فهد بن عبدان
17-10-2006, 12:43 AM
كل سنه وأنتوا طيبين
عيديه متواضعه
كُتب لها أن تكون كذلك !
.
ينعاد عيدك ياحبيبي على خير = وعساك متوفّق وطيّب وسالم
على انّك مقصّر ومغرور وتثير = قاسي وأنا حَسْبك وَديع ومُسالم
أشغلتني .. نبض ومشاعر وتفكير= وعيّشتني عامين وشوي حالم
انّي بحبّك غير وبدنيتك غير = الناس في عالم .. وأنا وأنت عالَم
تهتم بي وتودّ وتخاف وتغير = وترسم بيدّك للعلاقه مَعالم
وأثرك (قفص) ومْحَبّتك طُعم للطّير=وملامحك تخفي ورا العدل ظالم
ورّدتني ضامي على جمة البير=ومْن الظّما صدّرت للموت والِم
قطعت حبل الود من غير تفسير=ماكنّك الاّ بْعالَم الغدر عالِم
ماهمّك الاّ جمع حُمْر الدنانير=ياعالْمَه وانتاج حارة عوالِم
سلعه تخاطفها عيون الجماهير=أحدٍ توالمْه وأحد ماتْوالِم
ياحيّةٍ تطرب لصوت المزامير=تبني على أنقاض الطّهاره سلالم
غلطان لوّ تسوق مليون تبرير=دامك على الدّرب المضيّع امْعالِم
وخسران وبتتْعِبْك كثر المخاسير=مالَم تموّت كل مافات مالَم
وأنا كسبت مْن الصّبايا الغنادير=والله على ماقول شاهد وعالم
ظبي تْحَسِب له الأرض لاقام بيسير=ثقل وعقل .. مايكشف ومايْسالِم
أحلى وأجمل منْك وآرق بكثير=نسّاني مرّ التّجربه والمَظالم
كتبت أول بيت في ( النّص) له مير=طَريت لي وقُمْت أنثر صْوَرْك وآلِم
وهالحين مالي من حبيبي معاذير=اللي خفوقي معْ خفوقه تسالَم
بقول له وافي .. ومامنك تقصير=تزعل علينا تمون .. بتلومنا لِم
أهم شي تكون ياعمري بخير=وينعاد عيدك وأنت طيّب وسالم
.
وسلامتكم
عيديه متواضعه
كُتب لها أن تكون كذلك !
.
ينعاد عيدك ياحبيبي على خير = وعساك متوفّق وطيّب وسالم
على انّك مقصّر ومغرور وتثير = قاسي وأنا حَسْبك وَديع ومُسالم
أشغلتني .. نبض ومشاعر وتفكير= وعيّشتني عامين وشوي حالم
انّي بحبّك غير وبدنيتك غير = الناس في عالم .. وأنا وأنت عالَم
تهتم بي وتودّ وتخاف وتغير = وترسم بيدّك للعلاقه مَعالم
وأثرك (قفص) ومْحَبّتك طُعم للطّير=وملامحك تخفي ورا العدل ظالم
ورّدتني ضامي على جمة البير=ومْن الظّما صدّرت للموت والِم
قطعت حبل الود من غير تفسير=ماكنّك الاّ بْعالَم الغدر عالِم
ماهمّك الاّ جمع حُمْر الدنانير=ياعالْمَه وانتاج حارة عوالِم
سلعه تخاطفها عيون الجماهير=أحدٍ توالمْه وأحد ماتْوالِم
ياحيّةٍ تطرب لصوت المزامير=تبني على أنقاض الطّهاره سلالم
غلطان لوّ تسوق مليون تبرير=دامك على الدّرب المضيّع امْعالِم
وخسران وبتتْعِبْك كثر المخاسير=مالَم تموّت كل مافات مالَم
وأنا كسبت مْن الصّبايا الغنادير=والله على ماقول شاهد وعالم
ظبي تْحَسِب له الأرض لاقام بيسير=ثقل وعقل .. مايكشف ومايْسالِم
أحلى وأجمل منْك وآرق بكثير=نسّاني مرّ التّجربه والمَظالم
كتبت أول بيت في ( النّص) له مير=طَريت لي وقُمْت أنثر صْوَرْك وآلِم
وهالحين مالي من حبيبي معاذير=اللي خفوقي معْ خفوقه تسالَم
بقول له وافي .. ومامنك تقصير=تزعل علينا تمون .. بتلومنا لِم
أهم شي تكون ياعمري بخير=وينعاد عيدك وأنت طيّب وسالم
.
وسلامتكم