المساعد الشخصي الرقمي

مشاهدة النسخة كاملة : ( مواقف رمضانيه طريفه ) الحلقه 3 وضيفنا محمد بن ضاوي


النجلاء
09-10-2006, 07:18 PM
مسّاكم الله بالخير ,,,,,

ضيفنا اليوم شاعر من شعراء غرابيل وبقدر ماهو متميز بشعره تميّز بخفّة دمه الطبيعيه وهو الأخ محمد بن ضاوي ,,,,,

نترككم مع الموقف يرويه لكم ضيفنا بقلمه واسلوبه الممتع :

===========================================

هذا موقف جانبي ايام مكافآت الجامعه الله يذكرها بالخير

هالحين حتى مكافآت مافيه........ههههههههههه
المهم طالع انا وثنين من صديقيني ونتمشى في العليا

العليا وقتها شي كبير....... ابن امه اللي يطب العليا
تصدقون اول مره اخش شارع التخصصي على بالي مسوي جريمه
احس بيحطوني بعدين في كتب العائدون الى الله..هههههههه
>>>>>>>نرجع لمحور حديثنا
كنت اقول اننا نتمشى في العليا كان وقت القايله (الظهر )
المهم جا وقت الغدا واتفقنا انو نتغدى في افخم مطعم
طبعا الاكل ونوعيته مايهمنا...اهم شي المبنى حق المطعم
لفينا ولفينا ونطيح على هاك المطعم على شارع الثلاثين على ما اظن
والظاهر اسمه ابو كمال...انشالله ياربي اول مايدخل البيت مايلقى كمال ولا ام كمال >>>>> طامح عند اهلها...عاد ياعيني على اللبنانيه اذا طمحت....بتعئد...هههههههه

المهم دخلنا المطعم ( دورين طبعا ) واشار علينا احد الزملاء انو الدور العلوي يمكن يكون ارخص من الارضي
سألناه ليش ؟ قال يمكن عشان نعدي الدرج يراعون تعبنا
طلعنا فوق ولقينا انو اغلى بنسبة15% خدمه اضافيه
ماقلنا شي سعوديين ونحب الستر
طلبنا غدانا وجا الغدا ابشركم وحطينا يدانا
عاد يوم دخلنا مالقينا سعوديين الا واحد وجالس مع واحد لابس بدله افرنجي ويتكلمون انقليز
وكل الحضور اجانب وحمران بعد ويورطقون انقليز

قعدنا ناكل ولاعلينا من احد لكن شد انتباهي انو مالنا صوت وحنا ناكل الناس ماغير ازعاج ملاعق وسكاكين

وحنا بدون صوت>>>>ياكلون بيدينهم...وشلون يجيلهم صوت؟؟هههههههههه
المهم وقفنا عن الاكل وسوينا اجتماع وشلون نحل المشكله هذي>>>>>>طلع غداء عمل....ههههههه
اقترحت انو اثنين ياكلون وواحد يقعد يطقطق بالملاعق والسكاكين
كل واحد طبعا فترة خمس دقايق
والحمدلله والله محد كشفنا.......عدت على خير

وبالنسبه للغه قعدنا نتكلم بلهجتنا المحليه عشان مايدرون وش نقول
وربي اتحداهم اذا يفهمون منها شي.......مثل ماحنا مانفهم من هرجتهم شي




000000000000 انتهى00000000000000
**بتصرف من محمد بن ضاوي>>>>>ياعيني ياكتاب الاناشيد حق ثالث ابتدائي

=====================================

شكرا لضيفنا حضوره ومشاركته

ويعطيكم العافيه
طيف
09-10-2006, 07:27 PM
هههههههه

اجل رحتوا لافخم مطعم .. ياعيني عليكم .. لاتصككم عين بس..

والشوارع بصراحه ما اعرف شوراع الرياض
أمل عبدالعزيز
09-10-2006, 09:51 PM
محمد بن ضاوي
ياعيني بس على عهدك
مادري هو كان فرعون عايش هاك الزمان ولا باقي ماجابته أمه؟

بعدين تعال ياقروي
تاكل بيدك في مطعم؟
وش قايلين لك عزبة زيود؟

ههههههههههههههههههههههههه هههههههههه

على العموم لقاء حلو ومسمسم مثلك

ومتشكرين على هيك مواضيع تفتح الشهية للبكاء

ههههههههههههههههههههههههه ههههههههه
سعود
09-10-2006, 09:54 PM
االسالفه حلوووه


بس النهايه لك عليها



مشكور ياضفينا العزيز



والشكر مول لنجلاء على هيك مواقف



تحية عطرة
فوووووشي
09-10-2006, 10:03 PM
ههههههههههههههههههههههههه هههههههههه

ههههههههههههههههههههههههه هههههههههه

ههههههههههههههههههههههههه هههههههههه

ذكرتي بالمطعم اللي طحت فيه...

تدري حنا السعوديين لازم ناكل بالايدين ...صحيين <<قوانين مريم نور

ابوك يالذرابه.....محمد بن مضاوي ..

ولد مضاوي ... انت على بالكم في مطعم بخاري ؟؟؟

فشلتونا ..ماتنلامون عزابيه متعلمين على جلسة الارض والتلقم بالادين

ههههههههههههههههههههه

ومشكوور اخوي على هذا الموقف

والف شكر لحبيبتي نجوووول على الاستضافه الروعه

اختكم فش فاشه
أبوعبدالرحمن
09-10-2006, 11:05 PM
ههههههههههههههههههههههههه ههههه


ذكرتني بمطعم اسمه سيتزن بالعليا

طلبت طلب من القائمة بالانجليزي وطلع سلطة

وبعد ما حاسبت جابو لي الطلب

اثرهم حاطين لي طبق سلطة مجاني قبل الاكل
النجلاء
10-10-2006, 06:29 AM
هههههههههههههههههه بن ضاوي


كنت اقول اننا نتمشى في العليا كان وقت القايله (الظهر )

تتمشى بالعليا بالقايله ههههههههههههههههههههههههه ههههههههه الله يوفقكم بس


قعدنا ناكل ولاعلينا من احد لكن شد انتباهي انو مالنا صوت وحنا ناكل الناس ماغير ازعاج ملاعق وسكاكين

ههههههههههههههههه وماشد انتباهك الملاعق والشوك والسكاكين المسدوحه على الطاوله قدامك او تحسبونها ديكور ههههههههههههههههههههههههه هههههه

بن ضاوي ربي يسعدك على هالموقف


ويعطيك العافيه
الدندووووونه
10-10-2006, 08:10 PM
المهم دخلنا المطعم ( دورين طبعا ) واشار علينا احد الزملاء انو الدور العلوي يمكن يكون ارخص من الارضي
سألناه ليش ؟ قال يمكن عشان نعدي الدرج يراعون تعبنا

ههههههههههههههههههههههههه ههه

ههههههههههههههههههههههههه ههه


وش هالذكاء اللي خارق جبهة صديقكـ...... وماعليكم زوووود....

الله يعطيك العافيه ..... أخوي...... محمد ....
مانبي اللي مايبينا
10-10-2006, 09:22 PM
.
.
.
ههههههههههههههههههههههههه هه
والله ولاجايين من وسط البر ...!
.
.
تبون الصراحه عجبتني
. *** . *** . ***.
.
اقترحت انو اثنين ياكلون وواحد يقعد يطقطق بالملاعق والسكاكين
كل واحد طبعا فترة خمس دقايق
والحمدلله والله محد كشفنا.......عدت على خير
.
. *** . *** . ***.
.
.
يعطيك ألف عافيه أخوي/
محمد ..
.
والشكر موصول ل: نجوووول ..
.
.
محمد بن ضاوي
11-10-2006, 02:22 AM
هههههههه

اجل رحتوا لافخم مطعم .. ياعيني عليكم .. لاتصككم عين بس..

والشوارع بصراحه ما اعرف شوراع الرياض


شوفي حنا ياحقين الرياض>>>>مايبي شي اسمه ديره...هههههههه
ترى دايم نتمشى في شوارع الرياض خصوصا النظيم والنسيم والجنادريه ومنفوحه والديره.....ايتي سترا

>>>>>>>فرصه اشلخ عليها مدام ماتعرف شوارع الرياض.........هههههههه
مشكوري جوري على تعليقك
محمد بن ضاوي
11-10-2006, 02:43 AM
محمد بن ضاوي
ياعيني بس على عهدك
مادري هو كان فرعون عايش هاك الزمان ولا باقي ماجابته أمه؟



والله اني احب الماضي واحن له خصوصا ايام الطفولة
احس جواتي طفل>>>>>ياعمري يالاحاسيس.......هههههههه
ترى الجمله هذي سارقها
اول ماسمعتها كان في حوار طويل مع احد الاطراف
المهم الشاهد بقوله في المقطع هذا
الطرف الاخر: تصدق يامحمد احس ان جواتي طفل
قاعد يتكلم عن نفسه انو انسان احاسيسه مرهفه وانو فيه براءة اطفال
المهم انا ما افهم الكلام هذا ....باغته برد مال امه داعي
((( يالنصابه وتقولين لي انك بنت )))

هذي والله المشكله...مشكلتي ما اتم دقيقتين على بعضها رومنسي على طول اضحك....هههههههه

مشكوره امل على مرورك
محمد بن ضاوي
11-10-2006, 02:50 AM
االسالفه حلوووه


بس النهايه لك عليها



مشكور ياضفينا العزيز



والشكر مول لنجلاء على هيك مواقف



تحية عطرة

والله ياسعود الموقف اللي كتبته كان لوحي مفاتيحي(كيبورديه بس مايحب يقلد..هههههه)

وبعدين وش تبي تكون النهايه ؟ زي الافلام المصريه مثلا...!هههههههه
هو انتهى زيها بس انا ماقلت
ولا انواع بوس الخشوم عشان يخفض لنا في السعر ...نكبنا الله ينكبه

مشكور سعود على تعليقك .......العين ماتعلى الحاجب
محمد بن ضاوي
11-10-2006, 02:56 AM
ابوك يالذرابه.....محمد بن مضاوي ..

ولد مضاوي ... انت على بالكم في مطعم بخاري ؟؟؟


صدق من قال لاتعطي الحرمه سدك
يعني عشان علمتك بسم امي تفضحين بي كذا
كل الاعضاء ماعاد ينادوني الا ولد مضاوي
الشرهه ماهي عليك والله على اللي علمك يابنت (((نكهه)))
ههههههههه>>>>>فشفاشه يعني وش بيكون اسم امها...! اكيد نكهه...

احسن خل الاعضاء يعرفون اسم امك....انقهري ماعلي منك
محمد بن ضاوي
11-10-2006, 03:00 AM
ههههههههههههههههههههههههه ههههه


ذكرتني بمطعم اسمه سيتزن بالعليا

طلبت طلب من القائمة بالانجليزي وطلع سلطة

وبعد ما حاسبت جابو لي الطلب

اثرهم حاطين لي طبق سلطة مجاني قبل الاكل

هلابك يامديرنا

تصدق يابو عبدالرحمن واحد يحلف لي يقول طلبت طلبين من مطعم
يقول ويوم جات الطلبات لاوالله ان كلها عصير......هههههههه

والثاني انا احلف لك انو صدق داخل مع واحد المطعم وبيحاسب باي طريقه00

يسأل راعي الطلبات وش عندك
قاله تبي محلي ولا سفري
قال ثنين سفري وثنين بيبسي
محمد بن ضاوي
11-10-2006, 03:03 AM
هههههههههههههههههه بن ضاوي



تتمشى بالعليا بالقايله ههههههههههههههههههههههههه ههههههههه الله يوفقكم بس



ههههههههههههههههه وماشد انتباهك الملاعق والشوك والسكاكين المسدوحه على الطاوله قدامك او تحسبونها ديكور ههههههههههههههههههههههههه هههههه

بن ضاوي ربي يسعدك على هالموقف


ويعطيك العافيه

ربي يسعدك يانجلا وشاكر لك هاللفته الابويه من لدن جنابك الكريم
محمد بن ضاوي
11-10-2006, 03:06 AM
ههههههههههههههههههههههههه ههه

ههههههههههههههههههههههههه ههه


وش هالذكاء اللي خارق جبهة صديقكـ...... وماعليكم زوووود....

الله يعطيك العافيه ..... أخوي...... محمد ....

حياك يالدندونه

الذكاء هذا يجي من الله.... وهبه من رب العالمين...هههههههه
ومدامه خويي وشلون ماتبينه يجي ذكي..؟
محمد بن ضاوي
11-10-2006, 03:10 AM
.
.
.
ههههههههههههههههههههههههه هه
والله ولاجايين من وسط البر ...!


وترى ظنك في محله.....ههههههه
حنا جايين من وسط بر
حياك الله يا انتي>>>>اخاف اقول مانبي اللي مايبينا تزعلين
بـنـت الـشـيـوخ
11-10-2006, 04:35 AM
هالحين حتى مكافآت مافيه........ههههههههههه
المهم طالع انا وثنين من صديقيني ونتمشى في العليا

صديقيني<<<<<<<<<من اي معجم جايبهاااااااااااااااااااا اا

والا تقصد.........
قول خويااااااااااااااااي


يارجل






المهم دخلنا المطعم ( دورين طبعا ) واشار علينا احد الزملاء انو الدور العلوي يمكن يكون ارخص من الارضي
سألناه ليش ؟ قال يمكن عشان نعدي الدرج يراعون تعبنا
طلعنا فوق ولقينا انو اغلى بنسبة15% خدمه اضافيه

ياحليلوووووووووووووووووه
خويكــ





قعدنا ناكل ولاعلينا من احد لكن شد انتباهي انو مالنا صوت وحنا ناكل الناس ماغير ازعاج ملاعق وسكاكين

وحنا بدون صوت>>>>ياكلون بيدينهم...وشلون يجيلهم صوت؟؟هههههههههه
ههههههههههههههههههههههههه هههههه

والله ان تقربعووووووووووووووووون
حتى لو ماستخدمتوا الملااااااااااااااااااااا اااااااعق


خخخخخخخخخخخخخخخخخخخخ


موضوعك
من........الى............
رووووووووووووووووووووووعه



يسلموووووووووووووووووووو
نجلاء
زايــــ بنت ـــــد
12-10-2006, 09:57 AM
ههههههههههههههههه
هههههههههههههههه
هههههههههههههههههههه



المهم دخلنا المطعم ( دورين طبعا ) <--- اكشخ عليينا ياا عم منو قدك دااخل مطعم وبدوريين بعد خخخخخ

واشار علينا احد الزملاء انو الدور العلوي يمكن يكون ارخص من الارضي <-- تنحسد على هيييك ربع اقصد اصدقاااء خخخخ انوااع الذكااء يااا سبحاان الله


قال يمكن عشان نعدي الدرج يراعون تعبنا <--- لا تعليييييييق ههههههههههههههههههههههه


احلى ما في الموقف الحواااااااااار هههههههههههههههه
ربي يسعدك على هالصبح