رائحة كريهة و أعراض أخرى مالمرض وما العلاج ؟؟

[تاجر مواشي]

اغنام - ابل - دواجن - طيور


رائحة كريهة و أعراض أخرى مالمرض وما العلاج ؟؟ (http://www.aghnam.com.sa/vb/showthread.php?t=239777)


يا إخوان عندي صخل الله يكرم هالوجيه في الدنيا والآخرة
يذرق ذراق أخضر ( اسهال ) وانا اشوف ان الموية فيه أكثر يعني تشوف الذراق لحال والموية لحال تخرج مع بعض ، والعامل يقول انه يشرب موية بزيادة ، والله يكرمكم ريحته خايسة بشكل غريب ومختلف عن الذراق العايدي
عطيته البخاخ حق الذراق اللي في الفم ولافاد ، ورحت للبيطري وقال عطه تايلوزين ( ابو رئة ) في اللحم وعطه موقف قوي للاسهال ، انا بيني وبينكم ماعطيته التايلوزين لان كان قبله صخل تعبان من ولد واخر امره جاه هالذراق المخيس ولاخليت علاج الاعطيته ونفق بالنهاية
فانا عطيته يومين موقف الاسهال تجريع بالفم ولكن الى الآن والذراق مستمر حتى تجرح حياها وانتفخ تكرمون وصار يطلع منه دم من الجروح
حالته متقلبه بعض الاحيان ينعزل لحاله ولايلعب وبعض الاحيان يركض مابه الا العافية ، وكذلك الرضاعة بعض الاحيان يرضع خفيف والغالب انه يرضع امه ويرضع عنز ثانية ويخلص ديودها !!!
صراحة انا تحيرت ولا ادري وش هالمرض ولاعلاجه فياليت تساعدونا الله يجزاكم خير ويبارك لكم في حلالكم

المصدر: منـتـدى أغـــنـام (http://www.aghnam.com.sa/vb) - من قسم: >المنتـــدى الطــبي (http://www.aghnam.com.sa/vb/forumdisplay.php?f=57)


vhzpm ;vdim , Huvhq Hovn lhglvq ,lh hgugh[ ??