياتي]

المملوووحة

ياهلا وسهلا فيك..

مشكوره حبيبتي على المشاركه الحلوه..

اسعدني وجودكِ معنا..

الله يخلي لك كادي وعبودي


تحياتي


نور

[نور حياتي]

وين ام اصايل انا جالسة استناها تكمل وكذلك الأخت نور

ولميا الديوان وينها ياعالم ؟؟؟

لان عندي اشياء مهمة ابي اتشيركم ونستفيد من بعض :36_11_16[

لكم اجمل تحية


هلا والله بك....


انا هنا..


يالله قولي ويش عندك..

انا ولمياء الديون وباقي الامهات معكِ


تحياتي لكِ

نور

[لمياء الديوان]

السلام عليكم ورحمة الله وبركاته


الى جميع الامهات الي دخلوا الديوانيه والاتي لم يدخلوها اهلا ومرحبا بكم ...........


.أكيد نور جالسة في الديوانيه ترحب بكم


صحيح انها ما ضيفتنا لافي شاهي ولا قهوة زي ديوانية البنات ايش نعمل مظطرين ننتظر

نور تضيفنا واكيد ما تقصر يا امهات بس يمكن مشغولة تعرفون مسؤولة ومشرفة


على منتدى المراة والطفل


اعذروها ((احمل اخاك على سبع وسبعين محمل )) شفتي يانور انا دافعت عنك يلا ننتظر ضيافتك


تحياتي لكم وساكمل معكم حديثي كوني معي






لمياء الديوان

[لمياء الديوان]

بنت الريف ......انت وينك جالسين ننتظر نور وانا وام اصايل


والعالم كله ينتظرك سولفي ايش عندك نحن صاغين لسماعك


اما عني فكما وعدتكم هذي مجموعة ثانية من الاسئلة


1- ابنك الاول يشبه من يشبهك وله الاب او الجد او .....
2- ابنك الاول اقل حركة ولعب من الطفل الثاني ......
3- يميل الى اللعب مع الاطفال ام وحداني لايحب العب الجماعي
4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل
6- هل طفلك عدائي يضرب اي طفل غريب او يضرب اخوته


هذه اسئلة اليوم ولي عوده لكم والان مع السلامه

باستئذنكم اروح الجامعة وان رجعت اكيد على طول ادخل الديوانية

مع السلامه


لمياء الديوان

[الهيمـــانـــه]

يا هلا بـ لمياء الديوان منورتنا ومونستنا والله..

اسمعي يا وخيتي هذا الشاهي والقهوه

وانتي عليكي التمر والكيك ههههههههههههه..

اسئلتك اختي مره روعه..وبجاوب عليها والمره الجايه بسولفلكم عن بنتي الصغنطوطه...

**************
1- ابنك الاول يشبه من يشبهك وله الاب او الجد او .....

بنتي الكبيره تاخذ مني ومن ابوها ((قسمت حق ))هههههههههه..

**********************
2- ابنك الاول اقل حركة ولعب من الطفل الثاني ......

تقريباً نفس الشي لكنها اجتماعيه اكثر من الثانيه..
*******************************
3- يميل الى اللعب مع الاطفال ام وحداني لايحب العب الجماعي

تحب اللعب مع الاطفال وتجمعهم في اغلب الاوقات وتكون القائده لهم ..
****************************
4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل

تكون أهدأ واحيان بطبيعتها ..لكن هي بالاساس في البيت تلعب بهدوء ما تحب الصوت العالي او الازعاج الا اذا صاروا مجموعه كبيره
*****************************
6- هل طفلك عدائي يضرب اي طفل غريب او يضرب اخوته

لا الحمد لله ..

************

مشكوره اختي وننتظر المزيد منكـ باذن الله..

أمنيـــــاااتي..

[نور حياتي]

تصحيح اختي نور لمعلومه فهمتيهت يمكن غلط بكريتي بنت اسمها اصايل مو ولد اسمه اصيل...

والله يسمع منك ويجي الولد باذن الله.. ..


هلا بك يالغلا..

سوري .....أختي بس انا كنت فاكره انك تتكلمين عن ولد

الله يرزقك ان شاء الله وانا معك..

>>>>ميته على بنت:زعلان:


تحياتي لكِ

[نور حياتي]

لمياء الديوان

اسعدني وجودك..



اعذروني يا بنات والله انشغلت بالزينه والحركات والترحيب بكم ونسيت الشاهي والقهوه

بس ابشري شاهي.. وقهوه...
لا وحلـــــــــى بعد ...

تراكم تستاهلون كل خير.........


تحيتي لكم:11ap:


نور

[نور حياتي]

هلا فيك لمياء الديون

انا راح ارد على الاسئله

- ابنك الاول يشبه من يشبهك وله الاب او الجد او .....؟
الاب

2- ابنك الاول اقل حركة ولعب من الطفل الثاني ......؟

نعم
3- يميل الى اللعب مع الاطفال ام وحداني لايحب العب الجماعي ؟

يحب العب الجماعي

4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل؟

اسم الله عليه عبودي هادي

6- هل طفلك عدائي يضرب اي طفل غريب او يضرب اخوته

غريب لا _اخو اي


هذا بالنسبه الى عبودي ..

ويوسف في الحلقات القادمه...


تحياتي الى جميع الأمهات..

ام عبودي

[بنت الريف]

هلالالا بكم يا عزيزاتي
اسفة على التأخير ...
تعرفون الويكند و ضيوف داخله وطالعه هههههههههههه
زين تفضلوا هالحلى ان شاء يعجب ام اصايل ونور حياتي ولمياء والسكره المملوحة هههههههههههههههههههههه
بجاوب على اسئلة الاخت العزيزة لمياء الديون :11ap:
--------------------------

1- ابنك الاول يشبه من يشبهك وله الاب او الجد او .....
تشبه ابوها الخالق الناطق قولي استنساخ ههههههههههههههههه:artist:

2- ابنك الاول اقل حركة ولعب من الطفل الثاني ......
بكثيررررررررر

3- يميل الى اللعب مع الاطفال ام وحداني لايحب العب الجماعي
جماعي

4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل
كثيرة الحركة

6- هل طفلك عدائي يضرب اي طفل غريب او يضرب اخوته
لله الحمد عمرهم ماطقوا احد دائما هم اللي ينطقون
:vampire:
--------------------------------------------------------------------------------------------------
بالنسبة لي عند توأم بنت ولد الان سنة اولى

انولدو في نهاية الشهر السابع وزن كلامنهما 2 كيلو وجلسوا بغرفة الخدج والعناية الفائقة شهر
طبعا بعد ماطلعوا للبيت عانيت كثير بس الحمد الله عدا كل شيء على خير
السيرة الذاتيه لكل منهما :كلوش:
كنت اتوقع ان البنت دلخة :11ea: ماراح تمشي بالمدرسة لانها ايام الروضة تحب
اللعب والسوالف وماتميل للكتابة او القراءة ..
لما دخلتها المدرسة كنت جدا متخوفة لكن فاجئتني بمستواها الدراسي يمكن أفضل طالبة بالفصل
يا سبحان الله
اما ابني للأسف دقيق الملاحظة كثير الأسئلة والمقاطعة كثير اللعب والكلام بصوت عالي (مزعج )
يضرب ضرب عشوائي ليس بقصده الضرب احس ان يدينها تتحرك غصب عنه ...

لعبه بصوت عاااااااااالي
دراسيا ممتاز
لكن احس انه اجتماعيا يفتقد الى تكوين علاقات مع اصدقائه
اكتشفت انه يعاني من فرط النشاط الزائد ....
ذهبت به الى عدة اخصائيين وصنف انه بحدود المتوسط وليس بالصورة اللي قد تؤثر عليه دراسيا
وفي حال عدم تركيزه دراسيا بصورة واضحة سيصرف له علاج خاص به
بصراحة انا احاول اعدل من سلوكياته ..
ومتابعته بصورة واضحة للدرجة تركت الوظيفة ( معلمة )علشان اتابعه واجعله يعتمد على نفسه بدون الخدم
لانهم يفتقدون لبعض المهارات ويمتازون بالاتكاليه
الان يلبس بنفسه ياكل بنفسه وكل لقمه ياكلها يتبطح وينسدح على الارض وهكذا حنا وياه ...
ادعو ربي دوما ان يمنحني الصبر وسعة الصدر علشان اقدر اتعامل معه ووفر له افضل السبل
والطرق ليجتاز هذه المرحة حيث ان هناك نسبة من المصابين يقل عندهم النشاط عندما يبلغون
سن 15 سنة ...ومشاعري معه احبه كثير ونفس الوقت ارحمه لان قلبه جدا طيب
لما يطلع اي مكان مايدخل الا معه ورده لما اجي اصلي يسرع ويفرش لي السجاده
لما اغيب فترة عن البيت يقعد يدورني ويبكي ( متعلق فيني )

طبعا الان يروح للمدرسة ودخله ابوه الكرتيه يروح مع ابوه دائما للمسجد بدينا نحاول قدر الامكان ندمجه مع الاخرين

سؤالي من لديها طفل يعاني من فرط النشاط الزائد
وكيف التعامل معه؟
وهل تحسن ؟

تحياتي لكن جميعا

[المملوووحة]

^
^
يابعد قلبي الله يحفظلك وان شاء الله تقر عينك بصلاحه وصلاح اخوته

واظن ان فرط النشاط ماهو مرض يعني ان شاء الله انه بسيط والعلاج متيسر


1- ابنك الاول يشبه من يشبهك وله الاب او الجد او .....

بنت --- وتشبه امي وشوي مني لكن ماتشبه ابوها ولا اهله << من كثر ماهوجشت بامي بالغربه ههههههه
2- ابنك الاول اقل حركة ولعب من الطفل الثاني ......
لا ماألاحظ كل واحد فيهم له شقاوته وحركته
3- يميل الى اللعب مع الاطفال ام وحداني لايحب العب الجماعي
الحمدلله كلهم اجتماعيين الا اذا كانو تعبانين او فيهم النوم او لقو طفل شقي يحبون يلعبون بعيد عن الاطفال<< من خاف سلم خخخخخخخخخخخخخخخخخخخخخخ
4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل
والله البنت على حسب احيانا تحرجني بشقاوتها وغالبا تكون طبيعيه الولد فديت قلبه مؤدب ودايما فاق الكشره
6- هل طفلك عدائي يضرب اي طفل غريب او يضرب اخوته
لا ولله الحمد

____________

كل الشكر للاخت لمياء الديون واعذريني فيه اسئله بالصفحه الاولى احسها تصدع الراس وعميقه لذلك اعتذر حاليا عن الاجابه عليها


دمتم بخير

[الهيمـــانـــه]

بنت الريف**

الله يكون بعونك ويقويك على تربيتهم ويجعلهم صالحين هداة مهتدين

يارب العالمين..

اما سالفة ان عيالك ما يضربون دوم ينضربون ..مت من الضحك ..تدرين ليش؟؟
لاني حسيت بقمة القهر اللي بداخلك لاني امر احيان بهالموقف

وعندي بنات ياااي لا شافوا احد يجري هجوا من الغرفه خوافات مره لكن باللسان ياخذون حقهم المهم شي يبرد قلبي

لاننا الكبار صعب ندخل في امور الاطفال عاد قمة القهر تشوفين عيالك ينضربون من الغير وهم متنحين ما يسون شي :زعلان: ..

اما النشاط الزايد اشوفه عند عيال واحد من اخواني ياربي الم شي مو طبيعي اسلوبهم وحركاتهم..ما شاء الله

لكن الطريقه الوحيده اللي اشوفها فادته وبدا يتغير اسلوبهم ((الحرمان)) يحرمهم من اشيا يحبونها كم يوم لين يعرفون ان الله حق

وينعدل حالهم مثلاً اذا الطفل متعلق بالبلاي ستيشن يحرمه منه ويخفيه لين يتادب واذا كانوا طالعين ينحرم الطفل من الطلعه يوديه بيت امي مثلا ويوم يحس ان الكل راح يتمشى وهو لا يبطل يكرر غلطته وهكذا وان شاء الله اكون افدتكـ

********************

المملوحه &لمياء&نور حياتي

شخباركم جميع وحشتوني ...وشولون بزرانكم وابهاتهم عساكم جميع بخير..

[نور حياتي]

بنت الريف

مشكووووووووووووره على الحلى


والله يخلي لك التوائم..



اسعدني تواجدك الكريم...


تحياتي لكِ

[نور حياتي]

انا عندي طفل نشاطه على مدار الساعه ..


اسمه يوسف..

يضرب كل شخص يحبه.. الضرب عند تعبير عن الحب..

عمره 4 سنوت وكم شهر..

يشبهاني انا طبعا..

احم احم

يتحرك واجد حتى انا اذا نام من التعب مايصحه الى بعد12 ساعه..

يلعب جماعي..



تحياتي للجميع


نور

[لمياء الديوان]

بنت الريف .......... ساقتطع جزءمن كلامك عن ولدك

دراسيا ممتاز
لكن احس انه اجتماعيا يفتقد الى تكوين علاقات مع اصدقائه
اكتشفت انه يعاني من فرط النشاط الزائد ....
ذهبت به الى عدة اخصائيين وصنف انه بحدود المتوسط وليس بالصورة اللي قد تؤثر عليه دراسيا
وفي حال عدم تركيزه دراسيا بصورة واضحة سيصرف له علاج خاص به
بصراحة انا احاول اعدل من سلوكياته ..
ومتابعته بصورة واضحة للدرجة تركت الوظيفة ( معلمة )علشان اتابعه واجعله يعتمد على نفسه بدون الخدم
لانهم يفتقدون لبعض المهارات ويمتازون بالاتكاليه
الان يلبس بنفسه ياكل بنفسه وكل لقمه ياكلها يتبطح وينسدح على الارض وهكذا حنا وياه ...
ادعو ربي دوما ان يمنحني الصبر وسعة الصدر علشان اقدر اتعامل معه ووفر له افضل السبل
والطرق ليجتاز هذه المرحة حيث ان هناك نسبة من المصابين يقل عندهم النشاط عندما يبلغون
سن 15 سنة ...ومشاعري معه احبه كثير ونفس الوقت ارحمه لان قلبه جدا طيب

اكتشفت انه يعاني من فرط النشاط الزائد ....
اكتشفت انه يعاني من فرط النشاط الزائد ....
اكتشفت انه يعاني من فرط النشاط الزائد ....
اكتشفت انه يعاني من فرط النشاط الزائد ....



بالنسبة لفرط النشاط الزائد ممكن تعطيني معلومات عنه اكثر حتى لو من خلال رسالة خاصة تعرفين انا بفعل اختصاصي نهتم بحركة ولعب الطفل جدا وانا فهمي لهذه النظرية ليس كما تشرحين اما الامر اختلاف في التسمية او قد تكون معلومة لا اعرفها املي ان توضحيها لي كي استطيع افيدك واستفاد منك ثم من الذي يشخص طبيب يعني وبتحليلات معينه

والله مو عارف ايش تقولين احاول اعدل من سلوكه وسيصرف له علاج وحدوده فوق المتوسط وتؤثر عليه دراسيا .........ويش الي صاير ؟؟؟؟؟؟؟؟؟؟؟
انتظرك للتوضيح تحياتي وعموما لا اعتقد الامر كبير بهذه الدرجة

لمياء الديوان

[نور حياتي]

المملوووحه
الله يعطيك العافيه..
اسعدني الحضوررر..
تحيتي لكِ

[نور حياتي]

الهيمانه
مشكوره على سؤالك..
للجميع بخير..
ربي يسعدك يارب..

تحيتي للجميع

[نور حياتي]

لمياء الديوان
يسلمووو ياعسل ع المتابعه..
الله لا يحرمني منك..
تحيتي لكِ

[لمياء الديوان]

ولو يانور

لازم نتابع لان كيف ام تدخل ديوانية راعيتها نور :11umbup:
تسأل عن مشكلة يمكن نقدر نعطيها جواب
ولا نقدم مساعده وبعدين في النقاش نفيد ونستفيد وربي
يعطينه القوة :11owoff: :11ight_li على مساعدة من يحتاج نصيحة او رأي

لمياء الديوان

[بنت الريف]

يابعد قلبي يالمياء الديوان انت اللي اشعرتيني ان فيه احد وده يتواصل معاي

ارسليلي ايميلك وابشري بتفصيل مفصفص وبعطيك رابط عن فرط النشاط الزائد

اقرئيه وشوفيه

اما من شخص الحاله انا طبعا ههههههههههههههههههههههه

يالغالية انا كنت معلمة صفوف مبكرة وبعدها انتقلت الى اعمال اشرافية كان منها الاشراف على افتتاح فصول بالتعليم

العالم لبطي التعلم والتأخر الدراسي وكذلك صفوف لصعوبات التعلم

ومن خلال حضوري لبعض المحاضرات استفدت كثير وتكونت عندي معلومات التي منها اسباب التاخر الدراسي

ومن ضمنها فرط النشاط الزائد يؤدي الى تشتت الانتباه مما قد يعرقل سير الطالب في المدرسة

عموما اربطتني علاقات بدكتورة في الطفولة المبكرة واخرى استاذه في التربية الخاصة

وساعدوني للوصل الى استشاري هو الوحيد بالمملكة في هذا المجال ويطلع احيانا بالتلفزيون

بس المشكلة ان الدكتور تابع لمستشفيات شركة ( ارامكو) مايتعالج بهذا المستشفى الا موظفي هذه الشركة

وطبعا بما اننا غير تابعين لهذه الشركة فصعب الوصول ولا يمكن فتح لو برسوم

لكن الله يجزاه خير تبرع بيوم من الشهر لمركز تاهيل ومن خلاله وصلت لاخصائية نفسية بواسطة زميلة ومن ثم حدد موعد وقابلت الدكتور وشافه وشاف تقرير الروضه اللي تم تسجيله من قبل معلمته وكذلك استمارتي الخاصة بالام



وعرف انه يعاني من فرط نشاط زائد في المستوى المتوسط عاد هذا بالمتوسط اجل لو عالي وش بيصير بينقلب البيت


صدقيني وهو يمشي بالبيت يسوي بكسات ومساكين خواته اللي بطنها واللي برأسها

عموما بشرح لك اكثر بالايميل ماعرضته هو لتواصل مع الاخوات وعلشان احمسهم لتفاعل معاي

لاتنسين ارسللي الايميل علشان بكره اعد لك تقرير مفصل من الولاده الى يومك هذا ......

تحياتي لكم جميعا

[المملوووحة]

باكـ

بنت الريف ياقلبي

انا وحده من قريباتي الحين بثاني ثانوي وفيها فرط نشاط

واحيانا يجيها خمول وهواجيس

يعني متقلبه

وراحو فيها طبيب نفساني قالها اضطراب وجداني

مدري ولدك على طول عنده هالنشاط او من فتره لفتره

ربي يحفظ كل اولادنا من كل شر



وباذن الله لي عوده

<< عندها اختبار دعوااااااااتكم فديتكم

[بنت الريف]

باكـ

بنت الريف ياقلبي

انا وحده من قريباتي الحين بثاني ثانوي وفيها فرط نشاط

واحيانا يجيها خمول وهواجيس

يعني متقلبه

وراحو فيها طبيب نفساني قالها اضطراب وجداني



<< عندها اختبار دعوااااااااتكم فديتكم

هلالالالا بالملح كله
انا مما قريته عن فرط النشاط الزائد انهم نسبه منهم تصاب باكتئاب في فترة المراهقة
طبعا البنات مايكون واضح النشاط مرة لكن تلقينها كثيرة السرحان واحيانا تحب تسولف مع نفسها

وكثيرة الشرود الذهني اثناء الشرح
واثناء اصابتهم بالاكتئاب تلقين مزاجها سيء حزينة شوي تبكي شوي تحس الدنيا ضايقة فيها

وبالعلاج النفسي تنفع معهم ادوية الاكتئاب

الله يشفيها يارب وتعدي هالمرحلة على خير

وتسلمين يالمملوحة الله يخلي لك اعيالك ويبارك لنا ولكم ماعطانا ويعينا على تربيتهم

بالنسبة حركته على مدار ال 24 ساعة ماعدا اذا كان بالتلفزيون شيء شده او اذا لعب السوني او اذا قعد يحوس بالكبيوتر يحب يستكشف الخفايا :واو:

يسبب لي مواقف محرجة لما يطلع معاي بكثرة اسئلته ومقاطعته ومايعرف يجلس يحب يحووووس :vampire:



تحياتي

[نور حياتي]

كيف الحال الى جميع الأمهات..


مشكوووره لكرم اخلاقكم وطيبة قلوبكم الف الف شكرلكم على المرور لصفحاتي المتواضعة
وربي لايحرمني من طيبة قلوبكم مع أجمل معاني الحب والود والأحترام لكم..


نور

[نور حياتي]

لمياء الديوان

انا ولدي يوسف>>>>>>>>>>>>هذا ولدي الثاني...

انا متاكدا انه عند نشاط زائد..

ومثل ماقالت بنت الريف..

يمشي بالبيت يسوي بكسات الى كل صغير وكبير وما يخاف من احد..

وانا ماعرف ايش اقول من كثر فشيلتي منه وحزني عليه لانه ينضرب ويكسر خاطري..

تحياتي لكِ

[الهيمـــانـــه]

صباح الخير صباح الئشطه صباح التاج

في الصباحيه بناكل ايه بناكل ئشطة تاج

كيف الامهات الحلوين ..عسى الله يقويكم ويعافيكم على تربية اطفالكم

نور حياتي الشكر حنا المفروض نوجهه لكِ لانك جمعتينا على الخير والاستفاده

قبله لقلبكـ يالغاليه

اليوم بكلمكم عن الكتكوته <<<حبيبة امها يا اخواتي بحبها يا خواااااااااااتي يا خواااااااااااااتي يا خواتي بحبها تررم

المهم طبعا مو بس انا ادلعها عشان لا تقولون افرق بينهم بالعكس هي دلوعة البيت كله حتى اخواتها يدلعونها بحكم فررق السن

لاني بعد معاناه في تربية اخواتها لانهم جوا ورى بعض وبحكم ولادتي المتعسره في الثانيه شلت فكرة الخلفه من راسي

لكن الحمد لله بعد ما بلغ عمر سارونه سبع سنوات حملت فيها ..

((ســــــوار))

بنتي الصغنوطه آخر العنقود

عمرها سنتين وشهرين

من مواليد الشهر الفضيل 12\9\1425

ما شاء الله فصيحه ..

هي والاكل اعدااااء لكن اذا حبيت اغريها باكله لازم يصاحبها الكورن((ذره)) وطبعا البطاطس المقليه

بالنسبه للفواكه تحب الموز وغيره احاول اعطيها اهو على شكل عصير ..

نومها معتدل بايام يستمر لـ 12 ساعه لكن متقطعه ..((يعني تقوم تسولف شوي وتنام او تطلب حليب وترد تنام))..

تحب السباااحه مرررررررررررره

تحاول تقلد اخواتها بوقت المذاكره تمسك كتب تقرا <<طبعا الكتاب مقلوب

تحب ترسم وتلون <<<خرابيط المهم شي من لا شيء

ملابسها مثل اخواتها ((زارا,,العيسائي كيدز او غالب,, مذركير<<للملابس الداخليه والبجايم))

*******

<<تقول المملوحه مدري وش سوت باختبارها؟؟

عسى الله يوفقها قولوا آمين يا حريم خخخخخخخخخخخخخخخ

[بنت الريف]

هلالالا بكم يا امهات على وزن مجلس الأمهات

الله يعطي نور حياتي العافية على هالديوانية صايرة بس اتردد عليها علما كان دائما موقعي القسم العام وقضايا

بس جتني حالة حاسة ماني قادرة اشارك عاد انا اقول يمكن عين ناضلتني المشرفة العامة للمنتدى اموووووووووووووووله>>>>>> تبي تدور لها مخرج فصايرة ادور لي عذر

نور حياتي ترى الاطفال بطبعهم حركين لا تشكين بولدك لان فرط النشاط له اعراض معينه تعرفينها وكذلك المحيطين بك

الهيمانة سعيدة بمعرفة بناتك الله يخليهم لك وتفرحين فيهم يارب المهم اعزمينا مو تنسينا انا من الشرقية

خلصنا من العيال من الحين نتكلم عنه وش رأيكم نحشى بازواجنا ههههههههههههههههههههههه

والا نجيب الاخت ناوية تخربها تسولف علينا سوالفها توسع الصدر خلونا كل وحده تجيب حلى ونعزمها هالبنت

الاخت لميا الديوان ترى مانسيت الوعد راح اعده مفصل ومدعم بالادله والبراهين هههههههههههههههههههههه

صارت قضية

تحياتي لكم يا جدات المستقبل

اختكم بنت الريف

[نور حياتي]

الهيمـــانـــه

ياهلا وسهلا فيك... وبناتك..

اسعدنس تواجدك الدائم في صفحاتي..

يسعدك ربي..

تحيتي لكِ

[نور حياتي]

بنت الريف

الله يعطيك الف عافيه...

اسعدني حضورك...

ربي يسعدك...

تحيتي

[نور حياتي]

السلام عليكم

وينكم يالامهات..

انا في الانتظار..


تحيتي لكم