تسجيل الدخول

مشاهدة النسخة كاملة : يالعنود العبي ؟؟ للعنود فقط تعااالي جااااي


محمد الجبريني
13-10-2006, 11:53 PM
مساكم الله بالخير جميع
ههههههههههههههههههه

ماني قايل شي في الشعاااار
ابلاعب الشااعرااات انكان مسموح
بطلت لعب الشعااار هواش ووجع راااس
العنود استلمي




يالعنود العبي والله يعين = واش عليك انتي اكبر شاااعررره
لايهمونك المتغطرسين = اسحريهم بالعيون السااااحرررره
الرااااااسي
14-10-2006, 12:58 AM
الجبريني........ مساك اللله بالنور

وصح لسانك واعتلى شانك وسلم حرفك

بدايه جزززله


متابع


وبانتظار العنود
محمد الجبريني
14-10-2006, 01:43 AM
ابو سلطان صح بدنك
وسلم فكرك

والله يمسيك بالخير والسرووور

ولي الشرف في متااابعة مثلك وشروااااك

تقبل فاااائق احتراااامي
حزن النوايف
14-10-2006, 02:35 AM
نشكرك على هذه الروائع المثيره0


واهني نفسي بلعب العنود لاني بصراحه من اشد المعجبات بها وبالعنصر النسائي الذي اثبت جدارته بكل اسس ثابته 0

وقدام عسانا ما نخلا منكم جميعا


واحسنت اخي الكريم صنعا بهذا المحاوره الجزله

بيض الله وجيهكم

ولكم اعمق تحياتي
محمد الجبريني
15-10-2006, 09:18 AM
حزن النوايف مرحبابك
وسعداء بتواجدك اختي الفاااضله

وننتضر العنود لعلها تعود بالسلامه

وتقبلي فاااائق احتراااامي
00العنود00
16-10-2006, 02:25 PM
الجبــريني ياهلابك ومرحبابك وهذه الساعة المباركه

والله اشتقنا لمحاااوراتك واتشرف العب مع شاعر بحجمك يا الجبريني

وسراحه لحنك اطربني بغيت اطب بالملعب

ههههههههههههههههههههههههه ه


والمعذر على التأخير والله توني قريت الابيات






ياهلابك صـديق لي عوين

والجزل عندك كاني خابره

ماعلينا تراهـم فاطرين

ندحـــر الي علــومه غابره
00العنود00
16-10-2006, 02:31 PM
الراسي

حزن النوايف

ياهلابكم ومرحبابكم

لاهنتم على المروووور


حزن اشكرج يا الغلا على كلامج الطيب

لاخلا ولاعدم يا الغاليه

لاتحرمينا من طلتج

اجمل تحيه لكم



العنود
محمد الجبريني
17-10-2006, 12:02 AM
الشاعره العنود

لاهني وصح السانك وتراااي قعتبها,؟
انتي بيشجعونك بنات جيلك
وانا خربتها مع الشعار وابقعدبها لاكن حطي ابالك ان مازال
الرجال أرجال ومهما بلغ في بعضهم الحال فهم عال العال

بيسوي أموررره حتي مايقعد الحااله ههههههههههه

بنشوف صفك وصفي منهم الاكثر شعبيه انا ولا انتي اكيد انه ماهو انا
لكن مبروك مقدمً لك وحتي انا اعتبريني في صفك ومنك اتعلم

واستلمي ولا تبطين تري مرابط عند مقي الانتر نت
في شارع المفترس بحي السلمانيه وحتى قزاز الموتر ماسلم من النذلين والحاقدين من يخبر قزاز مرسدس امامي
في الوكاله بألف وثمان ميه مافي شده هههههههههههه بالكويت ايقولون اب ميه وخمسين ريال انكان لقيتي لي
يالعنود حول ذا السعر ارسليلي تفكين,, الحر اكل وجهي والحرامي كسر الدريشه وليتني خليت الصدعه الداخليه كانت
سليمه وانا لحقتها الخارجيه من الزعل تراي زعلان وبحط الحره فيك هههههههههههه ولا دبريلي دريشه ههههههههههههههه:زعلان: :زعلان: :زعلان:
اول مره ازعل لاني ماسويت خطى استحق عليه كل هذا الجرم وحسبي الله ونعم الوكيل ولاهنتي





((حسبي على الظالم ))
قصيده جديده ولارايح اعلمكم بها لين تجيبون لي قزااازه وقبل العيد
ابشرط هههههههههههه

:زعلان: ولاعاد هو ويا محاااوره




حسبي على الضالم لعله مايسلم = ازراء جهده حتى يكسر قزازه
ضد الرصاص ولاهو سهل ايتحطم = مدبول يامهبول واصلي طرازه
ماهو بددسن لاظربته تهشم = صورك يالخبل السروقي جهازه
صورتك وسمك عند الأمن ومعمم= تعميم ساري طول وقت الأجاااازه



وبعد تلبيت الطلب نكمل القصيده وكل موقف يفرض نفسه
والا مارايح نستنتج اي شي من الابداااع


واستلمي يالعنود



البقا ياعنود وتسلمين = يغفر الذنب ربي غااافره
يخرب الله بيوت الخاربين = وابيض الله الوجيه السافره

الشطر الاخير وتحديد كلمه ((الله)) لفظ الجلاله انطقوها بالعاميه الهجه البدويه وتجي معكم
لاتقولون البيت مكسور بعد وتلحقونه القزاااز الي مكسور هههههههههههه
محمد الروقي
17-10-2006, 01:40 AM
يالجبريني امش مع العنود اربطتها بالبا وارا لا تنسا

سلمتوووووووووو
سـعـد الحويماني
17-10-2006, 02:57 AM
الله واكبر

الجبريني


والعنود





متابعه
محمد الجبريني
17-10-2006, 10:16 PM
اخوي واستاذي الغالي محمد الروقي

ارررررحب تراحيب المطر يالله حيه = تواجدك معنا شرف ياعلم الله
ان جيت معي اهناك ولي هنيه = الناقد ابحجمك ونعم الله الله
كوع على مركاك والله يثيبك = ولا سميك قوله ,, يفتح الله
ههههههههههههههههههه

ماعندي سااالفه يعني زبدت الكلام ,,

ومرورك شرف لاهنت الي تشوفه منا مهو شاااعر يعجبك عطه مخمس على غمته

مافهمة عليك تقول العنود اربطتها بالبا والرا تبيني اتبعها يعني ليه القاف لي ولا لها
ولي لحنه انا ولا هي بسرعه رد علي يابعدي

وتقبل فاااائق احترااامي
محمد الجبريني
17-10-2006, 10:26 PM
الله واكبر

الجبريني


والعنود





متابعه



اخوي واستاااذي

سعد الحويماني

لاهنت لاهنت متابعتك شرف

وحياك الله والله اليتشحط القعود في دمه بعد اوصولك هههههههههههه
اكرام لتواجدك معنا وان العنود ماتشم ريحت دمه
تقبل فاااائق احتراااامي
00العنود00
17-10-2006, 10:35 PM
ههههههههههههههههههههههههه هه


الجبريني اذا مالقيت حد يشجعك تراني بصفك ضدي

ههههههههههههههههههههههههه هههههه


ومنو اللي كسر جام السياره؟؟؟؟؟؟؟؟؟؟


خلاص يالجبيريني بجيبلك جام سيارتي ولا يهمك تستااااااهله اهم شي ماتزعل


واانا اتوقع محمد الروقي اللي كاسر الجام بس ما يعلم

ههههههههههههههههههههههههه ههههههه


اماا القاف فالقاف قافك بس صدفه اشبكت مع الباء يا الجبريني


يامحمــــد تـرانا صــايمين

ندعي بالسر ولاهي مجاهره

ودي اسألك عن علم اليقين

وش بلا الظلم كلن ذاخــــره؟
00العنود00
17-10-2006, 10:37 PM
الروقي

لاهنت على المروووور



سعد


ياهلابك ومرحبابك

منور الصفحه



ويا الجبريني تراني منشوله اليوم ما اشم شي


ههههههههههههههههههههههه
نـــادر
17-10-2006, 10:49 PM
الجبريني


العنود

الله يعطيكم العافيه

متابع لكم
محمد الجبريني
18-10-2006, 05:10 AM
لعنود حياك الله

والله تصلحين محققه جنأيه ماشالله علي التهمة حووووووووول المجرم

الحقيقي واخوي محمد الروقي كل حااط الحررره فيه ليه ياخي

تكرهوووونه الي هذي الدرجه لاعااد اسمع احد ايتعرضه

لاتعرضينه يالعنود ممنووعه ومقررروعه عنه هههههههههههههه
الاجودي عاااااااانيه يعرف الحميا وجاء وقف في صفي بيظ الله وجهه

ولا انتي الي قعتيبهااا معدين انتي تجين ختاااله وتروحين مدري متى جيتي توي اشوف ردك


يالعنود

وبتعطيني وش اسم الي قلت جااام بيض مشكل عند الهنود قبل شوي بغيت اقول صاايم ماكل شي

احسب انها كبسه جديده افغااانيه هههههههههههههههههه

الا وش رايك قااامة السيارات من ناحيتي قاامه وانتي مدري عنك قامة مدري نااااامة

فكري وردي على تري بروح اعيد على امي لي شهرين مارحت اخلصي


وستلمي وابياتك ماني عاارف كيف الحنها تقول يورالي انها متعرضه لتهشيم وانا ماني متأكد

بس جايب معي الناقد بكبره اخوي وتاج راسي محمد الروقي وبيعلمك بعد زين هذا وانتي متهمته

اذكررره ان نسي ههههههههههه يشعل الفتنه

معدين قولين تراانا صايمين ههههههههههههههه لله مدري عندكم الصيام فالليل ههههههههههههههه


استلمي


حسبي الله وكيل الظالمين = الحساب ايجه دنيا واخره
وانتي اصحي لاعاد اتلخبطين = وارسي ارسي فالبحر ياباخررره

البااخره يمكن معاد احد يعرفها الا بعيد المراميس واليام ذي غير تواجد
ابوضحا على شان مابلش السفينه تراها ماهي بعد فطور ولا طبخه جديده ههههههههههههههه
ناصر الجعيدي
18-10-2006, 04:32 PM
صح السنتكم



محمد


العنود






بس اسمحوا لي بمداخله بسيظه




المحاورة كما عرفنا عنها في المنتديات تكتب الابيات فقط وانتو وضعتوها للسوالف


الله يعينكم


تحياتي


في صف العنود
محمد الجبريني
19-10-2006, 12:52 AM
الجبريني


العنود

الله يعطيكم العافيه

متابع لكم



استاااذي واخي نااادر

حياك الله ومرورك شرف ياعلم الله


لاهنت تحياااتي وفااائق احترااامي






اخوي الشاعر نااصر الجعيدي

اهلا ومرحباابك ومرورك يسعدني

لاهنت

انت خاابر الشعار

هذاك منول طال عمرك

حتي احناا خابرين خبر ماهو خبرك

واليوم غير طال عمرك

الشعااار ايجون
مع بعظهم للحفل ههههههههه
معاد فيه جااهليه زي منول


ولا حااسدني حتي السوالف مع الاجوديه بعد ههههههههههههههههه
ناصر الجعيدي
20-10-2006, 04:06 PM
الجبريني



انت انسان كبير عقل ومدرك وواعي



وكلامي ليس إلاّ مجرد عابر فأنا آسف على المداخله طال عمرك

ولا تنسى بأنك في شهر فضايل ومغفرة وعبادة يالقرم
محمد الروقي
20-10-2006, 05:35 PM
يامحمــــد تـرانا صــايمين

ندعي بالسر ولاهي مجاهره

ودي اسألك عن علم اليقين

وش بلا الظلم كلن ذاخــــره؟


اسمحلي يالجبريني

ابي ارد على هالبيتين الدعو تسليه

يالعنود اطلبي والله يعين===سربيني وبينك قاهره

علميني بعلمك وش تبين===لاتشينين ونتي طاهره



اخي الجبريني


العلوم بيني وبينك انا رجال خواف ههههههههههه

ولاني من الشعار الفحول ونت تبا تورطني والدعوااااااااااااا خخخخخخ
صادق الإحساس
21-10-2006, 12:28 AM
بس اسمحوا لي بمداخله بسيظه
المحاورة كما عرفنا عنها في المنتديات تكتب الابيات فقط وانتو وضعتوها للسوالف


أنا مؤيد لكلام
الأخ ناصر وبقوة


وأقول : صحت
ألسنتكم وقلوبكم


و محايد لكن
بصف
البيت الجميل
من أين يكن
راعيه !!


جعلكم على القوة



سوف
نتابعكم
فواصلوا




لكما
ود و ورد




صادق الإحساس
محمد الجبريني
21-10-2006, 03:09 AM
الجبريني



انت انسان كبير عقل ومدرك وواعي



وكلامي ليس إلاّ مجرد عابر فأنا آسف على المداخله طال عمرك

ولا تنسى بأنك في شهر فضايل ومغفرة وعبادة يالقرم



وانت كذالك ومرحبا وحياك ربي وأسف
شديد الاسف منك يالقرم انا لااقصد
وربي الا حسن النيه وكلامك في محله
ولك على اني معاد امزح معك
طول ماحييت واعذرني .

وتقبل فاااائق
احترااامي وتقديري
محمد الجبريني
21-10-2006, 03:23 AM
يامحمــــد تـرانا صــايمين

ندعي بالسر ولاهي مجاهره

ودي اسألك عن علم اليقين

وش بلا الظلم كلن ذاخــــره؟


اسمحلي يالجبريني

ابي ارد على هالبيتين الدعو تسليه

يالعنود اطلبي والله يعين===سربيني وبينك قاهره

علميني بعلمك وش تبين===لاتشينين ونتي طاهره
اخي الجبريني


العلوم بيني وبينك انا رجال خواف ههههههههههه

ولاني من الشعار الفحول ونت تبا تورطني والدعوااااااااااااا خخخخخخ














اخوي وأستااذي الشاعر

محمد الروقي شكر لمرورك وتواجدك لاهنت

ومن الي يقدر ايعارضك انت يالقرم
تفضل وخذ راااحتك وانا الي في صفك

ظد العنود ومن يساندها هههههههههههههه
انا بغيت اصيدلي طقه بسبت لعبي مع العنود
بس لاوصيك ياذيبان هههههههههههههه
وأبنحاااش عندي ملاعب اخري ,وتشرفت
بالعب مع اختي العنود لاهانت
وكل عام والجميع بخير
محمد الجبريني
21-10-2006, 03:27 AM
أنا مؤيد لكلام
الأخ ناصر وبقوة


وأقول : صحت
ألسنتكم وقلوبكم


و محايد لكن
بصف
البيت الجميل
من أين يكن
راعيه !!


جعلكم على القوة



سوف
نتابعكم
فواصلوا




لكما
ود و ورد




صادق الإحساس





اخي واستاااذي المبدع والشاعر

صادق تسلم على المرور

والشرف لنا طال عمرك في متابعتك لنا

تقبل فاااائق احتراااامي