برج المملكه وزمان الجاهلية ,,,,

[هداج تيماء]

السلام عليكم ورحمة الله وبركاته

برج المملكه كل عام وانت بخير بعد الزحمة


يشرفني اللعب معك والفائده لي طال عمرك

ومتى ماطاب لك وسمح وقتك اتشرف بردك وكان مشغول خلها تروح :

استلم لاهنت



ليت برج المملكه عاصر زمان الجاهليه = كان جاله صيت واصبح مثل ابو زيد الهلالي
عقب راع الطيّبه ساووه مع راع الرديه =في زمنّا والتفاضل بالجنيه وبالريالي

[سعودعبدالله]

السلام عليكم ورحمة الله وبركاته

برج المملكه كل عام وانت بخير بعد الزحمة


يشرفني اللعب معك والفائده لي طال عمرك

ومتى ماطاب لك وسمح وقتك اتشرف بردك وكان مشغول خلها تروح :

استلم لاهنت



ليت برج المملكه عاصر زمان الجاهليه = كان جاله صيت واصبح مثل ابو زيد الهلالي
عقب راع الطيّبه ساووه مع راع الرديه =في زمنّا والتفاضل بالجنيه وبالريالي


الله الله الله



يا هداج ,,,,, لله درك و هالحين ادق على برج وبرسم الخدمه لما في هذا القاف من ابداع


وتراني في صفك جهرى و العين ترى


ومن العايدين بعد الزحمه هههههه

[برج المملكه]

وعليكم السلام و رحمة الله وبركاته

كل عام وانت بصحه و سلامه وعسا ايامك كلها عياد يا شاعرنا و مبدعنا

انت تامر امر و يشرفني اللعب مع استاذ بحجمك ..

تفضل طال عمرك



خل عنك الجاهليّه و العصور الاوّليّه=حاضر بحاضر و اخذ فنجال من صفر الدلالي
الردي ماله نصيب مع الرجال اهل الحميّه=وحملة الجمّال ما يشتالها غير الجمالي

[هداج تيماء]

سعود عبد الله


ارحب ارحب تراحيب المطر


شرفني حضورك يالقرم والابداع انتم اهله ومنبعه

والصف وراعي الصف يتشرفون بوجودك وعساك سالم وغانم

ومن الفايزين وكل عا وانتم بخير <<< بعد الزحمه هههه


ودق علي البرج واجر المكالمه عليه وان عيّا دفعتها عنه << هههه

[برج المملكه]

هلا يابو عبدالله



بس بعدين لاعاد تدق و تسكر لو سمحت :11ap:

[هداج تيماء]

هلا هلا وما يامر عليك عدو واستلم لاهنت



كان خليت العلوم البيض في نجد العذيه = مابقا لك ساس دار ولا بقا لك راس مالي
الحميّه روّحت مع روس قوّاد السريه = والجمل ثاوي بعد مافارقه ذيب العيالي



ملحوظه هناك صعوبه في تنفيد الامر يتأخر

[برج المملكه]

البقا البقا لاعدمتك و استلم لاهنت



البروق تلوح و الرعّاد ما نسمع دوّيه=والوطى ماسال سيله من مراويح الخيالي
انت يا هداج تيما تايه ٍ في المهمهيّه=نوب ترثع في الجنوب ونوب ترثع في الشمالي

[هداج تيماء]

استلم لا هنت



المطر من عصر بلًّ المملكه والفيصليه = اذكر الله قبل لا تغدي مبانيها هيالي
والدليله مايتوه وخلّ عنك العنجهيه = الرشا لامثالكم ماندرجه فوق المحالي

[أمل عبدالعزيز]

ههههههههههههه

محاورة سااااااااخنة

صحت القلوب

والصف معك يابرج ولايهون هداج تيماء


شدو حيلكم

والله يكون بالعون....
.

[برج المملكه]

عندك لاهنت


لا اله الا الله المعبود و محمّد نبيّه=مار برج المملكه ثابت مثل صمّ الجبالي
لا تخلّيها كذيّا بين شمس و بين فيّه=حطّها في الشمس والا خلّها تحت الظلالي

[أمل عبدالعزيز]

.
.

لا اله الا الله المعبـود و محمّـد نبيّـه
مار برج المملكه ثابت مثل صمّ الجبالي
لا تخلّيها كذيّا بين شمس و بيـن فيّـه
حطّها في الشمس والا خلّها تحت الظلالي





الله عليك يابرج

صح قلبك

مبدددع


شدو حيلكم

[برج المملكه]

امل عبدالعزيز


حضورك في صفي يشرفني


صح بدنك ولاهنتي


دمتي بخير

[هداج تيماء]

هاك لا هنت



كان ودّك بالدروب العوج عان النار حيه =والسمر في جوفها مركم شديد الاشتعالي
وان بغيت الستر خلك لازم خطام المطيه = خلها ترعى وفل ّوقرّ في زين فالمفالي

[هداج تيماء]

امل عبد العزيز



اهلا وسهلاً


يشرفنا حضورك وصح بدنك

[أمل عبدالعزيز]

هداج صح لسانك


متاااابعة وبقوووة هالمرة


همتكم بس أعصابكم

[برج المملكه]

طيب طيب

استلم



العواجه للعوج وانا معك في كل نيّه=مار علّمني و جاوبني على قدّ السوالي
فاتكم عيد رمضان و عيّدوا عيد الضحيّه=والذهب في السوق غالي و الذهب في السوق غالي

[هداج تيماء]

صح بدنك اخت امل عبد العزيز




وتسرنا متابعتكم

[أمل عبدالعزيز]

العواجـه للعـوج وانـا معـك فـي كـل نـيّـه
مـار علّمنـي و جاوبنـي علـى قـدّ السوالـي
فاتكم عيـد رمضـان و عيّـدوا عيـد الضحيّـه
والذهب في السوق غالي و الذهب في السوق غالي




الله عليك يابرج
\

خطير والله
صح لسانك

وشد حيلك ترى هداج خصم عنيد

ههههههههههههههههههههههههه ههه

متاااابعة لكم
ومحاااورة من الطراز المميز

[برج المملكه]

امل عبدالعزيز


مرحبا مره اخرى و هداج خصم عنيد فعلاً


الله يخارجني منه بأقل الخسائر


سلمتي ولا هنتي

[هداج تيماء]

هاااا دوك لا هنت



طائرات الميج قامت ياسلاح المدفعيه = بعد ساعه يصدر التصريح ويصير احتلالي
عيدنا عيد السعد مافاتنا في كل هيّه= نشتري ونبيع فالجزلات ونكب الهزالي

[هداج تيماء]

هلا يابو عبدالله



بس بعدين لاعاد تدق و تسكر لو سمحت :11ap:


هههههه <<< مسوّيها

[برج المملكه]

طيب طيب عندك


السلاح اللي تجيبه عندنا ضدّه و زيّه=لا تهقوابي وانا اللي حيلتي من دون حالي
مار اطعني مالك و مال الحروب العالميّه=الحروب العالميه لعبتي ياابن الحلالي

[هداج تيماء]

الله الله ياسلام


هادووووك



جاتك الأسراب منظرها يهزّ المعنويه = ويل قلبك يالغشيم اللي تدور للقتالي
ابتدت رحلة عذابك واعتبرها سرمديه = مستمره فالنهار ومستمره فالليالي

[برج المملكه]

الله الله جااااااااااااك



ان بغيت اقلعك قلفعتك مثل مقلع طميه=ياعرب نور القمر ماهو كما نور الهلالي
التمنّي ما يفيدك مار جرّ السامريّه=خاطمينك بالخطام و عاقلينك بالعقالي

[هداج تيماء]

الله الله


هااااااااااادوك



احتسيت لكل داب ومحتسي من كل حيه = من فضل ربي وصرت امشي وانا مرتاح بالي
ماخطمت شعيل مالك في خطامه مقدريه = عسفه وعقله على بعض العرب صعب النوالي

[العسجديه]

صباح الشعر والجزالة ومعانقة القمم

برج المملكة و هداج تيماء

إبداع بلا حدود

حضور للاستفادة

صحت قلوبكم

برج: أهنيء منتدى غرابيل بوجود شاعر ومشرف بحكمتك
لاعدمناك

لكما احترامي

[برج المملكه]

استلم و الصلاه الصلاه :)

تمس على خير و صح لسانك


كل يوم اكويك يا هداج كيّه فوق كيّه=وان بغيت اذبحك ذبحك لا حرام ولا حلالي
ماتروح ولا تجي وخطام راسك في يديّه=واعذابك يالبعير اللي عليك الحمل مالي

[برج المملكه]

العسجديه


شاعرتنا الرائعه بلا حدود


تشريفك لنا يزيد المحاوره جمال وتألق


لاهنتي وشكراً على اطراءك الجميل و ان شاء الله اكون عند حسن ظنك و ظن الجميع


لك ِ الاحترام و المودّه ..


دمتي جميله كما انتي دائما ً


برج المملكه

[هداج تيماء]

هاستلم وصح لسانك وانت من اهل الخير وصلينا باذن الله



لو تمدّ الميسم الحامي نمدّ ألكم خويّه = (فال) ... واللي بعده ان مديته تشوف العقالي
انت تحت السيطره محكوم من ضمن الرعيه = لايغرك شاربك قدم المرايه كان طالي

[هداج تيماء]

شرفتني اخي برج المملكه بمجاراتك

شاكر لك سعة صدرك وحسن استجابتك والمعذره كان حصل قصور تراك عزيز وغالي

وصح لسانك مليااااااار




اخوك/ هداج تيماء

[ربح السبيعي]

هداج تيماء و برج المملكه



محاوره قمه وفتل ونقض



صحت السنتكم على هذا الابداع ولايستغرب الابداع على اهلمه

[أمل عبدالعزيز]

الله الله بس

ماشاء الله عليكم

أنا رحت نمت وأنتم ماشاء الله ههههههههههههههههه

بس بجد هامتين والله لها مكااانتها وقوتها؟

هههههههههههههههههههههه

صحت القلوب والحمد لله جت سليمة

[بعيد المراميس]

ماعندي غير ياسلام عليكم يالثنين

وصحت السنتكم

[صادق الإحساس]

وأنا بعد كلامي شرح كلام بعيد المراميس


فعلا علمين من أعلام الشعر في غرابيل



هداج تيماء

&&&

برج المملكة



صحت الألسن وصحت القلوب


فعلا حق لنا أن نفتخر بوجودكما





لكما
ود و ورد




صادق الإحساس

[هداج تيماء]

العسجدية / هلا ومرحبا وصح بدنك وشرفتينا


ربح السبيعي / حياك يالقرم نورت الصفحة وصح بدنك

ومشكور على الاطراء

امل عبد العزيز / اهلين حياك

صح بدنك شرفتينا وما قصرتي مشكورة على المتابعة

بعيد المراميس / حياك الله ارحب ارحب وصح بدنك يا لقرم حضورك يشرفني كثيراً

<<<<<وشلون الزكمه معك عسى ماهيب هالصتك


صادق الاحساس /

صح بدنك طال عمرك ونحن الذين نفخر بوجود ناس بهذه الاخلاق بيننا

ولك خالص الشكر والتقدير على الاطراء وعساااااااك سالم

للجميع اجزل التقدير والاحترام على التواجد

[أبوعبدالرحمن]

صحت قلوبكم جميع

[برج المملكه]

الشاعر الرائع / هداج تيماء


ماحصل منك قصور لاعدمتك و الشرف لي طال عمرك


تعلم اني من اشد المعجبين بلعبك فما بالك وانت تلعب معي


صح لسانك ملاييين المليارات .. :)


تقبل السلام و المحبّه

[برج المملكه]

ربح السبيعي

امل عبدالعزيز

بعيد المراميس

صادق الاحساس

ابو عبدالرحمن


/
/
/

شكراً للجميع على ارائكم وتفاعلكم


صحت ابدان الجميع والله لايهينكم


اخوكم

[ملحق المخلين]

هداج و البرج




صحت السنكم


نتابع ونرجع ونتابع ولا نمل سلمتوووو

[برج المملكه]

مرحبا يا ملحق المخلين في كل وقت



/
/
/



هلا و غلا

[هداج تيماء]

ملحق المخلين

ارحب ارحب تراحيب المطر

شرفتنا يامال الغنيمة وصح بدنك

متابعتك تسرنا والله لا يهينك