احد عين المطر ياغرابيل الي بله المطر يعلمني

[محمد الجبريني]

السلام عليكم

صبحكم الله بالخير


سوالي واضح من عنوااانه الي بله المطر الحيا الغيث
حيا ربي عز وجل يجي هني ويعلمني

الأخبار والارصاد معاد اصدقها لانهم يوم من الايام كنت اتابعهم
ويوم جات النشره الجويه قالو على المنطقه الفلانيه
مطر وسالة الاوديه والشعاب وانا في نفس المنطقه الي ايقولون
ومحتى علينا لو خيال ذالك اليوم بعدها غسلت يدي مررره
ههههههههههههههههه

لاكن امس سمعة ان فيه امطار على المنطقه الغربيه فهل العلم صحيح
ولا ماهو صحيح ابي العلم الاكيد وشهاادت

اعيان والي بله المطر ورطعه والا شاف السيل
وطاء برجله فيه يجي ويعلمني فقط

وبلا رجه وكلام زايد سمعتو من سمع عليه الاجاااابه فوراْ وبدون تأخر
:زعلان: محد عطاه العلم الأكيد

وتقبلو مني كثير التحايا

[ريما2007]

الا صح كان بجده مطر واااو

[،’،’الخزامى،’،’]

الحد لله حنا عندنا المطر من الصبح ما وقف... تقريبا له 3 ايام...

[طيف]

علمي علمك أخوي..

[سـعـد الحويماني]

الخير بوجهك يالغالي

[بسمة امل]

لا جده صباح الاحد كانت ,,, جده ثانيه
امطار ورعد وبرق وشي يجنن
واهم شي ان طلاب جده كلهم غياااااااااااب .


واليوم الجو عادي شمس وحر
بس على الساعه 12 الظهر
تغير فجأه صار غيم وهتان خفيف للساعه 2 ونص ..

[سمووره]

عساها امطار خير يارب

[الوحيد فوون]

يا الغالي الامطار من الفوارة الى حائل فيه اراضي مسيله اما رفحاء والحفر فهي رش ولااكن الان ترش على تلك المناطق


الدهناء و قبه يقال ان جايها امطار والله اعلم

ومن عنده خبر الدهناء من لينة الى ام عشر يعطينا اياه الله لايهينكم

[ناعمة]

لا جده صباح الاحد كانت ,,, جده ثانيه
امطار ورعد وبرق وشي يجنن
واهم شي ان طلاب جده كلهم غياااااااااااب .
..



<< وعذآآآآآآآبك يا ناعمة

//

اخوي

االلهم اجعلها امطار خير وسقيـــة

ورحمة ومغفرة

مشكور اخوي




\\
//
\\
من أجلي كــونــوا بخـــير

[الدندووووونه]

الله اللي عطا غيرنا مايحرمنا....

[السُّلمي]

الفاضل محمد الجبريني


ابشرك إن جده غرقت ومكه سقطت في أمطارها

هذا مانقلته وكالة رويتز للأخبار الغربية .


وبداية سقوط الأمطار في جده كانت بعد عواصف ورياح شديده بدأت من الساعه الثالثه فجراً
وبعد مشاهدة البرق في عمق البحر أقتربت السحب المثقله بالأمطار مما أدت قدرته الخالق إلى
سقوطها .


بس المطر يامحمد وأنت في البحر غير


ودمت بخير دوماً


اخوك السُّلمي

[محمد الجبريني]

الا صح كان بجده مطر واااو


شكر على مرورك لاهنتي

مطر على جده قولي ووووووالله


المطر وين من جده عسااه من شمالها ومتشاامل جده ههههههههههه

خابرها قبل 16 سنه كبيره وكيد انها اليوم كبرت وعجزززت بعد اهم شي
المطر وين بالتحديد ان كان تشااامل ردي على وبشريني ومعدين متأكده انتي
ولا تحلمين بالمطر يمكن

تحياااتي وش عليه من مطر جده بس وده يعرف الديره عليها مطر وماهو خابر الا ثنين
واحد فايز ال بذال
ويليه في الترتيب السلمي فقط
ولا ثالث لهم ومن يعرف عاد ديرتي وين غير ذولا ثنين عساهم يجيبون الخبر


مايعرفها الا هم وقريبين منها

تحياتي ياااوش اسمها نسيت اسمك أسف انا دايم ذا
العضوات مالقيهن بالي مير شكر لك هههههههههه

[محمد الجبريني]

يا الغالي الامطار من الفوارة الى حائل فيه اراضي مسيله اما رفحاء والحفر فهي رش ولااكن الان ترش على تلك المناطق


الدهناء و قبه يقال ان جايها امطار والله اعلم

ومن عنده خبر الدهناء من لينة الى ام عشر يعطينا اياه الله لايهينكم




الامطار من الفواااره الى حايل يالله زد وباارك

ابشر اعلمك بالدهنا وزهلها والله مارش عليه من ربي شي


اليا ذلحين لاكن ممناه بخير الخيال كل يوم يزهب تالي النهار
وابشر ان سمعت ولا جتني علوم اعلمك خل البل والامه لشديد
الى الربيع ماينشد عن الدهنا ال هل البل هههههههههه
واكيد انك منهم لاهنت

تقبل فااائق احترااامي

[السُّلمي]

الفاضل محمد الجبريني


والله اللي سمعته ان عليها امطار وسيول .


لكن انا ماحالفني الحظ اطلع , لكن ابشرك الوسيق والرفيعة المركاز على خط الديره
يقولوا إنه جنة الله في ارضه .


ويا محلا شبة النار في جو هادي تالي الليل في تلك الديره .


ودمت بالخير دوماً


اخوك السُّلمي

[أبوعبدالرحمن]

اليوم جانا برد وثلج وامطار بالخرج


<<< مهو بعيد عن اخبار التلفزيون

[كاسب العز]

وماهو خابر الا ثنين
واحد فايز ال بذال
ويليه في الترتيب السلمي فقط

محمد


افا عليك بس


الاسبوع الي طاف ممطوره من القرى الين الوسيق وكل الاوديه سالت انا واطيها

من شرق طريق المدينه

الشرع

ومشرق

وذره

وبيضه

وحلوه


واديم

والمنقعه


والصب

والمجرمه

والحره

والثيله

وفحاوى

والعاموده

والعميده

والعياب

وضرعا

الين وصلت ديرة حدداكم الروقه


ابد كلها سيل وحيا وهبة ريح

ومقناص الوباره على كيفك طارق بثلاثه

اما ديرتك يم السليم وحواليها

والله ماوصلتها لاكن العلوم عنها ممطوره


دمت بخير


كاسب

[محمد الجبريني]

علومك غانمه ياولد الغانمين لاهنت هههههههههههههههه طرقت بثلاثه من الوباره
والله دخلني الشك انك تقول سلمي مادام سميت كل هاذي الديار ديره العبده والهمعه والزحمه والبسيسات والمطارده
والقرشه والفقهاء والنقرين وال بلعربي تجولت في كامل ديار ربيعه وبني نوال والحبشان

بس ديار حليل وشبك ماتمرها ابك ان كان ونك حربي وهذا اكثر ظني تراانا ارحامكم ياحليل احنا والبلاديه بعد خوالي وخوال ابوي والله ونعم فيهم ومعدين ليش تكلف على نفسك هذي المشاوير احنا قريب وبدلك مابره ترميها من الخط السريع بس خلك صاحي من امن الطرق لا يطرقبك في دار ابو زعبل ابعلمك بالمابره معدين في رساله ثانيه

وتقبل فااائق ودي واحترااامي

من معي شخصين لو سمحت بليز وتزيور انيم
وير يو فروم ابك تضحك عاد من شطارتي في الانقليز لرحم خد من ورده في مناهجناء

تحياتي ياكاسب العز معك كساب المراجل من اولها اليا خرها