القناص اقررررب لاهنت

[سعودعبدالله]

مثل البحور اللي تلاطم بالامواج=من هيض مدري غيض غنيت قافي
مافيه يالقناص داعي للازعاج=ترى الدعاوي كلبوها عوافي

[جواهر عبدالله]

صح لسانكـ يا سعود ..

وبانتظار القناص .

[ربح السبيعي]

صح لسانك ياسعود



على هالبدايه الرائعه



ننتظر اخونا القناص

[القنــّـــاص]

يا هلا ومسهلا

واستلم لاهنت <<<< بعدما تخلى المحامي عن القضية



يابحر ما ينفعك موجك ليا هاج =قدمك محيطاً ماه راكد وصافي
اشره على اللي فك بيبان الاحراج=لا ترمي التهمه على شخص وافي

[القنــّـــاص]

جواهر عبد الله ::::::::وربح السبيعي

هلا ومرحبا شرفنا حضوركم لا هنتوا

[سعودعبدالله]

انته كسرت التاج يا لابس التاج=وانا لبست البشت و البشت ضافي
اكمل شروط الحج فالحج ياحاج=لا تستعي قدام تبدا الطوافي

[سعودعبدالله]

جواهر عبدالله

صح كلك وحضورك الرائع

ربح السبيعي

صح بدنك ياربح وشكرا لحضورك ومرورك

[جواهر عبدالله]

صحت قلوبكم جميعاً ..

والله يعطيكم العافية .

[سعودعبدالله]

جواهر

الله يعافيك

وسلم حضووووورك المشرف يا مراقبتنا العزيزه

[القنــّـــاص]

انا ضبطت الفلم تحرير وانتاج=وانته على جمر الغضا سرت حافي
مايخطي المفتي ولا هو بمحتاج= شهادة اللي داه فالصدر خافي

[القنــّـــاص]

مرحبتين يا جواهر صح بدنك يشرفنا وجودك ويا هلا

[محمد الروقي]

سعود عبد الله


و

القناص


الليله العيد


وجودكم عيد يالثنين سلمتو ودمتو

[القنــّـــاص]

محمد الروقي اهلا وسهلاً والعيد هو حضورك يالقرم شرفتنا
والله يسلمك ويعطيك العافية

[سعودعبدالله]

ياللي ضبطت الفلم ينقصك الاخراج=حطيت في سدّ السمان العجافي
ياهيه برجك طاح من بين الابراج=لابد ما تسفي عليه السوافي

[سعودعبدالله]

لاهنت يامحمد وياهلا ومرحبا

حضورك هو العيد

لاهنت

[القنــّـــاص]

انا مورّدها على عدّ هداج = والاّ انت طيب مار مرقدك دافي
الكبتن اللي فوقكم قاد ميراج= ماراح حتى قالوا الناس كافي

[العسجديه]

سعود عبدالله

اخجل ان امتدح شاعر بحجمك فاأنت غني عما يسطر لك
شاعر ننتظر حضوره وملامسه ابداعه دمت رمز لهذا المنتدى
صح لسانك يالجزل ودام ابداعك


القناص صح لسانك ولاهنت

دمتم بخير

[سعودعبدالله]

عز الله إنك شاعر و فلّة حجاج=لكنّ ضوّك يابيض الوجه طافي
إلي مع اهل الطيب مقعد و منهاج=والا انت دايم في حلا النوم غافي

[سعودعبدالله]

العسجديه



مرحبا تراحيب الحيا



بيض الله وجهتس على هالاطراء و عساني اكون عند حسن الظن



دمتي و دام حضورك المتألق



شكراً

[القنــّـــاص]

يامرتكي للحمل قدّام الافواج= لقيت حكيك مع عملك متنافي
واللي سعى فالجرح يلقى له علاج=يبرك لحق الناس كانه سنافي

[القنــّـــاص]

صح بدنك يالعسجديه ولاهنتي

[سعودعبدالله]

انا برمحي للمعادين خجاج=لا تدرق في سد سود الغدافي
مالك على اهل الطيب مدخل ومخراج=خطاك ما يرفاه فالوقت رافي

[القنــّـــاص]

نطعن على وضح النقا كل سهّاج = واللي يحوص عن الملازيم هافي
اللوم غاشيكم ومن حولك اسياج = ما يخرجك منها جنود المطافي

[سعودعبدالله]

الخيل من ضرب القنا راحن امراج=هاذي مقابيل ٍ و هاذي مقافي
انته رفيق و قلبك اسود من الصاج=مانته من اللي يقطعون الفيافي

[القنــّـــاص]

الشاوي اللي حط له عشرة نعاج = نزّال وعـــر وللخطـــاطير جــافي
يشيل من سهم المكيرش فالادراج = ماشال من سابك وسهم المصافي

[سعودعبدالله]

احدن نبا نفرش له الارض ديباج=واحدن نبا نسقيه سمٍّ زعافي
ماني معدّل كل عودن ليا انعاج=ما للعوج غير السيوف الرهافي

[القنــّـــاص]

الصلاة وجبت استاذنكم ولي عوده

[العسجديه]

احدن نبا نفرش له الارض ديباج
واحدن نبا نسقيه سـمّ زعافـي
ماني معدّل كل عودن ليا انعـاج
ما للعوج غير السيوف الرهافي



احدن نبا نفرش له الارض ديباج
واحدن نبا نسقيه سـمّ زعافـي
ماني معدّل كل عودن ليا انعـاج
ما للعوج غير السيوف الرهافي



احدن نبا نفرش له الارض ديباج
واحدن نبا نسقيه سـمّ زعافـي
ماني معدّل كل عودن ليا انعـاج
ما للعوج غير السيوف الرهافي



ياسلام ياسلام ياسلام ياسعووووووود لله درك والله لايضرك

ابداعك اجبرني للعوده مره اخرى

[القنــّـــاص]

ليت المعنــّى سد نفسه ولا داج = بين العرب يشكي كثير الكفافي
الفعل مابرهن عنه كل هـرّاج = والسيف يوخذ من يمين الضعافي

[سعودعبدالله]

الله يجزاك خير يالقناص صلينا واتكلنا على الله

[سعودعبدالله]

العسجديه



ارحبي ارحبي تراحيب المطرر


الابداع والله حضوورك الكريم


لاهنتي ودمتي

[سعودعبدالله]

القناص


صح لسانك وبيض الله وجهك

شاعر ويشرفني اللعب معك واشكرك على سعة صدرك واتاحة الفرصه لي ..

تقبل السلام و الاحترام و المعذره على القصور كان ودي انها تستمر هذه الرائعه من طرفك لكن الاخت جواهر سبقتنا بطيبها ونسقتها مشكوره ..

اخوك سعود

[القنــّـــاص]

الاخ الكريم والشاعر الصلب الرائع / سعود عبد الله

صح بدنك ووجهك ابيض ويامال الغنيمه والله

يشهد الله انني تشرفت واستمتعت واستفدت من اللعب معك وانا الذي اشكرك
على اتاحة الفرصه لنا بمجاراة شرواك من الشعار المتميزون والذين يتعلم منهم
المقابل ويطرب لهم المشاهد او السامع ويسطرون الابداع بعينه

واعتذر منك شديد الاعتذار ان حدث سوء فهم بيننا في البداية او النهاية
وانا حاضر للحق ومايلحق كان اخطيت

وابداً بعيد عنك القصور وافي ياسعود ولا قصرت

اما الاخت جواهر زادت الابيات جمالاً بتنسيقها لها جزيل الشكر وعميق الامتنان

واخيراً صح لسانك مراراً وتكراراً والله يعطيك العافية
ولك من اخوك القناص اصدق عبارات الشكر والاحترام والمودة

[سعودعبدالله]

بيض الله وجهك ولا حصل منك قصور طال عمرك

والقلوب نظاف لاعدمتك

احرجتني بكلامك وتعاملك الطيب شكراً لك وحقنا عليك انك ماتقطعنا وتتواجد معنا بالوقت اللي يسمح لك

لان امثالك من الشعراء وجودهم مكسب لنا

الف شكر وبيض الله وجهك

وافي وافي

اخوك

سعووود

[ملحق المخلين]

سعود عبدالله والقناص


مبدعين والله



سلمتوو على البدع الرائع

[القنــّـــاص]

ابشر ياسعود ووجهك ابيض والمكسب لي طال عمرك

صح بدنك ياملحق المخلين ونشكرك على حضورك الله لايهينك

[الرويحـــي]

مشالله تبارك الله

صح السانك يا سعود
وصح السانك يالقناص


محاوره تجبرك تسجل دخول وتعلق
الله لايهينكم يالثنين


تحيااااتي لكم