المساعد الشخصي الرقمي

مشاهدة النسخة كاملة : يا كبر شرهة ضيفكم يا معازيب ...( اللي عليه العلم )


القنــّـــاص
30-10-2006, 12:16 AM
العاقل اللي عليه العلم يالغانمين=يكرب حزامه هنا لين الدعاوي تبين
ان كان للحق في هذا البلد منصفين=الحي يحييك والميت يزيدك غبن




ياكبر شرهة ضيفكم يا معازيب =من عقب قدم للمصافح يمينه
مندوبكم من ناقصين المواجيب= اللي لقيته عند باب المدينه
محمد الجبريني
30-10-2006, 01:10 AM
صح السانك يالقناص



عندك يابعيد المراميس

مافينا اعقل منك والا
اجزززل من ابداعك وردك
ههههههههههه

الله في القناص اقنصه لي
دامك متواجد

ولاهنتم
نـــادر
30-10-2006, 01:13 AM
صح لسانك يالقناص



وشعار غرابيل يحبون يكرمون ضيفهم


وجايك الخير
بعيد المراميس
30-10-2006, 01:57 AM
الله الله يالقناص

توي فضيت... دقيقتين وجايك الرد بأذن الله
بعيد المراميس
30-10-2006, 02:01 AM
الله الله يالقناص واستلم


نوحيك ياللي تنادي واستمع مايلي=قدام ضرب السيوف وقدم ميح الدلي
الرجل لاسد في لازمته مجملي= الحي يحييك والميت يزيدك غبن



ارق بقدم ساقك لروس المراقيب=ماضاع لك حق ٍ وروّح غبينه
دعواك فيها ياولد شكٍ وريب=لو قالوا ان مراية الرجل عينه
محمد الروقي
30-10-2006, 02:03 AM
يامرحبااااا يالقناص


ترحيبة المطر ضيف الساعه 2 الله يهديك

بس جاك الفرج مكرم الخطار ابو جسار


شكلها الليله من روايع غرابيل تراني في


صفك بيني وبين ابو جسار ولا بعدين اعلمك اخاف يسمعنا

هلا يابو جسار تراني ماقلت شي وكل عام ونت بخير تحياتي
برج المملكه
30-10-2006, 02:44 AM
الله الله

القناص و بعيد المراميس

وحضور الابداع

و مرحبا فيك يالقناص مره اخرى

متابع و في صف القناص :)
صادق الإحساس
30-10-2006, 03:29 AM
الله الله يالقناص واستلم


نوحيك ياللي تنادي واستمع مايلي=قدام ضرب السيوف وقدم ميح الدلي
الرجل لاسد في لازمته مجملي= الحي يحييك والميت يزيدك غبن



ارق بقدم ساقك لروس المراقيب=ماضاع لك حق ٍ وروّح غبينه
دعواك فيها ياولد شكٍ وريب=لو قالوا ان مراية الرجل عينه


يا سلاااااام

يا بو جساااار


أنا أشهد انك
شاعر المحاورة الأول
في غرابيل

ويلوموني فيك يوم أمدحك !!


صح ألسانك صدق

والقناص حياك الله بين أخوانك

وإن شاء الله تفيد وتستفيد

وصح ألسانك يالقرم


وطاروق كايف صدق

وأنا بصف صديقي

أبو جسااااار

ولا هان القناص والله



متابع لكم
ومشجع بحماس


صحت الألسن والقلوب


لكما
ود و ورد



صادق الإحساس
القنــّـــاص
30-10-2006, 01:14 PM
يعلم الله اني انتظرت طويلاً والوقت واضح تأكدوا منه الساعة ( 16 : 12 ) كتبت الابيات
وشوف الرد متى جاء الساعة ( 1 : 2 )

على العموم صح لسانك يابعيد المراميس (وكفو كفو )


واستلم لا هنت




الرجل عقب استعد وشب ناره وقام =وشلون وشلون ياللي تحتمون الجهام
يهدم بيوته ويسري تحت جنح الظلام = والحي يحييك والميت يزيدك غبن



بعض العلوم تحزّ في خاطر الذيب = اللي ليا روّح يجيب السمينه
دون العرب يستقبله مفري الجيب = ويحط له طرشي وجبن وطحينه
القنــّـــاص
30-10-2006, 01:25 PM
محمد الجبريني صح بدنك ويا هلا


نادر صح بدنك وياهلا


محمد الروقي هلا فيك والصف يتشرف بك وبوجودك لاهنت وتأكد من التوقيت


برج المملكه مرحبتين وهلا والله ,, مرتين يتشرف بك الصف وراعيه


صادق الاحساس مرحبا وصح بدنك والله لايهينك


وكل عام وانتم بخير جميعاً
ربح السبيعي
30-10-2006, 03:50 PM
القناص وبعيد المراميس


صحت السنتكم



واصلو وانا متابعين
سعد البراق
30-10-2006, 05:14 PM
القناص

صح السانك

والله لو اني من المعازيب اني لرضيك باللي تبى

الشاعر اللي مثلك مكسب لهذا المنتدى



---------------------------

بعيد المراميس


صح السانك يالجزل
الرااااااسي
30-10-2006, 06:39 PM
القناص وبعيد المراميس صحت السنتكم وقلوبكم ولاهنتوا

متابع واصلوا
القنــّـــاص
30-10-2006, 11:57 PM
صح بدنك يا ربح السبيعي وتسرنا متابعتك ويا مرحبا

اسامه سعد صح بدنك ،،،وهذا من طيب اصلك ورفعة خلقك ,,, والدار عامره بالرجال شرواك
لاهنت على الحضور ،، والف شكر لك ,, ويا هلا

الراسي صح بدنك وسلمت ,, متابعتك تسرنا ويا هلا
بعيد المراميس
31-10-2006, 08:46 PM
محمد الجبريني: مرحبآ ومسهلآ حظورك شرف لنا طال عمرك

نادر: حييت يالقرم على هذا الحظور وهذه المتابعه

محمد الروقي: ماعليك زود وتراني ماسمعت شي مره مره ههههه اهم شي حظورك وكل عام وانت بخير

برج المملكه : مرحبآ ياوليد عمي وهذا انت دايم ضدي مير الله فيه ...بكره تجيني تسلف والله ماتذوق الريال :)

صادق الاحساس: صديقي.. يعلم الله ان حظورك يشرفني وابشرك تراني مسوي معك حلف مثل حلف وارسو حتى تلقاه في منتدى المراقبين مدري المشرفين سويت معك حلف وسليت سيف الفتنه ههههه لاكن ماقول الا تواجدك يشرفني يالقرم الله لايهينك وشهاده اعتز بها مع انها اكبر من حجمي لاكن يكفيني حظورك

ربح السبيعي: مشرفنا الغالي حظورك مكسب لهذه المحاوره والف شكر على الحظور وصح بدنك

اسامه سعد: صح بدنك ولاهنت ياشاعرنا اهم شي حظورك ومتابعتك

الراسي: صح بدنك ومن طول الغيبات جاب العنايم/يامطول الغيبات انت الغنيمه :) حظورك بحد ذاته مكسب لنا الله لايهينك



الجميع صحت ابدانكم ولاهنتوا
بعيد المراميس
31-10-2006, 08:53 PM
صادق ياالقناص وفعلآ انا دخلت الموضوع وعلّقت الاسم لاكن يعلم الله اني بمكان ثاني بالمنتدى ولافضيت الا الساعه2
وماغاب من حظر ...وانا التزاماتي بالمنتدى كثيره ماهو قسم المحاوره فقط

واستلم وآسف على التأخير الخارج عن الاراده :)


ياللي تنسف شماغك عدّل عقالك=صِب الك فنجال بريه على على فالك
وانته بليا سبب كفيت فنجالك= الحي يحييك والميت يزيدك غبن


ياللي تبي تارد لصاف المشاريب= بكره يجي ثبت الخبر من جهينه
لاتفتل اشنابك لعكف الاشانيب= ماكل من يرطن نجاوب رطينه
القنــّـــاص
31-10-2006, 09:48 PM
الله الله واستلم يا بعيد المراميس ومن حضر ماغاب يا حضرة المراقب ( والله يعينك على مهامك )



على المعزه عقالي معتدل مايميل = واللي يصب الدلال وناوياً بالرحيل
تنعاف كان الرجل ماهوب ذباح حيل = والحي يحييك والميت يزيدك غبن



نارد ونشرب كان ماجات بالطيب = والا تورّدنا السيوف السنينه
الصقر يكفخ له جناح ومخاليب = لا تقلب الحجه وتسري بدينه
بعيد المراميس
31-10-2006, 10:22 PM
الله الله

استلم


ياللي تصيّح ثلاث ليال وتنادي= الحجه اللي بليا شهود وسنادي
تروح ماعنها بين الناس نشادي= الحي يحييك والميت يزيدك غبن


ماوصلت الدعوا للزم التلابيب=الطيب قلي ويش بينك وبينه
لو الجليله تعلم بذبحة كليب = حبة يدينه قدم تمسح جبينه
القنــّـــاص
31-10-2006, 10:50 PM
الله الله استلم




الشاهد الله وخلقه يا زعم شاهدين =واقر المكاتيب واسبر غورها يالفطين
واللي يخلي حقوقه لاش يامسلمين= الحي يحييك والميت يزيدك غبن



يا عاقل المره تشيل المشاعيب = واذنك مقفلها بطين وعجينه
اكليب نفسه كان لو يعلم الغيب = ماطاح رمحه يا عرب من يدينه
محمد الروقي
31-10-2006, 11:03 PM
ياسلااااااااااااااااااااا اااام

ابو جسار صح لسانك


ولا يهون القناص امس انا في صفه


سلمتو يالثنين
بعيد المراميس
31-10-2006, 11:04 PM
ياسلام عليك يالقناص ههههههههههههههه شهود الله بأرض الله والله اني شايف الموضوع وعارفه ههههههه

لاكن بستأذنك الحين وراي دوام وانا انام بدري وبكره نكمل ان شاء الله مابيك تنتظر ويسري عليك الليل

لاكن انتظرني بكره
القنــّـــاص
31-10-2006, 11:15 PM
تم تم يا بعيد المراميس مايخالف

وانت بخير وعساك على القوة وتصبح على خير


محمد الروقي حضورك يشرفنا فالصف اللي يعجبك و صح بدنك و الله يسلمك
هداج تيماء
01-11-2006, 05:00 PM
القناص صح لسانك ولاهنت /// بعيد المراميس صح لسانك ودام ابداعك

ويا سلاااام عليك يا بعيد المراميس ولا يهون القناص

متابع
بعيد المراميس
02-11-2006, 05:05 PM
مرحبآ يامحمد الروقي تراحيب المطر واهم شي وجودك طال عمرك

هداج تيمآ يامرحبآ ومسهلآ..حظورك يزيدنا شرف يالقرم وخلك قريب ترى الزكمه هالصتني هلص نمله ههههه
بعيد المراميس
02-11-2006, 05:30 PM
الله الله


منت بحيّب ولانته بالزلامي رشيد=شاعر تبي تستفيد ويمكن انك تفيد
لاكنك اليا زعلت تخمّك ام العبيد= الحي يحييك والميت يزيدك غبن



ماعندي الا مثل شلفا تراحيب=واللي سواتك جعل ربي يعينه
ولايفرق العقّال غير الاساليب= يامن تخلط البايره والثمينه
القنــّـــاص
02-11-2006, 10:27 PM
الله الله يا سلام



اظن حتى انت لا مطلق ولا انت بخلف = شعرك وصورتك ماقد طبت ( المختلف )
واخلفت سير القضيه من ملف لملف = الحي يحييك والميت يزيدك غبن



عين المعادي واعناها من الشيب =شيب الرموش وماينغص سنينه
حاشا بضايعنا من الهزل والعيب = مثل الذهب .،،صنع اليدين الامينه
أمل عبدالعزيز
03-11-2006, 01:52 AM
,
,
,

الله الله

صحت قلوبكم

ومتابعين لكم
بعيد المراميس
03-11-2006, 05:33 PM
مديرتنا امل يالله حيها وحي حظورها المشرف


القناص صح لسانك وبيض الله وجهك فعلآ سعدت بالمحاوره مع شاعر بحجمك..

والجايات اكثر بإذن الله


تحياتي لك ولكل من حظر معنا
القنــّـــاص
05-11-2006, 06:51 PM
صح بدنك يا هداج تيماء ومرحبا بك
امل عبد العزيز صح بدنك وتشرفنا بمتابعتكم

بعيد المراميس ووجهك ابيض طال عمرك وصح بدنك وايضاً صح لسانك وحقيقة انني تشرفت بمجاراتك والحقيقة انك محامي من الدرجة الاولى لو كنت وكيل عن صدام حسين طلع براءة

ماقصرت يابعيد المراميس ولك تقديري