هنا تستقبل تهاني العيد لشعراء وشاعرات الغربله حصرياً [الأرشيف]

النجلاء

25-10-2006, 09:29 PM

السلام عليكم ورحمة الله وبركاته

ومن العايدين ومن الفايزين ان شاء الله <<<<<< مع الاعتذار لمحمد عبده على اللطشه

مريت القسم النبطي ولقيت موضوع تهاني العيد للشعراء وقلت بنفسي هم ماهم احسن منا نحن شعراء وشاعرات الغربله قلت احط لكم هالموضوع نتبادل التهاني فيه وجبر الخواطر على الله ههههههههههههههههههههههههه

شروط المشاركه

ماتتجاوز الابيات 3 ابيات او شهرين ايهما يسبق <<<<<< تأثير دعايات السيارات

مايكون سبق طرح الابيات باي قسم آخر غير الغربله ,, يعني حصريا للغربله وبس

اي ابيات موزونه راح تستبعد من المشاركه مع الاعتذار مسبقا من صاحبها وذلك تقديرا لمشاعر باقي المشاركين اللي مادلوا الوزن للحين هههههههههههههه

تكون الابيات فرايحيه يعني لايجي واحد وينكد على اهلنا ويقول العيد جا وحبيبي ماهوب فيه او حبيبتي جابت العيد فيني ,,,, الخ ,,,,, لا نبي وناسه وفلة حجاج بس واللي بيسوي لنا مناحه هنا بستبعد مشاركته

يمنع اشتراك الشعراء الصدقيين منعا للاحراج

كل رسايل التهاني الخاصه بالجوالات عارفينها ,,,, يعني لايجي احد ويتميلح علينا ويكتب رساله من جواله بليييز نبي مشاركه من احاسيسكم المرهفه ربي يوفقكم <<<<<< طراره صارت هههههههههههههههه

الاولويه لشعراء وشاعرات الغربله وشعراء المستقبل بعد

وانا بطرح اول مشاركه

كل عام وانتم بخير=ومن العايدين كل ابوكم
من الشمال الى الخرخير = لاتكثرون حلاو ارجوكم

بانتظار مشاركاتكم ياحلوووووين

اختكم /// النجلاء

نبـض

25-10-2006, 11:01 PM

هههههه صدقيني كان ودي اشارك لكن من ضمن الشروط اللي انتي حاطتها

يمنع اشتراك الشعراء الصدقيين منعا للاحراج

وش اسوي عاد:biggrin:

يالله..خيرها بغيرها

فوووووشي

26-10-2006, 12:53 AM

كل عـام وانتـم بخيـرومن العايدين كل ابوكـم
من الشمال الى الخرخيرلاتكثرون حلاو ارجوكم

هههههههههههههههههههههههه

ههههههههههههههه

ماشاء الله عليك جبتيهاااااااااااا

يلا خوووووذي شعري....

ياحبي انا والله ليوم العيد=افرح وانا لابسه ثوبي الجديد
يازين المفطح وجنبه العصيد=واروح لابوي اشحذ وماده له الايد

ههههههههههههههههههههههههه هههه

ومشكوووره حبيبتي نجول على اتاحة المجال لقرائحنا الشعريه الملتوشه

يؤيؤيؤ اقصد الفطريه

اختك فش فاشه

النجلاء

26-10-2006, 04:09 AM

هلا نبوووووض

لا ياقلبي هذا مايعفيك انتي من شاعرات الغربله ههههههههههههههههههههههه

مانستغني عن فزعتك ياقمررررررر

بانتظارك

يعطيك العافيه

أمل عبدالعزيز

26-10-2006, 06:24 AM

ههههههههههههههههههههه

أولاً يانجلا صورتك الرمزية بتوخد العئل:huglove:

تانياً ولأني شاعرة صدزية فمابشارك:vampire:

ههههههههههههههههههههههههه ههههه

والله يابنت الحلال أنكم طاقم موب صاحي:mf_popean

شوفي بس ثلاثتكم يالمشرفات رادين على بعض:harp:

بس على فكرة أبياتك تستبعد لأنها موزونة اسمحيلي ومخالفة للشروط:11ap:

ههههههههههههههههههههههههه ههههههههههه

ياعيد ياعيد ..يازينك زيناه
القلب سعيد..والنجلا وياه:11rob:

ههههههههههههههههههههههههه هههههههههههههه

لن صارت موزونة شوتيها مع ابياتك ياراعية الخرخير والجرجير:واو:

ههههههههههههههههههههههههه ه

وربي مواضيعك عسل يمين بالله مثلك:wink:

أمل عبدالعزيز

26-10-2006, 06:32 AM

ههههههههههههههههههههه

أولاً يانجلا صورتك الرمزية بتوخد العئل:huglove:

تانياً ولأني شاعرة صدزية فمابشارك:vampire:

ههههههههههههههههههههههههه ههههه

والله يابنت الحلال أنكم طاقم موب صاحي:mf_popean

شوفي بس ثلاثتكم يالمشرفات رادين على بعض:harp:

بس على فكرة أبياتك تستبعد لأنها موزونة اسمحيلي ومخالفة للشروط:11ap:

ههههههههههههههههههههههههه ههههههههههه

ياعيد ياعيد ..يازينك زيناه
القلب سعيد..والنجلا وياه:11rob:

ههههههههههههههههههههههههه هههههههههههههه

لن صارت موزونة شوتيها مع ابياتك ياراعية الخرخير والجرجير:واو:

ههههههههههههههههههههههههه ه

وربي مواضيعك عسل يمين بالله مثلك:wink:

أمل عبدالعزيز

26-10-2006, 06:34 AM

اليوم المنتدى منهبل

الرد يروح مرتين

الله يستر من تاليتها يالربع

ههههههههههههههههههههههههه ههههههههههههههههههه

الطير

26-10-2006, 11:19 AM

سلااااااااااااااااااااااا اااام .. :واو:

مشكورة أختي النجلاء على هذا البرنامج الناجح .. وودي في هذا المناسبة انا اقول ..

كل عام و انتي بخير يا ماما .. و يا بابا .. و احب ان اقول نشيدة بمناسبة هذا العيد و خاصة للجيران ..

نشيدتي تقول ..

قرقيعان و قرقيعان .. بيتي قصير ورمضان .. يالله عادتي عليكم .. كل سنه و كل عام .. :biggrin:

الموهم ( المهم ) :11umbup:

هناك فلتين ( بيتين ) بقولها و إلي يصير يصير .. :11owoff:

العيد جاء في كل حتة ... و الأب راح يزور بنته ..
وش عاد و أن راحن وش عاد و أن جن .. و اثنين في ثلاثة يساوي سته ..

<--- صح لسانك :biggrin:

سي يو ..

محمد بن ضاوي

26-10-2006, 12:21 PM

يمنع اشتراك الشعراء الصدقيين منعا للاحراج

الحمدلله انا ماني صدفي.... انا لؤلؤي

>>>>>> الا بيرقع ويشارك >>>> النظر شجر....ههههههههه

العيد مره حلو ياربي منه=حلو حلو حلو يممممـــه عليه
ضحكنا فيه وتمشينها حسب السنه=وكل الحاجات الزينه لقينا فيه
بس حبيبي ماعايدني ولا عطاني رنه=بس انا اصلا ماعلي منه ولاراح اقول أمبيه

ها؟؟؟ عسى جازت المشاركه والمعايده؟؟؟ههههههه

ياحليلهم والله ...خاشين جو مع بعض...ههههههههه

الله يسعدك يالنجلا على هالموضوع الرايق

فعلا ...ترسمين البسمه في كراسة الفنيه حقتك...ههههههه

ليه على بالك بقول على وجيهنا؟؟؟
والله ماباقي الا هي تصير وجيهنا لوحات ترسمين البسمه علاها....!

الطير

26-10-2006, 12:34 PM

العيد مره حلو ياربي منه=حلو حلو حلو يممممـــه عليه
ضحكنا فيه وتمشينها حسب السنه=وكل الحاجات الزينه لقينا فيه
بس حبيبي ماعايدني ولا عطاني رنه=بس انا اصلا ماعلي منه ولاراح اقول أمبيه

محمد ..

هذي القصيدة جايتني في مسج .. و من الشروط عدم كتابه شيئ من الجوال ..

النجلاء
كل رسايل التهاني الخاصه بالجوالات عارفينها ,,,, يعني لايجي احد ويتميلح علينا ويكتب رساله من جواله بليييز نبي مشاركه من احاسيسكم المرهفه ربي يوفقكم <<<<<< طراره صارت هههههههههههههههه

صاااااااااااااااااااااااا ادوة .. :biggrin:

محمد بن ضاوي

26-10-2006, 12:46 PM

محمد ..

هذي القصيدة جايتني في مسج .. و من الشروط عدم كتابه شيئ من الجوال ..

صاااااااااااااااااااااااا ادوة .. :biggrin:

هههههههههه

حسبي الله على بليسك يالطير

يعجبني الذكي .....

انت منان عرضت لي الله يعرضلك....

يالنجلا لاتصدقينه والله ما اخذتها من احد....

>>>>>>> هذا العضو جاء من أقصاه...ههههههههههههه
فعلا الظلم شين.....حسيت فيه....لكن مردوده يالطير

سعود

26-10-2006, 01:24 PM

ههههههههههههههههههههههه

أمل

والله يابنت الحلال أنكم طاقم موب صاحي

الله اعلم باللي مو صاحي الطاقم او اللي يكرر ردوده ويتهم المنتدى

خخخخخخ

الطير

لاتشكك الشعراء في انفسهم ثم انظر في وضعك

<<== ناوي يرجعه لقفصه

نجلاااء

خليني اخر واحد

عشان يكون مسكها ختاااام

والعيد يكون عيدين

ومشكوره على هيك موووضع نااااايص

تحية عطرة

النجلاء

26-10-2006, 06:55 PM

هلا بشاعرتنا فوووشي ههههههههههههههههه

يـاحـبـي انـــا والله لــيــوم الـعـيــد
افـرح وانـا لابـسـه ثـوبـي الجـديـد
يـازيـن المفـطـح وجنـبـه العصـيـد
واروح لابوي اشحذ وماده له الايد

ياسلام وبس ,,,,

ايه هذا الشعر اللي يرد الروح ويربي الكرووووش ههههههههههههههههههههههه

بعدين فيه معاناه بالعصيده قصدي القصيده هههههههههههههههه

وفيه حزن مخلوط بقواية وجه خصوصا مدة الايد ههههههههههههههههههههههههه هههههه

اشكرك على معايدتك الرووووعه وهذا العشم فيك

وبعدين قرايحنا تقرحت من كثر التكسير فيها وزين يطلع منها شيء ههههههههههههههههه

يعطيك العافيه ياعسل

النجلاء

26-10-2006, 07:08 PM

هلا أمل ,,,,

أولاً يانجلا صورتك الرمزية بتوخد العئل

اشكرك على اعجابك ,,, هذا وانا بعد ماكديت عرادتي وشلون بس لو اكدها زين <<< مافيه امل تنكد زين هههههههههه

تانياً ولأني شاعرة صدزية فمابشارك

الحين كل وحده تجي تقول انا شاعره صدقيه ؟؟ يعني على كذا مابيصفا الا انا وفوشي والطير اللي من تايوان هههههههههههههههههههههههه

بس على فكرة أبياتك تستبعد لأنها موزونة اسمحيلي ومخالفة للشروط

هههههههههههههههههه بذمتك موزونه

عاد تصدقين من زمان حاسه اني في يوم بقول شعر موزون وشوفي سبحان الله اكتشفتيني انتي هههههههههههههههههههههههه

يعني اتشجع واكتب قصيده واحطها بقسم النبطي وماجاني عليك ؟؟ <<<< بتسحب امل كلامها هههههههههههه

نجي للمفيد وهو مشاركتك ,,,,

ياعيد ياعيد ..يازينك زيناه
القلب سعيد..والنجلا وياه

فيه نداء للعيد بحب وشفافيه وتدليع في كلمة يازينك زيناه هههههههههههههههههههههه

بس لو قلتي ياعيد ياسعيد كان فيه نوع من الغموض والحيره ياترى تنادين عيد او سعيد

والبيت الثاني قلتي القلب سعيد اها هنا بيزعل عيد وتدخلونا بمشاكل حنا في غنى عنها وبعد النجلاء وياه هههههههههههههههههههه راح فيها عيد بقوه

المهم مشاركه رووووعه وماهي بعيده عن نزفي انا وفوووشي والله هههههههههههههههه

امل ربي يسعدك ياقمرررر

ويعطيك العافيه

النجلاء

26-10-2006, 07:22 PM

هلا امل مره ثانيه ,,,,

وهذا رد ثاني عشان ردك الثاني والثالث ههههههههههههههههههه

لن صارت موزونة شوتيها مع ابياتك ياراعية الخرخير والجرجير

ههههههههههههههههههههههههه ه

وربي مواضيعك عسل يمين بالله مثلك

ههههههههههههههه جرجير

وانتي اللي حضورك دايم عسسسسسسل يا عسل

والمنتدى ياقمر مهبل فيني منذو اول رمضان

بس انا اذا شفته كذا قفلته على طول ههههههههههههههههه

يسلموووووو وسي يو

النجلاء

26-10-2006, 07:31 PM

هلا بالطير ,,,,,,

مشكورة أختي النجلاء على هذا البرنامج الناجح

اشكرك على مدحك واعجابك ببرنامجي <<<<< صدقت عمرها نشوى الرويني هههههههههههههه

كل عام و انتي بخير يا ماما .. و يا بابا ..

اممممم المشاركه هذي غير محسوبه لك لانك لاطشها بمنقارك هههههههههههههههههه

قرقيعان و قرقيعان .. بيتي قصير ورمضان .. يالله عادتي عليكم .. كل سنه و كل عام ..

اللهم لانسألك رد القضاء ولكن اللطف فيه

اي رمضان وقرقيعان هههههههههههههههههههه

وين ياطير انت انت للحين صايم شكلك ههههههههههههههههههههههههه هه

العيد جاء في كل حتة ... و الأب راح يزور بنته ..
وش عاد و أن راحن وش عاد و أن جن .. و اثنين في ثلاثة يساوي سته ..

حلوووو ايييه هذي المشاركات السنعه ماهوب قرقيعان وقربيعان

مشاركه بالفعل قويه وفيها هدف واضح وهو صلة الرحم يوم يزور الابو بنته بس وش هالابو اللي مايزور بنته الا بالعيد عمن يعميه ؟؟ والهدف الثاني الحلو حفظ جدول ضرب الثلاثه ههههههههههههههههه
جعل مايضربك ضعيف قووول آآآمين بس هههههههههههههههههههههه

الطير ,,,,,,

تسلم على هيك مرووور رووعه ومشاركه اروووع

يعطيك العافيه

النجلاء

26-10-2006, 07:41 PM

محمد بن ضاوي هههههههههههههههههههههههه

انت ردك بلحاله مشكله ,,,,,

هذا بس تسجيل حضور وغياب هههههههههههههههه

ولي عوده تفصيليه لهذه الرائعه <<<<< هذا من ضمن ردودكم بالنبطي لي عوده وهو وجه الضيف ههههههههههههه

تسلم على هيك حضور

وسي يووووو

النجلاء

26-10-2006, 09:26 PM

هلا بن ضاوي ,,,,,

الحمدلله انا ماني صدفي.... انا لؤلؤي

ههههههههههههههه موديل كم بس يالؤلؤي

>>>>>> الا بيرقع ويشارك >>>> النظر شجر....ههههههههه

بعدين انت راعي محل ياخوي ومايحتاج مبرر لاشتراكك وبنسوي لك كرت عضويه عندنا هنا ههههههههههههههههههههههههه ههههه

العيـد مــره حـلـو يـاربـي مـنـه
حلـو حلـو حـلـو يمممـمـه علـيـه

بدايه موفقه جدا ومتماشيه مع الشروط ابدعت في هذا البيت هههههههههههه

ضحكنـا فيـه وتمشينهـا حسـب السنـه
وكـل الحاجـات الزينـه لقيـنـا فـيـه

هههههههههههههه قصدك تمشينا مو تمشينها بعدين وشلون حسب السنه ؟؟ قصدك زيارة الاقارب والذهاب للمتنزهات العامه ,,, اشكرك على هذا التوجه الجميل

بس حبيبي ماعايدنـي ولا عطانـي رنـه
بس انا اصلا ماعلي منه ولاراح اقول أمبيه

ماش هنا خربتها كلها ,,, قلنا مانبي احد يتشكوى لنا هنا ويقول حبيبي مادق علي او عايدني لكن عدلتها بكلمة امبيه ههههههههههههههههههههههه

وصح قلبك وراسك ولسانك وكلك وكيبوردك واصابعك على مشاركتك ومعايدتك الجميله وجزله من راس جزل و و وبس

ليه على بالك بقول على وجيهنا؟؟؟
والله ماباقي الا هي تصير وجيهنا لوحات ترسمين البسمه علاها....!

ههههههههههههههههههههههههه ه ياخي وجيهكم اللي فيها كافيها الله يحفظكم اجي بعد انا ارسم عليها ههههههههههههههههههههههه

محمد ,,,,

تسلم وتعيش على مرورك الروووووعه

ويعطيك العافيه

sha3noona almajnoona

26-10-2006, 09:33 PM

اهم شي انك استبعدتي الاشعار الموزونة

كأنك تعرفين الاشياء اللي تحرجني

اه يا يوم العيد
لو تدري ان ثوبي فيك جديد
لو شميت ريحة المخلل
كان شردت بدون ما تسأل

والله لا تسالوني ايش معنى الأبيات بس هي ذي الابيات اللي طلعت معاي

يسلموووووووووووو نجلو عالموضوع

سـعـد الحويماني

27-10-2006, 03:42 AM

وشلون

نشارك

ولا انتهى التسجيل

سـعـد الحويماني

27-10-2006, 03:45 AM

................

نقطه ورا نقطه وحرف على حرف

نقدر ولا لا

النجلاء

27-10-2006, 04:19 AM

هلا بسعد ههههههههههههههههههه

افا عليك بس ,,,,

ايه ياخوي تقدر تشارك ومشاركتك اكيد بتنور الموضوع

بانتظارك

يعطيك العافيه

*أهداب*

27-10-2006, 04:49 AM

ترى أهداب من الشاعرات الآتي يشار إليهن بالعصى

خذي هالبيت

نبي يالنجلاء الحق والتحقيق ..ولا ترانا عرب حقحقانيه

وحقكم يالغربلة نملاه لكم دقيق ..ولا ترانا ناس دقدقانية

ياعيد كلن داله مع ربعه ومسرور ..وأهداب غاثها طاش ما طاش
موضوع(ن) له شهود وحضور ... ومن قضايا صرت أتخفى و انحاش
طلعوه سطور ونزلوه سطور..والمسبه لنا والمدح للخفاش
قلت ياهووه اعرف الحكم والدستور ..وكأني مثل اللي ينفخ في خياش
والحين جالسة على كرسي مكسور ... والعب في البلاس تيشن كراش
وأشرب حليب نوق من ديدها معصور ..ومن يبي معي يحضر له غراش

كل بيت يطوول شوي ..
<<-- ودها تعبر :biggrin:

يالله إن شاء الله أفوز:11umbup:

سـعـد الحويماني

27-10-2006, 04:55 AM

الصدر ..........عقب ماخلص العيد
والمووت يانجلاء لا قرررب دوامي

اذا جبتي اللي بين الاقواس
نكمل

يتغلى

خخخخخخخخخخخخخخ

*أهداب*

27-10-2006, 04:57 AM

الصدر ...ضاق.......عقب ماخلص العيد
والمووت يانجلاء لا قرررب دوامي

<<<داخله عرض

وش اسوي أستفزعت بي النجلاء ..

النجلاء

27-10-2006, 05:03 AM

هلا سعد ,,,,

يحق لك تتغلى هههههههههههههههههه

الصدر ...ضاق.......عقب ماخلص العيد
والمووت يانجلاء لا قرررب دوامي

<<<داخله عرض

وش اسوي أستفزعت بي النجلاء ..

جابتها الغاليه اهداب جعل عيني ماتبكيها

لي عوده وافيه لردوووودكم ياحبايب

سي يو

دفا المشاعر

27-10-2006, 05:11 AM

تراني في الشعر أخبط وأرقع ومو مزاجي كثير فيه ، بس لأنه فكاهة /

الرد على أهداب /

يا أهداب كيفك مع كــــــــــراش .............. عسى ما شر تنحاشين من طاش المنــــطاش
لا تزعلين يلي الشين منك ينحاش ............... لابد من رقع وخبط في الحوارات مثل حالك مع الخفاش

،
،
،

أقبل العيد والفرحة تسلينا ......... عيّدنا ومع الحبايب اجتمعنا
حلاوة وبقلاوة وتمرة تغذينا ...... وصغار وكبار منهم مازهقنا

مشو حالكم عل هالبيتين المضروبين ......

ههههههههههههههههههههههههه ههههههه

النجلاء

مشكووورة يا قمر 16 وشهد الغرابلة

ههههههههههههههههههه

لك مني فائق حبي وتقديري

سـعـد الحويماني

27-10-2006, 05:16 AM

ترى أهداب من الشاعرات الآتي يشار إليهن بالعصى

خذي هالبيت

نبي يالنجلاء الحق والتحقيق ..ولا ترانا عرب حقحقانيه

وحقكم يالغربلة نملاه لكم دقيق ..ولا ترانا ناس دقدقانية

ياعيد كلن داله مع ربعه ومسرور ..وأهداب غاثها طاش ما طاش
موضوع(ن) له شهود وحضور ... ومن قضايا صرت أتخفى و انحاش
طلعوه سطور ونزلوه سطور..والمسبه لنا والمدح للخفاش
قلت ياهووه اعرف الحكم والدستور ..وكأني مثل اللي ينفخ في خياش
والحين جالسة على كرسي مكسور ... والعب في البلاس تيشن كراش
وأشرب حليب نوق من ديدها معصور ..ومن يبي معي يحضر له غراش

كل بيت يطوول شوي ..
<<-- ودها تعبر :biggrin:

يالله إن شاء الله أفوز:11umbup:

اهداب

ياسلام

صح لسانك يالجزله

:biggrin:

ياهداب قافك وافياً مابه قصور
وزنٍ ومعنى متعب ٍ كل طراااش

جوك خيالي جو شاعر ودكتور
ولا استشاري ماعرف ربطة الشاش

ولا شجاعا لاعنا جده الكور
منوة عيونه بس يالربع ينحاش

النجلاء

27-10-2006, 05:19 AM

ههههههههههههههههههههههههه هه الطير

محمد ..

هذي القصيدة جايتني في مسج .. و من الشروط عدم كتابه شيئ من الجوال ..

ياحبك للاصطياد بالماء العكر ياعكر انت ههههههههههههههههههه

الحين انت شريت جوال بلوتوث وصجيتنا فيه واليوم حولت على الرسايل وتلقى اكثر رسايلك اوشك حدك الائتماني على الانقراض هههههههههههههههههههههه

تحياتي لعودتك ياطير

يعطيك العافيه

سـعـد الحويماني

27-10-2006, 05:26 AM

الصدر ...ضاق.......عقب ماخلص العيد
والمووت يانجلاء لا قرررب دوامي

<<<داخله عرض

وش اسوي أستفزعت بي النجلاء ..

ما اقدر اقول اليوم انا لك سوى صح
دام الحليب اللي شربتيه في غررراش

النجلاء

27-10-2006, 05:31 AM

هلا ابن ضاوي مرتن ثانيه ههههههههههههههههه

حسبي الله على بليسك يالطير

يعجبني الذكي .....

انت منان عرضت لي الله يعرضلك....

افا عليك يامحمد ماتعرف الطير ههههههههههههههههههههههههه هه

هذا له صرعتين بالشهر هذي وحده منها ههههههههههههههههههههههههه هههههههه

ومن حمام الدار يعني نقبل مايجي منه

يالنجلا لاتصدقينه والله ما اخذتها من احد....

>>>>>>> هذا العضو جاء من أقصاه...ههههههههههههه
فعلا الظلم شين.....حسيت فيه....لكن مردوده يالطير

هههههههههههههههههه ياحليلك يامحمد ,,, من غير ماتحلف مصدقتك

وعليك بالطير بس تقاض منه

يعطيك العافيه يابن ضاوي على سعة صدرك

سـعـد الحويماني

27-10-2006, 05:33 AM

اقول يالنجلاء

ويش رايك لو اصير اليوم اللجنه القائمه على توزيع
الجوائز >>>>>>>>>وننقد جميع المشاركات
نقد بناء

ونكرم الفايز باحسن بيت
ببنر
الدعوى بسيطه نروح المصممين ونبلشهم وانتي خابره مايقصرون

ونتبنى تلك الموهبه الغربوليه
ونعطيه وسام الغربله الشعررررررررررري

ونسابق به في مزاين ام رقيبه بعد

محمد بن ضاوي

27-10-2006, 05:38 AM

الصدر ..........عقب ماخلص العيد
والمووت يانجلاء لا قرررب دوامي

اذا جبتي اللي بين الاقواس
نكمل

يتغلى

خخخخخخخخخخخخخخ

حركات سعد مايخليها....هههههههههههه

قاعد يضحك على البنات بس انا اللي بقولهم الحقيقه...هههههههههه
بنات بنات>>>>> مسوي روحه يمون...هههههههههه
ترى الفراغ مافيه شي هو كامل خلقه... الدعوى في الشطر الثاني
لاحظوا..
الصدر عقب ماخلص العيد
.....والموت يانجلا لاقرب دوادمي

لاحظو اخر كلمه من الشطر الثاني كان منقص منها حرف وصايره دوامي
ويجي ((ابو الحروف)) الله يحفظه ويحط الحرف الناقص وتطلع دوادمي

*أهداب*

27-10-2006, 05:42 AM

8
8

أستلم على حسب قسم الغربلة

ياسعد من طامر مطامري معذور
حطيت لهم العلم بالتقصيد والكاش
عين ناقده وعين ترى واضح النور
وعين بها رمد وشوفه ماش على ماش

سـعـد الحويماني

27-10-2006, 05:45 AM

حركات سعد مايخليها....هههههههههههه

قاعد يضحك على البنات بس انا اللي بقولهم الحقيقه...هههههههههه
بنات بنات>>>>> مسوي روحه يمون...هههههههههه
ترى الفراغ مافيه شي هو كامل خلقه... الدعوى في الشطر الثاني
لاحظوا..
الصدر عقب ماخلص العيد
.....والموت يانجلا لاقرب دوادمي

لاحظو اخر كلمه من الشطر الثاني كان منقص منها حرف وصايره دوامي
ويجي ((ابو الحروف)) الله يحفظه ويحط الحرف الناقص وتطلع دوادمي

شاعر وحلل على كيفه
ياناس وشلوون حللها

النابغه
موسسة حل البيوت المتقاطعه

لله درك
لك الود والمتابعه

تصدق فالكيبورد حرف مايكتب
ولا كان علوم

*أهداب*

27-10-2006, 05:45 AM

محمد بن ضاوي ...حنا في قسم الغربلة ..مشها ..
مثل ما مشيت فطورك في رمضان

النجلاء

27-10-2006, 05:49 AM

هلا سعوووود

الطير

لاتشكك الشعراء في انفسهم ثم انظر في وضعك

<<== ناوي يرجعه لقفصه

ههههههههههههههههههههههههه الله يرج ابليسك

اسمع ياسعود دام الطير يحوم بموضوعي خله يتنفه شوي ولاقفلت الموضوع برجعه لك انت وقفصك ههههههههههههههههههههههههه

نجلاااء

خليني اخر واحد

عشان يكون مسكها ختاااام

والعيد يكون عيدين

ههههههههههههههههه والله ياخوفتي من اعيادك انت

وابشر بننتظر هبوطك وهطولك ياشاعرنا ههههههههههههههههههههههههه

ومشكوووور على مرورك الحلووو ياسعود

يعطيك العافيه

سـعـد الحويماني

27-10-2006, 05:56 AM

8
8

أستلم على حسب قسم الغربلة

ياسعد من طامر مطامري معذور
حطيت لهم العلم بالتقصيد والكاش
عين ناقده وعين ترى واضح النور
وعين بها رمد وشوفه ماش على ماش

قافك جزل معناه فالنور فالنور
ولا الوزن موزون ياخاش خرباش
مثلك حرام يصير فالوقت مغمور
لان الشعر من دون شرواك ماعاش

النجلاء

27-10-2006, 05:58 AM

ههههههههههههههههههه صحت قلوووبكم

انا مع الردووود ومعاكم متابعه

تحياتي

ويعطيكم العافيه

النجلاء

27-10-2006, 06:10 AM

هلا بشعنووونه المجنوووونه

هههههههههههههههههههههه يازينك ويازين أشعارك ياقمرررر انتي

اهم شي انك استبعدتي الاشعار الموزونة

كأنك تعرفين الاشياء اللي تحرجني

ههههههههههههههه لاتوصين حريصه افا عليك هههههههههههههههه

الحال من بعضه ياقلبي

نجي لمشاركتك ,,,,,

اه يا يوم العيد
لو تدري ان ثوبي فيك جديد
لو شميت ريحة المخلل
كان شردت بدون ما تسأل

ماشاء الله تبارك الرحمن ,,,, العين تحررررررسك

ابيات رائعه من جد وفيها مشاعر متضاربه مع بعض

الفرحه بالعيد مع انه مطنش ومادرى ان ثوبك جديد ههههههههههههههههه

واشوا انه ماشم ريحة المخلل على قولتك ولا كان خرج ولم يعد وخلاك انتي وثووووبك

بعدين تعالي منين جت ريحة المخلل ؟؟؟؟

متعيده بمحل طرشي انتي او محل فووول ههههههههههههههههههههههههه

الشعنووونه القمرررر ,,,,

تسلمين على طلتك ياعسسسسسل ومشاركتك

ويعطيك العافيه

النجلاء

27-10-2006, 07:09 AM

هلا هدوووووبه القمررررر

اول شيء يسعدني حضورك للمشاركه ياعيووووني ,,,,,

نبي يالنجلاء الحق والتحقيق ..ولا ترانا عرب حقحقانيه

ياسلام بس على الابداع والتلاعب بالالفاظ حق وتحقيق وحقحقانيه ههههههههههههههههههههههههه

وحقكم يالغربلة نملاه لكم دقيق ..ولا ترانا ناس دقدقانية

وهذا تاكيد للابداع في استخدام كلمة حق مره اخرى وهو القوطي هههههههههههههههه بس ياقلبي مالقيتي الا دقيق هههههههههههه

كان قلتي عقيق او سليق على الاقل ,,, بس كذا ماتضبط معاك نهاية البيت يعني بتصير عقعقانيه او سلقلقانيه وثنتينها شينه ومحشومه منها هههههههههههههههههههههه

تدرين خلينا في دقدقانيه ,,,,

ياعيد كلن داله مع ربعه ومسرور ..وأهداب غاثها طاش ما طاش
موضوع(ن) له شهود وحضور ... ومن قضايا صرت أتخفى و انحاش
طلعوه سطور ونزلوه سطور..والمسبه لنا والمدح للخفاش
قلت ياهووه اعرف الحكم والدستور ..وكأني مثل اللي ينفخ في خياش
والحين جالسة على كرسي مكسور ... والعب في البلاس تيشن كراش
وأشرب حليب نوق من ديدها معصور ..ومن يبي معي يحضر له غراش

هنا تجليتي عاد الله يحفظك ههههههههههههههههههههههههه وطلعتي اللي بصدرك كله

ماخليتي شيء يعتب عليك من البلاي ستيشن لكراش لطاش ماطاش للغراش لحبيبنا الخفاش ,,,, ضبطت معاك القافيه صح ههههههههههههههههههههههههه ههههه

معايده فاخره جدا ومميزه يامميزه انتي وأثرت الموضوع بقووووووووه

كل بيت يطوول شوي ..
<<-- ودها تعبر

وهذا اللي محليك ومحلي مشاركتك ياقمررررر

عبري ياقلبي لاتخلين بخاطرك شي <<<<< تحب اهداب حيييل

اهداب ,,,,,

ربي يسعدك ياعسسسسسسل ويوفقك

الحي يحييك ,,

يعطيك العافيه

أمل عبدالعزيز

27-10-2006, 03:17 PM

ماقدر على كذا

فن
ومحاورة
ونقاش
ومنقاش
وفش فاش
وكاش
وطاش؟

لا بصراحة الموضوع وربي صاير تحفة
من أول صفقة للنجلاء
لآخر همسة لراعية الحقحقحانية؟
ههههههههههههههههههههههههه ههههههههههه

يارب أرحمني

ولا المدقق الإملائية
المؤسسة الشعرية
بن ضاوي خلص من اللقيمات
وجاي هنا يعايد البنات
شكله خلاص تاقلم معاهن
مايعيش بدونهن
أبد زيت العافية على غفلة

ههههههههههههههههههههههههه ههههههههه

والله ياأني هنا من جد أنبسط بسطة محصلتشي
وأضحك ضحك مش معئول

وألي مايطول العنب برضوا مايطول

ههههههههههههههههههههههههه هههههههههههههههههه

أمل عبدالعزيز

27-10-2006, 08:09 PM

ياعمري علااااكم يابنات الزرقعة
أنا خلاز قررت أخلي حرف( ص) يتحول هو و(س) إلى (زاي) ههههههههههههههههه
فمشان هيك معاد فيه ززوالف هنا غير بالحرف هزا
وعليكم الله مادايرة أشوف أي بنت تقول زووووووووورعاه :vampire:
وأي واحد داير يمرووق من هناااا يجيب لنا شوية زلطة مع عزير بردقان:11retcher

ودحين أحب أشارك بكم بيت هدية لحبيبتي النجلاء دايراها تحوطها هدية مني لعيونها هزيك أللي شوفتيها في موزوع بنت الشيوخ والزمووحة منكم كول أبوكم :11owoff:

هاه تزامحوني ولا ماتزامحوني؟:vampire:

العيد شفته في عيون البزارين = شقاوةٍ تنبع صفاء ومحبه
قبل أمس عند الباب وقف ثلاثين = بزران معهم بنت حلوة ودبه
عايدتهم و لكل واحد ريالين = وكلن شراله طرطعانٍ وشبه
البنت جتني واعرف شكلها زين = شبيهة النجلاء على الخد حبه
قالت أمل شوفي النقوش المزايين = على يديني قلت كبه وكبه
راحت وجابت لي من العجز ثنتين = قالن وش انتي قايله من مسبه
قلت البنية مابها منظرٍ شين = والناس قالوا من تسبه تحبه

وصح قلبي ههههههههههههههههههههههههه :واو:

فايز آل بذال

27-10-2006, 09:18 PM

الله يحفظكم

احسن ما فالموضوع اني آخيرأً ضحكت

ومن قلبي ..................................!

صدق الوناسه لقيتها هنا

الله لا يغير عليكم

محمد بن ضاوي

27-10-2006, 11:35 PM

تصدق فالكيبورد حرف مايكتب
ولا كان علوم

تصدق ياسعد عقدني هالحرف

أجد احرفي عاجزه ان تأتي بهذا الحرف اللي مايكتب.....هههههههه
بس عاد عقب ماعسيت ردودك ودخلت على ملفك الشخصي
لقيت فيه حرفين ماانكتبو
اللي هم (ض ,, ظ)

عاد بقية الاعضاء يروحون يدورون في المواضيع ويجيبون العلم اليقين الله لايهينهم
لاتنسى تحط جايزه......هههههههههه

محمد بن ضاوي

27-10-2006, 11:50 PM

محمد بن ضاوي ...حنا في قسم الغربلة ..مشها ..
مثل ما مشيت فطورك في رمضان

من تقصدين باللي يمشيها يا اهداب؟؟؟؟

انا؟؟؟ ولا انتي؟؟
اذا كان انا....كيفي ومالكم دخل....ههههههه
واذا كان انتي
بقول الله يقطع منة الحرمه
يعني عشان طبخه علمتني فيها مدري طبختين تحاول تمنن علي....هههههههه

اصلا مابي لكم طبخ >>>>>>> ايه انتهى رمضان...من جد ناكر جميل...هههههه
لا مو كذا بس رمضان الجاي باقي له تقريبا سنه يمدينا نضبط العلاقه قبل يجي
هههههههههه
اهم شي الان اسوي عزة نفس....هههههههه

محمد بن ضاوي

28-10-2006, 12:12 AM

ولا المدقق الإملائية
المؤسسة الشعرية
بن ضاوي خلص من اللقيمات
وجاي هنا يعايد البنات
شكله خلاص تاقلم معاهن
مايعيش بدونهن
أبد زيت العافية على غفلة

ههههههههههههههههههههههههه ههههههههه

والله ياأني هنا من جد أنبسط بسطة محصلتشي
وأضحك ضحك مش معئول

وألي مايطول العنب برضوا مايطول

ههههههههههههههههههههههههه هههههههههههههههههه

من جد تحسفت اني طلبتكم تعلموني الطبخ

كل مادخلت على موضوع طلعت لي وحده تقول حنا حطينا وحنا طبخنا
والدعوى كلها بنك باثر واعواد سالي....ههههههه
بعدين يا امل بالنسبه لقسم الطبخ وربي وقسم وفصلاة امي وابوي اني ماشفت ولا بنت
بالعكس كنت مثال للشاب السعودي الجائع.....ههههههههههه

وبالنسبه لقسم الغربله والله اني احس نفسي خكري عند مراقبات القسم
من جد احسهن عربجيات فوق العاده....هههههههههه
وحده منهم قريت لها قصيده قاعده تتغزل في حبيبها تقول
(وربي اطخم نعنبو حي ذا العين)
الله لايحطني حبيبن لها ايوالله أحس مالي وجه عند اخوياي
احس العصمه في يدها....ههههههههههه

محمد بن ضاوي

28-10-2006, 12:20 AM

السلام عليكم ورحمة الله وبركاته

ومن العايدين ومن الفايزين ان شاء الله <<<<<< مع الاعتذار لمحمد عبده على اللطشه

مريت القسم النبطي ولقيت موضوع تهاني العيد للشعراء وقلت بنفسي هم ماهم احسن منا نحن شعراء وشاعرات الغربله قلت احط لكم هالموضوع نتبادل التهاني فيه وجبر الخواطر على الله ههههههههههههههههههههههههه

شروط المشاركه

ماتتجاوز الابيات 3 ابيات او شهرين ايهما يسبق <<<<<< تأثير دعايات السيارات

مايكون سبق طرح الابيات باي قسم آخر غير الغربله ,, يعني حصريا للغربله وبس

اي ابيات موزونه راح تستبعد من المشاركه مع الاعتذار مسبقا من صاحبها وذلك تقديرا لمشاعر باقي المشاركين اللي مادلوا الوزن للحين هههههههههههههه

تكون الابيات فرايحيه يعني لايجي واحد وينكد على اهلنا ويقول العيد جا وحبيبي ماهوب فيه او حبيبتي جابت العيد فيني ,,,, الخ ,,,,, لا نبي وناسه وفلة حجاج بس واللي بيسوي لنا مناحه هنا بستبعد مشاركته

يمنع اشتراك الشعراء الصدقيين منعا للاحراج

كل رسايل التهاني الخاصه بالجوالات عارفينها ,,,, يعني لايجي احد ويتميلح علينا ويكتب رساله من جواله بليييز نبي مشاركه من احاسيسكم المرهفه ربي يوفقكم <<<<<< طراره صارت هههههههههههههههه

الاولويه لشعراء وشاعرات الغربله وشعراء المستقبل بعد

وانا بطرح اول مشاركه

كل عام وانتم بخير=ومن العايدين كل ابوكم
من الشمال الى الخرخير = لاتكثرون حلاو ارجوكم

بانتظار مشاركاتكم ياحلوووووين

اختكم /// النجلاء

هلابك يالنجلا ويسعدني انو تشاركين معانا

ههههههههههههههههههههههههه هههههههههههههههههههههههه

قهرتها قهرتها قهرتها
ههههههههههههه
اخذت موضوعها منها وهي تعاين
تبنيت موضوعها....ههههههههههه
وربي احس انها بتذبحني.....بس معليش حنا الرجال والقوامه لنا....هههههههههههههه
وينك يالطير تتفرج بس....هههههههههههه

>>>>>>> وقفت والخوف بعينيها......تتأمل موضوعها اللي راح فيها
>>>>>>> قالت ياولدي لا تحزن ......فالسرق عليك هو المكتوب
ههههههههههه

ام سوري على الهايبرتنشن اللي سببته لك
>>>>> عن قاليت انه مايعرف انقليز......ههههههههه

جواهر عبدالله

28-10-2006, 12:28 AM

صحت قلوبكم .. والله يعطيكم العافية

واصلوا .. متابعين لكم .

سـعـد الحويماني

28-10-2006, 01:53 AM

تصدق ياسعد عقدني هالحرف

أجد احرفي عاجزه ان تأتي بهذا الحرف اللي مايكتب.....هههههههه
بس عاد عقب ماعسيت ردودك ودخلت على ملفك الشخصي
لقيت فيه حرفين ماانكتبو
اللي هم (ض ,, ظ)

عاد بقية الاعضاء يروحون يدورون في المواضيع ويجيبون العلم اليقين الله لايهينهم
لاتنسى تحط جايزه......هههههههههه

انته كذا :11umbup: يعني ترا مور فلته

7
7
7
7
7

عارفك بتجيبها وتحللها منا ومنا

لين تطلع بشي

ماجا على بالي

سـعـد الحويماني

28-10-2006, 01:55 AM

صحت قلوبكم .. والله يعطيكم العافية

واصلوا .. متابعين لكم .

طبي الملعبه

وخلي

الثقل

النجلاء

28-10-2006, 03:25 AM

هلا بدفا المشاعر العسسسسسل ,,,,

تراني في الشعر أخبط وأرقع ومو مزاجي كثير فيه ، بس لأنه فكاهة /

ههههههههههههههههه شكلك ماقريتي الشرووط زين ياقمررر ,,,, التخبيط والترقيع هنا هو الاساس بالمشاركه يعني خبطي ورقعي وكسري على كيفك ههههههههههههههههه

يا أهداب كيفك مع كــــــــــراش .............. عسى ما شر تنحاشين من طاش المنــــطاش
لا تزعلين يلي الشين منك ينحاش ............... لابد من رقع وخبط في الحوارات مثل حالك مع الخفاش

رووووعه وهذي اترك هدووووبه الحلوه ترد عليها لانها موجهه لها بس شكلكم تعانون بقوووه من الخبط والرقع انتي واياها هههههههههههههههه قلبي معاكم

نجي لمشاركتك ,,,,

أقبل العيد والفرحة تسلينا ......... عيّدنا ومع الحبايب اجتمعنا
حلاوة وبقلاوة وتمرة تغذينا ...... وصغار وكبار منهم مازهقنا

ياسلام صح لسانك وحلاوتك وبقلاوتك ,,,

وبسووووورعاه قدامي على دكتور الاسنان بعد هالحلويات هههههههههههههههههههههه

متعيده بسعد الدين انتي

مشو حالكم عل هالبيتين المضروبين ......

اهم شي انهم منك ياعسسسسسسسل وبالعكس ابياتك مستوفيه للشروط وانا برشحها نمونيه من الحين بانتظار بقية الاصوات ههههههههههههههههههههههههه ه

النجلاء

مشكووورة يا قمر 16 وشهد الغرابلة

ههههههههههههههههههه

لك مني فائق حبي وتقديري

تسلمين ياعروووسة المنتدى وحلاوته ,,, والشكر لحضورك العسسسسل يادفا الروووعه

يعطيك العافيه

النجلاء

28-10-2006, 03:35 AM

سعد الحوياني ,,,,

صح لسانك انت والشيخه أهداب على ابياتكم الروووعه

بس وييييييين مشاركتك معانا ؟؟؟؟؟

بانتظارها

اقول يالنجلاء

ويش رايك لو اصير اليوم اللجنه القائمه على توزيع
الجوائز >>>>>>>>>وننقد جميع المشاركات
نقد بناء

ونكرم الفايز باحسن بيت
ببنر
الدعوى بسيطه نروح المصممين ونبلشهم وانتي خابره مايقصرون

ونتبنى تلك الموهبه الغربوليه
ونعطيه وسام الغربله الشعررررررررررري

ونسابق به في مزاين ام رقيبه بعد

تدري عاد الله وكلكم انت واهداب وامل لجنه للتحقيق والنقد والاختيار ههههههههههههههههه
سي يوووو

النجلاء

28-10-2006, 04:16 AM

بنات بنات>>>>> مسوي روحه يمون...هههههههههه

ههههههههههههه مابعد ميانة المطبخ برمضان ميانه هههههههههههههههه

لاحظوا..
الصدر عقب ماخلص العيد
.....والموت يانجلا لاقرب دوادمي

ههههههههههههه تدري عاد يامحمد عندي احساس انك سواق باص معلمات وماسك خط الدوادمي يوميا ً ههههههههههههههههههههههه

لاحظو اخر كلمه من الشطر الثاني كان منقص منها حرف وصايره دوامي
ويجي ((ابو الحروف)) الله يحفظه ويحط الحرف الناقص وتطلع دوادمي

شوي شوي يابو الخروف مدري الحروف وتقول ماهيب دوادمي ... اندومي ههههههههههههههههههههههههه هههههههههههههه

تسلم يابن ضاوي على طلاتك الحلووووه

سي يووو للرد اللي بعده

النجلاء

28-10-2006, 04:20 AM

اهداب القمرررررر

محمد بن ضاوي ...حنا في قسم الغربلة ..مشها ..
مثل ما مشيت فطورك في رمضان

الله يسعدك ياشيخه ....

المشكله جحدها كلها ههههههههههههههههههههههههه ههه

سي يووو

النجلاء

28-10-2006, 04:30 AM

هلا أمل ,,,,,

ماقدر على كذا

فن
ومحاورة
ونقاش
ومنقاش
وفش فاش
وكاش
وطاش؟

لا بصراحة الموضوع وربي صاير تحفة
من أول صفقة للنجلاء
لآخر همسة لراعية الحقحقحانية؟
ههههههههههههههههههههههههه ههههههههههه

هالضحكه دووووم ان شاء الله وبعدين هذا من بركات صرقعة الكل هنا ههههههههههههههههههههههه

ولا المدقق الإملائية
المؤسسة الشعرية
بن ضاوي خلص من اللقيمات
وجاي هنا يعايد البنات
شكله خلاص تاقلم معاهن
مايعيش بدونهن

ههههههههههههههههههههههههه ههههههههههههه ياقلبي انتي شهر وهوياكل من طبخاتنا هناك بالمطبخ وشلون مايتأقلم بس

والله ياأني هنا من جد أنبسط بسطة محصلتشي
وأضحك ضحك مش معئول

وألي مايطول العنب برضوا مايطول

هههههههههههههه وهذا هو المطلوب ياقمررررر

***********************

العيد شفته في عيون البزاريـن
شقـاوةٍ تنبـع صفـاء ومحبـه
قبل أمس عند الباب وقف ثلاثين
بزران معهم بنت حلـوة ودبـه
عايدتهم و لكـل واحـد رياليـن
وكلن شرالـه طرطعـانٍ وشبـه
البنت جتني واعرف شكلها زين
شبيهة النجلاء على الخـد حبـه
قالت أمل شوفي النقوش المزايين
على يدينـي قلـت كبـه وكبـه
راحت وجابت لي من العجز ثنتين
قالن وش انتي قايله من مسبـه
قلت البنية مابهـا منظـرٍ شيـن
والناس قالوا من تسبـه تحبـه

صح قلبك وراسك وكلك ولسانك وروحك الحلوه ياقمررررررر ,,,,

وهديتك مقبوووووله وعلى العين والراس

ولي عوده تفصيليه للقصيده <<<<<<< لازم تعلق على كل بيت منها ولا ماترتاح هههههههههههههههه

ربي يسعدك يا امل على خفةدمك وطلاتك العسسسسسل

سي يوووو

النجلاء

28-10-2006, 04:39 AM

الاخ فايز البذال ,,,,,

هلا فيك والله واسعدنا مرورك

احسن ما فالموضوع اني آخيرأً ضحكت

ومن قلبي ..................................!

وجعل ضحكتك دوووووم ياخوي ,,,

بس لي ملاحظه بسيطه ,,,

يعني مثلك خابر عيد وفرحه وتهاني ومعايدات وانت جاي يد ورا ويد قدام هههههههههههههههههههههه كان نطلت لنا بيتين من قريحتك الحلوووه وشاركتنا الفرحه والصرقعه

واعتبرها ياخي زكاة قصايدك ههههههههههههههههههههههههه هه تراها تجوز علينا هنا الله لايحرمك الاجر

بانتظار عووودتك يافايز ,,,,,,

والله يشرح صدرك ويوسع خاطرك

ويعطيك العافيه

دفا المشاعر

28-10-2006, 05:08 AM

مشتهية بطاطس مبهرة ومسلوقة .. ودي أبلعها حبة ورى حبة

منيتي آكل ناقة حلوة ومرموقة .. واشرب حليبها واصفطه مرة وحدة

،
،
،

ودي أركب اللنش قدام .... وانقز على البحر الاحمر وما أهاب

واركض واسبح كاني في الاحلام .... واطلع للحياة من بعد الغياب

خوفي القرش يرقعني ويبلعني وانا في الأمام .. وبعدها يصير الحلم سراب

شكرا لكم

النجلاء

28-10-2006, 05:23 AM

ههههههههههههههههههههههههه هههههههه دفا ياعيوووني انتي

ماخليتي لنا شيء

وانا مشتهيه تشيزكيك مع مرقوقه=وشوي بسبوسه مع حبتين طرمبه
وفخذ ضان بالفرن وماتكون محروقه=ومحشي كوسه وباذنجان وكرومبه

ههههههههههههههههههههه هذا رد عالطاير ولي عوووده تفصيليه لردك

يسسسسسعدك يادفا

سي يووو

شحروره

28-10-2006, 11:17 PM

نج نج سوووري سوووري وبقوهـ وبعد

<<<<<< حكت قرعتهاااا لين سوت حفره ومطلع معي قصيدهــ ( صااار عندي بطاالة عقليه انفلونزيه )

بس كااافي أوي اني استمتعت بالقصااايد المريخيه والزحليه ......!!

ثاااااااااااااااااااااااا ااانكس مغربلة شااعره ع الفكرهـ المنيسة ...
تحياااتي

دفا المشاعر

29-10-2006, 12:17 AM

ودي بطاوة أرقعها للي يقربني =أنا حنونة بس إلي يفهمني
ودي آكل حلاوة مصاصة تونسني = أنا بريئة بس للي يحترمني

،
،
،

أحب النجلا لا تسألوني ليه ! = أحب خفتها وحلاوتها مدري ليه !
إذا جات ينبض القلب دق دقيه = وإذا غابت أشد شعري وأصير مجنونيه

،
،
،

طرقع قرمبع أنا جوعانة = آهات من الدنيا أنا عطشانة
ودي بدمعة تخليني فرحانة = ودي بدفاية لأني بردانة

النجلاء

29-10-2006, 04:03 AM

هلا اموووووول العسل

ياعمري علااااكم يابنات الزرقعة
أنا خلاز قررت أخلي حرف( ص) يتحول هو و(س) إلى (زاي) ههههههههههههههههه
فمشان هيك معاد فيه ززوالف هنا غير بالحرف هزا
وعليكم الله مادايرة أشوف أي بنت تقول زووووووووورعاه
وأي واحد داير يمرووق من هناااا يجيب لنا شوية زلطة مع عزير بردقان

ودحين أحب أشارك بكم بيت هدية لحبيبتي النجلاء دايراها تحوطها هدية مني لعيونها هزيك أللي شوفتيها في موزوع بنت الشيوخ والزمووحة منكم كول أبوكم

هاه تزامحوني ولا ماتزامحوني؟

ههههههههههههههههههههه مزامحينك ونز ( ونص ) ومن اللحزه هزي ماراح نكتب الا بحزف الزاي وتزلمي ياعيوووني على قزيدتك الحلوه وزح لزانك ورازك ههههههههههههههههههههههه

امل راسي قام يزززززززن من حرف الزاي وش رايك نخفف منه شوي بس طلبتك ههههههههههههههههههههههههه ههه

تحياتي لهيك زرقعه متعوووب عليها ماشاء الله
زي يوووو

الدندووووونه

02-11-2006, 04:23 AM

وانا مثل نبوووووضه,,,,,,

شرطكم ماناسبني,,,,,,,,,خخخخخخخخخخ

يسلموووووو

من العايدين,,,,,,, ؛؛ << صح النوم

النجلاء

02-11-2006, 05:51 AM

العيد شفته في عيون البزاريـن
شقـاوةٍ تنبـع صفـاء ومحبـه
قبل أمس عند الباب وقف ثلاثين
بزران معهم بنت حلـوة ودبـه

هههههههههههههههههههههه امل شكلكم ساكنين جنب روووضه او حضانة اطفال

عايدتهم و لكـل واحـد رياليـن
وكلن شرالـه طرطعـانٍ وشبـه
البنت جتني واعرف شكلها زين
شبيهة النجلاء على الخـد حبـه

ريالين بس يالبخيله وش تجيب هذي هههههههههههههههههههههه اما الحبه اللي على الخد ياصدق عينك صدقاه ماشاء الله عليك جبتيها اما دبه لا عاد <<<<< تدور الهرج الزين بس هههههههههههههههههه

قالت أمل شوفي النقوش المزايين
على يدينـي قلـت كبـه وكبـه
راحت وجابت لي من العجز ثنتين
قالن وش انتي قايله من مسبـه

ايييه اجل على بالك تكسرين بخاطري انا ونقوشي واعديها لك ههههههههههههههههههههه وترى العجز اللي جبتهم لك فوووشي ونبووووضه ههههههههههه

قلت البنية مابهـا منظـرٍ شيـن
والناس قالوا من تسبـه تحبـه

ياحبي لك ياقمرررررر صح لسانك وقلبك مدام كذا اجل سبي على راحتك هههههههههههههههههههه

تسلمين أمل على القصيده بس جيت احطها بتوقيعي وكسحني يقول اكثر من 300 حرف ,,,, طيب وش السواة ؟؟؟

النجلاء

02-11-2006, 05:56 AM

بن ضاوي هههههههههههههه

هلابك يالنجلا ويسعدني انو تشاركين معانا

ههههههههههههههههههههههههه هههههههههههههههههههههههه

قهرتها قهرتها قهرتها
ههههههههههههه
اخذت موضوعها منها وهي تعاين
تبنيت موضوعها....ههههههههههه
وربي احس انها بتذبحني.....بس معليش حنا الرجال والقوامه لنا....هههههههههههههه
وينك يالطير تتفرج بس....هههههههههههه

>>>>>>> وقفت والخوف بعينيها......تتأمل موضوعها اللي راح فيها
>>>>>>> قالت ياولدي لا تحزن ......فالسرق عليك هو المكتوب
ههههههههههه

ام سوري على الهايبرتنشن اللي سببته لك
>>>>> عن قاليت انه مايعرف انقليز......ههههههههه

الله يرج ابليسك ,,, بس تدري ماهي غريبه منك هههههههههههههههههههه

اللي جحد مووونة شهر رمضان من طبخ ونفخ بالمطبخ مايصعب عليه لطش موضوع ههههههههههههههه

تحياتي لسعة صدرك وحضورك