هلال شهر التراويح

[عبدالكريم بن خزيّم]

http://www5.0zz0.com/2013/06/30/12/512588942.jpg (http://www.0zz0.com)
هلال شهر التراويح

أقبـل علينـا هـلال شهـر التراويـح=شهر العمل والخير شهر رمضاني

شهـر التـلاوه والـذكـر والتسابـيـح=شهر العفو والعتق شهر التهانـي

شهر ٍ وتنور في مساه المصابيح=شهر ٍ وفيه الخيـر عـم المكانـي

شهر ٍ وتقصر فيـه كـل المراويـح=الا لـبـيـت الله نـطـلـب حـسـانــي

خلـف الإمـام يشمّـرون المفالـيـح=يرجـون واحـد بالسمـاء دون ثانـي

إنـه يغفـر الذنـب مـن يامـر الـريـح=الـواحـد المـنـان مـحـص الكيـانـي

وان حل ضيف العام مامن مراويـح=الـــزم بـيــوت الله قـبــل الآذانـــي

إحفظ لسانك لايـج الصـوم تجريـح=وان جاك جاهل خاطبه باللياني

تقديري للجميع ,,,,,

[محمد بن ضاوي]

الله يلحقناه على خير ويتقبله منا والجميع بصحة وسلامه



عبدالكريم بن خزيم ،،

صح لسانك ولا هنت

[أبوعبدالرحمن]

صح لسانك ومبروك الشهر


جزل دوما

تحيتي لك

[عبد المجيد بن عريج]

عبد الكريم خزيم .. حكايه مع الابداع وقصه طويله لاخلا ولاعدم

جزيت خير اخي الكريم


احترامي لك

[مشاري بن فايح]

مبدع وصح الله لسانك

قصيده تلامس الانفس في هذا الشهر الفضيل