المساعد الشخصي الرقمي

مشاهدة النسخة كاملة : برج المملكه اقرب


سعودعبدالله
29-10-2006, 07:41 PM
استلم يا برج مبطي عنك




بيني وبين البرج صحبه وتقدير=على المعزه ثبت الله بناها
لاكن عقب انه ورد جمة البير=دلو الشواوي ليش يقطع رشاها
محمد الروقي
29-10-2006, 08:10 PM
لاكن عقب انه ورد جمة البيـر



صح لساااااانك وينك يالبرج
محمد الدهمشي
29-10-2006, 08:14 PM
الله يثبت المعزه
ويعطيك العافيه على هالابداع
وبانتظارالبرج
برج المملكه
29-10-2006, 09:45 PM
هلا ومرحبا يا بو عبدالله

استلم


ياصاحبي ماعاد فيها معاذير=محدن مشى له طرقة ٍ ما يباها
ضيّقت اخوك كليب ياسالم الزير=البير منت بذايق ٍ حلو ماها
برج المملكه
29-10-2006, 09:47 PM
محمد الروقي هلا ومرحبا

وجودك يشرفنا لاعدمتك لكن افزع لنا من التوقيع حجمه يثقل الصفحه لاعدمتك

وتقبل احترامي و سلامي

ابو راشد

مرحبا و مسهلا
ربح السبيعي
29-10-2006, 09:54 PM
سعود عبدالله و برج المملكه



طاروق رائع ولايستغرب عليكم الابداع



واصلو وانا متابعين
سعد البراق
29-10-2006, 09:55 PM
سعود عبدالله

صح السانك

------

برج المملكه

صح السانك

------------------

متابعين وماسكين الصف
برج المملكه
29-10-2006, 09:57 PM
ربح السبيعي

و

اسامه سعد


حياكم الله والابداع هو حضوركم

لاهنتوا
سعودعبدالله
29-10-2006, 10:13 PM
الله الله

استلم


اخوي زيزوم الرجال المناعير=شاف الجليله و اختلف من هواها
من عقب ماهو واقف ٍ للطوابير=همّه مع الايام يتبع رضاها
سعودعبدالله
29-10-2006, 10:15 PM
محمد الروقي

مرحبا و مسهلا و مبروك اللوك الجديد لوانّا مانشوف غير حيد الموضوع

ابو راشد

حياك الله و الله يديمك على العز و الطاعه

ربح السبيعي

مرحبا تراحيب المطر شرفتنا بمروك الغالي

اسامه سعد

هلا و مرحبا شرفتنا بمرورك ومتابعتك يالغالي

تقديري لكم
بعيد المراميس
29-10-2006, 10:27 PM
الله الله الله الله

ياسلامنيشن صدز

سعود صديزي وبرج وليد عمي ومحاوره من الطراز الاول

تصدق يابرج من كثر حبي لك ودي اقرّط في خشمك :)

لاكن سعود بيني وبينه معاهده طويلة الاجل وموضوعه اللي طلبك فيه كان ببالي ولذلك اعلن من هذا المنبر

انني في صف سعود جهرا والعين ترا وليلك من ورى كبري الراغيه يالبرج :)
برج المملكه
29-10-2006, 10:31 PM
طيب طيب

عندك


اخوك لا هبّت عليك المعاصير=مثل البيوت اللي يذرّي ذراها
الاوله عطني عليها تقارير=والثانيه مانيب في مستواها
برج المملكه
29-10-2006, 10:36 PM
ههههههههههه

مرحبا يبو جسار

وفداك خشمي يا بعد خشمي

وانت وسعود من الان وصاعداً مابيني وبينكم غير الماص الحمر :(
سعودعبدالله
29-10-2006, 11:09 PM
الله الله

عندك


رح سلم العهده رقيب المغاوير=ترى الحراميّه لقت مبتغاها
قبل الورود يعانقون المصادير=ونفسك من الايام تظهر خفاها
سعودعبدالله
29-10-2006, 11:12 PM
هلا مرحبا بصديقي


حيك و حي مرورك


وبرج دوب لقيت علاه الدريب هذا وعاني اجاهده


ولك تقديررررري
بعيد المراميس
29-10-2006, 11:18 PM
لاتفكه ياسعود لين تنشف ريقه

وحاول تضغط عليه ومعها خنق ولكمات خطافيه ماعليك منه ولا تأخذك به لومة لائم مرره مرره البته :(
ملحق المخلين
29-10-2006, 11:45 PM
ياسلام طاروق كايف من شعاره


سعود عبدالله


و


برج المملكة



متابع وضد صف بعيد المراميس من غير ليه


واصلو الله لا يهينكم
برج المملكه
30-10-2006, 12:02 AM
طيب طيب

عندك و المعذره على التاخير


حفظت صندوق الجواهر عن الغير=عنه الحراميّه قصرنا يداها
اليا لحقك النوم تصبح على خير=ما انته بلاحق نجمةٍ في سماها
برج المملكه
30-10-2006, 12:13 AM
بعيد المراميس هيّن هيّن

ماسمعت جواد العلي احسن فنان في العالم وش يقول؟

يقول :

(( يجي لك يوم تندم على ماسويت ))


وان كان تباني اقولها لك بالتركي قلتها :11ap:


ملحق المخلين

هلا ومرحبا وكل عام وانت بخير عينت الرجال راع الطرقه ماجا ؟

وسلم لي عليك و عليه :huglove:
بعيد المراميس
30-10-2006, 12:26 AM
الله الله الله

<-------------- الحمد لله ماهو من الحراميه :)


عندك ياسعود
سعودعبدالله
30-10-2006, 12:28 AM
الله الله كفو

استلم


لا ثار عجّ معسكرات المسامير=والقوم دارت فوق راسك رحاها
تصبح عشا للذيب و السبع و الطير=والعامريّه قسم للي سباها
بعيد المراميس
30-10-2006, 12:31 AM
ايييييييييييييييييييييييي ييييييييييييييييييييييييه

ياسعووووووووووووووووووووو وود وقسم حبة خشم ياشيخ على الرد هذا



ايه ايه عليك ابه نتف ازارير ثوبه


يامال السيل ياكبري الراغيه :)


سرىىىىىىىىىىىىىىىىىىى
سعودعبدالله
30-10-2006, 12:33 AM
ههههههههه



ازهله يابو جسار بس فكني من ابو عباس فاحان



ملحق المخلين


هلا و مرحبا لو كنت في ضد بعيد المراميس


تصدق عاد انك قوي من يوم جيت ضد بعيد المراميس اول واحد يجي ضده انت ههههه
برج المملكه
30-10-2006, 12:56 AM
طيييييييييييب

عندك



الله يكافينا شرور المقادير=والقوم لا جتنا لعنّا ثواها
لا تحسب انّك ستر بيض الغنادير=يالبندق اللي ثوّرت في خباها
برج المملكه
30-10-2006, 01:01 AM
من قال انك مانت من الحراميّه يابعيد ؟

انت اكبر حرامي في الشرق الاوسط هههههههه

الله لا يحييك .. :(
سعودعبدالله
30-10-2006, 01:09 AM
الله الله


استلم



منته بضدن للسيوف البواتير=ترى نتيجة ضحك عينك بكاها
مير استرح حول الدلال المباهير =والنار لايحرق يدينك سناها
برج المملكه
30-10-2006, 01:33 AM
عندك


بكره ليا جتك الجموع المناحير=جعلك تفرّقها و تنصر علاها
لو الليالي وكّلتك الخوابير=النار ماتحرق سوى من وطاها
سعودعبدالله
30-10-2006, 01:41 AM
الله الله



عندك استلم



عطني على ما قلت للوضع تبرير=السالفه غيبن على من قراها
ترى الليالي بالمصايب معاشير=الله يسعدلي مساك ومساها
برج المملكه
30-10-2006, 01:58 AM
الله الله استلم


الهقوه اللي كبر آبانات و النير=عساك يا راع الوفا من وراها
عان البنوك ام الذهب و الدنانير=لا واشقى عين الفقير و عناها
سعودعبدالله
30-10-2006, 02:14 AM
الله الله عندك عندك


البرق يبرق في المزون المزابير=زوّد على النفس الشقيّه شقاها
لو انها لحيّة ذهيب و مداوير=قد قيل من دوّر لحاجه لقاها
برج المملكه
30-10-2006, 02:41 AM
الله الله

صح لسانك يابو عبدالله وتراها ختاميّه ماعاد وراي القطره .. :(



يالطرقي اللي عذّبتك المشاوير=رجلك عن الزلاّت بعّد خطاها
لو انّها لحية حلوم و تفاسير=عدّتك عن عكف الشوارب لحاها
الرااااااسي
30-10-2006, 06:41 PM
سعود عبدالله وبرج المملكه صحت قلوبكم والسنتكم رائعين