مو معقووول يا خالد بن عبدالله .. خلاص والله ملييينا ..

[الاهلي الراقي]

ما أحد ينكر دور الأمير خالد بن عبدالله في النادي الأهلي .. فهو الداعم الأول لكل فرق النادي ولكافة ألعابه والفئات السنية وووو .. وما يحتاج شهادة مني أو من أي احد ..

لكن لابد ننتقد الأمير خالد على سكوته ومباركته للإدارة في تكرار الأخطاء والتخبطات سنويا بشكل ساذج وسخيييييييف جدا ..

مش معقول كل سنة واحنا آخر فريق يفكر إني فيه مسابقات للموسم الجديد .. كلة سنة تأخير في المعسكر وغياب المحترفين والتفريط بأسماء ونجوم الفريق .. كل سنة معسكر سياحي وترفيهي ..

فين الإعداد القوي والتجهيز المبكر والتخطيط السليم والشغل الصح للموسم الجديد .. والله شيء يقهر نشوف هالأخطاء تكرر سنويا بدون حسيب أو رقيب للإدارة ..

يعني دور الأمير خالد بن عبدالله يقتصر على التصوير مع نجوم الألعاب المختلفة والفئات السنية فقط !!!

لازم الأمير يحاسب الإدارة على كل صغيرة وكبيرة .. أمامنا موسم صعب جدا واستحقاقات قوية وأهمها بكل تأكيد دور ال8 في الآسيوية والدوري الموسم القادم ..

بهذي الطريقة لايمكن أن تحقق هذي الإدارة الفاشلة طموح الجماهير الأهلاوية ..

هل تعلم هذي الإدارة أنها على هرم نادي كبييييييييير .. ويملك جمهووور قوي ومؤثر ويطمح لتحقيق الآسيوية والدوري أو واحدة منها الموسم المقبل مهما كان .. ولا يقبل هذا الجمهور أي مبررات أو أعذار ..

يا سمو الأمير خالد بن الله .. آن الآوان للتدخل .. اللي قاعد يصير تكرار لمواسم فاشلة جدا وإن لم تتدخل وتصحح الحال فسندفع الثمن غاليا الموسم القادم ..

دوري أبطال آسيا أو بطولة الدوري .. كلنا متفقين أنها أهم وأقوى بطولتين .. وكلنا متفقين إنها تحتاج عمل جباااااااااار وشغل صح وتخطيط صح وإعداد قوي قوي قوي وتجهيز معسكر جدي وبحضور المدرب وكل اللاعبين المحترفين والمحليين من البداية وعدم قبول أي عذر للتأخير مهما كانت الأسباب ..