رد على قصيدة سعد الخريجي عشق بدوي

[خالد الخراص]

السلام عليكم ورحمة الله وبركاته اما بعد فأن هذه القصيدة قالها الشاعر/ بادي بن شجعان العتيبي (منيع الليل )
وهي مجاراة لقصيدة الشاعر المعروف سعد الخرجي التي غناها الفنان خالد عبدالرحمن 0
اتمنى ان تنال استحسانكم ورضاكم ومعذرتنا على القصور اخوكم ومحبكم / خالد بن سجدي الخراص العتيبي0
يقول الشاعر ( منيع الليل):-

ياليل ليت مخاوي الليل ماجــــــــــاب # صــــوت حزين وشدني للكتـــــــابة
بعد استمعته شب في القلب مشــهاب # والهم قلبي باع به واشتــــــــــرابه
حتى زعجت الدمع مع حذف الاســلاب # لا واعــــــــــــذاب القلب لا واعــذابه
غنى سعد مأجور ماهوب كــــــــذاب # الصــــدق بيباته معــــــاني خطــابه
عشق بدوي منها عطى القلب هنداب # حزني وحـــــزن بيوتهـــا لو تشــابه
من عاش في جو الهوى ضحكة الناب # تحرم على وجهه ولو ضحك نــــــابه
الحب ضيق وهم وحزون وارهـــــــاب # خصن بعد سلك الغـــــــرام انســدابه
اللي فقد شوفة وليفة من اسبــــــاب # ناسن عليه يحرصـــــون الرقـــــــابة
ماهو سوات اللي رحل ضيق وعتـاب # والا سوات اللي حـــــــرم من عتـــابه
ياعين خلي صافي الدمع سكـــــاب # واليا انتهى صافيه هاتي صـــــــرابة
ماعاد به ياعين صدة ومجنـــــــــاب # بين الضلوع الجـــــرح قلبي سطـــابه
وامسى عليه اكبر من جبال هرجـاب # الهم والهاجــــــــــوس فكري غــدابه
يوم اقبلت فوق الخشب بين الاقـراب # سبلت دمع مفـــارقن لا لقـــــــــــاءبه
لو البكى ضد التحكم بالاعصـــــــاب # العين هلت عبرتـــــــــي من حطـــابه
على عشيري صاحبي تاج الاصحاب # صديت بالعبــــــرة ولا قلت جـــــــابه
الا بعد ماغطوا القبــــــــــــــر بتراب # وأخذوا عزاه انا رفضت العــــــــزابه
حيثة بروحي حي موجود لو غــــاب # جسمه تحت قبـــــــــرا جديدا تــــرابه:11rob:

[عبدالرحمن بن صباح الفاضل]

خالد الخراص










يسعدني ان اكون المصافح الاول لهذه القصيده الجزله يالجزل















وصح لسانك عليها الى مالا نهايه

[محمد الروقي]

هلا يابو بندر

مبروك المرتبه السادسة

وصح لسااااااااااااااانك ولسااااااااان بادعها

وحياك وحيا ماجبت تقبل تحيااااااتي

[خــــالـــــد]

خالد الخراص
http://www.sfsaleh.com/vb/attachment.php?attachmentid=21450&d=1150313192
يعطيك العافية يالغالي

وتسلم يمينك على النقل الطيب

رد رائع

ولا تحرمنا من جديدك
http://www.sfsaleh.com/vb/attachment.php?attachmentid=21451&d=1150313192

[صادق الإحساس]

ياليل ليت مخاوي الليل ماجاب=صوت حزين وشدني للكتابة
بعد استمعته شب في القلب مشهاب=والهم قلبي باع به واشترابه
حتى زعجت الدمع مع حذف الاسلاب=لا وعـذاب القلب لا واعذابه
غنى سعد مأجور ماهوب كذاب=الصدق بيباته معاني خطابه
عشق بدوي منها عطى القلب هنداب=حزني وحـزن بيوتهـا لو تشابه
من عاش في جو الهوى ضحكة الناب=تحرم على وجهه ولو ضحك نابه
الحب ضيق وهم وحزون وارهاب= خصن بعد سلك الغـرام انسدابه
اللي فقد شوفة وليفة من اسباب=ناسن عليه يحرصون الرقابة
ماهو سوات اللي رحل ضيق وعتاب=والا سوات اللي حـرم من عتابه
ياعين خلي صافي الدمع سكاب=واليا انتهى صافيه هاتي صرابة
ماعاد به ياعين صدة ومجناب=بين الضلوع الجرح قلبي سطابه
وامسى عليه أكبر من جال هرجاب=الهم والهاجوس فكري غدابه
يوم أقبلت فوق الخشب بين الاقـراب=سبلت دمع مفارقن لا لقابه
لو البكى ضد التحكم بالأعصاب=العين هلت عبرتي من حطابه
على عشيري صاحبي تاج الأصحاب=صديت بالعبرة ولا قلت جابه
ألا بعد ماغطوا القبر بتراب=وأخذوا عزاه أنا رفضت العزابه
حيثة بروحي حي موجود لو غاب=جسمه تحت قبرا جديدا ترابه






الأخ العزيز
خالد الخراص


أستئذنك في :
تنسيق القصيدة بشكل أرى أنه أجمل
لأنها جميلة و بالفعل تستحق الجمال !

بصراحة يا خالد ولا قصور فيك يالذيب
عطني ولد عمي بادي النفيعي قله :ـ

صادق يبيك أنت اللي تطرح القصيد
وباسمك والاّ وأنا أخوك يا خالد أرسل
رقم جوال رفيقي برسالة وأنا أبي أتصل
فيه وأتفاهم معه .

لازم الرجل يخرج وباسمه الحقيقي ويطرح
قصيده بنفسه وهذا طبعا ليس قصور في حقك
يا خالد لكن أن كنت تحب بناخيك صدق فخله
يطرح قصيده بنفسه .

أنا أدري أنك تحبه ومشجعٍ له والدليل أنك
تجيب قصيده ألنا هنيه ، لكن الصح مو بكذا
الصح أنه هو يخرج بقصيده بنفسه ويبدأ من
هذا المنتدى ثم بعد ذلك ينشر القصيد بإحدى
المطبوعات وبأي مكان .

تكفى يالروقي خالد لزمني رفيقي بن شجعان

وأنت ما قصرت ونعم ستة أنعام لكن ترى الصح
أن الرجل يطرح قصيده بنفسه ولجل تعرفه الناس.



صح لسان بن شجعان
وصح ألسانك يا خالد


وأعتلا شأنه وشأنك
وقصيد الرجل ما عليه
كلام


سلمت يالذيب خالد الخراص



لكما تحياتي وتقديري
و
ود و ورد






صادق الإحساس


.