شلون تعاملكم مع الخدم؟؟؟

[حواء غرابيل]

السلام عليكم ورحمة الله وبركاته/شلونكم ابي اعرف شلون تعاملكم مع الشغاله بالتفصيل الممل بصراحه انا ماعرف اتعامل معاها ابد كونها غثيثه وملقوفه فصفطتها مره وحده وكل شي خليته على اختي واختي احيانا تنشغل بالدوام وامي بعد احيانا ماتكون متفرغه لها تعرفون الشغالات لازم احد وراها على طول واذا صار احد وراها الاقيها تتحلطم وتسب وطول لسانها حتى في اختيار الصحون لاجونا الضيوف تعاندني؟؟؟ومره امي توصيني اجيب صابون قلتلها فيه صابون الى اسمعها تتحلطم مع نفسها تقول ايه كل شي عندهم؟؟وتقول لاختي انتوا كلكم تشتغلون اكيد فيه فلوس واجد؟؟؟وتنقل كلام لبيتنا وبين بيت اخوي لانها تروح احيانا لهم؟؟؟؟وتقول انا الاحظ فلانه اللي هي انا تحب واحد من اخوانها اكثر من الباقي طبعا تقول لاختي انا ماااااااااااااااعطيهاااا وجه كلش والبيت وصخ ماكنه في شغاله لازم احد يقول مسحي خمي رتبي؟اللهم الصاله تلقلق فقط والثلاجه تنسفها نسسسسسسسسسسف مو قصدي مابيها تاكل لاحشا لله بس في حاجات خاصه فيني مثلا شريتلي علبه فراوله بالليل ثاني يوم تغديت بعد الغدا حطيتلي شويه والعصر اكلت منها هي مع امي حطولهم ثاني يوم تغديت وقبل لاتغدا بدقيقه شفت الفراوله بثلاجه خلصت غدايي جيت بحطلي مالقيتها اخذت الباقي كله مو من الذوق تاخذ شي بقى منه شوي احسها تراقبني وتعاندني حتى النيدو وحاجات واجد اشتريها مالاقها زي ايس كريم اشتري اثنين تاخذ واحد؟؟؟؟وانا استحي اهاوشها بسوالف عن الاكل:pومره تنومت مرافق مع الوالده يومين تدق علي تسالني وين ماما اطبخ لكم غدا بتجون قلتلها لا طبخي شوي لاتحسبين لنا قالت اوكي وتدق وتدق تبي تعرف شفيناااااا خلاص قلتلها مو جاين انا كنت بالبقاله تحت وتلفون امي معاي تدق على تلفوني وتلفونها بالدور؟ومواقف واجد غثيثه وتعل القلب حتى بالعزايم تهاوش دينها ودين يكون عندنا عزيمه واحنا عزايمنا قليله بالسنه 3 او 4عزايم بس تنام يوميا س8 العشا والظهر من 1ونص لين اربع تقول لمرت اخوي ليه ماتكشخين مدام الاهي اختي وانا لاطلعوا كشخه كذاتسوي بيدها اوكي وانتي لاااااا مو زينه ليه انتي مايعرف يلبس ليه:eh_s(14)::eh_s(14):بنات ابي مساعدتكم تكفووووووووون شلون تعاملكم مع الشغاله وكذلك جدولكم اليومي في الترتيب مثلا الزوليه كل كم فتره تغسلها؟المخدات من متى لمتى وهكذا ابي جدولكم وبمشي عليه لان وللاسف تعودت على الرباده حتى البيت غبار بس لاصرت انظف وامسح تمسح وتستحي على دمها بس انا ماجبتها عشان اطالع وجهها ابي تشتغل بدون ماحد يقولها الله المستعان:eh_s(8):