تسجيل الدخول

مشاهدة النسخة كاملة : أكبر سرقة في تاريخ الإقتصاد السعودي..



عاشق المعرفة
30-10-2006, 10:25 PM
*
بسم الله الرحمن الرحيم
*
**
***

السلام عليكم ورحمة الله وبركاته

مساكم الله بالخير جميعا ... يقولون ان وحدة تصحي ولدها يصلي الجمعة..تقول قم الامام يخطب..قال زوجوه تراه يصلي ههههههههه.

ياقماعة الربع .. عقب موضوع أمس اللي قال اني من الطايف واللي قال عتيبي..واله لاني من الطائف ولاني عتيبي .. وأتشرف لو كنت منهم او من أي قبيلة في بلدنا المحبوب.. وللأمانة الوالدة تقول إن اصلنا من فرنسا والوالد يقول أمك ماعندها سالفه لأنه مقطوع سر جدك في جزر البهامس.

على العموم ماعليكم من أصلي وفصلي .. والأهم من أمس جالس أهوجس.. وأنا رجال اذا هوجست أحوس الدنيا.. فعلشان أدخل جو قاعد قدام الستارة على بالي مسرح احتريه يفتح...وهواجيسي كلها في صالح من يحدث ضرب السوق؟؟؟؟؟؟؟؟؟؟

شوفو فلسفتي اليوم تذكرني بالحشاش اللي قال لخويه .. قل لي من صديقك أقول لك من أنت ... قال له صديقه: من صديقك..قال من انت. هههههههههه

خلونا نتفق .. وهذا هام جداً... سوقنا فيه خير وواعد رغم أنف الحساد نزل مرده يرجع بإذن الله هذا اقتصاد دوله وشعب مهيب سباحين .. كسرة العشرة(10.000) والله انها تسايده لو إن ماعلى الله قوي .. بس حسب ماقلت لكم كان تذكرون من كم الشهر.. السوق تذبذب مابين 10.000 إلى 14.000 وهذا ماحدث على الأقل حتى الآن ..
..
يعني مانبي نكتب على سوقنا قيم أوفر .. مثل الحشاش اللي مات ابوه .. كتب على قبره قيم أوفر .. يعني لااااااااااااااااازم يكون ايماننا بالمولى عز وجل قوي جدا جدا جدا جدا .. وإن شاء الله هم يمكرون والله خير الماكرين..فاكثرو من الاستغفار والدعاء.

على العموم مثل ماقلت لكم .. سوقنا مثل شوتات الجمعان يافي الثمانيات يافي ساعة الملعب..وفي كل الأحوال لاتجي في جبهتك.. فخل العالم تشوت ... بس انتبه لجبهتك.

نجي لزبدة الموضووووووووووووع .... يعني كل اللي راح مقدمه أجل الله يعينكم على الزبدة .. والزبدة هذي راح اكشف لكم أكبر سرقة في تاريخ الإقتصاد السعودي....

أخوي اللي أكبر مني.. أخذ تمويل من البنك الزراعي بمليون ريال ... وزبط له ذيك المزرعة ماشاء الله لا اله الا الله .. من كثر الخضار ودك تصير عنز هههههههههه ... وحط فيها حوالي 500بيت محمي وعدد لاباس به من النخيل.. صافي دخله الشهري من المزرعة 25.000- 30.000 يعني سنويا صافي دخل من المزرعة قرابة 50.000 ياجماعة لاحظو الرقم ياجماعة الخير... راس ماله ولاحظو المكاسب .. فوش رايكم بشركات زراعية رؤوس أموالها بالمليارااااااااااات أو مئات الملايين وخسرااااااااااااااااااااا نه .. بالله عليك باي منطق أو عقل يحدث هذا الشيء أمر لايصدق حتى في أكثر الدول غباء.

اعطيكم سالفة ولد عمي .. رجلب يحب البعارين والخيل والغنم وحمر الوحش ههههههههه عاد التاليه مادري من وين .. لا وواحد من البعارين لقيته ذاك اليوم حاجر له خروفين يقول لهم: من اللي قال أبو براطم ههههههههه ..... المهم الرجال ماشاء الله حاط له ذاك الحوش في البر وذيك الحضائر في المزرعة ويقول أنه باع ناقه ب 30.000 وانه من ذالحلال معين خير يوصل للمليون في السنوات الطيبه قلت كم رأس مالك قال أبد مايجي مليون ... يانعنبو شيطانهم هذا من كم حوش يطلع ملايين وشركة مثل المواشي راس مالها مليارات خسرانه هههههههههههههههه أقنعوني ياجماعة الخير.

باختصار حنا ياجماعة الخير نمشي معكوسيييييييييين يعني قلب من قلب يقلب مثل المسطل اللي جاء لبيتهم آخر الليل يوم فتحت له اخته الباب صفقها كف قال وينك توك جايه هههههههههه

واسال اي واحد عنده مقاولات حتى لو بس تلييس وسباكه .. واسال اي واحد عنده حتى لو مصنع مقصات أظافر وهو مايعرف (بالبقاط) تلاقي مكاسبه ملايين .... وذالشركات اذا كسبت مليون والا اثنين هقونا .. ومصانع اللهم ياكافي اشي كيماوي واشي بتروكيماوي ومشاريع عملاقه .. وآخر السنة خسرانه ههههههههههههههههه

استحو ... استحو .. استحو ... والله عيب حط قيمة اصول الشركة في وديعه بالبنك تطلع لك فوائد ومكاسب شي وشويتين ...

ياجماعة الخير حنا سوق استهلاااااااااكي وأي مشروع عندنا يدخل ذهب ذهب ذهب ... ياقوت الماس مرجان ههههههه أحمدك يارب (معليش لقطة من فلم ابيض واسود) ... وعندنا خسرااااااااااانين !!!!!!!!

اقنعووووووووووووووووووووو ني وشلوووووووووون ؟؟؟ المفروض ياجماعة الخير على رؤوس الأموال هذي وسوقنا الاستهلاكي هذا اصغر شركة توزع 20 ريال سنويا على السهم مهوب قرش وقرشين ونصها خسرانه.

اذا من المستفيد من طيحة سوق الأسهم ؟؟؟؟؟؟؟ الأول اعضاء مجلس الادارة لان الناس بدت تسأل ويمكن لاحظتو قبل كم سنة ثلثينها خسران .. والحين بدو يكسبون ... والله يامشروع كنداسة حق سيسكو لحاله يكسب ملايين ..لا والشركة خسرانه هههههههههه واعيباه.

باختصاااااااااار ... سوقنا واسعار شركاتنا بالحضييييييييييييييض .. والمفروض على ذالاسعار مكررت الربح على خمسة وعشرة .. لكن من يقود الشركات مجموعة من ( ........ ) ارتضو أن تبقى شركات يفترض أن تكون مكاسبها بالمليارات هلل وقروش.

لكن ما اقول الا حسبي الله ونعم الوكيل .. الله لايوفق كل حرامي يسرق ذالبلد.. الله لايوفق كل واحد يهدف إلى هدم هذا الوطن .. هدم اقتصاد الفرد هو هدم لاقتصاد الأمة...

باختصاااااااااااار .. مكررات الربحية للشركات مرتفعة ..ليس لأن اسعارها غير منطقية بل لأن هناك من لايريد لهذه الشركات أن تربح (وفي خشتي عصير منقا).

لاااااااااااااتصدقون كذبتهم .. المشكلة ليست في مكرات الربحية..بل بربحية الشركات ذاتها..أو على قولة السودانيين بزاته.

فتكم بعافية

منقول

استاذ
31-10-2006, 02:10 AM
شكراً لك اخي الكريم

تقبل تحياتي

عبدالعزيز الشمري
31-10-2006, 12:45 PM
والله أنك صادق بس ويش الحل

شكلك متعقد من الرياضيات وخسران وحكمت عليك

بمكاسب أخوك من 25000 ال 30000

أنت تقول دخله السنوي 50000 والصحيح

مابين 300000 ال 350000 ريال

بارك الله فيك

(* الوفـاء طبعي *)
31-10-2006, 03:25 PM
شكراً لك اخي الكريم

معل
31-10-2006, 09:41 PM
الله وكبر شفت سرقة شركات الزراعة ولا شفت سرق مليارات الريالات من المساهمين وبكل وقاحه هههههههههههههه
اسرق مع السراقه ولا اسكت ههههههههههههههه
الكل مسروق في الأيام ههههههههههههههههههههههههه ههههههههههههههههههههههههه ههههههههه

العجراء
31-10-2006, 11:44 PM
شكراً لك اخي الكريم

صقـــر غرابيل
01-11-2006, 01:13 AM
كلام منطقي

بشرى0
01-11-2006, 04:17 AM
بارك الله فيك اخوي عاشق كلامك سليم لكن وش الحيله الامر لله...........وحسبي الله ونعم الوكيل
تقبل تحياتي: بشووووووووووووووور

رهـ المشاعر ـف
01-11-2006, 08:03 PM
أذا أمنت العقوبه اسات الأدب==>> مدري هالكلام يمشي مع الموضوع لكن اتمنى الفكرره توصل
.
.
أذا ماكان فيه رادع ونظام صارم ورقابه((اكيد ماراح تكون داخليه)) بنشوف العجب

حال الأسهم يبكي والي يبكي فيه الناس الي كل مالها تخسر والله مساكين لما يتكلم معي واحد خسران بالسوق ويضحك وينكت على نفسه-مثل الاخ كاتب الموضوع- احس بقهر واللعن الأسهم الي قلبت حال الناس
.
.
كل الي نقدر عليه حسبنا الله ونعم والوكيل
والمال فاني والعمر فاني..

,
دمت بخير,,

muk6
02-11-2006, 12:06 AM
أذا أمنت العقوبه اسات الأدب==>> مدري هالكلام يمشي مع الموضوع لكن اتمنى الفكرره توصل
.
.
أذا ماكان فيه رادع ونظام صارم ورقابه((اكيد ماراح تكون داخليه)) بنشوف العجب

حال الأسهم يبكي والي يبكي فيه الناس الي كل مالها تخسر والله مساكين لما يتكلم معي واحد خسران بالسوق ويضحك وينكت على نفسه-مثل الاخ كاتب الموضوع- احس بقهر واللعن الأسهم الي قلبت حال الناس
.
.
كل الي نقدر عليه حسبنا الله ونعم والوكيل
والمال فاني والعمر فاني..

,
دمت بخير,,


والله ياخوان ماندري شو اللي حاصل بهالسوق ، الناس كل يوم تخسر اكثر من الثاني

هناك شركات تربح ادبالمليارات مثل سابك والاتصالات وغيرها

ومع ذلك من اشترى فيها خسران حتى النخاع

اللي يحصل وراه ناس اكبر من صناع السوق واكبر من التويجري والسحيمي

حسبي الله ونعم الوكيل على من كان السبب

لكم تحياتي

دفء البوح
02-11-2006, 08:27 AM
شكراً لك اخي الكريم

تقبل تحياتي

من يسد بمكانه
02-11-2006, 04:39 PM
اذكر مقاله لاحد الفلاسفه يقول فيها : اذا خدعت مره واحده فلا تلوم من خدعك , واذا خدعت مرتين فانت ثور ههههههههههههههههههههههههه هههه




المؤمن لا يلدغ من جحر مرتين .. يعني بالله عليكم بعد ما تلعمنا الجمباز .. باقي فيكم حيل تجمبزون مره ثانيه مع التويجري ..؟؟


حسبنا الله ونعم الوكيل

بن تهامي
04-11-2006, 10:05 PM
بسم الله الرحمن الرحيم
السلام عليكم ورحمة الله وبركاته

شكراً لك اخي الكريم
الحمدلله والصلاة والسلام على رسول الله وعلى آله وصحبه
الله وكبر شفت سرقة شركات الزراعة ولا شفت سرق مليارات الريالات من المساهمين وبكل وقاحه هههههههههههههه
اسرق مع السراقه ولا اسكت ههههههههههههههه
الكل مسروق في الأيام ههههههههههههههههههههههههه ههههههههههههههههههههههههه ههههههههه

بن تهامي
04-11-2006, 10:07 PM
بسم الله الرحمن الرحيم
السلام عليكم ورحمة الله وبركاته
شكراً لك اخي الكريم
الحمدلله والصلاة والسلام على رسول الله وعلى آله وصحبه
الله وكبر شفت سرقة شركات الزراعة ولا شفت سرق مليارات الريالات من المساهمين وبكل وقاحه
اسرق مع السراقه ولا اسكت
الكل مسروق في الأيام الله اعلم بالحال والله اني خسران الكثير ولكن الله المستعان على كل منه ضلع في هذه الخسائر حسبنا الله ونعم وكيل