اللي معه ملواح يومي به لطيره .. يا هداج

[سعودعبدالله]

استلم يا هداج تيما وبدون مقدامات





مبروك يا هداج ..فالمنتدى الاشراف=يكفيك من شره.. يعطيك من خيره

الليله الليله .. نبا نسرّ القاف=واللي معه ملواح..يومي به لطيره

[بعيد المراميس]

الله الله ياسعود

مبدأ كايف ولاعليه كلااام

الاعجاب لايخفاك

وطالب هداج تيما وعز الله محاوره من قمم المحاوره مدام هداج الطرف الثاني

تبيني اعلمك ابي اجي بصفك لان العالم كلهم مع هداج وانا بشد من ازرك وش اسوي لايمكن اترك لحالك :)


هاسجلوا متابعتي وبإنتظار المبدع دومآ هداج تيما

[مرزوق الغنامي]

سلام


سعود بدايه كايفه وصح لسانك ولاهنت


وفي انتضار المشرف والشاعر الرائع هداج



واصلوو وانا في صفكم يالثنين





الليل

[هداج تيماء]

الله الله الله ياسلالالالالام

هاستلم ياسعود عبدالله بدون مقدمات





الله يبارك فيك ... ياراعي المحراف =(آمين) والرزاق .. يطرح تياسيره
طير السعد بادي ...في عالي المشراف =يكفخ بجنحانه ...مايختلف سيره

[هداج تيماء]

بعيد المراميس حيالله نباك منور الصفحة ومتابعتك تشرفناااا يابو جساااار

ومدام انت وسعود في الكفة المقابلة اكيد يرجح الميزان << الله يخارجنا منكم هههه

مرزوق الغنامي ارحب ارحب والصفين تتشرف بك وحضورك مكسب لنا طال عمرك

[بعيد المراميس]

ياسلام





ياسلام







ياسلام




ياسلام على الرد الكايف

سعود ليلك ليل عجل عجل

[حاكم الشور]

مساكم الله بالخير

سعود و هداج

ماشاء الله

صحت السنتكم

متابع بقوه

[سعودعبدالله]

الله الله



استلم لاهنت..
نبا نهجد القوم ... قعيده وحواف=اما ذبحنا غليص ... ما يسلم بعيره
ياللي تموح ارشاك... عينك على الغراف=افهم كلامي زين ... يا طيب السيره

[سعودعبدالله]

بعيد المراميس

مرحبتين كباااااااار يابو جسار وحي والله الصف اللي انت فيه..



مرزوق الغنامي



هلا وغلا ومرحباء حيك وحي مرورك ولاهنت وشرفت الصفين ميرر حدد مصيرك ههههه



حاكم الشور


هلا وغلا حيك وحي مرورك المشرف ولاهنت

[العسجديه]

سعود عبدالله وهداج تيما

شاعران غنيان عن التعريف والمديح اكتفي بالمتابعه والاستفاده من عمالقه الشعر

صحت قلوبكم

متاابعه

لكم احترامي

[سعودعبدالله]

العسجديه



مرحبا تراحيب المطر



حيك وحي مرورك و حضورك المشرف



متابعتك بحد ذاتها مصدر ابداع و تألق لمتصفحنا المتواضع



دمتي كما انتي




,,

[هداج تيماء]

الله الله هااااك


..



قم واسرج خيولك ... واللي يلد خلاف = مانلتفت يمـّه ... يضيع تقديره
هوبل على الجمّه ... لا توصي العرّاف = والعلم لا جبته... نعطيك تفسيره

[هداج تيماء]

مرحبا ومسهلا مره اخرى يابو جساااااااااار منور


حاكم الشور اهلا وسهلا شرفتنا وصح بدنك ومتابعتك تسرنا


العسجدية مرحبتين وصح بدنك ولاهنتي على التواجد المشرّف

ومتابعتك تسعدنا

[سعودعبدالله]

الله الله


استلم



مستور ما يحتاج .. فاهم على صيّاف=لو الزمن قامت .. تصفق معاصيره
افطن على راسك .. من حذفة الحذّاف=لا صار فيه و فيه .. دقّه بتأشيره

[هداج تيماء]

الله الله

هادوك




التاجر المعروف... مايقرب الصرّاف=فالخزنه ام ارقام... شايل دنانيره
راسي سواة طويق ...كان احتمى الميقاف= وان لاح برق الصيف ... ماتاه تفكيره

[سعودعبدالله]

الله الله

استلم



من رايح الغربي .. ياليت نجد يصاف=من شان راع الذود .. يبهل مصاريره
الوقت فيه سمان .. والوقت فيه عجاف=وآذهيبي اللي راح .. واتعب مداويره

[ناصر السبيعي]

الله الله الله

سعــــــود ........هــــــداج



هنا للابــــــــداع حضور

هنا للشعر لوناااا وطعمااااا مميزاااا

لاهنتوا,,,,,,,

[سعودعبدالله]

ناصر السبيعي



سلمت و سلم تواجدك المشرف واطراءك الجميل



تقبل الاحترام و التقدير



اشكرك ,,

[هداج تيماء]

الله الله

هاااادوك



لو ان راع الذود ... لا جا الحرم يطــّاف = ويصلّي فروضه ... شبعت مغاتيره
مرت ثلاث نياق.... يسفي عليها الساف = حل الجرب فيها ... لا تدخل الديره

[سعودعبدالله]

الله الله


استلم



يا حارس المرمي .. احذر من الاهداف=لا جتك تصويبه.. والاّ بتمريره
اللاعب المشهور .. يلعب على الاطراف=لا جاته الكوره .. صاحت جماهيره

[هداج تيماء]

الله الله

هااااك




كورتك مقطوعه .....خصمك لها خطـــّاف = تمشي تحت رجله .....ماهيب مع غيره
امـّا مثبتّها ....... بالراس والاكتاف = والا مسددّها ..... صايبك بالحيره

[اسامي]

الله الله


ياسلام على الفن والابداع

سعود عبدالله وهداج تيما

لاهنتوا على الامتاع



شعار من العيار الثقيل

لاتوقفون متاااابعين

[صادق الإحساس]

ما شاء الله
تبارك الله


محاورة مثل هذي

ليت المشرفين يثبتونها لتعليم الغير

فعلا شعراء كبار لقيلت كلمة كبار

كبار بقصيدهم ومن قبل بأخلاقهم

بجد ما يميز هذه الحاورة تكافؤ :

الشاعرين الواضح

على الفور تتذكر محاورات :ـ


مطلق الثبيتي و عبدالله المسعودي

( رحمهما الله تعالى )



يظل الكبير كبير ويتضح أكثر

حين يقابل مثله كبير


صحت الألسن وصحت القلوب

وبقي درسكم لتعليم الغير


بحق استمتعت بهذه المحاورة

وما أن أنتهي من رد أحدهم

أجد نفسي أسرع في البحث
عن رد الآخر علي أرى ما يقوله

لكن بحق ... أحتار المتلقي أن

يعرف أيهما أكفأ !!

فعلا تذكرت المثل القائل :ـ

ما يضد الحديد ألاّ الحديد

ما يضد سعود غير هداج
وما يضد هداج غير سعود


لله دركما

ما أجمل محاورتكما


نصيحة لمن يأتي

لا يقول أنا في صف فلان
لأن الرجلين متكافئين في
كل شيء .

عليهم البيض منشورة




لكما
ود و ورد



صادق الإحساس

[سعودعبدالله]

اسامي.. هلا وغلا ومرحبا حي والله هالحضورر المدجج بالسلاح



صادق الاحساس... بيض الله وجهك ولاهنت واشكرك على الاطراء وحي والله هالمرور المميز



دمتم بخير

[سعودعبدالله]

هداج تيما اعتذر قطعني الاتصال منك انقطع علي


توحيني صح صح صح لسانك وشرفتني بهالمحراف


بيض الله وجهك ولنا لقاااء



لك تقديري

[ملحق المخلين]

الله الله


ياسلام عليكم


صحت السنكم


سعود وهداج

غنيين عن التعريف


تحياتي لكم يالثنين

[هداج تيماء]

ناصر السبيعي هلا وغلا

اشادة نعتز فيها

وحضورك يشرفنا

الله لايهينك

اسامي يا هلاا ومسهلاااا

اسعدنا تواجدك المشرف

والمتعة في عودتك ومرورك

الله لا يهينك


مهندس الكلمة ( صادق الاحساس )

الله يكبّر مقدارك ويعلي شانك

نعتز كثيراً بماسطرته يداك هنا من

عبارات اخويه وان كانت لاتخلوا من

المجاملة المقبولة بين الاخوان

وهذا يدل على صفاء سريرتك

وعلو خلقك


تشرفنا بتواجدك وسعدنا بما تحمله من

مشاعر اخوية

بارك الله فيك وكثّر امثالك

ولك منّا انت وكل من تابعنا

اجزل الشكر والتقدير


سعود عبدالله

صح لساااااااااااااااانك مليارررررررر

يا شاعرنا المميّز والذي تشرفت كثيراً

باللعب معه والاستفادة منه

وعساك سالم وغانم

ووجهك ابيض

تقبل اخلص عبارات الشكر والتقدير


:

[هداج تيماء]

ملحق المخلين

يا مرحبا تراحيب المطر

صح بدنك وشرفناااااااااا

تواجدك يالقرم

تقبل شكري وتقديري

[ربح السبيعي]

التاجر المعروف... مايقـرب الصـرّاف=فالخزنـه ام ارقـام... شايـل دنانيـره


راسي سواة طويق ...كان احتمى الميقاف=وان لاح برق الصيف ... ماتاه تفكيـره



صح لسانك ياهداج تيماء


وصح لسان سعود



محاوره قمه وابداع منقطع النضير


ولايستغرب الابداع على اهله

[برج المملكه]

سعودعبدالله

و

هداج تيماء


قطبين من اقطاب المحاوره في المنتدى و شعار من افضل الشعراء اللذين يحسنون التعامل مع الشعر و المشاعر


لله دركم و الله يعطيكم العافيه و صح السنتكم


اخوكم برج

[هداج تيماء]

الرائع / ربح السبيعي

هلا وغلا

وصح بدنك طال عمرك

الابداع هو تواجدك المشرف

والله لايهينك

الشامخ / برج المملكه

مرااااحب مليااااار

صح بدنك طال عمرك والقطب المتواضع خابرينه

لك اجزززل الشكر على مرورك

شرفتنا وعسااااااك سالم

[الصقر البرازي]

سعود وهداج


اقووووول






الله لايضركم

[محمد الجبريني]

سعود عبد الله

وهداج تيماء صح السنتكم

وقلوبكم جززززززززله

تسلمون متااابع للفايده

فائق احتراااامي

[هداج تيماء]

الصقر البرازي

هلا ومرحبا

وجزاك الله خير على الدعاء

شاكرين تواجدك المشرف ولا هنت

محمد الجبريني

يا هلا ويا مسهلااا

شرفتنا بمرورك ومشكوووور

صح بدنك وعساااك سالم وغانم يالقرم