الرفاعي اضغط هنا

[الرااااااسي]

السلام عليكم ورحمة الله وبركاته

قرأت بعض الابيات للاخ ناصر الرفاعي واعجبتني واود ان العب معه

الاخ / ناصر الرفاعي استلم لا هنت



يا رفاعي علموك جهينه بذيل العلوم =وجيتنا فازع تبا تلمس بيمناك النجوم
كان تبعى علم مصر وقندهار ابشر وقوم = سيفنا سيف العداله دارنا دار السلام





الرفاعي يحسب انه كلما كبر حصاته = يقدر يناطح بها الفريس ويناحي عتيبه
يا مناظر فالعتيبي وانت في فيــّة عصاته = غض طرفك قبل لا تجلب على روحك مصيبه

[ناصر الجهني]

هلا هلا و يشرفني المحاورة معك و إعجابك سر تواجدي



علمونا ربعي جهينه بتفسير الصحابة=ماورد في سنة محمد و ما جاء في كتابه
و كاد تبغى قندهار و مصر روح شكِّل عصابه=سيفنا سيف العداله دارنا دار السلام





الرفاعي ثابت بميقافه و محسن ثباته=لو تشكّل ضده عتيبه ثلاث مية كتيبه
المناظر في عتيبه لا تغارب في صفاته=مسلم و ينظر بعينه كيف هالدنيا غريبه ؟





ذهب
من
هنا
وهو يرحب بالراسي

[الرااااااسي]

اللهم صلي على نبينا محمد وعلى آله وصحبه وسلم تسليماً كثيرا ( ورد ذكر نبينا اعلاه )


هلا فيك يالرفاعي وانا ايضاً يشرفني اللعب معك


( وصل هنا وهو يشكر الرفاعي على تجاوبه )



استلم



يا جهينه وين كنتوا في قديمات السنين =نعرف اللي يروي القرآن والهدي المبين
وفي كتاب الله ذكر وسط المدينه مرجفين = سيفنا سيف العداله دارنا دار السلام





الرفاعي لو وقف والا قعد بايع حياته = من يسار اطرف عتيبي يستلم كرت الغليبه
مااتغارب غير من طب البلد يسحب عباته= في بطينه علم ويشيل الحيايا وسط جيبه

[ناصر الجهني]

هلا هلا و إستلم لا هنت





راجع السيرة و ثم لد بعيونك بعد=عقبه بن عامر و لا يجهله مسلم أبد
من سلالة ربعي جهينه وافين المدد=سيفنا سيف العداله دارنا دار السلام




الرفاعي معتلي قدره بكل مقدماته=ما يهاب من العتيبي لو تجي مليون هيبه
نتبع القول الصحيح و لا نشكك في رواته=و إنتم العتبان دايم حولكم شكٍ و ريبه




ذهب
من
هنا
وهو يعجب بتجاوب الراسي

السريع جداً جداً

[الرااااااسي]

وصل هنا وهو يشكر الرفاعي على تجاوبه وخلقه


الله يبقيك واستلم لا هنت




قاري السيره من اولها وعارفها تمام = يالرفاعي وانت تخلط فالحلال مع الحرام
من هم اخول النبي عطني جوابك يالهمام = سيفنا سيف العداله دارنا دار السلام




الملك فارق لو شعبه قدر يجمع شتاته = كان بعض الناس كثرة ربعهم ماهي عجيبه
الشكوك تحوم حول اللي على الزورق نجاته= جيته من غادي البلدان من طيبة نصيبه

[ناصر الجهني]

أعتذر حالياً من أجل السحور وغداً سوف أذهب للعمره وأعود يوم السبت إن شاء الله

ترفع المحاورة ليوم السبت

ذهب
من
هنا
وهو يعتذر عن التواصل

ولكن العودة يوم السبت

[الرااااااسي]

هلا هلا و إستلم لا هنت





راجع السيرة و ثم لد بعيونك بعد=عقبه بن عامر و لا يجهله مسلم أبد
من سلالة ربعي جهينه وافين المدد=سيفنا سيف العداله دارنا دار السلام





الرفاعي رفيع القدر في مقدماته=ما يهاب العتيبي في ميادين هيبه
لا تغارب ترى إن الحق نتبع رواته=و العتيبي ترى حوله شكوكٍ و ريبه


ذهب
من
هنا
وهو يعجب بتجاوب الراسي

السريع جداً جداً



الشيله يا الرفاعي ماكنها على بحر مختلف !!!!!!!!!!!!!!!!!!!!!!!!!!!!

[الرااااااسي]

بالعافيه السحور


والعمره ان شاء الله مقبوله وادع لنا معك



واعتذارك وصل ماتشوف شر


واذا جيت بالسلامه ان شاء الله راجع بحر الشيله

[ناصر الجهني]

عدلنا الخطأ الوارد و نعتذر عنه



ذهب
من
هنا
وهو يعتذر عن

الخطأ الوارد في المشاركة

[محمد السليس]

لاهنتوووووووووووووووووو يالنشاماااا

وماقصرتو والله

محاوره تفتح النفس وشعار نتنومس بمتابعتهم والله

وصحت السنتكم ولاهنتوووووووووو

[سعد البراق]

السلام عليكم ورحمة الله وبركاته

قرأت بعض الابيات للاخ ناصر الرفاعي واعجبتني واود ان العب معه

الاخ / ناصر الرفاعي استلم لا هنت



يا رفاعي علموك جهينه بذيل العلوم =وجيتنا فازع تبا تلمس بيمناك النجوم
كان تبعى علم مصر وقندهار ابشر وقوم = سيفنا سيف العداله دارنا دار السلام





الرفاعي يحسب انه كلما كبر حصاته = يقدر يناطح بها الفريس ويناحي عتيبه
يا مناظر فالعتيبي وانت في فيــّة عصاته = غض طرفك قبل لا تجلب على روحك مصيبه


الله الله

ياسلام على هالابيات


ابو سلطان

الله لا يهينك


عطني خشمك ابحبه :icon_smil

صح السانك يالجزل

متابع وماسكن صفك

الشكوك تحوم حول اللي على الزورق نجاته .... جيته من غادي البلدان من طيبـة نصيبـه
الشكوك تحوم حول اللي على الزورق نجاته .... جيته من غادي البلدان من طيبـة نصيبـه
الشكوك تحوم حول اللي على الزورق نجاته .... جيته من غادي البلدان من طيبـة نصيبـه
الشكوك تحوم حول اللي على الزورق نجاته .... جيته من غادي البلدان من طيبـة نصيبـه


------------------------

ناصر الرفاعي

صح السانك ولا هنت

[نـواف الشمــري]

الراسي

ناصر الرفاعي








جزال












واصلوا










متابعين لكم












تحياتي

[الرااااااسي]

الاخ والشاعر / محمد السليس


الله لايهينك وصح بدنك


ومتابعتك تعطر الصفحه وتشرف صاحبها وقد قرأت لك

ولم اجد ما اصف به قصائدك (منتهى التميّز) شيء يستحق المتابعة والحفظ


الاخ والشاعر / اسامه سعد


صح بدنك والله لايهينك وانا اللي احب خشمك وراسك على خلقك واسلوبك الاخوي

ومتابعتك تنور الصفحه وتشرف راعيها ...وجزالتك سابقه

ووجودك في صفي مكسب


الاخ / نواف الشمري

شكراً لك على ثناؤك ومتابعتك تشرفنا

[ناصر الجهني]

عدنا بعد الغياب و إستلم لا هنت




الخوال قريش ما خانوا النور المبين=يوم هوازن ترمي الشوك في درب الأمين
قوم بالفتنه و بالجرم دائم هايمين=سيفنا سيف العداله دارنا دار السلام




الله الله يا قيادي فالبلد يحمل لواته=جامع ربوعه و نار الحرب فالدنيا شبيبه
مقتدي في عزوتي و الزرع يُعرف من نباته=عزنا عز الجدود و دارنا مكه و طيبه



ذهب
من
هنا
وهو يعتذر عن التأخير

و ذلك لظروف السفر

[الرااااااسي]

هلا واستلم لاهنت



يستحق الصفر من يجهل خوال المصطفا =لا هو انصاري ولامهاجر واظنه مرجفا
والاسد عند الضباع يبان ظالم مسرفا = سيفنا سيف العداله دارنا دار السلام





صار عندك قربعه في موترك ومحركاته = ويش جابك مع ( كرا ) دحدر وردّه لــ (الشعيبه )
بارك الله فالسويس ومن حفر مجرى قناته = الصعيدي صارت ادروبه مع الغبّه صعيبه

[ناصر الجهني]

هلا هلا و إستلم لا هنت





يستحق الصفر من حرّف بتاريخ الرسول=يحسب إن الناس جهال وهو أصلاً جهول
يا عتيبه ريضوا وسط الدير حولٍ و حول=سيفنا سيف العداله دارنا دار السلام






ما يخبط غير موتر خبّطت كل عجلاته=ما يقضّي حاجة الرجال و يحصل مجيبه
بارك الله بالمطار و من شرى كل طياراته=النيبالي صار يتجول حسب راحة حبيبه



ذهب
من
هنا
وهو يعجب بشاعرية

الراسي

[ناصر الجهني]

محمد السليس


أشكرك على تواجدك في المحاورة و هذا العشم فالرجال شرواكم



ذهب
من
هنا
وهو يشكر محمد السليس

على تواجده في المحاورة

[ناصر الجهني]

أسامه سعد


هلا بك مليون و صفي لا تنساه لو تشريف لا أكثر



ذهب
من
هنا
وهو يردد

صفي لا تنساه لو تشريف لا أكثر

[ناصر الجهني]

نواف الشمري


هلا بك مليون و أشكرك على تواجدك في المحاورة


ذهب
من
هنا
وهو يشكر نواف الشمري

على تواجده في المشاركة

[مزيوونه]

صح لسانكم

صراحه محاوره روعه

بس في اشياء مافهمتها

المهم عندي سؤال مهم يعني متي تنتهي المحاوره من الي ينتهيبها ؟

[الرااااااسي]

هلا واستلم لا هنت





لا تظن المسأله تلفيق وخراااط وحكي = اثبت امجادك ولا تجحر بظل وتتكي
هات خمسه من معارككم وعجل ياذكي= سيفنا سيف المعارك دارنا دار السلام




صرت مستغرب من الرجال وسوس في صلاته = قام يخرج من مجال التغطيه ويجيب خيبه
اتكلم عن بلاده سابقاً صدق وشماته =وراح يرميها بدون عيار والعالم رقيبه

[الرااااااسي]

مزيوونه صح بدنكِ واهلين منوره الصفحه واللي مافهمتيه اسألي الرفاعي عنه..

ونهاية المحاورة بدري عليها تونا بدينا اللي راح كله مقدمات والان بدأنا..

واذا كان سؤالك بشكل عام عن المحاورات ....المحاورة تنتهي بنهاية المعنى

اذا لم تتأثر بظروف داخلية او خارجية <<<<< وياهلا

[ناصر الجهني]

هلاهلا و إستلم لا هنت




فتح مكه يكفي عن كل المغازي و المعارك=قادها فارس من جهينه و بالنصرة مشارك
و شيخكم عند المساجد يا صلاة الله و بارك=سيفنا سيف العداله دارنا دار السلام




الغريب إن العتيبي فالصلاة زاد إلتفاته=و من تلفت في صلاته ما لصلاته من حسيبه
من سرى في ليلٍ أظلم ما تهنى في مباته=و إنت لا أنت سعد إبن وقاص و لا أبو قتيبه



ذهب
من
هنا
وهو يحاور شاعرين من العتبان كلٍ على

حدى و سيبقى على طريقه مهما كلف الأمر

[الرااااااسي]

هلا هلا واستلم




انفـــّضح أمر الرفاعي صاحب المجد المزيـــّف = جبت له ميزان واصبح ياعرب وزنه خفيــّـف
مالهم تاريخ ربعه عمّــــروا تحت المكيــّف = سيفنا سيف العداله دارنا دار السلام





والله ان الذيب بانيابه مجـوّد حلق شاته = مار مافيها فخر ليته تركها فالزريبه
الغني ماشكـّوا العربان في مصدر غناته = والفقير مكبـــّر عقاله ومفضوخاً قليبه

[ناصر الجهني]

هلا هلا و إستلم لا هنت




مجدنا مثبّت و لا به شك يا عتيبه و ريبه=مقتدينا بسنة محمد و لا جبنا مصيبه
ربعك الله يحتميهم كل واحد وسط جيبه=سيفنا سيف العداله دارنا دار السلام





لا سمعت الذيب يعوي قوم و ناظر لابواته=يمكن إنه صابته هرشه و عوّد للقريبه
الغني ليا إغتنى يا صاحبي من مرتشاته=عمّر الساس الخريب و عمّر الدار الخريبه






ذهب
من
هنا
وهو يسير على خطاه

في كلا الناحيتين

[اسامي]

الله الله

الراسي

ياسلام عليك

صح لسانك وسلمت ودمت

شاعر رائع جدا يا ابو سلطان



ناصر الرفاعي

صح لسانك وسلمت ودمت

شاعر مميز وصلب


محاوره من العيار الثقيل


متابعين لكم


واصلوا

[الرااااااسي]

هلا هلا واستلم لا هنت




باني المجد المزيف لو حكى ما يستفيد =الفتوحات ونبي الله عن جهينه بعيد
والمواقف مالهم فيها مع العالم رصيد = سيفنا سيف العداله دارنا دار السلام




(مال.... ابو قرشين) ياهل العرف معفي من زكاته =علـــّموه يمرّ .. بيت المال.. ويخيـــّط ثويبه
اعترض لاهل السيوف الحدب واستوجب ذكاته = محزمه فاضي وذاق الموت وجروحه عطيبه

[الرااااااسي]

صح بدنك يا اسامي والله يعافيك على ...الاشاده والاطراء والتواجد .........وتسلم تسلم.... متابعتك تسرنا

[ناصر الجهني]

هلا هلا و كل عام و إنت بخير قبل الزحمه و إستلم لا هنت




ما نلوم أهل الفعول الشينه السودة القبيحه=جنبّوا درب الصلاح و لا نفعت فيهم نصيحه
نحمد الله ما توكلنا مترديه أو نطيحه=سيفنا سيف العداله دارنا دار السلام




( مال أبو قرشين ) لا سد الرجل في واجباته=يحمد الله و يشكره و الله على شكره يثيبه
نحمي الميقاف لا جانا عدو ينقل سراته=و الله إن ما يسري ألا يدفع لخصمه ضريبه







ذهب
من
هنا
وهو صامد بكل إتجاه

[الرااااااسي]

هلا هلا وانت بالف خير وصحه وسلامه واستلم لا هنت




من هم اللي يلطمون العايل اكعام الحريب ؟ = ومن هم اللي يذبحون الحايل انشد يالحبيب ؟
وفالمثايل قوم شينه سجع من ربعك قريب! = سيفنا سيف العداله دارنا دار السلام






قاري المنشور ضايع مع ظواهر مفرداته =نبرم الدولاب والمذكور كنّه في مغيبه
ناظروا ياهل النحو يا دارسينه يانحاته = فالحوار اللي بعد حسنا مريره بان عيبه

[ناصر الجهني]

هلا هلا و إستلم لا هنت



الشجاعه دون دين و دون عز و دون كرامه=ما لها يا صاحبي بين العرب قدر و مقامه
و المخثرد كاد خثرد يا عرب ما شي ملامه=سيفنا سيف العداله دارنا دار السلام




قاري المنشور يعرف كل حرف و محتواته=و إنت روح أبرم دولابك لا رضى و لا غصيبه
أهل النحو المثقف ما ساعوا في معاكساته=( و المتلبب ما نلومه كاد خالف تل أبيبه )


ذهب
من
هنا
وهو يبدي برده على

الشاعر الراسي

[الرااااااسي]

هلا هلا واستلم لا هنت




انت في قلبك من (الهيلا) مثل وهج الجمر=كان ودك بالعلاج اللي يفيد اشرب بحر
ولا يغرك من تواضع والتفت فاهل الفقر= سيفنا سيف العداله دارنا دار السلام




الغريق اللي على الشاشات منقوله وفاته= شاله التيار في دربه وراسه زاد شيبه
تاه في وسط البحر منجوم مايعرف جهاته =مار خلـّـوا زورق الانقاذ ياعالم يجيبه

[ناصر الجهني]

هلا هلا و إستلم لا هنت




الغنى بالدين ما هو كثرة المال و شتاته=و الرجل ما ينفعه لو كان كثرت موتراته
زين كان إنه يصلي و يحسن لربه صلاته=سيفنا سيف العداله دارنا دار السلام





الغريق اللي غرق ليتك تسمع في وصاته=لجل نفسك بعدها تصبح من الفتنه منيبه
فالبحر ما يتوه كود إنسان ضاعت أمنياته=و بينه و بين الأماني سلّم و حبة زبيبه





ذهب
من
هنا
وهو يسير بخطى ثابته

[الرااااااسي]

هلا هلا واستلم لا هنت




بعد اخذنا عيـّـنة دمك وحـدّدنا الفصيله =خاب ظن المختبر والناس واصحاب الفضيله
مانت حمّـاي الجهام ولانت خيّـال الكحيله =سيقنا سيف العداله دارنا دار السلام





طالب الشهره مع العالم بكثر مشاكساته = ماكسب نوماس يخبط عشو وحقوقه سليبه
كان يسمع كلمة النقــّـاد يا مـــــكبر جراته = كيف يغزي ويتحدى قبل لا يطلع شنيبه

[ناصر الجهني]

هلا هلا و كل عام و إنت بخير و عيدكم مبارك و إليك المردود الأخير و ذلك لبعض الظروف

التي تجبرني بالبُعد عن المنتدى خلال الفترة القادمة و أعذرنا إذا حصل منا خطأ

فما أصبنا فمن الله و ما أخطأنا فمن نفسي و الشيطان




دمنا صافي و نحمد ربنا رب العبادي=و إنت دمك يا أبو سلطان مختلط أحمر رمادي
و في ليال الصيف فيه يبان شي من السوادي=سيفنا سيف العداله دارنا دار السلام





شهرة الشاعر حسب ما قدمه في ماضياته=و لا يفيده لو يشاكس و المشاكس وش نبي به
فاللزوم أقدامنا تثبت و كلٍ بألياته=و الجريح اللي إنجرح لا بد ما يراجع طبيبه




ذهب
من
هنا
وهو يردد

كل عام و إنت بخير

[الرااااااسي]

هلا هلا وكل عام وانت بخير وبارك الله فيك ومن العايدين والمقبولين ان شاء الله

وسلامات عساها ظروف ومشاغل عادية وماتشوف باس وتعود بالسلامه

ومعذور .....وانت اعذرنا ايضاً ......كلها مزوح بين احباب واصحاب

وصح لسانك