((((( هل انت بدوية حقيقية ))))))

[مي العقيلي]

شدن حيلكن من اللي بتطلع فيكن بدويه حقيقيه :

مفهوم خلاص نبدأ ::::::

1 ) هل تستطيعن حلب العنز في وسط حوش فيه 40 عنز دون أن تنسكب
قطرة حليب من الطاسه ؟

أـ نعم .
ب ـ بصعوبه وبمساعدة أمي .
ج ـ لا

2 ) هل تستطيعين ذبح الضب وتقطيعه قطع صغيره؟

أـ نعم .
ب ـ يوووووه يخوف.
ج ـ لا أصلا لو كذب علي أحد وقال الضب وراك جتني أم الركب .


3 ) ماذا تفعلين أذا شاهدتي فار يجري في الغرفه بصراحه ؟
أ ـ أقتله .
ب ـ أهرب
ج ـ يغمى علي.
4 ) هل تستطيع التمييز بين البيز والخرقه ؟

أـ نعم .
ب ـ أحيانا .
ج ـ لا

5 ) ماهي المكونات الاساسيه لطبخ الجريش ؟

أ ـ جريش و لبن .
ب ـ جريش وحليب.
ج ـ كورن فليكس وعصير برتقال .
6 )

يقال فلان حجر فلانه فماذا تعني ؟

أـ منعها من الزواج الا برضاه .
ب ـ خطبها.
ج ـ طلقها .
7 )
هل تعرفين الفرق بين الرخله والصخله ؟

أ ـ نعم .
ب ـ وشلون.
ج ـ لا.
8 )

هل تستطين قيادة جيب الشاص في البر واستخدام الدبل وصعود الطعس ؟

أ ـ نعم وبمهاره .
ب ـ حدي الددسن ومعي اخوي .
ج ) لا .
9 )
ماهو العويدي ( المسمار ) ؟

أ ـ بهار يضاف للقهوه .
ب ـ بودرة مدري وشهي.
ج ـ ماغيره مسمار الخشب.

10 ) ماهي الغطرفه ؟

أ ـ الزغرده .
ب ـ الصياح .
ج ـ البكاء.
11)
ماذا يسمي الزوج أم زوجته ؟
أـ ياعمه.
ب ـ ياخاله.
ج ـ ياجده.
12 )
من اين يصنع الصميل ؟

أـ جلد الخروف .
ب ـ بلاستيك الوطنيه.
ج ـ قماش مخرم .
13 ) ماهو الحاجز الذي يوضع بين حجرات الخيمه ؟

أ ـ الرواق.
ب ـ الحاجز.
ج ـ الطنب .

14 ) ماهو الشي الذي يشقر الشعر عند البدو؟

أ ـ الحناء .
ب ـ صبغة كريستيان ديور .
ج ـ المناكير.15 )
ماهو أسم حليب الناقه في الليل ؟

أ ـ الغبوق.
ب ـ الصبوح .
ج ـ دريم ويب.
16 ) ماذا يسمى المكان المرتفع من ظهر الناقه ؟

أـ سنام .
ب ـ مردفه .
ج ـ غارب .17 )
ماهي مكونات الحنيني الرئيسيه ؟

أـ بر و تمر.
ب ـ رز و تمر.
ج ـ بر و رز .
18 ) يقال للمرأه طمحت فماذا يعني هذا القول ؟

أ ـ تركت زوجها .
ب ـ أنجبت وليداً .
ج ـ تزوج زوجها عليها .
19 ) ماذا يسمى غطاء الوجه عند البدو ؟

أـ برقع .
ب ـ لثام .
ج ـ نقاب .

20 ) أذا قال لك احدهم (( ياالرعبوبه )) ماذا يقصد ؟

أـ يمدحك .
ب ـ يناديك .
ج ـ مسبه .


الاختيار الاول === ثلاث درجات
الاختيار الثاني == درجتان
الاختيار الثالث = درجه واحده

وحسب التقييم أعلاه يكون الناتج هو التالي :
من تحصل على 50 درجه فما فوق بدوية حقيقية
من تحصل على 30 درجه إلى 50 درجه بدوية أي كلام .
من تحصل تحصل على أدنى من 30 درجه ليس بدوية حقيقية .

يالله كل وحده تقول كم درجه حصلت عليهااااااااااااااااااااا اااااا

ودمتم بكل خير .

[نـــادر]

هل تستطيعين ذبح الضب وتقطيعه قطع صغيره؟

أـ نعم .
ب ـ يوووووه يخوف.
ج ـ لا أصلا لو كذب علي أحد وقال الضب وراك جتني أم الركب .

هههههههههههههههههههه

اتحدى احد يجاوب عليه غير أهداب


مي


الله يعطيكِ العافيه


تحياتي


نادر

[*أهداب*]

1 ) هل تستطيعن حلب العنز في وسط حوش فيه 40 عنز دون أن تنسكب
قطرة حليب من الطاسه ؟

أـ نعم
وأن كان تبين نياق مافي مانع بس أنتي هاتيهم ومالك الامن يحلبها

2 ) هل تستطيعين ذبح الضب وتقطيعه قطع صغيره؟

أـ نعم .
مع أني أكرهه بس لالزم تحدي قلت تم

3 ) ماذا تفعلين أذا شاهدتي فار يجري في الغرفه بصراحه ؟

ج ـ يغمى علي.
لا أمزح ..
طبعاً راح اقتله بس بالأول امزح معه مطارد وصب غراء فيران
لين يسلم نفسه لي

4 ) هل تستطيع التمييز بين البيز والخرقه ؟

أـ نعم .
وفيه ناس تقوول (وقاه )

وهي ما نستخدمه في مسك الأشياء الساخنة


5 ) ماهي المكونات الاساسيه لطبخ الجريش ؟

أ ـ جريش و لبن .


6 )يقال فلان حجر فلانه فماذا تعني ؟

أـ منعها من الزواج الا برضاه .

والله يفك كل أسيرة من براثن ولد عمها وقلاعه


7 ) هل تعرفين الفرق بين الرخله والصخله ؟

أ ـ نعم .
الرخلة =بنت الشاة
الصخلة=بنت العنز

8 ) هل تستطين قيادة جيب الشاص في البر واستخدام الدبل وصعود الطعس ؟

ب ـ حدي الددسن ومعي اخوي .


9 ) ماهو العويدي ( المسمار ) ؟

أ ـ بهار يضاف للقهوه .


10 ) ماهي الغطرفه ؟

أ ـ الزغرده .

عاد أحياناً تصير شبه صياح


11)ماذا يسمي الزوج أم زوجته ؟
أـ ياعمه.
وياليت من يثمن كلمة عمه ويبرها مثل أمه ماهو يخافها لأنها أم زوجته



12 )من اين يصنع الصميل ؟

أـ جلد الخروف .
حلووة قماش مخرم ..
الصميل= يصنع من الجلد لوضع الحليب.لتقريب مثل القربة للماء والغرب للبن.


13 ) ماهو الحاجز الذي يوضع بين حجرات الخيمه ؟

أ ـ الرواق.

ب ـ الحاجز.
حبل يوضع فوق الخيمة لمنع سطحها من الطيران بفعل الهواء
وقيل أنه عامود في وسط الخيمة يقسمها
ج ـ الطنب .حبل يشد به الخيمة



14 ) ماهو الشي الذي يشقر الشعر عند البدو؟

أ ـ الحناء .

الحناء+قشر الرمان+أم حلب<<--أكيد ماتعرفينها

.15 )ماهو أسم حليب الناقه في الليل ؟

أ ـ الغبوق.




16 ) ماذا يسمى المكان المرتفع من ظهر الناقه ؟

أـ سنام .
ب ـ مردفه . بعد السنام
ج ـ غارب الكتوف اللي قبل السنام

17 ) ماهي مكونات الحنيني الرئيسيه ؟

أـ بر و تمر.



18 ) يقال للمرأه طمحت فماذا يعني هذا القول ؟

أ ـ تركت زوجها .
وناس تطلق عليها (منافية)


19 ) ماذا يسمى غطاء الوجه عند البدو ؟

أـ برقع .

وناس تسميه (غدفه)

20 ) أذا قال لك احدهم (( ياالرعبوبه )) ماذا يقصد ؟

أـ يمدحك .



.



هااااااااااااااه وش رأيك بدوية ولا مانيب ببدوية ؟؟
البداوة عشقي وسماي وهوى بالي
من عرفها ماتقرف منها بل تلذذ فيها وعرف معنى طعم الحياة


يالله يا مي ..مشكوررة قلبي حاسه أني حست عليك اللعبة

[سـعـد الحويماني]

8

8


8



8



في ذمتي بدويه
بس اخاف ان العجوز وزانك وتنشدينها وتكتبين يامراقبتنا

[*أهداب*]

8
8
والله ماوزاني غير دلتي وصحن تمر
وأفا عليك بس ..؟وهذي بحق يالحويماني

[سـعـد الحويماني]

ابشري بالحق


بس بنخلي مي مقطع حق


وانتي ابدي حجتك



علوم وسلوم

[ريما2007]

يمامي


ولا سؤال اقدر اقول نعم كلها لالالا

ايش تحلبي عنزة واااااااااااااو

نونونونونونونونونونونونون ونونو


عشان انا ماني من البدوين :هاها: :هاها: :هاها:

[المؤمن بالله]

أهداب

أنتي برفسورة في البداوة والله والنعم

بس يا اهداب

اللي اعرفه الرواق هو الشقة خلف البيت يعني اللي تستره من الخلف

واللي يقسم البيت شقة واللي يفصل بين المكان المخصص للضيوف والمحرم

والجزء اللي يغلق البيت من الامام نسميه رفَّة

والمسمار هو القرنفل

الصميل يسمة عندنا السعن او السقاء بحطوا بيه الحليب عشان يروب ومن ثم يخضوه لفصل الزبد

المرو يحطون بيه الماء عشان تبرد وتظل باردة ( يعني كولر )

والجود يحطون بيه السمن او الرائب


طبعا كلها من جلود الاغنام او الماعز

طبخ الجريش هي احد اجزاء المنسف والمنسف الاكلة الشعبية الاردنية طبعا المنسف الاصيل مو التقليد الحين يستخدمون الرز واللحم المستورد واللبن الرائب اللي بالسوق

تحيتي لكم جميعا

[ريما2007]

مي العقيلي


لو سمحتي شيلي الصوره الرمزية يمامي خوفتني

:vampire: :vampire: :vampire:

[الاماكن10]

يعطيكم العافية فية اشياء تو عرفنها تسلمين يامي وتسلم الدكتورة اهداب ويسلم الشيخ الحويماني ويسلم المومن باللة وتسلم ريما وصدقت ريما حطي فراشة يامي

[أبوعبدالرحمن]

هل تعرفين الفرق بين الرخله والصخله ؟

أ ـ نعم .
ب ـ وشلون.
ج ـ لا.

والله توني اعرف الفرق من رد اهداب


مـــي

نص موضوعك ماعرفت اقراه

<<< تكفى يالفرنسي

[مي العقيلي]

:11ap:
والله ماكذبت خبر يانادر
طالع بدوي بس مطور:biggrin:
هههههههههههههههه
تسلم على المرور :11ea: <<<ايقونة مالها داعي

[مي العقيلي]

:هاها:
ماشاء الله عليك ياأهداب
والله جبتيها وأنت بنت أبوك
:vampire:
لاوالله إلا بدوية وأزود:biggrin:
تسلمين ياقلبي على المرور العسل مثلك:11rob:

[مي العقيلي]

هههههههههههههههه
الحويماني بدوية بدوية أهداب مافيها كلام:11ap:
والدليل عرفت كل المعاني بدون بحث :wink:



المهم لاتقاطعونا:واو:

[مي العقيلي]

الحويماني أشوفك ماخذ جو في الموضوع
كل شوي وأنت ناط وش عندك شكلك ماعرفت ولاشي
ههههههههههههههههههههههههه هههههههههه:هاها:

[مي العقيلي]

:11oto:

ريما ياحليلك
والله أنك تحفة هههههههههههه ولاشيء عرفتي؟
ليه ياوخيتي وين ساكنة؟ لايكون الأخت هندية:vampire:
ههههههههههههههههههه
بس والله أن ردك وسع صدري
يمامي هاه؟:هاها:
والله يابابي أني أفكر وأقول وين وين وين ألقى قاموس يعلم ريما وش المعاني
بعدين ياوخيتي ماتعرفين العنز؟ الي بقرون سودا وخشم مثل سلة السكين؟:هاها:
ههههههههههههههههههه خلاص نجيب لك السالفة بصورة عشان يمكن ربي يرزقك بعريس بدوي يخليك تحلبين النوق وتشربين الغبوق وتنامين فاتحة الموق:11owoff:

[مي العقيلي]

:11oto:
المؤمن ماشا الله عليك
والله بدوي مهجن ههههههههههههه:vampire:
عاد تصدق أني أول مرة أعرف أنك بدوي من الأردن:11owoff:
الله ينطيك العافية خيو:wink:
وترى جريشكم ههههههه قصدي منسفكم ماهو بعيد عن جريشنا السعودي
وبصراحة أحس أن الموضوع فتح ثقافة متبادلة بيننا وبين الاشقاء لعرب في الدول المجاورة:11umbup:
ههههههههههههههههههههههه
بعدين ترى الموضوع الي كاتبه أنا مو أهداب هههههههههههههه:vampire:

[مي العقيلي]

ياخواافة:هاها: ياريما
وش مخوفك؟ صورة العقرب؟
هههههههههههههههه
:vampire:
هذي صورة عشان الدلع
لان دلع البدو دلع بعارين مو دلع حضران ياخيتي:11ap:

[مي العقيلي]

الأماكن عشرة
والله الشكر لك على الحضور والذوق والتوجيب :11ap:
أنا لو أدري كان وكلتك ترد على كل المشاركين وأنا أروح في البر أدور لي ضب ولا جرذ:vampire: أحطه صورة رمزية عشان
اربطكم بتراثكم وحضارتكم ههههههههههههههههههه:هاها:
وبعلمك شيء يالاماكن ترى الفراشة رمز الخكريات من البنات ههههههههههههه
وأنا عربجية ولاأعرف غير العقارب والحيات ولو حبيت أتنعم شوي بحط صورة حاشي ههههههههههههههه:هاها:

[مي العقيلي]

حيااااك والله يابوعبدالرحمن:11ap:
والله يازينها من طلة يالفرنسي:11oto:
خابرتك من زمان تقول أنك عيارتك السوري:biggrin:
بس الحين مرة زاد العيار معك وصاير فرنسي؟:vampire:
شكل الفكرة كبرت براسك يابوعبدالرحمن؟:11ccer:
تحتاج لكية عشان تتغير أفكارك
ههههههههههههههههههه أجل ماعرفت ولا شيء؟
ماش من زمان وأنا ودي أختبر ثقافتك بس الحمد لله ظهرت واضحة عيان بيان هههههههههههههههه:11owoff:

[المؤمن بالله]

ياخواافة:هاها: ياريما
وش مخوفك؟ صورة العقرب؟
هههههههههههههههه
:vampire:
هذي صورة عشان الدلع
لان دلع البدو دلع بعارين مو دلع حضران ياخيتي:11ap:


أعرف يختي انه اللي انتي اللي كاتبة الموضوع

ينطيك العافية بس القصد اني علقت على جواب اهداب

بعدين اسئلتك كلها من نوع واحد

لازم وزعتي الاسئلة يعني مثلا سؤال كيمياء

سؤال فيزياء

سؤال احياء

ههههههههههههههههه

بعدين تعرفي معنى اسمك

يعني تعرفي معنى

مي


اخوك

[مي العقيلي]

لا ماعرف
ولا ابي اعرف
ولو علمتني بزعل منك هاه

[النجلاء]

1 ) هل تستطيعن حلب العنز في وسط حوش فيه 40 عنز دون أن تنسكب
قطرة حليب من الطاسه ؟

يعتمد على نوع العنز ومساحة الحوش عشان الطردي ههههههههههههههههههه

2 ) هل تستطيعين ذبح الضب وتقطيعه قطع صغيره؟

أـ نعم .

وممكن بعد تقطيعه لكيوبز مكعبات وشرايح بعد وعلى طاري الضب الوالده فيها وسم بابهامها للحين من عضة ضب هههههههههههههههه


3 ) ماذا تفعلين أذا شاهدتي فار يجري في الغرفه بصراحه ؟


ههههههههههههههههههه ألحّقه شرقيه او صندل

.
4 ) هل تستطيع التمييز بين البيز والخرقه ؟

أـ نعم .

البيز هو خرقه مزبرقه ههههههههههه

5 ) ماهي المكونات الاساسيه لطبخ الجريش ؟

ج ـ كورن فليكس وعصير برتقال .

حنا نسويه كذا عندنا هههههههههههههههههههههه

6 )

يقال فلان حجر فلانه فماذا تعني ؟

الا نشب لها حسبي الله عليه
7 )
هل تعرفين الفرق بين الرخله والصخله ؟

أ ـ نعم .

مرات اعرف وبيني وبينك الحين ماعاد تفرقين بينهم هههههههههههههههههههه
8 )

هل تستطين قيادة جيب الشاص في البر واستخدام الدبل وصعود الطعس ؟


ج ) لا .

الوالده الله يحييها موجوده ههههههههههه

9 )
ماهو العويدي ( المسمار ) ؟

أ ـ بهار يضاف للقهوه .

وله استخدامات اخرى بعد طحنه هههههههههههههههههههه

10 ) ماهي الغطرفه ؟

اللولشه


11)
ماذا يسمي الزوج أم زوجته ؟


طنط


12 )
من اين يصنع الصميل ؟

أـ جلد الخروف .


13 ) ماهو الحاجز الذي يوضع بين حجرات الخيمه ؟

أ ـ الرواق.

.

14 ) ماهو الشي الذي يشقر الشعر عند البدو؟


ب ـ صبغة كريستيان ديور

ويخلط مع الشمطري هههههههههههههههههه

ماهو أسم حليب الناقه في الليل ؟

أ ـ الغبوق.


16 ) ماذا يسمى المكان المرتفع من ظهر الناقه ؟

أـ سنام .


17 )
ماهي مكونات الحنيني الرئيسيه ؟

أـ بر و تمر.


18 ) يقال للمرأه طمحت فماذا يعني هذا القول ؟


يعني عندها طموووح واجد هههههههههه


19 ) ماذا يسمى غطاء الوجه عند البدو ؟

أـ برقع .



20 ) أذا قال لك احدهم (( ياالرعبوبه )) ماذا يقصد ؟


والله ياوخيتي مرات تنفع مدحه ومرات مسبّه وتريقه حسب سياقها بالجمله ههههههههههههه


مي ,,,,,


يسلموووو ياقمررر على الموضوع الرايق ,,,

والوالده تسلم عليك وتقول لك :

اذكري ماتعرفينه عن الشعثاء بالتفصيل الممل ؟

يعطيك العافيه

[مانيب سهله]

من تحصل على 30 درجه إلى 50 درجه بدوية أي كلام .


ههههههههههههههههههههههههه هه

اجل بدويه اي كـــــــــــــــلام


يسلمووووو مي ع الموضوع

تحياتي لك

[مي العقيلي]

:11ap:
هههههههههههههههههههه
النجلاء والله أني أضحك من قلبي على ردك
يعني أنتم يالبدو المتحضرين كورن فلكس ؟وبرتقان :biggrin:
ههههههههههههههههههههه
عزالله أنك بدوية أصيلة
وبعدين صدقتي كل ناس ولهم حضارتهم فيه ناس يتقدمون وفيه ناس يتوخرون بس بتقدم للوراء:هاها: :هاها:
هههههههههههههههههه
الحين مين يفكك من أهداب لأنك خربتي الطبخة كاملة
وعن قولتك الصخلة ماتنعرف من الرخلة فانا أشهد إن الحين في الزمن ذا معاد نفرق بين التيس والثور ههههههههههه:vampire:
ياحبيبتي تسلمين على المرور الي بالفعل وسع الصدر :11ap:
وعن سؤالك فلازال البحث جاري في مخ مامي على قول ريما وعاد شوفي متى بنوصل للإجابة خصوصاً لعرفتي أن مخ أمي وندوز 1995م ههههههههههههههههههه:vampire:

[مي العقيلي]

هههههههه مانيب سهلة والله أنك تهبلين
أجل بدوية أي كلام:11ap:
هههههههههههههههههههههه:11oto :
ماعليك يابنت الحلال شوفي النجلاء فوق يسوون جريشهم بكورن كلوكس؟:11umbup:
هههههههههههههههههه تسلمين حبيبتي على المرور:اموه:

[فوووووشي]

<<==== جايبه معها مترجم يترجم المعاني

بس بجاااوب واللي فيها فيهااا

) هل تستطيعن حلب العنز في وسط حوش فيه 40 عنز دون أن تنسكب
قطرة حليب من الطاسه ؟

نعم ..<<== تخلي السواااق يحلبه لها ...

هههههههههههههههههههههههه

2 ) هل تستطيعين ذبح الضب وتقطيعه قطع صغيره؟

نعم .ادووووس عليه برجلي .. ويغمى عليه وينفرم بين اصابيعي<<==تحس اصابيعها كانها فرامه

خخخخخخخخخخخخ

3 ) ماذا تفعلين أذا شاهدتي فار يجري في الغرفه بصراحه ؟

ب ـ أهرب واصير فيل جنب فاااااااار

4 ) هل تستطيع التمييز بين البيز والخرقه ؟

أـ نعم .البيز اللي يشيلون بها قدور العزااايم الحاااره

الخرقه اللي يمسحون بها طاولة المطبخ والفرن والثلاجاات

5 ) ماهي المكونات الاساسيه لطبخ الجريش ؟

ج ـ كورن فليكس وعصير برتقال . وانا كل اطبخها مررره حلوه ههههههههههههه

6 )يقال فلان حجر فلانه فماذا تعني ؟

ب ـ خطبها.و حجرها في حجرة الاكل
.
7 )
هل تعرفين الفرق بين الرخله والصخله ؟

أ ـ نعم . الرخله يعني الوصخه على وزن رفله ههههههههههههه

والصخله هي زوجة الجمل ونستخدمها للتعير بينناهههههههههههه

8 )هل تستطين قيادة جيب الشاص في البر واستخدام الدبل وصعود الطعس ؟

أ ـ نعم وبمهاره .احط رجلي على البانزين واصك الطبلون .. وافشش الكفرااات ..

واحط البزارين في الغمااااره .. وابدا اطعس ... واعقد فوق الجبال الرمليه

واقووووول ... حن حن حن بيب بيب بيب حنننننننننننننننننن

9 ) ماهو العويدي ( المسمار ) ؟

ج ـ ماغيره مسمار الخشب.اللي يسووون به المكتبااات

10 ) ماهي الغطرفه ؟

ج ـ البكاء. وبشده حتى يخرج البلعوووووم من كثر النياح الذي يشبه صوت البعير اذا عصب

11) ماذا يسمي الزوج أم زوجته ؟
.
ج ـ ياجده.بعضهم يقووول يا تيته .. وباللغه الكويتيه يسمونها ديده وفي اللغة السعووديه يسمونها العجيز او عجوز النار


12 )من اين يصنع الصميل ؟

ب ـ بلاستيك الوطنيه. هذا المنتج دائما نشتريه متوفر عندنا بوفره اذا تبغين اسلفك واحد
.
13 ) ماهو الحاجز الذي يوضع بين حجرات الخيمه ؟

ج ـ الطنب .وهو عبارة عن الكنب بس مضغوط

14 ) ماهو الشي الذي يشقر الشعر عند البدو؟

ب ـ صبغة كريستيان ديور .باللون الاخضر العشبي جميللل اللون مررره

.15 )ماهو أسم حليب الناقه في الليل ؟

ج ـ دريم ويب.اممممممممم دايم تستخدمه ماما برمضان للآيس كريم

16 ) ماذا يسمى المكان المرتفع من ظهر الناقه ؟
.
ب ـ مردفه .

.17 )
ماهي مكونات الحنيني الرئيسيه ؟

ج ـ بر و رز .الحنيني هو عباره عن حلاوووة بحرينيه مكونه من الحنطه والشعير

18 ) يقال للمرأه طمحت فماذا يعني هذا القول ؟

ج ـ تزوج زوجها عليها .خذت حيلي المسيكينه

19 ) ماذا يسمى غطاء الوجه عند البدو ؟

ب ـ لثام .احلاااااك ياللثمه او يسمى لطام اللي يطمون به النحر


20 ) أذا قال لك احدهم (( ياالرعبوبه )) ماذا يقصد ؟
.
ج ـ مسبه .وارد عليه انت المصرووووووعه

ان شاء الله اكووون بدويه ميه ميه

ههههههههههههههههههههههههه هههههههههه

ومشكوووره حبيبتي على المصطلحاااات البدويه . معنى ان ثقافتي رووووسيه بس ما شاء الله علي حليتهم

انا بدويه ..من السعوديه ... افدي بلادي ... الغاليه عليا

انا مشهوووره ... بلوني الاسمر .. خفت دمي .. زي السكر

شط بلادي البحر الاحمر

<<== اهداء الاغنيه لمي

أختك فش فاشه

[@KOKO@]

مي


مشكوره على الموضوع الرائع


كروعة صاحبته


لا عدمنا جديدك

[النجلاء]

وعن سؤالك فلازال البحث جاري في مخ مامي على قول ريما وعاد شوفي متى بنوصل للإجابة خصوصاً لعرفتي أن مخ أمي وندوز 1995م ههههههههههههههههههه


هههههههههههههه الله يخلي لك وميمتك ويحفظها بس سوو لها تحديث شوي للاكس بي

بانتظارك وان جت أهداب قبلك حلتها ههههههههههههه


يعطيك العافيه

[*أهداب*]

اذكري ماتعرفينه عن الشعثاء بالتفصيل الممل ؟
الشعثاء
أي التي شعرها ملبد وعرادة ..ومغبر ومتسخ..
والله يخلف على ابٍ هي بنته
وأمٍ هي مربيتها
ورجلٍ هي زوجته
لا تسر الناظرين حين النظر لأن شعرها قد تفرق وأنتشر
والقمل أصبح له فيه مستقر
والصيبان لم تدع فيه مقيلاً ولم تذر

هل ياترى وصل المعنى للبدو الحضر ؟؟؟



مي ..بعدي والله ..ايه عليك فيهم ..

[المملوووحة]

خخخخخخخخخخخخخخخخخخخخخخ

لاباسم الله علي الله يبعدني عن البدو ويبعدهم عني

اجل ضب وجلد خروف وبراقع


الله يحفظهم لهم

ويخلي لنا الكورن فليكس والنقاب هعههعهعهع

مي يسلمووووووووووووووووووووو ووووووووووووووووووووووو انتي وربعاتك البدويات<< بتتلفعين هع

[أمل عبدالعزيز]

ههههههههههههههههههههه

ايش هادا
ايش هادا
الله يكفينا شركوم يابنات يابدويات
ههههههههههههههههههههههههه هه

والله الموضوع بديرة

ورد النجلا وهدوبة حبيبة قلبي في شرح الكلمة بديرة

ههههههههههههههههههههههههه ههههههههههههههههههه

وش هالشعثا؟!!!

ههههههههههههههههههههههههه ههههه

الله يستر من الشعاثة والشعثان والشعثانين والمشعوثين
ههههههههههههههههههههههههه ههههههههههههههههههههههههه هههههههههههه

طيب وش وجه الشبه بين الشعثاء والشعوذة!!!

ممكن أحد يفيدنا خارج نطاق التغطية

ههههههههههههههههههههههه

على فكرة يامي

الصرقعة ماكان ناقصها غيرك ولله الحمد وصلتي
بس سؤالي كيف عرفتي الطريق

ثمن

أنا أعرف الفرق بين الصخلة والرخلة

حرف الصاد

ههههههههههههههههه<== احلفي بس

[النجلاء]

الشعثاء
أي التي شعرها ملبد وعرادة ..ومغبر ومتسخ..
والله يخلف على ابٍ هي بنته
وأمٍ هي مربيتها
ورجلٍ هي زوجته
لا تسر الناظرين حين النظر لأن شعرها قد تفرق وأنتشر
والقمل أصبح له فيه مستقر
والصيبان لم تدع فيه مقيلاً ولم تذر

هل ياترى وصل المعنى للبدو الحضر ؟؟؟

هدووووبه حبيبتي ههههههههههههههههههههههه

اشكرك جزيل الشكر على شرحك الوافي ياقمرررر ,,, وان قلت لك صح فانتي دايم صحححح وان قلت لك غلط جوابك فهو غلط لكن تدرين عاد الغلط في البدايه مني لأن السؤال كان فيه خطأ في الطرح هههههههههههههههههه

بعيد طرح السوووعال للمره الأخيره بدون اخطاء

اذكري ماتعرفينه عن الشعثا بالتفصيل الممل ؟

[@KOKO@]

اذا ماخاب ظني الشعثا


هي التمر منوزع النواة مخلوط مع البقل :11umbup:


ان شاء الله الاجابه صح

واخذ عشره من عشره :11ap:

بدوي اصيل

[*أهداب*]

8
8
تنتظر تصحيح الإجابة

الشعثا<<--- صرات تسذا !!
كان علمتينا يابنت الحلال لابارك الله في ابليسك


شوفي وليشوف كل من حضر من أعضاء ..
الشعثا من غير همزة هي ..


نحمس الطحين حتى يصير لونه ذهبي ..
ثمن نحط فوقه الزبدة والسمن ..
وبعدها نرفع من على النار
ونحط التمر الذي تم نزع النوى منه

ونعجنه عجن زين (جيداً)

عقبها نحط الحليب فوقه ..ونستمر في عجنه دعكاً وليس كعجن الدقيق (أي يفرك بأصابع اليد)
مع إضافة سمن مرة أخرى ..

بعضهم يحط فوقه (مضير) (أو (أقط ) أو (بقل) <<---أختلاف في اللفظ فقط والصنف نفسه
والبعض يضيف الهيل ...






أبدوية 100%
وأتحدى أحد يزاعمني فيها ...

[*أهداب*]

8
8
نسيت اقوول تراها ممتازة وخاصة عندما يبرد الجو

[النجلاء]

كوكو صح عليك بس ماقلتها بالتفصيل الممل يعني خمس درجات بس هههههههه

هدوووووبه ,,,,

قلت لك مايجيبها الا هدوووووبه ومن يزاعمك بس ياقمررر او يرد كلامك هههههههههههههه شوفي بس الهمزه وين لخبطتنا ,,, على العموم لعيونك وعيون مي وعيووون امل اليكم التالي :



الشعثا .....

خلطة «الشعثا» التي كانت تزين الموائد وهي مكونة من الاقط الذي يسمى البقل أو المضير ويعد من منتجات الالبان التي عرفها الانسان في الجزيرة العربية منذ أقدم العصور وورد ذكرها في الاحاديث النبوية، حيث يؤخذ الاقط بعد تجفيفه ويدق في النجر (وعاء معدني ذي قاعدة يستخدم في دك البن والهيل والزنجبيل والبهارات)، ثم يوضع الاقط بعد دقه أو طحنه في اناء ويبلل بالسمن ومن ثم يخلط مع التمر المعبوط بعد استبعاد النوى منه لتتشكل منه عجينة تتم تجزئتها على هيئة كور بحجم اللقيمات وبحيث لا يزيد حجم الواحدة منها عن مقبض الكفين، وتعد الشعثا طعاما جيدا لسكان الحاضرة والبادية، وإن كانت الاخيرة تستخدمه بشكل اكبر، حيث يمكن القول ان الشعثا هي زاد المسافر وفطيرة الصحراء وقد ظهرت هذه الخلطة في الآونة لاخيرة على استحياء على موائد رمضان عند بعض ابناء البادية الذين يقيمون في المدينة.


المقـادير:


ثلاثة كاسات بر

كيلو تمر منزوع القمع والنوى

أو عجينة تمر نادك

فنجال سمن بري

زبده غنم اربع ملاعق

ملعقه كبيرة هيل مطحون ناعم

كاس حليب

اقط مطحون جيداً

فنجالين طحينة للتغميس حسب الرغبه

http://www.mekshat.com/pix/upload/images4/DSCN0580.jpg

الطريقة نحمس الطحين البر على النار حتى يميل لونه الى البني فاتح او الذهبي

http://www.mekshat.com/pix/upload/images4/DSCN0581.jpg

نحط الزبده ونخلطه مع الطحين ونفتته بالملعقه ونحركه حتى يتفرق البر

http://www.mekshat.com/pix/upload/images4/DSCN0582.jpg

نبعد القدر عن النار ونضع التمر ويفضل ان التمر يسخن شوي حتى يمتزج مع الطحين ونقوم عليه باليد
ندعكه مع الطحين البر ونفركه باليد ونفرق التمر ونخلطة مع الطحين حتى يتفرق التمر

http://www.mekshat.com/pix/upload/images4/DSCN0583.jpg

نضع السمن ونواصل دعك الخليط ثم نضع الحليب بالتدريج حتى يصبح متماسك وندعكه باليد
وبالتدريج نضيف الهيل ثم الاقط ونواصل التحريك حتى يتماسك الخليط ولا يكون يابس ولا يكون لين

http://www.mekshat.com/pix/upload/images4/DSCN0586.jpg

والاقط يذر عليه شوي بعد ما يوضع بالصحون حسب الرغبة وبشرط تكون القهوة والمه

http://www.mekshat.com/pix/upload/images4/DSCN0587.jpg

وبالعافيه ,,,

طبعاً منقول بتصررررف

,,,,,,,,

مي ,, الموضوع استولينا عليه الظاهر ههههههههههههههههههههههه

[الدندووووونه]

) هل تستطيعن حلب العنز في وسط حوش فيه 40 عنز دون أن تنسكب
قطرة حليب من الطاسه ؟

ج ـ لا

2 ) هل تستطيعين ذبح الضب وتقطيعه قطع صغيره؟

ج ـ لا أصلا لو كذب علي أحد وقال الضب وراك جتني أم الركب .


3 ) ماذا تفعلين أذا شاهدتي فار يجري في الغرفه بصراحه ؟

ب ـ أهرب

4 ) هل تستطيع التمييز بين البيز والخرقه ؟

أـ نعم .

5 ) ماهي المكونات الاساسيه لطبخ الجريش ؟


أ ـ جريش ولبن.
6 )

يقال فلان حجر فلانه فماذا تعني ؟

أـ منعها من الزواج الا برضاه ..
7 )
هل تعرفين الفرق بين الرخله والصخله ؟

ج ـ لا.
8 )

هل تستطين قيادة جيب الشاص في البر واستخدام الدبل وصعود الطعس ؟

ج ) لا .
9 )
ماهو العويدي ( المسمار ) ؟

أ ـ بهار يضاف للقهوه .

10 ) ماهي الغطرفه ؟

أ ـ الزغرده .
11)
ماذا يسمي الزوج أم زوجته ؟
أـ ياعمه.
12 )
من اين يصنع الصميل ؟

أـ جلد الخروف .
13 ) ماهو الحاجز الذي يوضع بين حجرات الخيمه ؟

أ ـ الرواق.

14 ) ماهو الشي الذي يشقر الشعر عند البدو؟

أ ـ الحناء

15 )
ماهو أسم حليب الناقه في الليل ؟
؟؟؟؟؟؟؟؟؟؟؟؟

16 ) ماذا يسمى المكان المرتفع من ظهر الناقه ؟

أـ سنام .


.17 )
ماهي مكونات الحنيني الرئيسيه ؟

أـ بر و تمر.

18 ) يقال للمرأه طمحت فماذا يعني هذا القول ؟

أ ـ تركت زوجها ..

19 )
ماذا يسمى غطاء الوجه عند البدو ؟

أـ برقع

20 ) أذا قال لك احدهم (( ياالرعبوبه )) ماذا يقصد ؟


أ ـ يمدحك .


48نقطه....
<< موأي كلام.... أنا بدويه أبّاً عن جد… بس الحضاره خربتنا..

الله يعطيكـ العافيه على هالإختبار …

ودمــــتي

[ريما2007]

مي والنجلاء


حاموت ضحك علي تعليقكم سويتو مامي حكاية

هههههههههههههههههههههههاا ي ياربي باموت عنجد


مي انتي كتير مهضومة ودمك شربات ياختي عنجد عسولة البنت دي مي

بصراحة بصراحة خليتني اضحك وانا كنت تفشانة مررا

النجلاء الاكلة الي سويتيها شكلها كتير طيبة انا اخدت طريقتها عشان اسويها


في عندي صورة اجمل تعليق

http://www.c5c6.com/File/1163084811.gif (http://www.c5c6.com)

يالا تشاو

[سعود]

الكاتبه : ريما 2007
عشان انا ماني من البدوين


ههههههههههههههههههههههههه هههه


ريما 2007 فل ذهبي


ردك اعجبني


ماهو أسم حليب الناقه في الليل ؟

أ ـ الغبوق.
ب ـ الصبوح .
ج ـ دريم ويب.


أنا اشك في الخيار الثالث




18 ) يقال للمرأه طمحت فماذا يعني هذا القول ؟


يعني أعطت زوجها أشـــــــــــــكل



اهداب النجلاااء


الشعثا وش بعدها عن اللتيحه


مشكوره يامي على هيك موضوع مميز


تحية عطرة

[صادق الإحساس]

1 ) هل تستطيعن حلب العنز في وسط حوش فيه 40 عنز دون أن تنسكب
قطرة حليب من الطاسه ؟

أـ نعم
وأن كان تبين نياق مافي مانع بس أنتي هاتيهم ومالك الامن يحلبها


بجد أهداب أتكلمين صادقة !!

وربي مانتي بالبسيطة !!

وربي طلعنا معك خيييق صدق
هههههههههههههههههه



2 ) هل تستطيعين ذبح الضب وتقطيعه قطع صغيره؟

أـ نعم .
مع أني أكرهه بس لالزم تحدي قلت تم


الحق ان هذا الكائن من بد الكائنات الحية
لا طيق شكله وأقف بكل غرابة تجاه من يأكلونه
وأندهش أكثر حينما أسمع بشباب عندنا يمدحون
لحمه بالخص (( العكرة )) وما قالوا !!

ولاحد يقلي ترى الصحابي الجليل / خالد بن الوليد أكله
لجل لا أقله وترى الرسول ( ص ) عافت نفسه من أكله
صحيح ما منعهم لكن هو ذاته ( ص ) ما استطاب أكله !!

الحمدالله على النعمة بس
ومرة عندنا واحد من زملانا روقي ودلبحي بالتحديد
جابه وسواه مفاجاة للمصارية اللي معنا بالعمل والصدق
أنهم راحوا فيها وبدوا يصيحون ويقلون أبعد الوزغة دي عنا
ههههههههههههههههههههههه

ويوم جابه يمي قلت شف أنا ما أحبه صدق لكن
دامها للعناد وربي لو تحطه بحضني ما أشيله
لو أعرف بسبب وجوده موتي ، لكن وربي
بكرة لجيبلك برشومي بشوكه من حق ثقيف
ولملا حثلك منه فلا تزعل

والظاهر الرجال عدل وقال ذا خبل
ويسويها فأحسن نبعد عنه
ههههههههههههههه

3 ) ماذا تفعلين أذا شاهدتي فار يجري في الغرفه بصراحه ؟

ج ـ يغمى علي.
لا أمزح ..
طبعاً راح اقتله بس بالأول امزح معه مطارد وصب غراء فيران
لين يسلم نفسه لي


عاد تصدقين مرة واحد من خويانا بقمي
أيام الرياض والدراسة وشقة العزوبية
عاد طاردله فار وهو وياه بمخابط لين
ذبحه وحنا نلعب ورقة بالصالة جاء شايله
مع ذيله وفجاءة واحد من اللي يلعبون وهو
مالكي وولد شيخ وجيد الولد حقيقي حتى
بذراعه نعرف أنه جيد لكن للأسف ذاك الموقف
بدأ يصيح وطمر وجلس ورايا وقالي قل للبقمي
وربي لو جابه عندي لينكد ويكون أخر يوم
بيني وبينه عاد أنا فزيت بالبقمي وقلت يلا عاد
بلا وساخة واترك الرجال وترى الناس يوم تقزز
هو من وساخة والا فار ميت !! حتى الورع وش
يخوفه منه لكن بجد لفت نظرنا خوينا اللي نعرف
أنه جيد وبالأخير عرفنا السالفة أنه وهو صغير
جوه فجأة بفار وحطوه بحضنه وهو غافل عاد
بعدها صار يكره حتى ذاك اليوم يقول جيبولي
أسد ماعلي منه لكن فار لا الله يكره !!

بجد الفار وسخ وانتم بكرامة هههههههه


4 ) هل تستطيع التمييز بين البيز والخرقه ؟

أـ نعم .
وفيه ناس تقوول (وقاه )

وهي ما نستخدمه في مسك الأشياء الساخنة

هههههههههههههههههههههه

وربي يالبيز ما عرفته لين أستلحقنا اسعاف
بالجوال من عجوز بالديره ننشد عن البيز وشهو
والا عاد الخرقة معروفة مابها مشكلة


5 ) ماهي المكونات الاساسيه لطبخ الجريش ؟

أ ـ جريش و لبن .

هذي أكلات نجدية ما نعرفله حنا يمكم هذي
نعرف للعصيدة والملة حقت ثقيف والمرقة
هههههههههههه



6 )يقال فلان حجر فلانه فماذا تعني ؟

أـ منعها من الزواج الا برضاه .

والله يفك كل أسيرة من براثن ولد عمها وقلاعه


هذي معروفة وقديما كان ولد العم
يأخذ بنت عمه ويا ويل رجال يقدم
على ناس ويخطب منهم ويطلع للبنت
ولد عم حتى الريجيل يخجلون يسوون
مثل هالسواة وعندهم عيب أنك تخطب
بنت وألها عيال عم ألاّ أن كانوا صغار
بس هالحين هالمسألة أندثرت ومعاد
يسويها يكود هل الديرة البعيدين بلحيل
عن المدن يعني تكاد تكون معدومة !!




7 ) هل تعرفين الفرق بين الرخله والصخله ؟

أ ـ نعم .
الرخلة =بنت الشاة
الصخلة=بنت العنز


هههههههههههههه

تذكرت موقف وهوأول ماجيت لجدة وعندنا مسئول
شوي كبير بالسن وبالمنصب لكن ماهو بلحيل وعاد
قرب رمضان وراه جاينا ويقولي وهو مازح قوم يا واد
يا بدوي ياللي يقولولك ولد الشيخ أطلع روح شوف
الخروف اللي انا جايبه تقدر أنه وكل قبايلك تشترون زيه

ههههههههههه

قلت لا والله ما نقدر لسبب بسيط لأنه عندنا أصلا نربيه
بديرتنا ولا نحتاج نشريه مثلك هههههههههههه قلي
بس قوم شوف ترى ما يعرف يشتري غيركم قمت عاد
أيامها تونا متخرجين من الجامعة وفينا شوية صفقة
أنا والشباب اللي معي وكانوا واحدن حربي والثاني
زهراتي منتهي خلقة من تشوف وجه تضحك من قبل
لاحتى يتكلم عاد كيف لا تكلم !!وربي يموتك ضحك وواحد
حارثي عاد حنا يالعتبان ثنين أنا وواحد روقي المهم
لا وراك الله من أقبلت وشفت صندوق الونيت قلت للروقي
أسكت الظاهر انها رخل والرجال شكله متمنكح بس أصبر
خلنا نتأكد بس من قربنا من جنب الونيت وصاح الزهراني
في وجهه وقال أخذوا وجهك وسلخوه يوم انك فرحان
وأنت جايب رخل يالثور الريجيل الرشايدة ضحكوا عليك
حنا عاد متنا ضحك وأنا عن نفسي فطست من الضحك غصب
ههههههههههههههههههه

وربي تلطمت بشماغي ماودي أن الرجال ينحرج لكن
الشباب مجانين نزلوا فيه تريقة وجاني الضعيف يقول
أسألك بالله يا صادق فعلا رخلة ماهو بطلي؟ ههههههه
عاد أنا ميت من الضحك ورديتله وقلت من غير تسالين بالله
فتش بنفسك وتعرف مايبلها سؤال يالطيب وتغير وجه الرجال
عن جد زعل وانحرج ورد عليه يقول أنا أبغى أعرف كيف أنتم
عرفتوا انها رخل وأنتم من بعيد لسع ما وصلتوا للسيارة ؟ رد
عليه الزهراني وهو يصيح ويقول أخذوا وجهك صدق طالع
في وجها كيف مليح ماهو مثل الطلي !! فلو كان طلي كان
أمداه مثل وجهك كلح ماهو بهالجمال ههههههههههههههه
عاد الضعيف قال وربي الا تروحون معاية هالحين نردها
ونشري طلي عاد الزهراني نشمي الحق لله وما قصر راح
مع الضعيف ويعلمني الروقي يقول الزهراني بغى يضرب
الرشيدي لو ما دخلت بينهم وبالكاد فرعت والا كان جاء
اليوم مشكلة !!






13 ) ماهو الحاجز الذي يوضع بين حجرات الخيمه ؟

أ ـ الرواق.

ب ـ الحاجز.
حبل يوضع فوق الخيمة لمنع سطحها من الطيران بفعل الهواء
وقيل أنه عامود في وسط الخيمة يقسمها
ج ـ الطنب .حبل يشد به الخيمة

عاد هذي عندكم ما نعرفها حنا يا أهل الحجاز
ألاّ في الأونة الأخيرة يوم التماشي والكشتات


.15 )ماهو أسم حليب الناقه في الليل ؟

أ ـ الغبوق.

هيا عاد تصدقين وربي ما عرفناها لين
أستلحقنا بأسعاف معلوماتي بالجوال
من هل الديرة ومن عجوز ربي يعطيها
الصحة ويختملها بالخاتمة الزينة

هههههههههههههه


]

17 ) ماهي مكونات الحنيني الرئيسيه ؟

أـ بر و تمر.

ما نعرفه أبد

هذي أكلات نجدية بحتة يقابلها
الملة وباقي الأكلات الحجازية



18 ) يقال للمرأه طمحت فماذا يعني هذا القول ؟

أ ـ تركت زوجها .
وناس تطلق عليها (منافية)


وعند بدو الحجاز يقلون فلانة :ـ

(((( فاضه )))))


يعني زعلانة مع زوجها وتاركة بيته ورايحة لهلها
أما ضاربها او حاصل بينهم مشكلة ، طبعا ا قديم
وألاّ الآن الرجال هو اللي يترك البيت ومثل ما يقلون
أخوان المصريين :ـ

(((( الراجل طفششششش ))))

هههههههههههههه
.


هااااااااااااااه وش رأيك بدوية ولا مانيب ببدوية ؟؟
البداوة عشقي وسماي وهوى بالي
من عرفها ماتقرف منها بل تلذذ فيها وعرف معنى طعم الحياة




بصراحة
ما شاء الله تبارك الله يا أهداب طلعتي بدوية
أصيلة بجد والا حنا منجنبها ولادة الطائف
وأبوي الله يرحمه ولادة مكة ومنين ومنين البداوة


بجد قلت لمرة عندنا فيه وحدة هذي اجاباتها
قالت لا تكون حرمة كبيرة قلت أبد الا شابة
قالت ها بعدي عليها البنت (( المشرى )) على
فكرة تراه مدحه لا أحد يجي مطفي النور يمها
بمعنى ( البنت النشمية الشاطرة )

سلمتِ يا أهداب ومرجع ما فيها كلام

ومشكووورة يا مي عاد أنتي ممثلة البدو
بهالأيام من جد رجعتي أيااام زماااااان



للجميع
ود و ورد



صادق الإحساس

[*أهداب*]

8
8
أخجلتني:blushing:




حوفك ياصادق
منت عايشن في وسط ناس ضيوفهم من اهل نجد ومن شتى بقاع الأرض
فحينها غصب أعرف أكلاتهم ..وأنواعها ...
ولا تربيت وسط عجائزن يزرن عليك لا ماعرفت النعت(الوصف) ..
صرت أعرف معاني كل ماحولي وأتقوى على اللي ما أقدر ولا اجسر عليه..
ولا رحت في خبر كان ..
وعلى قولتنا ...
دفنني بالزرية ...

[*أهداب*]

الشعثا وش بعدها عن اللتيحه

الشعثا على اللي اعرفه ..مثل ما ذكرنا فوق
دقيق +زبدة أو سمن + تمر

اللتيحة
هي طبخ اللبن حتى ينضب ماءه ثم يثخن فنطلق عليه لتيحه
ويؤكل مع التمر

وهناك من يعمله على شكل أقراص ويجففه
فيصبح (مضير ...أو إقط ..أو بقل )

وسلامتك ياسعود

[صادق الإحساس]

حوفك ياصادق
منت عايشن في وسط ناس ضيوفهم من اهل نجد ومن شتى بقاع الأرض
فحينها غصب أعرف أكلاتهم ..وأنواعها ...
ولا تربيت وسط عجائزن يزرن عليك لا ماعرفت النعت(الوصف) ..
صرت أعرف معاني كل ماحولي وأتقوى على اللي ما أقدر ولا اجسر عليه..
ولا رحت في خبر كان ..
وعلى قولتنا ...
دفنني بالزرية ...


شوفي أهداب كلامك صحيح

لكن لعلمك والله أني جلست بالمجلس الشرعي وعمري توه ما كملت 18 سنة زين حتى القاضي طلب هويتي عشان يتأكد من سني هل أصلح شرعا كوكيل عام يجوز سني شرعا أو لا !! وسافرت وعمري ما كمل 15 سنة حتى أذكر أني سافرت بموافقة الوالد وراح معي لين أنهى الإجرارات الرسمية وكله أروح أجيب عمالة من الخارج وعمري بهالسن !!

وخاويت عواده وأنا صغير بلحيل و يمكن تلاحظين كن هرجتي بدوي وأنا والله ما عشت ولا يوم بقريتنا مير مع هالعواده يسحبوني فيني يمين وشمال ومقالب وش كثرها لين الواحد شوي ويتبلد حسه (( خليها على الله ) يا بنت الأجواد كلن بهمه ساري

[شامخة الذات]

شكرا يا مي على هالموضوع
الصراحة طلعتوا انتِ و أهداب
بدو و النعم والله
الصدق انا بعد بدوية بس مطورة
هههههههههههههههههههههه

[بنت الريف]

تسلمين مي على هالموضوع الحلو

كنت فرحانة بجاوب على الاسئلة لكن دقرت عند ثلاثة اسئلة ماعرفت اجوبتها

وعرفت اني نص بدوووووووووووووية

ماشاء الله على اهداب رهيبة ياعالم

أهداب البسي بريقعتس وسيري علينا وربي بتستنسين عندنا وبنادي امي واختي الكبيرة وتكلمل الجلسة

النجلاء هههههههههههههههههههههههه بصراحة بدوية مهجنة انتي على هالاجوبة الحلوة

تسلموووووووووووووووو على هالموضوع والردود العجيبة


تحياتي

[النجلاء]

بنت الريف هلابك ياقمر ,,,,



النجلاء هههههههههههههههههههههههه بصراحة بدوية مهجنة انتي على هالاجوبة الحلوة


اشكرك ياقلبي على كلامك <<<<<<< ماتدري هي سبّه ولا مدحه هههههههههههههههههههه


مي العقيلي,,, خرجت ولم تعد وحنّا حنشلنا موضوعها


بنت الريف عرّفي كلمة حنشلنا المذكوره اعلاه لغة وشرعاً ومن أين اقتبست ؟؟


سي يووو

[بنت الريف]

بنت الريف عرّفي كلمة حنشلنا المذكوره اعلاه لغة وشرعاً ومن أين اقتبست ؟؟


هي كالتالي الله يطول بعمرتس :كلوش:

الجزء الأول من الكلمة مقتبس من كلمة حنش يعني// ثُعبان// حية //داب :11ea: سنيك
والجزء الثانية من الكلمة // لنا ضمير مستتر تقديره نحن اللي قاعدين نحووووووووس بهالموضوع :11retcher

اقتبست من معاجم اللغة المندثرة في عصر الفتى الوسيم حنش وأخته وحش من مضارب حنشلنا
وطبعا مقتبسة من كلمة حنشل

وش رأيك فيني اكيد بتقولين فلته هالبنت:11ap: :11ap: :vampire:

تحياتي

[*أهداب*]

يؤيؤيؤ
بنت الريف هنا ..:11ap: :كلوش:

وموجهه نداء لنا ..

يامرحبا يامرحبا ..:كلوش:




أهداب البسي بريقعتس وسيري علينا وربي بتستنسين عندنا وبنادي امي واختي الكبيرة وتكلمل الجلسة

يالله جايتك طيارة :110t: ..وياخوفي بس من عيالك :11azy: ...

عاد كان تبيني أجيب طناب وأربط عراقيبهم ثم أعقد نهايته بوتد ..مغروس في وسط صالتكم
ماعندي مانع ..ولا تدرين الطناب مامنه فائدة راح يرحون ويجون علينا:11ight:
مالها غير حبل ونعلقهم فيه ..:rolleyes:



..خائفتن يخربون علينا جلستنا ويحوسونها مثل ماحاسوا مقلطي أنا ومشاعر..:11ying:



بنت الريف ..أسعدتني دعوتك <<<ياعنني محترمة:blushing:

واقول كنك تعرفين وش كثر أحب جلست الكبار ...



وش رأيك فيني اكيد بتقولين فلته هالبنت
مهنا هرجة فيتس ..وخلي أحد يقول غير هيك ..<<ماتهدد:bruce_h4h

[أمل عبدالعزيز]

:vampire:

معقول

بنت الريف هناااااا
:11ap:

لازانت العلوم

وش ألي دقرتي عندها ياغناااتي!!

<=== هادي البت مافهمت ولا حااااجة بالمرررة حضرية وماعندها خبرة بهديك الحاجات الله يسامحك يابت يامي

:11oud9:


بس أنا لي شرح مطول لحنشلنا

هذي الكلمة كالتالي:

ح= هذا حرف الحاء <== احلفي ههه وهو يستخدم عند النداء فبدل مانقول هااا نقول حاااا <== متطورة حيل:11oud9:

حن= وهي ضمير قروي بدي بمعنى انحن = نحنُ = وهو ضمير يتصل بكل شيء ودوماً تستخدمه أهداب لصارت تحكي عن نفسها بس ههههههههههههههههههههه:نأ:

شل= وهو ضد الحط ,, وهو بمعنى شيلوها أزين لكم قبل تجي مي وتشيلنا من هالموضوع ألي بسبت النجلاء صاير شيلة:هاها:
وكذلك معنى: شل/ هو نوع من الزيوت اسمه سوبر شل :11ap:
وله مرادفات كثيرة بس هذا مافي جعبتي الساعة:11umbup:
نا= ضمير متصل يقصد أنا بس مختصر لسرعة العصر مثل قولتنا أعلاه حن فكلمة(حن) و( نا) كله اختصارات لحكينا :واو:

وشلنا= يقصد بها أننا شلنا الموضوع وطرنا فيه ثمن وقعنا على بنت الريف هههههههههههههههههه:11ight_li

وحنشلنا مفردها حنشل وهي جمع تكسير وتصفيق لأنه ينتج عن الحناشل شيل كل ماخفَّ وزنه وثقُل ثمنُه:harp:
وهم فئة تخرج بتالي الليل وتصرق وترد سالمة لبيتها :هاها:
<== تعبت هالزولة:زعلان:


ههههههههههههههههههههههه

فمان الله حبيباتي

[النجلاء]

هلا عيووووني بنت الريف < < < طاحت الميانه خلاص ههههههههههههههه


الجزء الأول من الكلمة مقتبس من كلمة حنش يعني// ثُعبان// حية //داب سنيك

ماشاء الله تبارك الرحمن بدايه موفقه اخيتي وشرح وافي الله لايحرمنا فيض علمك ولي ملحوظه صغيره يعني لو ارفقتي صوره توضيحيه للحنش عشان يستفيد الجميع فقد نجد من لايعرف الحنش


والجزء الثانية من الكلمة // لنا ضمير مستتر تقديره نحن اللي قاعدين نحووووووووس بهالموضوع

عجبتني مفردة نحوووس واستخدامك لها في محله وان كنت اتحفظ على الواوات الكثيره فهذا تبذير في غير محله هداك الله


اقتبست من معاجم اللغة المندثرة في عصر الفتى الوسيم حنش وأخته وحش من مضارب حنشلنا
وطبعا مقتبسة من كلمة حنشل

ونهايه موفقه لطرحك الرائع واجابه نموذجيه تستحقين عليها قسيمة شراء بـ 500 ريال من اقرب محل عطاره وبهارات


وش رأيك فيني اكيد بتقولين فلته هالبنت

ياشيخه 60 فلته بعد واللي يقول غير هيك بياخذله 60 فلقه بجبهته ههههههههههههههههههههههههه هههه

بنت الريف ,,,,

حيّاك ياقلبي في الغربله ونحن بحاجه لمثل قلمك الغربولي الناضج هههههههههههههههههههههه

يعطيك العافيه

[النجلاء]

هلا اموووووول


بس أنا لي شرح مطول لحنشلنا

حيّاك الله اختي الحبيبه امل ,,, ولي وقفه مع ردك وتوضيح لعدة امور اتمنى ان يتسع صدرك لها فنحن نلتقي بالنت لنتصافق فكرياً ونتحاذف ثقافياً ونتماعط الشوش ادبياً والله المستعان


ح= هذا حرف الحاء <== احلفي ههه وهو يستخدم عند النداء فبدل مانقول هااا نقول حاااا <== متطورة حيل

فعلاً ويمكن استبدالها بمااا او بااا اذا كان المنادى خروف او نعجه او تيس او صخله كما اوضح الزعفراني في كتابه الثغاء في حروف النداء


حن= وهي ضمير قروي بدوي بمعنى انحن = نحنُ = وهو ضمير يتصل بكل شيء ودوماً تستخدمه أهداب لصارت تحكي عن نفسها بس ههههههههههههههههههههه

رحمة الله عليك ياسيبويه لو عاش للحين وشاف هالنحو المطوّر كان اشتكانا واكلنا فيها 3 سنين سجن ياقلبي انتي ههههههههههههههههههههههههه هههههههههههههه واولنا أهداب ومي


شل= وهو ضد الحط ,,

هنا اختلف معك اخيتي فمفردة شل ياتي مقابلها مفردة خل والدليل ان فيه اغنيه لا اذكر من يغنيها تقول شيل ياقلبي وخل لاتعود للزعل ,, ماقال شيل ياقلبي وحط لان مفردة حط يقابلها مفردة علو او علا ,,, فيقال علا الطائر ثم حط على جبهته فالصحيح هو خل ,, والموضوع كله صار خل بخل ههههههههههههههههههههههههه ه


وهو بمعنى شيلوها أزين لكم قبل تجي مي وتشيلنا من هالموضوع ألي بسبت النجلاء صاير شيلة

اضحك الله سنك ها ها ها ( ضحكه بالفصحى ) وهنا اتذكر لطيفه من لطائف الشيخ سعود الغربولي في كتابه ( تعليمات الغربله للزحف والهرقله ) يقول في الفقره واو من البند 6 من الماده 15 :

أي عضو يتغيب عن موضوعه لمدة 3 ايام يعتبر تارك له ويحق حينها لاي مشرفه من مشرفات الغربله الاستيلاء عليه واعتباره موضوعها حلال بلال عليها وكأنها هي اللي كاتبته وعادي ترد على بقية الاعضاء بوجه قوي ولو رجعت صاحبة الموضوع تكون كبقية الاعضاء ليس لها الحق بالمطالبه به <<<<< جحدوا مي العقيلي بقووووه هههههههههههههههههه


وكذلك معنى: شل/ هو نوع من الزيوت اسمه سوبر شل
وله مرادفات كثيرة بس هذا مافي جعبتي الساعة

الحمدلله اللي رحمتينا من بقية المفردات ياقمررررر ,,, ربي يبلي ويعين سبحانه ههههههههههههه



وشلنا= يقصد بها أننا شلنا الموضوع وطرنا فيه ثمن وقعنا على بنت الريف هههههههههههههههههه

ماعينت خير بنت الريف بهالموضوع هههههههههههههههههههههههه


وحنشلنا مفردها حنشل وهي جمع تكسير وتصفيق

اختلف معاك هنا ايضاً فهو جمع تشليح ياعزيزتي حتى يجد الحنشل مقاومه فهنا يتحول الى جمع تكسير وتصفيق وتلطيش فانتبهي رعاك الله للفرق حتى لايصبح هناك لبس لدى القاريء


لأنه ينتج عن الحناشل شيل كل ماخفَّ وزنه وثقُل ثمنُه
وهم فئة تخرج بتالي الليل وتصرق وترد سالمة لبيتها

نعم هو ماذكرتي ولكن مرات يردون لبيتهم ومرات مايردهم الا ابو زعبل ههههههههههههههههههههههههه هه


<== تعبت هالزولة

طبعك ولا بتشترينه دايم فيك النوم وتعبانه <<<<< ههههههههههههه حشّه على الطاير


امل ,,,,

ربي يسعدك ياشيخه على هيك صرقعه كاملة الدسم


يعطيك العافيه

[مي العقيلي]

يافوشة ترى أنت بدوية مافيها كلام
وأحس مافيك أنك خاشة جو مع الموضوع لدرجة أني أحس أنك بتغنين السلام الملكي
الله لايحرمني من هالمرور
هههههههههههههههههههههههه:v ampire:


والصخله هي زوجة الجمل ونستخدمها للتعير بينناهههههههههههه
الله بس
بصراحة مثل هالبدوية ماشفت:هاها:

[مي العقيلي]

كوكو
تسلم ياخوي والله أنك رفعت فيني لدرجة أني بصدق نفسي وكل يوم بنزل موضوع

[مي العقيلي]

النجلا تسلمين ياقلبي وسويت تحديث وحاولنا نركب اكس بس الجديد:wink: بس المخ معيي :harp: يقول قديمك نديمك لو الوندوز أغناك ههههههههههههههههههه
وأهداب والله بدوية بدوية مافيها كلام والدليل شوفي كيف التفاعل مع الموضوع الله لايخليني منها هالعتيبية:واو:
وتسلمين ياقلبي على احتلال الموضوع والليلة باذن الله بتشوفيني وأنا أقاوم واسحب البساط من تحت رجولكم:11owoff:

[مي العقيلي]

أهداب والله شرح مفصل بالمرة ههههههههههههههههههههههه:11o to: بس الشعثاء غير الشعثا على حد طعمها بفمي :icon_smil ههههههههههههههههههههههههه ههههه لكن مالومك لأن النجلا الله يهديها ماتوضح الأسئلة:vampire: بس ترمي السؤال واحنا علينا التوضيح والتتنيح:11ccer:
وبصراحة ياأهداب أحس أنك يوم شرحتي الكلام كان قدامك وحدة شعثة غبرة هبرة يهييييييييب عليها:mf_popean
هههههههههههههههههه
وماعليك ياوخيتي والله يالغلا أني لاحوس الدنيا بس أحد يمسك طرف ثوبي لاطب في الميدان:11ight_li

[مي العقيلي]

يامملووووووووحة وين الملح إن ماصرتي بدوية؟ لأن الملح كله في البدو <<< بدا الترفيع:هاها:
وفالحقيقة يابنت الأجواد البدو شيء ماتعرفينه هههههههههههههه يالحضرية هههههههههههههه:mf_leia:
لكن تسلمين على هالعبور الخاطف :wink:

[مي العقيلي]

ياحليلكم والله حيالله المشرفة العامة بنت عبدالعزيز
أجل متعبة روحك وتشرحين
أول شيء جيت للصرقعة بتوجيه من قائدكم البطل أبو عبدالرحمن يقول الصرقعة حلوة روحي تعرفي على من فيها تراهم بنات ماعليهم زود والصدق ماكذب أنك ماشاء الله مبسوطين هنا وأنا كنت بس أخش للشعر ولو هاه هاه حركت شوي رحت للخواطر والا قضايا وأثر العلوم الزينة هنا مافيه غير ناس تشد شعرها وعالم تاخذ الموااضيع لغاب عنها راعيها وشيء ماينوصف هههههههههههههههههه:هاها:
وعن قولتس الشعثاء وشرحك المطول فالشعثاء شوفيها هنا:11kia: أبد كود هالى بالصورة شوي زينة ههههههههههههههههههههههههه هههههههه وماقصرت أهداب الله يوفقها شرحت بالتفصيل الممل <<< تذكرت أيام الجامعة ههههههههههههه:هاها:
وترى الفرق اليي أنت قلتيه عن الرخلة والصخلة صح تمام هههههههههههههههههههههههه:1 10t:
وأنا بصراحة أحس أني وجدت نفسي هنا بينكم ومعاد لي خاطر بالشعر وسوالفه:نيني:

[مي العقيلي]

الحين ومن هذاالرد بدأ احتلال النجلا للمووضوع وهذا يحتاج له البوليس الدولي يجي يطلعها منه:vampire:
صدق المثل الي يقول من غاب عن عنزه جابت له قطو هههههههههههههههههههه :هاها:
هالحين مامداني أغيب كم يوم لسبب صحي نفساوي وتجون تحتلووووووون المااضوع بكله؟؟:11azy:
لييييه علموووني الحين:بايو: والله ظلم يالربع ههههههههههههههههههه:redface:
بس أنا مبسوطة لأنه لو يحتريني كان أبطي عظم ولا كان راح بالصفحة العاشرة لكن ماقصروا البنيات حطوا حيلهم فيه
والله أني معاد أدري هو الموضوع لي ولا للنجلا وامل وبنت الريف وأهداب
صدق زمن حنشليله
وترى هذا شرح للحنشلة بس بالطبيعة ههههههههههههههههههه:11air:
<< ياويلكم منها:ranting2:
لكن ربي مايحرمني من هالبسطة الي هنيا:احم: :36_11_15[

[مي العقيلي]

عزالله أنك بدوية حيل يالدندووووونة وصح لسانك<<< وش قصيدة ولا رد
هههههههههههههههههههه:هاها:
ولاخلا ولاعدم من الطلة الحلوة

[مي العقيلي]

:11owers: :اموه: ههههههههههههههههه
ريما ياحبنيلك هههههههههههههه
الصدق ماحسيت أنه بدوي هنا غيرك مادري ليه قلبي يقول أنك من بدو لبنان هههههههههههههه:36_1_62[1
مررة أحس فيك شبه منهم وفي قراوتهم ورقتهن وشي ماينقال ههههههههههههههههه وترى أنا مرة معجبني ردك ومحسسني بأن فيه ناس بدو بس مشفرين هههههههههههههههه:009:
وشكرا لك على الطلة الحلوووة يامامي وبابي ودادي وتيتي:vampire:

[مي العقيلي]

سعود المراقب البدوي والله التميز ياخوي وجودك وردك المميز هههههههههههههههه
تسلم ياخوي ولاتغيب عنا ووينك عن السرقة الي صايرة؟ مايصير ياخي انا أطالب الحين بحقوقي وبانقض قرار الامم المتحدة بحق الفنتوا الى شربناه واحنا صغيرين:هاها:

[مي العقيلي]

ياويلي ويلاااه يابنات صادق هنا ولتيحة لاااااااا ومليون لااااااا:واو:
ههههههههههههههههههههههههه :هاها:
والله وأنا أختك أنك أحسب أنك شايب عمره مية سنة ويومين<<<وليه اليومين عاد:11ap:
لكن لاحظ أنك رديت على أهداب ونسيتني الله يذكرك بالخير يالمؤمن هههههههههههههههه:11ccer:
تسلم لي الطلة الحلووووة:vampire:

[مي العقيلي]

حلوة بصراحة بدوية متطورة

الصراحة ضحكتيني هههههههههههه
لكن أنا أفكر كيف متطورةhttp://www.asmilies.com/smiliespic/happy/005.gif (http://www.asmilies.com)
ماقدرت أفهم:هاها: بس تدرين يسلم لي الرد الحلو مثل صاحبته الشامخة:huglove:

[مي العقيلي]

بنت الريف الله يوفقك ياشيخة أجل دقرتي طيب كان علمتيني أرسل لك ونش يدفك هههههههههههههhttp://www.asmilies.com/smiliespic/happy/203.gif (http://www.asmilies.com) بس تدرين عاد والله أنك يوم مريتي الموضوع زادت حلاته وصار كله بنات بدويات ومدقرات بعد هههههههههههه:هاها:

[مي العقيلي]

النج نج احتلت الموضوع مافيها نقاش هههههههههههههههههه الله يذكرها للشعثا بخير هي السبب
شوفي من جالس يسويها الحين http://www.asmilies.com/smiliespic/happy/206.gif (http://www.asmilies.com) وتصير بعد هاللحركات حيسة ههههههههههههههههههههههههه ههه وهنا بعد شوفي كيف نسوي اللتيحةhttp://www.asmilies.com/smiliespic/happy/208.gif (http://www.asmilies.com) ههههههههههههههههه
وأمل ماقصرت كملت الباقي ماخذين الموضوع سوالف وشروحات بس أنا لي تعليق غير
حنشلنا الي لكم ساعة تفسرونه هو
كلمة افريقية معناها عصيدة بمرقة وتمر وزنجبيل تنوكل بالشتا <<<ليه فيه شتا بافريقيا ههههههههههه:هاها:
المهم تراني أهدد الحين لن زاد أحد استحل الموضوع أني لاجيب كوفي عنان وأخليه يقلبها سامري ههههههههههههههههههههههههه ههههههههههههه

[صادق الإحساس]

ياويلي ويلاااه يابنات صادق هنا ولتيحة لاااااااا ومليون لااااااا:واو:
ههههههههههههههههههههههههه :هاها:
والله وأنا أختك أنك أحسب أنك شايب عمره مية سنة ويومين<<<وليه اليومين عاد:11ap:
لكن لاحظ أنك رديت على أهداب ونسيتني الله يذكرك بالخير يالمؤمن هههههههههههههههه:11ccer:
تسلم لي الطلة الحلووووة:vampire:



مرحبا ألف ... تلحقها ألف ترد الألف ألف و في سدها ألف وعن يمينها ألف ومن تحتها ألف ومن فرعها ألف للبنت المشرى السنافية ((((( مي ))))) بنت الرجال المناعير اللي يسوقوا الرجال يوم الزحام سوق المناعير غصبن ماو برضاهم

والله يا الأجودية يا قطيرتنا ما نسيتك وجعل الموت يناساك ( ولو أن الموت ما يبا ينسى أحد لكن ليته ينساك لما تصير عجوزة المية )ودليلي أحمله في يدي بردي هذا وهاهو :ـ





ومشكووورة يا مي عاد أنتي ممثلة البدو
بهالأيام من جد رجعتي أيااام زماااااان
صادق الإحساس

أما ردي على ألأااامبراطور هدب غرابيل فهو بحق من المفاااجأة التي استوقفتني عندها الهدب بردها الوافي الكامل المكمل وكأني مع بنت القروم على غدير دم سال من كثر المجاريح أيام طرد الفرسان المردفين المصاويب في غارات الرجال بليل الهجاد وألا بصبوح المناويخ يوم النار المشتبة شبة زمهرير ما تعرف حينها غير وجيه المسافير اللي للطالات ثابتين من دونها حامين لواااء المناصير نصر بيوم صك العذاري جيبوها فقد الرجال المسادحين !!!!! وحليلااه يا ذيك الأيام ليت واحدن مثلي لحق وعاش وتناول دلة هاك الأيام يوم ماحدن يشربها غير من كان فعله مثل فعل الغفّار طويل الأاايمان وألافعل شليويح راعي الغارت يوم الرجال السبور أله بكل ليل يسبرون هجاده والا كل نهار يخافون من صباحه

ماهي أيامنا هذي يوم الضعيف هتّان !!! يتصل على صديقته نانسي يبي لو ضحكتن تضحك على وجه بومتن ثم تسفه سفه اللئيم لواحدن ماقضاله حاجة طلاّبها


لكن ترى العمر وعمر الفتى ماهو بمحدود يمكن أكون أصغر منك أو ما باعدك والا الشايب بتلقينه بمسجده ما ظنتي يتركه وبيجيء عشان يسجل بالغربلة كلمتين والا بالشعر بيكتبله بيتين .



تسلمين يا مي بنت الرجال الكريمين اللي يسوقون الجيش سوق الكريم لصلح الحروب المقيمة سنين الحفوف وللرجال كانت مبيدة بيدة حرب البسوووس .


وبعد هذه كله ... ترى نطلبك العذر والسموحة أن حصل تقصير ما بغاناه أو حصل زلة النفس والله ترنا ما نرضاها لا لك ولا لغيرك من الناس الطيبين .




لكِ
ود النشمي مدسم شوارب الرجال بوقت الجوع
وورد الأخ مقدر قدر جارته وأخته اللي مثلك





صادق الإحساس


.

[المملوووحة]

مطويلينها انتم


البدو لو بتكتبون عنهم وعن اكلاتهم وحتسيهم كان قضت اعماركم ماخلصت خرابيطهم


بعدين الملح كله فيني وبسسسسسسسسسسسسسسسسسس


شحلاااااااااتكم كلكم وحفظ الله الحضر والبدو

سي يو

[سعود]

تسلم ياخوي ولاتغيب عنا ووينك عن السرقة الي صايرة؟

مين اللي سرقك واانا اقطع رقبته


يؤ قصدي ايده



وبعدين انتي ماتحتاجين فزعه .. انتي بنوووته متمكنه



وشعارك العقرب


يعني لدغه منك ونصلي عليه صلاة الميت


اشكرك مجدداً على هذا الموضوع المميز


والله يستاهل النجووووم



تحية عطرة

[النجلاء]

النج نج احتلت الموضوع مافيها نقاش هههههههههههههههههه الله يذكرها للشعثا بخير هي السبب
شوفي من جالس يسويها الحين وتصير بعد هاللحركات حيسة ههههههههههههههههههههههههه ههه وهنا بعد شوفي كيف نسوي اللتيحة ههههههههههههههههه
وأمل ماقصرت كملت الباقي ماخذين الموضوع سوالف وشروحات بس أنا لي تعليق غير
حنشلنا الي لكم ساعة تفسرونه هو

هلا مي <<<<<<<<< مستحيه وحاطه يدينها ورا ظهرها


شوفي انا بقولك الصدق


انا بصراحه جتني رسالتين عالخاص من سعود وابوعبدالرحمن يقولون مي عندها شوي ظروف ونبغاك تحركين موضوعها لين تجي <<<<<< قدر مهلبيه ماهوب موضوع ههههههههههههههههههه

وسلامتك ,,, فمالقينا الا الشعثا واللتيحه والحنشله والبنات ماقصروا اهداب وامل وبنت الريف ولو صبرتي بعد شوي كان كملنا لين نقلب موضوعك هذا فرع للجنادريه والدخول بتذاكر هههههههههههههههههههه

لكن الله لطف بكم سبحانه ,,,,,,

مي ,,,,

حياك ياقمرررررر ومن جد ثانكس على هالموضوع