سعود عبد الله والقنّاص في محاورة رائعة

[جواهر عبدالله]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعرين المبدعين : سعود عبد الله / القنّاص .. بدون ردود .

http://www.asmilies.com/smiliespic/FAWASEL/060.gif

سعود عبد الله :


مثل البحور اللي تلاطم بالامواج=من هيض مدري غيض غنيت قافي
مافيه يالقناص داعي للازعاج=ترى الدعاوي كلبوها عوافي

القناص :


يابحر ما ينفعك موجك ليا هـاج=قدمك محيطاً ماه راكـد وصافـي
اشره على اللي فك بيبان الاحراج=لا ترمي التهمه على شخص وافي

http://www.asmilies.com/smiliespic/FAWASEL/ff151.gif

سعود عبد الله :


انته كسرت التاج يا لابس التـاج=وانا لبست البشت و البشت ضافي
اكمل شروط الحج فالحج ياحـاج=لا تستعي قـدام تبـدا الطوافـي

القناص :


انا ضبطت الفلم تحريـر وانتـاج=وانته على جمر الغضا سرت حافي
مايخطي المفتي ولا هو بمحتـاج=شهادة اللي داه فالصـدر خافـي

http://www.asmilies.com/smiliespic/FAWASEL/ff151.gif

سعود عبد الله :


ياللي ضبطت الفلم ينقصك الاخراج=حطيت في سدّ السمـان العجافـي
ياهيه برجك طاح من بين الابراج=لابد ما تسفـي عليـه السوافـي

القناص :


انا مورّدها على عـدّ هـداج=والاّ انت طيب مار مرقدك دافي
الكبتن اللي فوقكم قاد ميـراج=ماراح حتى قالوا الناس كافـي

http://www.asmilies.com/smiliespic/FAWASEL/ff151.gif

سعود عبد الله :


عز الله إنك شاعر و فلّة حجـاج=لكنّ ضوّك يابيض الوجه طافـي
إلي مع اهل الطيب مقعد و منهاج=والا انت دايم في حلا النوم غافي

القناص :


يامرتكي للحمـل قـدّام الافـواج=لقيت حكيك مع عملـك متنافـي
واللي سعى فالجرح يلقى له علاج=يبرك لحق الناس كانـه سنافـي

http://www.asmilies.com/smiliespic/FAWASEL/ff151.gif

سعود عبد الله :


انـا برمحـي للمعاديـن خـجـاج=لا تدرق فـي سـد سـود الغدافـي
مالك على اهل الطيب مدخل ومخراج=خطاك مـا يرفـاه فالوقـت رافـي

القناص :


نطعن على وضح النقا كل سهّاج=واللي يحوص عن الملازيم هافي
اللوم غاشيكم ومن حولك اسياج=ما يخرجك منها جنود المطافـي

http://www.asmilies.com/smiliespic/FAWASEL/ff151.gif

سعود عبد الله :


الخيل من ضرب القنا راحن امراج=هاذي مقابيـل ٍ و هـاذي مقافـي
انته رفيق و قلبك اسود من الصاج=مانته من اللي يقطعـون الفيافـي

القناص :


الشاوي اللي حط له عشرة نعاج=نزّال وعـر وللخطاطيـر جافـي
يشيل من سهم المكيرش فالادراج=ماشال من سابك وسهم المصافي

http://www.asmilies.com/smiliespic/FAWASEL/ff151.gif

سعود عبد الله :


احدن نبا نفرش له الارض ديباج=واحدن نبا نسقيه سـمٍّ زعافـي
ماني معدّل كل عودن ليا انعـاج=ما للعوج غير السيوف الرهافي

القناص :


ليت المعنّى سد نفسـه ولا داج=بين العرب يشكي كثير الكفافـي
الفعل مابرهن عنه كـل هـرّاج=والسيف يوخذ من يمين الضعافي

http://www.asmilies.com/smiliespic/FAWASEL/ff151.gif

وللجميع أطيب التحايا .

[بـنـت الـشـيـوخ]

سعود عبدالله


القناص


لاهنتوا يالطيبين


ويعطيكــ العافيه جواهر

[ربح السبيعي]

سعود عبدالله و القناص



شعار عمالقه



ومحاوره قمه ونقض وفتل وجزالة لفظ



لله دركم ياثنين



مراقبتنا العزيزه جواهر مشكوره على جهدك الطيب

[محمد الجبريني]

جواهر

احسنتي الاختيار لاهنتي

شاعرين متمكنين من فن المحاااوره

سعود عبدالله والقناص

صحة السنتكم ولاهنتم

اجزززل محاوره على الاطلاق وجدتها هنا

تقبلو فااائق الاحترااام

[بعيد المراميس]

الف شكر لك ياجواهر على هذا التنسيق

فعلآ فاتتني محاوره من اجمل المحاورات على الاطلاق...لاكن ماقصرتي على التنسيق


صح لسانك ياسعود وصح لسانك يالقناص

وسلمت يمينك ياجواهر

تحياتي

[سعودعبدالله]

جواهر عبدالله


شكرا على نقاء سريرتك وذوقك الرفيع ونقلك الاروع


اجمل التحايا و ازكاها


للجميع سلامي واحترامي

[القنــّـــاص]

المراقبة : جواهر عبدالله سلمت يداك ودام عطاؤك وتميزك

مجهود رائع ومتميز تشكرين عليه وان كان هناك ابداع فهو هذا المجهود وهذا التنسيق

الجميل الذي قمتي به الف شكر لكي

بنت الشيوخ << ربح السبيعي << محمد الجبرني << بعيد المراميس

صحت ابدانكم ولكم شكرنا وتقديرنا العميق على المجاملة والثناء والحضور

ولا ننسى ان نقول صح لسانك يا سعود عبد الله فقد كنت مميز ورائع

[برج المملكه]

القناص

و

سعود عبدالله


ابدعتوا و امتعتوا لله دركم على اللعب الصاحي المجنون في آن ٍ واحد


سجلوا الاعجاب وصح السنتكم .. وفعلا محاوره تستاهل النقل و التنسيق و التثبيت في اعلى الصفحه :)


جواهر عبدالله

شكراً لك على جهودك وذوقك الراقي

للجميع تحيتي

[هداج تيماء]

سعود عبد الله والقناص


الحقيقة محاورة من العيار الثقيل صحت قلوبكم ودام ابداعكم

ولا هنتواااااااااااا

وشكراً شكراً للاخت جواهر عبد الله على التنسيق ونقل المحاورة

بدون ردود

[جواهر عبدالله]

بنت الشيوخ

،

،

الله يعافيكـ

والله لا يهينكـ على هالحضور .

[جواهر عبدالله]

ربح السبيعي

،

،

صدقت .. محاورة ولا أروع

والشكر لكـ على تشريفكـ .

[جواهر عبدالله]

محمد الجبريني

،

،

شكراً لحضوركـ ..

وإشادتكـ للشاعرين .. ويستاهلون .

[جواهر عبدالله]

بعيد المراميس

،

،

الشكر لكـ على التشريف ..

وما سويت أنا شي .. يستاهل سعود والقناص .

[جواهر عبدالله]

سعود عبد الله

،

،

يا هلا بكـ .. وصح لسانكـ مليوووون

وما سويت إلا الواجب .

[جواهر عبدالله]

القنّاص

،

،

الله يسلمكـ

وصح لسانكـ مليووون .. والله يعطيكـ العافية .

[جواهر عبدالله]

برج المملكة

،

،

الشكر لكـ على تشريفكـ

والله يعطيكـ العافية .

[جواهر عبدالله]

هداج تيماء

،

،

العفو .. ما سويت إلا الواجب

والشكر لكـ على تشريفكـ .