محمد بن دحيلان
23-11-2003, 11:08 PM
السلام عليكم
مدري وش اسميها هالقصيده
لكن اقبلوها مجراه للاخت طيف الوله
على قصيدتها يغزلني
الايا ينفحة الشعر الحزين اللي خذيّتيني = على طرق الهنوف اللي ..يعانق جزرها مدي
اببحر بك ..على مركب ..خيالٍ ..دوم يدعيني=وجي لك منكسر قلب .. وشموخٍ ماكشف سدي
دخيل الذكريات اللي على الخفاق تكويني= فصدرالشامخ اللي للزمان الشين متصدي
دخيل الناعسات اللي تموتني وتحييني=دخيل اطلق جمالٍ للعذارى فيك متحدي
دخيل الضحكه اللي صوتها يقلب موازيني=دخيل العنق والهامه وثغرٍ ريحته ندي
دخيل الليل لا غطى بياض البدر يا عيني=دخيلك ثم دخيلك ياحسين الخصر والقدي
لونك من ثلاث اسنيين للهاجوس .. بعتيني=ولون اجروحك بقلبي .. لو احصي .. مالها عدي
احسك في خفوق .. لا.. احسك في شراييني=يصير الكون ضدي ..بس ..وحدك .. لا تجي ضدي
صحيح اني انا اللي قلت لك تكفين خليني=وصحيح اني أكبر والبلا اني واصلٍ حدي
وسلامتكم
مدري وش اسميها هالقصيده
لكن اقبلوها مجراه للاخت طيف الوله
على قصيدتها يغزلني
الايا ينفحة الشعر الحزين اللي خذيّتيني = على طرق الهنوف اللي ..يعانق جزرها مدي
اببحر بك ..على مركب ..خيالٍ ..دوم يدعيني=وجي لك منكسر قلب .. وشموخٍ ماكشف سدي
دخيل الذكريات اللي على الخفاق تكويني= فصدرالشامخ اللي للزمان الشين متصدي
دخيل الناعسات اللي تموتني وتحييني=دخيل اطلق جمالٍ للعذارى فيك متحدي
دخيل الضحكه اللي صوتها يقلب موازيني=دخيل العنق والهامه وثغرٍ ريحته ندي
دخيل الليل لا غطى بياض البدر يا عيني=دخيلك ثم دخيلك ياحسين الخصر والقدي
لونك من ثلاث اسنيين للهاجوس .. بعتيني=ولون اجروحك بقلبي .. لو احصي .. مالها عدي
احسك في خفوق .. لا.. احسك في شراييني=يصير الكون ضدي ..بس ..وحدك .. لا تجي ضدي
صحيح اني انا اللي قلت لك تكفين خليني=وصحيح اني أكبر والبلا اني واصلٍ حدي
وسلامتكم