ــ(( لــغــــزنــــا يا هل العــرف حله هاتوه ..!!؟ ))ــ [الأرشيف]

مشاهدة النسخة كاملة : ــ(( لــغــــزنــــا يا هل العــرف حله هاتوه ..!!؟ ))ــ

صادق الإحساس

07-10-2006, 09:14 PM

مرحبا أحبتي في :ـ
ــ(( منتدى غرابيل ))ــ

أتيت لكم وبجعبتي لغز أرجو أن أجد حله
لديكم وأن توفقوا في الحـل ، لكن نتمنى
أن تكون الإجابة دقيقة ، وبكـل صدق أحبتي
لن تقبل الإجــابة القريبة من الحل !!

بل لابـد
أن تكون محددة للحل ذاته ودقيقة !!؟

وأليكم اللغز ::ـ

أنشدك عن عـود( ن ) قديـم أزمـان=يمشي بلا رجلين ولا شيء ( ن ) يحيده

حـي بـلا دم ولا فــم ولا أسـنـان=أكلـه لحـم وألاّ السمـك مـا يريـده

تلعب بـه الأطفـال وتحبـه النسـوان=يلبس ثيـاب العيـد فـي يـوم عيـده

وحيد لكنه لـه جملـة مـن الأخـوان=واحـد قريـب منـه والباقـي بعيـده

أبـوه لـه حجـه وعلامـة وبرهـان=وأمـه تقـود أبـوه لـلـي تـريـده

ملاحظة :

صاحب االلغز
حملني أمانة بأن لا أقوم
بحل اللغز إن لم يحله أحد !!

مع تمنياتي
لكم بالتوفيق في حله .

للجميع
ود و ورد

صادق الإحساس

.

سـعـد الحويماني

07-10-2006, 10:26 PM

لغز

من صادق الاحساس

اكيد يبي يبطي ماحله احد

باشوف الرمعات يالبناخي وارجع

لك

صادق الإحساس

07-10-2006, 11:33 PM

لغز

من صادق الاحساس

اكيد يبي يبطي ماحله احد

باشوف الرمعات يالبناخي وارجع

لك

يا مرحبا
ويا هلا ، ويا مسهلا

ببناخيه
سعد الحويماني
وجه السعد

والله وأنا خالك
يكفيني جيتك هذي
ولا هان الباقين

لكن ... لا يخدعك الوقت وأنا خالك !!
ترى ممكن أي ذهين مثلك يجيب الحل
والأخوان هنا ما شاء الله ، تبارك الله
منهم من فطاحلة الشعراء ومنهم كتاّب
مبدعون !! فلا نستعجل يالذيب

وكني حاس أن الحل ماهو بعيد عن أحد
منهم و يبا يجي يمكن من كم واحد منهم

فقط إحساس
لكن ما ودي أقول بأسمائهم
عشان لو جابوا الحل عقبها

يقلون :
كن في علوم صادق ما يقال !!

هههههههه

حياك الله يالقرم
ومتشرف بعودة
مثلك يالذيب !!

لك
ود و ورد

صادق الإحساس

صادق الإحساس

09-10-2006, 10:12 PM

أيعقل

أن هذا اللغز بهذه الصعوبة !!

التي هنا منعت
فطاحلة الشعراء الجهابذة
وكبار الكتاب المبدعون

من مجرد حتى المحاولة !!

أمر غريب جدا أن يحدث !!

أين الشاعر الراقي / صالح العازمي
وأين الشاعر الممتع / محمد الجبريني

واللذان طالبا بطرح اللغز
وحينما نفعل على تحقيق رغبتهما
نجد
منهما العزوف وكأن لم يطرح لغزاً !!

لا أعلم
لماذا الأمل يحذوني ،،،
بأنه لازال فارس حل هذا اللغز قادم بكل قوة ؟
وربما .. يصيب الهدف في الكبد من أول رمية !!

سوف ننتظر إكمال العرف المتعارف عليه
في عالم الألغاز وهو مهلة الأسبوع من الأيام
ومن ثم إن لم يأتينا أحد بحله فسوف نرفع
اللغز نهائيا لكي يكون هذا المنتدى الثاني
الذي يطرح به هذا اللغز ولم نجد له حل !!
لكي يصبح هذا اللغز ــ(( لغز الألغاز !! ))ــ

دوما ... تأكد عزيزي القارئ
أن المحاولة هي بداية النهاية !!
بينما الهروب هو بداية الفشل !!

لكل
من قدم بعزم وشجاعة للحل

ود و ورد

صادق الإحساس

محمد الجبريني

15-10-2006, 10:13 AM

اخي صادق الاحساس

الغز هذا كم موديله لو سمحت هههههههههههه

انا موقع عنه ولالي فيه قدره داااايرته سبوع كامل وازريت اجيب منه
لو ادنى تشااابه

انكان ماخوي نشمي العازمي حله

رده لراااعيه اومحله

يالعازمي تعال ساعدني , الغز ذا ياخوك عقدني ,

ان كان تعرف حله افدني , بعض الغبايا حلها غير معرووووووف

لاهنت اخوي صااادق

ابعيد عليه الجوله في الليل ان كان فضيت

وتقبل فااائق احترااامي ولاتزعل
رايح انجيك بحله لو من المريخ

صالح العازمي

15-10-2006, 04:42 PM

انتضر ياصادق

ابشر بحله بس والله يبن الاجواد الايام هذي مشغول شوي تعرف الاعياد وشغلها

لاكن مالك الا حله وهذا سهل جدآ انتضرنيييييييييييييييي اما حليناه ولا اشتريناه

تحيااااااااااااااتي

صادق الإحساس

15-10-2006, 09:30 PM

هلا وغلا بــ
صالح العازمي

من طول الغيبة جاب الغنايم

وأنت والاّ الأخ العزيز نشمي
بالحال واحد ولا فيكم تخير

أنتظرك أنت أو الأخ نشمي أو
أي أخ من الأخوان في غرابيل

المهم
تكفون أطرحوا حل لغز الشمالي
خلونا أنرد لغزه بحله ماهو كذا !

وكفاية أنا شريت لغزه قبل
عاد أنتم لا تشرون مثلي ويقول
والله أثر ما عندهم الا بس شراء
بالألغاز ههههههههههههههه
ما عندهم والله الذيب اللي يجيب العلم !!

ههههههههههههه

المهم أنتظرك
والاّ السلمي محمد الجبريني خله
ما عنده سالفة هذه هج يوم شاف
اللغز جبناه ومسوي كأنه ما يشوف

يعني يعني
يا صادق أنا ترى ما شفت لغزك
متغيشم الرجال !! ههههههههه

لكن خلوه في تغيشمه لين يموت
والله ما ناديه ولا ألد النظر يمه
يوم عاد أمس يتحمس في الألغاز
واليوم مسوي يا غافل ما كنه
شاف شيء !!

ههههههههههههههههه

أنتظرك أنت
والاّ أي ذيب من ذيابة غرابيل

والا ترى عقبها بفوز بلغز الرجال
وأقول المعذرة يا خينا شعارنا
في غرابيل صدق شعار لكن مع
لغزك قصرت خطوتهم شوي !!؟
ويا للأسف !!

حياك صالح
حياك

لك
ود و ورد

صادق الإحساس

محمد الجبريني

16-10-2006, 04:33 AM

صادق الإحساس

16-10-2006, 05:03 AM

اخوي صاادق الأحساس

اول شي احمد الله ان هذا الغز ماهو لك لو كان لك كان شرهت عليك هههههههههههه

استاذنك ان انتقده وانا ليس بناقد اصل وليس بحلال الغاز وليس بشاااعر بالمعني الحقيقي .
واتضحلي حسب فهمي البسيط
,
,
,
,
,
ان هذا ا لغز كلماته ,,, متناقضه ومعناه غير وااااضح ,, وغير مفهوم, وغير حقيقي,, وغير مستقر, لشي معين ؟

ولاكن المثل قال تعامل مع العاقل على قد عقله وليس انتقاص فيك او في شرواك كلامي هذا ولاكن
كل بعقله راضي ويذهب مضارع ,,,وذهب فعل ماضي وأذهب فعل أمر

ياطويل العمر

وقول لصاحبك ان حله هو ((السااان)) والله اعلم وفيه رمعه ثانيه ان كان ماهو اللسان اعلمك معدين

مرحبا
أبك يا صديقي
محمد الجبريني

لا ما هو بلغزي !؟

ويا ليته لغزي وأنا أخوك
وربي لأفتخر فيه أيما فخر

وأبد الشرهة بأمر الله ما تلحقني!!
وإذا لك شرهة أبشر باللي يرضيك
يا ولد سليم ومثلك وربي يهمني رضاه
لأني بكل بساطة :ـ

(( أحبك ))

حب الأخو لأخوه ويعلم الله أنه كلام
الصدق ما هو بكلام المجامل والنفاق !!

اللغز واضح / غير متناقض / معناه للي يفهم
بالغباوي واضح وضوح الشمس في كبد النهار
/ حقيقي وليس خيالي أبداً !! / مستقر في معرفة
الناس أله !!

نعم تعامل مع العاقل على قدر عقله وأنا من الذين
يعطي الرجال بقدر عقولها ومقاماتها وانت مقامك
عندي كبير ولا هان الباقيين !!
أما النقصان فيّ منك فأعلم علم اليقين أن مثلك لا يمكن
ينتقص صادق لأنك ببساطة رجل وتنزل الرجال بقدر منازلها

وأنا منزليييييي كبيييييير كبييييير عند شرواك الطيبين

وأبيك تفهم شيء ما كنت أبي أقوله والله من أجل عدم
المدح للذات لكن لجل تعرف أن الناقصة ما تجي من مثلي
خويك صادق ترى أبوه شيخ فخذ بأيامه ( الله يرحمه )
وهالحين عمه هو الشيخ وخواله وأقسم بالله شيوخ شمل
ومعتبرين في قديم الزمان وفي تاليه يعني يعلم علم اليقين
أن الناقصة ما يجيبها لو يموت ما تجي مني وأنا أخوك !!

واللغز طاهر نظيف طهر دم المسلم

أما حلك للغز بـ :ـ

( اللسان )

فنقول ألك : مالك لوى يالسلمي لكن بنتظرك
برمعة ثانية لكن أنتبه الإجابة لازم تجي دقيقة
ولو حتى جيت جنب اللغز ولا حليته تراني ماني
مقربه ألك لين تجيب حله مثل ماهو ومرحب فيك
يا الجار والصديق العزيز

وأكثر !!!
ما أخاف منه أن قصدك من ردك ذا فيه ألتواء
ودهاء لمعرفة أو استنباط شيء من الحل ، لكن
لا تخاف خويك أحرص من أبرص ماتمشي عليه !!

وأنا ولد أبوي صدق

ههههههههههههههههه

المهم
حياك الله أنت وجميع الأخوان

لك
ودي وحبي وتقديري

صادق الإحساس

خــــالـــــد

16-10-2006, 02:56 PM

هو نوع من السلاح يا صادق ؟!

صادق الإحساس

16-10-2006, 07:54 PM

هو نوع من السلاح يا صادق ؟!

مرحبا بــ
خالد الدوسري

والله يا خالد

مالك لوى

وأنا أخوك

بس لاحظي
منتظرك برمعة ثانية
لا تبطي يالذيب

لك
ود و ورد

صادق الإحساس

صادق الإحساس

21-10-2006, 08:03 PM

نــــــرفــــــــع الــلـــــــــــغــــــــ ـــــــــــر

ببـــــالــــــــغ الآســـى والـــحـــــــزن

ببالغ من الآسى والحزن نقوم
اليوم برفع اللغز الذي طرحناه
منذ أيام تجاوزت الأسبوع وهي
المدة المتعارف عليها لحل أي لغز
عند أهل هذا الفن من فنون الأدب
العربي العريق ، وذلك لعدم تمكن
ألأعضاء بهذا المنتدى الشامخ من
حله بالرغم من محاولة البعض من
الشعراء والأخوة لكن للأسف الشديد
لم يتوصلوا للحل ، وبذلك يعتبر هذا
المنتدى الثاني والمختص بالشعر النبطي
( الشعبي ) الذي نطرح به هذا اللغز ولم
يتوصل أحد إلى حله ، لكي تثب الأيام
أنه ليس بالضرورة أن يكون الشاعر
حكيماً أو يمتلك قدر كبير من الذكاء !!
لكن .. ربما هو يمتلك الموهبة التي حباه
الله إياها ليقول الشعر .

أنا بصدق أرفع هذا اللغز وكلي حزن
أنه لم يتمكن أحد من حله بالرغم أنه
ليس بذلك الصعوبة ، لكن كما قيل :ـ

(( ليس بالإمكان أكثر مما كان !! ))

أشكرا الأخوة الذين حاولوا لإيجاد الحل
بجدية وهما الشاعر / محمد الجبريني
والأخ / خالد الدوسري .

مع تنبيهنا أننا لن نلفت لأي حل سوف
يصل بعد ردنا هذا ولسنا مسئولين عنه

شكرا للجميع
وكل عام وأنتم بخير

صادق الإحساس

أمل عبدالعزيز

25-10-2006, 04:57 PM

هههههههههههههههههههه

ياعيني بس

على العموم

الحين سألت مامي عنه ياصادق

وقالت لي

السيف

ههههههههههههههههه

هاه شرايك بس؟

وشرحت لي كيف هو يكون بالصورة هالى أنت كاتبها

وبس

شرايك فيني؟

عساها الرمعة زينة وبس

:نأ:

صالح العازمي

25-10-2006, 05:20 PM

اخوي صادق الاحساس شف رد اختنا امل وبعدين لنا لقاء فيه

تحيااااااااتي \العتيبي((((((العازمي)))))

أمل عبدالعزيز

27-10-2006, 07:48 PM

صادق

وينك:harp:

يعني تسأل
ويوم أجي مدرعمة
من آخر الصف
وأجاوب

تنحاش؟:vampire:

مايصير

يالله عاد

أحتريك تقول هو ذا ولا ماهوب ذا

ههههههههههههههههههه

:واو:

صادق الإحساس

27-10-2006, 08:27 PM

هلا وغلا بــ
أمل عبدالعزيز

والله يالسنافية

اللغز طرحناه وجلس مدة ماهي بالبسيطة ؟
ولا أحد حله فقط الجبريني ويا خالد حاولوا

ولو نظرتي لرمعة خالد وش قال فيها :ـ

هو نوع من السلاح يا صادق ؟!

ورديت عليه وقلت : مالك لوا

يعني السيف من ضمن السلاح صح ؟
طيب ماهو بالحل أبد !!
ولانتي يم الحل والله

وتكفين حبي على رأس
الماما الله يحفظها ألك
يا رب

وبجد
أنا رفعت اللغز ولا كنت أبي أنظر لأي رد عقبه
لأن ذي عادتي لأتخذت شيء ما أحب أعاود فيه
لكن عاد أنتي يا أمل غالية والواحد ما يقدر يقول
معك شيء .

رمعتك / السيف لا

ولا حتى أي نوع من أنواع السلاح !!

سعدت بمحاولتك الجادة

لكن
بجد مانتم يم الحل أبد !!

مشكورة يالغالية

لكِ
ود و ورد

صادق الإحساس

هلا وغلا بــ
صالح العازمي

وهذا حنا شفنا حل أمل عبدالعزيز !!

لكن ليتك بعد عطيتنا رمعتك
حتى نشوف وين أنت واقف !!

ترى ما رديت اللغز ألاّ علشان أمل
لأنك أنت قلت ورحت ولا عاد شفناك

هههههههههههههههه

أمزح معك و حياك الله يا صالح بس
ودنا نشوف رمعاتك وين تكون !؟

المهم أبعدوا عن السلاح نهائيا

لك
ود و ورد

صادق الإحساس