فايز ماجد
07-10-2006, 10:13 AM
صباحكم ورد
استعجلت احط الجزء الثاني والغي باقي الاجزاء
لاني احتمال اغيب فترة اعذروني على الاطالة والوعد رمضان القادم بالصرقعة
اذا كنا من الحيين بعد العيد برجع للنبطي
<<<< هاجده شياطينه
<<<< الحمد لله والشكر بس
طلع خبالي برمضان لكن استروا ماواجهتوا
من عاشر قوما كلها سبايب خويي ابو قمل المصرقع
خرّرررّررّرب ابو جد البرستيج حقي
<<< ادعسني ياشيخ
==================
طبعا قبل شوي خبصت بوسط ماء مستنقع على الطريق قدام باب المسجد
حاطين بلك بوسط الماء ويمشون عليه الناس وربي تذكرت برنامج الحصن حق اليابانيين
واجيك انا وخشتي وادحدر بوسط الماء واتخبص ويضحكون علي اللي حولي
بس ماكانت قوية ويقالي بكحلها عميتها قلت لا بسيطة
واطلع رجلي من وسط الماء وامشي واطيح من الجهة الثانية برجلي الثانية قفلت معي من جد
وقلت خاربة خاربة وامشي بوسط الماء والعالم تضحك بس اشوا اني كنت رايح للبيت
قلت عاد من القهر بكتب موضوع افرغ شوي :زعلان:
====================================
هذا سلمكم الله قبل كم يوم في بداية رمضان
كنت متكي انا ومحمد ضاوي ومعنا شباب من خارج المنتدى تقريبا الساعة 1 آخر الليل
والا يدق جوالي:icon_frow
أبو خالد يتصل بك
ياربي وش عند ابوي يدق بهالوقت المهم طرا في بالي
أقهر محمد ضاوي والشباب واسوي ثقل واني امون على ابوي بقووة
دام اكثر الشباب لادق ابوه وهو مع الشلة يطلع من الخرعة اليكم تفاصيل المكالمة
أبو خالد :- السلام عليكم
أنا :- وعليكم السلام هلا بابا وينك بابي من زمان عنك والله من الصبح ماكلمتني
<<<<<< بيسوي دلوع ابوه وولد نعمة ويقهر الشباب
أبو خالد :- ياشين السرج على السرج بس.. تستهبل يا ابو الشباب شارب شي ياولد؟
أنا :- شارب حبك وغلاك بابي
أبو خالد :- أقول لايكثر و لاتنسى بكرة بوصيك تمر على المسؤول
فلان اللي بالوزارة الفلانية مرّ عليه ..بكرة زين.. وشف وش صار؟
أنا :- لا بابا ماابي فلوس ابيك دايم تكلمني
أبو خالد :- أنت ماتفهم؟ ليتك عندي بس
أنا :- لا مااحبها .. لامبرغيني صحيح سيارة فخمة بس ماتصلح؟
أبو خالد :- لاتنسى لاتصير مثل دايم ماعليك تكلة لو نزوجك ضيعت حرمتك والا نسيتها ودرعمت
أنا :- أمري لله ولايهمك بابا برضى بكل الهدايا أهم شي رضاك
أبو خالد :- سكر السماعة بوجهي
أنا :- يابعد عمري يا بابا يااحلى بابي سلامتك ورضاك مغرقني بحنانك ودلالك الزايد لي سي يو ليييتر باي
(((( الشباب انقهروا ويقولون لنا الله بس)
رحت للشقة متأخر ونمت بعد الفجر صحيت الساعة تسعة
بروح للوزارة مثل ماوصاني أبوي طبعا من زمان مالبست ثوب وشماغ
والدوائر الحكومية لازم لبس رسمي فتحت الدولاب ( فاتح خلقه مكسور اصلا)
الثوب الأول طلع نظيف لحووووول
الثوب الثاني أنظف من اللي قبله
والثالث أنظف منهم كلهم
الرابع مضرب مثل بالنظافة
الشماغ بوسط القش متعفطه شكل الشباب حاطينها بيز للشاهي والقهوة وانا مدري
لحووول قلت ماهي مشكلة يمديني على الغسيل المستعجل ندق على ( كبير) حق المغسلة
مايرد أدق على (محبوب) مغسلة ثانية
والا قايم من النوم يامحبوب الحقني قال اسمح لي وانا اخوك
برمضان مانفتح إلا بعد الظهر وكل المغاسل مايفتحون الا بعد الظهر
ياربي وش اسوي اشقق هدومي
أروح بفانيلة وسروال سنة أرحم وأطق الشماغ والعقال
والا اخربها والبس واحد منهم بس مايدخلونني يحسبوني اشحد
لا لقيتها بشوف ثياب الشباب لبست ثوب واصير كني عمود بوسط خيمة
وعرفت انه ثوب الدب صويلح
لا ماينفع
الثوب الثاني لصق براسي عرفت انه ثوب المعصقل عبودي
الثوب الثالث يسحب علي كني لابس فستان فرح طلع ثوب الطويل الهبيلة الدحمي
الثوب الرابع لبسته طلعت كني لابس تنورة قصيرة عرفت انه ثوب المدربس لؤي <<< خاش عرض هذا
لحووول وش الدبرة
قلت مابدهاش بطلع افر المغاسل وماخليت شارع مافريته ونسيت انه فيه مغسلة بالجهة الثانية من الشقة
يوم جيته ويأذن الظهر والا قاعد يسكر والحق عليه ويعيي قلت من متى فاتح قال من الساعة 8 لاااااااااااااااااا
المهم ماعاد يمديني وين انا ووين الوزارات وبعد الظهر وزحمة
اللي صار رحت وخمدت بفراشي عاد علمت ابوي بعدين
والحمدلله ان الكفوف لاتفسد للود قضية وتفّهم الظروف اللي مريت فيها
واحتوى وجهة نظري بكل هدوء خخخخخخخخ
============================================
مرة من المرات أيام المتوسط برشمت براشيم وااجد بالانقليزي واللي اخلص منها ابلعها
حاولت احدرها وتروح وافتك ويصير مافيه دليل مافيه امل
المصيبة كاتبها بقلم ازرق سايل يوم حطيت يدي على فمي والا الحبر يتقاطر خخخخخخخخخ
ياربي وش اسوي الاختبار نهائي وفيها رسوب السالفة قلت الحين اذا ناديت المدرس شلون اتكلم بعد
مشكلة والله فمي مليان ورق ولساني صار أزرق مر من عندي مدرس هاه كيف الاسئلة وانا
مكتم هزيت راسي وابتسمت وانا مسكر فمي واسوي حركة باصبعي يعني تمام
خفت يحشرني وانكفش قالت ياولد حتى ان طلعت لازم اوقع واكيد بيسألني المدرس وش الدبرة
أشرت له من بعيد على فمي وفهم اني ابي ماء وانه ناشف ريقي ماعاد بي حيل اشرب جابوا لي ماء واحدرهم بالماء
وارتااااااااااااااااااااا اح واسلم الورقة قابلت الشباب برا يالله مشينا نفطر قلت انا اسمحوا لي قالوا ليييييييييه
قلت ابد والله افطرت سندوتش ورق بالحبر والشطة والحمدلله شبعت
================================================== ===
بثانى ابتدائي كان عندنا مدرس علوم مصري خبيل وعلى نياته
معصقل وخشمه كبير يشبه ياسين اللي بغوار الطوشة
عاد يتكلم ببطء ويمشي شوي شوي بالحركة البطيئة
عنده عادة قبيحة مايحك أذنه باصبعه وربي انه يحك أذنه بمفتاح السيارة
وربي أن أذني تعورني
وانا عاد ملقوف قلت لاسواها بسوي فيه حركة عشان مايغثني كل شوي
مرة من المرات وقف وقعد يحك أذنه بالمفتاح جيت من ورى وأدفه أدفه أدفه
هو ألتفت قال بتعمل أيه قلت أبد شكل البطارية مخلصة وقلت أنتعك أدفك عشان تشتغل
اللي صار انه زعل ووداني المدير وقال اضرب أليل الأدب دا
ورجع للفصل
عاد من اول ماعندهم بالمدراس الا الضرب اذا مر يوم ماانجلدت تعورني يدي
المهم المدير قال لي وش انت مسوي وكان معصب والغرفة كلها مدرسين
قلت ابد والله يحك أذنه بالمفتاح وموقف قلت أنتعه ودفيته عشان يشتغل
المدرسين تسدحوا ضحك المدير بيمسك نفسه ويسوي ثقل ومعصب عشان يجدلني قاوم قاوم
آآآآآآآآآآآخر شي انفجر ضحك
قال روح ياشيخ والله مااجلدك بس لاسألك قل ضربني
وارجع للمصري وانا امسك يدي على اساس تعورني وطول الحصة اتلوى واحط يدي برجول الماصة الباردة
عاد كسرت خاطره بالأخير
====================================
بالمتوسطة كان مدرس الرياضيات مصري يطلب دفتر الواجب
ومن بداية السنة كل ماطلب الدفتر قلت ماجبته ويعصب علي
عاد اقول له بيت شعر لبندر بن سرور
يارب صبرني على الارض لا اطير = لين اضبط البرّاد وآكل علاجي
وطول السنة كل ماسالني قلت له البيت
آخر السنة سألني عشان الرصد النهائي للدرجات
قلت ماجبته قال
يارب صبرني على الأزر لا اطير======== لين ازبط البرّاد وآكل علاقي
فما كان مني إلا أن انسدحت ضحكاً ووعدته أن أجيب الدفتر في الصباح الباتسر من بكرة
باختبار الشهر جبت فل مارك ونشب لي انتا واد صايع ازاي قبت الدرقة ديت
عاد احلف له وربي انا دافور بس بمواصفات داااج وش فيك بس ماانت مصدق
=============================
مرة من المرات جيت مـتأخر أيام ثاني ثانوي ووقفني المدير قدام باب الادارة
شوي ويجي رجال متوسط بالعمر غثيث من قلب
وحشري قال وش انت مسوي يومهم مجازينك والله انك مسوي لك بلا والا مصيبة
باين على وجهك
قلت ابد متأخر
قال ايه من السهر والنوم انتم ياهالجيل التالي
جيل
( هبهب مضيّع المذهب)
ويقول لي بيت شعر كرهته من كثر ماينقال لي
النوم ساس اللوم بان الردى به = واللي يبا الطولات نومه شلافيح
ويناظر لي نظرة سخرية ويدخل لمكتب المدير
<<<<< ارتفع ضغطه وقتها
قلت يارب يطول عشان يمديني ارد عليه بكم بيت واضبط كم بيت وبعد نص ساعة رجع
قال انت لهالحين موقف لحووول قلت أيه موقف
أجل تقول لي نومه شلافيح هاه؟قال ايه قلت اسمع أجل:11bomb:
مثلي ليا من قال أسمع جوابه = دبل تسبدي دبل لا ياملا الريح
يالعايب اللي مادرى عن عيابه = مقبل عليّ وريحتك كلها شيح
ماتدري اني مدرسة بالذرابة = واني من رجالاً كرام وطحاطيح
طالب ليا جا الجد كلي نجابة = والا انت من هرجك عرفناك يالميح
من كبر كرشك رابطن لك عصابة = لو تنفقع طاحن ثلاثة مفاطيح
عاد طاح وجهه وطلع وهو يقول يهب ياوجهه
يهب
يهب
يهب
:biggrin:
==================================
بالجامعة السوالف واجد بس بختصر شوي
كان عندنا كورس انقليزي بمركز خدمة المجتمع والتعليم المستمر قبل يتغير اسمه
وكان هناك اربع كليات
والقاعة الوحدة تلقى فيها مالايقل عن 180 طالب المهم مرة من المرات جيت متأخر
والقاعة تشبه المسرح متدرجة للأعى وبآخر شي سطح مستوي يعني اللي هناك فوق مايشوف السبورة
يجيبون درابيل ومجاهر عشان يشوفونها ههههههه
المهم كان الدكتور نتفة وقصير مايستخدم الا الربع السفلي من السبورة
ومانشوف الا راسه شاف الوضع مايساعد والطلاب كثير قال ياشباب شوفوا لنا حل
عددكم كثير واللي فوق مايشوفون السبورة المهم ان الطلاببدوا يقترحون
اللي قال نقسم الشعبة واللي مدري وش قال واللي يتفلفس
رفعت يدي وانا كنت من ضمن اللي بالأخير قال وش اقتراحك عاد الصباح والقاعة هدووووووووء
قلت بسيطة فيه حل سهل قال وشو
قلت (((((نرفع السبورة وبكذا كلنا نقدر نشوف !!!!!!!!!!!!!!!!!!!!!!!!!!!!!))))
عاد يبي له هالمرة سلم عشان يرقا ويكتب على السبورة دكتورنا خخخ
والقاعة تضج بالضحك وعاد يستقعد لي ورسبت بسبة طول لساني :icon_conf
=============================
مرة كنت اتدرب باحد المستشفيات
واكثره اجانب
وادخل احد الاقسام وكان قبلي فلبيني داااخل
والوضع عادي
اول مادخلت والا وحدة تختبص بسرعة كنها شايفة جني
وتتغطى وتغطي وجهها
وكل ماشافتني تسوي كذا وماتحط عينها بعيني ابد وتتهرب عقب اللي صار
انا ارتفع ضغطي قلت هين
والله لارفع لك ضغطك مثل مارفعتي ضغطي
متى يجي آخر يوم بس لاسويت اخلاء طرف
طرت في بالي فكرة قلت هذي لو يردعها دين نصحتها لكن راح اسوي لها شي يصيبها في مقتل
مافيه الا شكلها اللي هو راس مالها<<<<<<<<<<<<<<<<<<<< ههههههههههههههه نذل
كتبت كم بيت وبالمقدمة قلت
الى البرنسيسة (حنان) لم يخطر في بالي أن تجود القريحة شعرا عندما رأيتك لأول وهلة
كم انتي جميلة
ساكتب لك بعض من ابيات الغزل في جمالك وكل فتاة تتمنى ذلك ان يكتبها أي شاعر شعرا
ويتغزل بحسنها
وقلت
أبو َفلََبَ يرسم صورك بمانيلا = من كثر ماشافك حفظ شكلك الشين
حرام حرم اني احسبْك غوريلا = ماهوب من زينك يومنك تغطّين
أول ماشفتك قلت خشة كوريلا = متجمعاً فيها ثلاثة زوالين
ماتاخذ الرجال ذمة وإلا = باللي تخالف بالفعل منهج الدين
عاد تحت رقمتها وكتبت اسمي <<<<<< هذي عاد نصبة لاتصدقون خخخخ
حطيت الورقة آخر يوم بدرج المكتب حقها وطلعت
بس تبون الصدق من جد ودي اعرف وش صار عليها عقب ماقرت الورقة ؟!!
حبيت أعطيها درس
وان الحجاب عبادة وليس عادة
ومتأكد انها ماراح تكررها ابد عقب هالابيات هههههههههههه
<<<<<< يقول الغاية تبرر الوسيلة
======================
سارق الأرهابيين
(مجيب) بنقالي منسم وداااج بقوووة
دايم هوشات انا وياه مرة اشتغلت القريحة وهو مقبل قلت بقول فيه كم بيت
قلت
يامجيب الحال ............؟ مامداني اكمل الا ويقول الدلخ .. الهمد لله
ذبحني الضحك قلت الله ياخذ وجهك ماسالتك وقلت كيف الحال كنت بقول
يامجيب الحال ماهو على بعضه ..........
ونسيت الباقي مااتذكره المهم ضيعني
مجيب سرق اكثر الشقق اللي بالمجمع يوم كان يشتغل عندهم
وهرب الا شقتنا ماهو حب فينا وربي مالقى شي يسرقه
ههههههههههههههههههههههههه هههههه
أو يمكن لأني ماخذ حسابي ومصور جوازه وماخذ له صورة
طبعا المجمع هو اللي صار فيه المداهمة بالمصيف وتدمر بالكامل وحنا ياغافلين لكم الله نشوف هالمنشورات
على الجدارن ووعظ وارشاد والجهاد والغريب اننا ماعمرنا شفناهم ابد بس من حسن الحظ اننا غيرنا الشقة قبل
الاحداث بشهر جيراننا السابقين المساكين تجمعت عليهم المصايب سرقهم مجيب وصار لهم اللي صار من ترهيب
وهذي صورة مجيب اللي يتعرف عليه ويدري وينه يعلمني بس
http://www.geocities.com/thepoetryy/mogeb.jpg
==============================
مرة قلت بكشخ وبشري لي نعول غالية ( أعزكم الله) واتكشخ ويشوفها واحد من زملائي بالكلية عيونه حارة
قال هلا والله وش هالنعول الزينات ماامداني توي شاريهم
وينسرقون بالمسجد وارجع للبيت حافي وربي طيحة وجه عاد تخبرون رجولي ناعمة مثل القطن وش نسوي
الرفاهية وماتسوي
وتجرحت من الارض تراها ماتشبه خف البعير ابد من تحت
الموهيم شريت لي حذاء صيني قلت هذا حدي
وين انا طامر بس ورب الكعبة ثاني يوم وينسرقون وارجع للبيت حافي نفس مشكلتي الأولى إلا فيه
حذا لواحد من اخواني عايفهم وشاري بدالهم حذاء والبسهم واسبوع وينسرقون بس هالمرة اللي سرقهم
كريم ومبدلهم وحاط حذا اردى منهم
ولساني حالي يقول
إن يحسدوني على نعولي فوا أسفي = حتى على نعالي لا أخلو من الحسدِ ..!
المهم شريت لي حذا وكنت بخربها واشتري زنوبة (اعزكم الله واطقم فيها مع الثوب والشماغ خربت معي
المهم انهم في الاخير طولوا معي وانا صار فيني ( نعال فوبيا) كل ماطلعت من المسجد حاط يدي على قلبي ومختبص
ومرة بصلاة الجمعة الظهر طلعت وادور حذاي ماالقاهم والقى نعول تشبههم دورت يمين يسار قلت اكيد هالغبي
غلطان والبسهم وانا اقول والله انه غبي وحمار ودااااج وربي حذاه أحسن واطلع وحنا
راجعين للبيت إلا ويدق أخوي سلمان قال تعالوا خذوني
واحد حمار حيوااان سارق حذياني ضحكت قلت اجل انتقلت لك العدوى الله يلعنهم ياشيخ ودي امسك هاللي سرق
حذيانك هذا واتوطي في بطنه وحنا راجعين للمسجد ونوقف قدام الباب عشان يركب عورني قلبي قلت ياولد لايكون بس
وافتح باب السيارة قلت سلمان تعرف النعول هذي قال هذي
نعولي انا بغيت ابكي من طيحة الوجة طلعت انا حرامي نعول بالأخير
نزلنا وقلنا ندور والقى نعولي محذوفات ورى الباب والبسهم اثر فيه تشابه لدرجة
ان ابو الشباب مطقم بنعلة لي ونعلة له بيوم من الايام ورايح للكلية قلت اشوا انها صارت بأخوي ولا صارت بمسلم جاي يصلي
واخذت درس ماانساه بحياتي
ايه صح نسيت بعد يومين شفت نعولي الغاليات بمسجد جنبنا قلت بطلع بدري
بشوف اذا هو هندي والا مراهق ياويله ويلحقوني الشباب وش عندك قلت ابد بشوف راعي هالحذا اذا هيئته هيئة حرامي
عز الله راااح فيها
ويطلع ذااااك الدب طوول وعرررض قلت لا مشينا شباب ابد هذا باين من شكله انه ماهو حرامي وانه رجال محترم بقووووة
<<<<<<<<<ماودي اتصفق واتهزأ قدام العالم ابلع العافية احسن لي والركادة زينة واللقافة ماتصلح بتاتا البتة بتاتات
=============
آسف على الأطالة لكن أنا من رمضان لرمضان بكتب ( حوليات)
<<<<<<<<<<< لاتخلينا عاد خخخخخخخ
كل عام وأنتم بخير
والوعد برمضان الجاي ان شاء الله
<<<<<< الله المستعان
وداعاً قسم الغربلة:11ap:
============
استعجلت احط الجزء الثاني والغي باقي الاجزاء
لاني احتمال اغيب فترة اعذروني على الاطالة والوعد رمضان القادم بالصرقعة
اذا كنا من الحيين بعد العيد برجع للنبطي
<<<< هاجده شياطينه
<<<< الحمد لله والشكر بس
طلع خبالي برمضان لكن استروا ماواجهتوا
من عاشر قوما كلها سبايب خويي ابو قمل المصرقع
خرّرررّررّرب ابو جد البرستيج حقي
<<< ادعسني ياشيخ
==================
طبعا قبل شوي خبصت بوسط ماء مستنقع على الطريق قدام باب المسجد
حاطين بلك بوسط الماء ويمشون عليه الناس وربي تذكرت برنامج الحصن حق اليابانيين
واجيك انا وخشتي وادحدر بوسط الماء واتخبص ويضحكون علي اللي حولي
بس ماكانت قوية ويقالي بكحلها عميتها قلت لا بسيطة
واطلع رجلي من وسط الماء وامشي واطيح من الجهة الثانية برجلي الثانية قفلت معي من جد
وقلت خاربة خاربة وامشي بوسط الماء والعالم تضحك بس اشوا اني كنت رايح للبيت
قلت عاد من القهر بكتب موضوع افرغ شوي :زعلان:
====================================
هذا سلمكم الله قبل كم يوم في بداية رمضان
كنت متكي انا ومحمد ضاوي ومعنا شباب من خارج المنتدى تقريبا الساعة 1 آخر الليل
والا يدق جوالي:icon_frow
أبو خالد يتصل بك
ياربي وش عند ابوي يدق بهالوقت المهم طرا في بالي
أقهر محمد ضاوي والشباب واسوي ثقل واني امون على ابوي بقووة
دام اكثر الشباب لادق ابوه وهو مع الشلة يطلع من الخرعة اليكم تفاصيل المكالمة
أبو خالد :- السلام عليكم
أنا :- وعليكم السلام هلا بابا وينك بابي من زمان عنك والله من الصبح ماكلمتني
<<<<<< بيسوي دلوع ابوه وولد نعمة ويقهر الشباب
أبو خالد :- ياشين السرج على السرج بس.. تستهبل يا ابو الشباب شارب شي ياولد؟
أنا :- شارب حبك وغلاك بابي
أبو خالد :- أقول لايكثر و لاتنسى بكرة بوصيك تمر على المسؤول
فلان اللي بالوزارة الفلانية مرّ عليه ..بكرة زين.. وشف وش صار؟
أنا :- لا بابا ماابي فلوس ابيك دايم تكلمني
أبو خالد :- أنت ماتفهم؟ ليتك عندي بس
أنا :- لا مااحبها .. لامبرغيني صحيح سيارة فخمة بس ماتصلح؟
أبو خالد :- لاتنسى لاتصير مثل دايم ماعليك تكلة لو نزوجك ضيعت حرمتك والا نسيتها ودرعمت
أنا :- أمري لله ولايهمك بابا برضى بكل الهدايا أهم شي رضاك
أبو خالد :- سكر السماعة بوجهي
أنا :- يابعد عمري يا بابا يااحلى بابي سلامتك ورضاك مغرقني بحنانك ودلالك الزايد لي سي يو ليييتر باي
(((( الشباب انقهروا ويقولون لنا الله بس)
رحت للشقة متأخر ونمت بعد الفجر صحيت الساعة تسعة
بروح للوزارة مثل ماوصاني أبوي طبعا من زمان مالبست ثوب وشماغ
والدوائر الحكومية لازم لبس رسمي فتحت الدولاب ( فاتح خلقه مكسور اصلا)
الثوب الأول طلع نظيف لحووووول
الثوب الثاني أنظف من اللي قبله
والثالث أنظف منهم كلهم
الرابع مضرب مثل بالنظافة
الشماغ بوسط القش متعفطه شكل الشباب حاطينها بيز للشاهي والقهوة وانا مدري
لحووول قلت ماهي مشكلة يمديني على الغسيل المستعجل ندق على ( كبير) حق المغسلة
مايرد أدق على (محبوب) مغسلة ثانية
والا قايم من النوم يامحبوب الحقني قال اسمح لي وانا اخوك
برمضان مانفتح إلا بعد الظهر وكل المغاسل مايفتحون الا بعد الظهر
ياربي وش اسوي اشقق هدومي
أروح بفانيلة وسروال سنة أرحم وأطق الشماغ والعقال
والا اخربها والبس واحد منهم بس مايدخلونني يحسبوني اشحد
لا لقيتها بشوف ثياب الشباب لبست ثوب واصير كني عمود بوسط خيمة
وعرفت انه ثوب الدب صويلح
لا ماينفع
الثوب الثاني لصق براسي عرفت انه ثوب المعصقل عبودي
الثوب الثالث يسحب علي كني لابس فستان فرح طلع ثوب الطويل الهبيلة الدحمي
الثوب الرابع لبسته طلعت كني لابس تنورة قصيرة عرفت انه ثوب المدربس لؤي <<< خاش عرض هذا
لحووول وش الدبرة
قلت مابدهاش بطلع افر المغاسل وماخليت شارع مافريته ونسيت انه فيه مغسلة بالجهة الثانية من الشقة
يوم جيته ويأذن الظهر والا قاعد يسكر والحق عليه ويعيي قلت من متى فاتح قال من الساعة 8 لاااااااااااااااااا
المهم ماعاد يمديني وين انا ووين الوزارات وبعد الظهر وزحمة
اللي صار رحت وخمدت بفراشي عاد علمت ابوي بعدين
والحمدلله ان الكفوف لاتفسد للود قضية وتفّهم الظروف اللي مريت فيها
واحتوى وجهة نظري بكل هدوء خخخخخخخخ
============================================
مرة من المرات أيام المتوسط برشمت براشيم وااجد بالانقليزي واللي اخلص منها ابلعها
حاولت احدرها وتروح وافتك ويصير مافيه دليل مافيه امل
المصيبة كاتبها بقلم ازرق سايل يوم حطيت يدي على فمي والا الحبر يتقاطر خخخخخخخخخ
ياربي وش اسوي الاختبار نهائي وفيها رسوب السالفة قلت الحين اذا ناديت المدرس شلون اتكلم بعد
مشكلة والله فمي مليان ورق ولساني صار أزرق مر من عندي مدرس هاه كيف الاسئلة وانا
مكتم هزيت راسي وابتسمت وانا مسكر فمي واسوي حركة باصبعي يعني تمام
خفت يحشرني وانكفش قالت ياولد حتى ان طلعت لازم اوقع واكيد بيسألني المدرس وش الدبرة
أشرت له من بعيد على فمي وفهم اني ابي ماء وانه ناشف ريقي ماعاد بي حيل اشرب جابوا لي ماء واحدرهم بالماء
وارتااااااااااااااااااااا اح واسلم الورقة قابلت الشباب برا يالله مشينا نفطر قلت انا اسمحوا لي قالوا ليييييييييه
قلت ابد والله افطرت سندوتش ورق بالحبر والشطة والحمدلله شبعت
================================================== ===
بثانى ابتدائي كان عندنا مدرس علوم مصري خبيل وعلى نياته
معصقل وخشمه كبير يشبه ياسين اللي بغوار الطوشة
عاد يتكلم ببطء ويمشي شوي شوي بالحركة البطيئة
عنده عادة قبيحة مايحك أذنه باصبعه وربي انه يحك أذنه بمفتاح السيارة
وربي أن أذني تعورني
وانا عاد ملقوف قلت لاسواها بسوي فيه حركة عشان مايغثني كل شوي
مرة من المرات وقف وقعد يحك أذنه بالمفتاح جيت من ورى وأدفه أدفه أدفه
هو ألتفت قال بتعمل أيه قلت أبد شكل البطارية مخلصة وقلت أنتعك أدفك عشان تشتغل
اللي صار انه زعل ووداني المدير وقال اضرب أليل الأدب دا
ورجع للفصل
عاد من اول ماعندهم بالمدراس الا الضرب اذا مر يوم ماانجلدت تعورني يدي
المهم المدير قال لي وش انت مسوي وكان معصب والغرفة كلها مدرسين
قلت ابد والله يحك أذنه بالمفتاح وموقف قلت أنتعه ودفيته عشان يشتغل
المدرسين تسدحوا ضحك المدير بيمسك نفسه ويسوي ثقل ومعصب عشان يجدلني قاوم قاوم
آآآآآآآآآآآخر شي انفجر ضحك
قال روح ياشيخ والله مااجلدك بس لاسألك قل ضربني
وارجع للمصري وانا امسك يدي على اساس تعورني وطول الحصة اتلوى واحط يدي برجول الماصة الباردة
عاد كسرت خاطره بالأخير
====================================
بالمتوسطة كان مدرس الرياضيات مصري يطلب دفتر الواجب
ومن بداية السنة كل ماطلب الدفتر قلت ماجبته ويعصب علي
عاد اقول له بيت شعر لبندر بن سرور
يارب صبرني على الارض لا اطير = لين اضبط البرّاد وآكل علاجي
وطول السنة كل ماسالني قلت له البيت
آخر السنة سألني عشان الرصد النهائي للدرجات
قلت ماجبته قال
يارب صبرني على الأزر لا اطير======== لين ازبط البرّاد وآكل علاقي
فما كان مني إلا أن انسدحت ضحكاً ووعدته أن أجيب الدفتر في الصباح الباتسر من بكرة
باختبار الشهر جبت فل مارك ونشب لي انتا واد صايع ازاي قبت الدرقة ديت
عاد احلف له وربي انا دافور بس بمواصفات داااج وش فيك بس ماانت مصدق
=============================
مرة من المرات جيت مـتأخر أيام ثاني ثانوي ووقفني المدير قدام باب الادارة
شوي ويجي رجال متوسط بالعمر غثيث من قلب
وحشري قال وش انت مسوي يومهم مجازينك والله انك مسوي لك بلا والا مصيبة
باين على وجهك
قلت ابد متأخر
قال ايه من السهر والنوم انتم ياهالجيل التالي
جيل
( هبهب مضيّع المذهب)
ويقول لي بيت شعر كرهته من كثر ماينقال لي
النوم ساس اللوم بان الردى به = واللي يبا الطولات نومه شلافيح
ويناظر لي نظرة سخرية ويدخل لمكتب المدير
<<<<< ارتفع ضغطه وقتها
قلت يارب يطول عشان يمديني ارد عليه بكم بيت واضبط كم بيت وبعد نص ساعة رجع
قال انت لهالحين موقف لحووول قلت أيه موقف
أجل تقول لي نومه شلافيح هاه؟قال ايه قلت اسمع أجل:11bomb:
مثلي ليا من قال أسمع جوابه = دبل تسبدي دبل لا ياملا الريح
يالعايب اللي مادرى عن عيابه = مقبل عليّ وريحتك كلها شيح
ماتدري اني مدرسة بالذرابة = واني من رجالاً كرام وطحاطيح
طالب ليا جا الجد كلي نجابة = والا انت من هرجك عرفناك يالميح
من كبر كرشك رابطن لك عصابة = لو تنفقع طاحن ثلاثة مفاطيح
عاد طاح وجهه وطلع وهو يقول يهب ياوجهه
يهب
يهب
يهب
:biggrin:
==================================
بالجامعة السوالف واجد بس بختصر شوي
كان عندنا كورس انقليزي بمركز خدمة المجتمع والتعليم المستمر قبل يتغير اسمه
وكان هناك اربع كليات
والقاعة الوحدة تلقى فيها مالايقل عن 180 طالب المهم مرة من المرات جيت متأخر
والقاعة تشبه المسرح متدرجة للأعى وبآخر شي سطح مستوي يعني اللي هناك فوق مايشوف السبورة
يجيبون درابيل ومجاهر عشان يشوفونها ههههههه
المهم كان الدكتور نتفة وقصير مايستخدم الا الربع السفلي من السبورة
ومانشوف الا راسه شاف الوضع مايساعد والطلاب كثير قال ياشباب شوفوا لنا حل
عددكم كثير واللي فوق مايشوفون السبورة المهم ان الطلاببدوا يقترحون
اللي قال نقسم الشعبة واللي مدري وش قال واللي يتفلفس
رفعت يدي وانا كنت من ضمن اللي بالأخير قال وش اقتراحك عاد الصباح والقاعة هدووووووووء
قلت بسيطة فيه حل سهل قال وشو
قلت (((((نرفع السبورة وبكذا كلنا نقدر نشوف !!!!!!!!!!!!!!!!!!!!!!!!!!!!!))))
عاد يبي له هالمرة سلم عشان يرقا ويكتب على السبورة دكتورنا خخخ
والقاعة تضج بالضحك وعاد يستقعد لي ورسبت بسبة طول لساني :icon_conf
=============================
مرة كنت اتدرب باحد المستشفيات
واكثره اجانب
وادخل احد الاقسام وكان قبلي فلبيني داااخل
والوضع عادي
اول مادخلت والا وحدة تختبص بسرعة كنها شايفة جني
وتتغطى وتغطي وجهها
وكل ماشافتني تسوي كذا وماتحط عينها بعيني ابد وتتهرب عقب اللي صار
انا ارتفع ضغطي قلت هين
والله لارفع لك ضغطك مثل مارفعتي ضغطي
متى يجي آخر يوم بس لاسويت اخلاء طرف
طرت في بالي فكرة قلت هذي لو يردعها دين نصحتها لكن راح اسوي لها شي يصيبها في مقتل
مافيه الا شكلها اللي هو راس مالها<<<<<<<<<<<<<<<<<<<< ههههههههههههههه نذل
كتبت كم بيت وبالمقدمة قلت
الى البرنسيسة (حنان) لم يخطر في بالي أن تجود القريحة شعرا عندما رأيتك لأول وهلة
كم انتي جميلة
ساكتب لك بعض من ابيات الغزل في جمالك وكل فتاة تتمنى ذلك ان يكتبها أي شاعر شعرا
ويتغزل بحسنها
وقلت
أبو َفلََبَ يرسم صورك بمانيلا = من كثر ماشافك حفظ شكلك الشين
حرام حرم اني احسبْك غوريلا = ماهوب من زينك يومنك تغطّين
أول ماشفتك قلت خشة كوريلا = متجمعاً فيها ثلاثة زوالين
ماتاخذ الرجال ذمة وإلا = باللي تخالف بالفعل منهج الدين
عاد تحت رقمتها وكتبت اسمي <<<<<< هذي عاد نصبة لاتصدقون خخخخ
حطيت الورقة آخر يوم بدرج المكتب حقها وطلعت
بس تبون الصدق من جد ودي اعرف وش صار عليها عقب ماقرت الورقة ؟!!
حبيت أعطيها درس
وان الحجاب عبادة وليس عادة
ومتأكد انها ماراح تكررها ابد عقب هالابيات هههههههههههه
<<<<<< يقول الغاية تبرر الوسيلة
======================
سارق الأرهابيين
(مجيب) بنقالي منسم وداااج بقوووة
دايم هوشات انا وياه مرة اشتغلت القريحة وهو مقبل قلت بقول فيه كم بيت
قلت
يامجيب الحال ............؟ مامداني اكمل الا ويقول الدلخ .. الهمد لله
ذبحني الضحك قلت الله ياخذ وجهك ماسالتك وقلت كيف الحال كنت بقول
يامجيب الحال ماهو على بعضه ..........
ونسيت الباقي مااتذكره المهم ضيعني
مجيب سرق اكثر الشقق اللي بالمجمع يوم كان يشتغل عندهم
وهرب الا شقتنا ماهو حب فينا وربي مالقى شي يسرقه
ههههههههههههههههههههههههه هههههه
أو يمكن لأني ماخذ حسابي ومصور جوازه وماخذ له صورة
طبعا المجمع هو اللي صار فيه المداهمة بالمصيف وتدمر بالكامل وحنا ياغافلين لكم الله نشوف هالمنشورات
على الجدارن ووعظ وارشاد والجهاد والغريب اننا ماعمرنا شفناهم ابد بس من حسن الحظ اننا غيرنا الشقة قبل
الاحداث بشهر جيراننا السابقين المساكين تجمعت عليهم المصايب سرقهم مجيب وصار لهم اللي صار من ترهيب
وهذي صورة مجيب اللي يتعرف عليه ويدري وينه يعلمني بس
http://www.geocities.com/thepoetryy/mogeb.jpg
==============================
مرة قلت بكشخ وبشري لي نعول غالية ( أعزكم الله) واتكشخ ويشوفها واحد من زملائي بالكلية عيونه حارة
قال هلا والله وش هالنعول الزينات ماامداني توي شاريهم
وينسرقون بالمسجد وارجع للبيت حافي وربي طيحة وجه عاد تخبرون رجولي ناعمة مثل القطن وش نسوي
الرفاهية وماتسوي
وتجرحت من الارض تراها ماتشبه خف البعير ابد من تحت
الموهيم شريت لي حذاء صيني قلت هذا حدي
وين انا طامر بس ورب الكعبة ثاني يوم وينسرقون وارجع للبيت حافي نفس مشكلتي الأولى إلا فيه
حذا لواحد من اخواني عايفهم وشاري بدالهم حذاء والبسهم واسبوع وينسرقون بس هالمرة اللي سرقهم
كريم ومبدلهم وحاط حذا اردى منهم
ولساني حالي يقول
إن يحسدوني على نعولي فوا أسفي = حتى على نعالي لا أخلو من الحسدِ ..!
المهم شريت لي حذا وكنت بخربها واشتري زنوبة (اعزكم الله واطقم فيها مع الثوب والشماغ خربت معي
المهم انهم في الاخير طولوا معي وانا صار فيني ( نعال فوبيا) كل ماطلعت من المسجد حاط يدي على قلبي ومختبص
ومرة بصلاة الجمعة الظهر طلعت وادور حذاي ماالقاهم والقى نعول تشبههم دورت يمين يسار قلت اكيد هالغبي
غلطان والبسهم وانا اقول والله انه غبي وحمار ودااااج وربي حذاه أحسن واطلع وحنا
راجعين للبيت إلا ويدق أخوي سلمان قال تعالوا خذوني
واحد حمار حيوااان سارق حذياني ضحكت قلت اجل انتقلت لك العدوى الله يلعنهم ياشيخ ودي امسك هاللي سرق
حذيانك هذا واتوطي في بطنه وحنا راجعين للمسجد ونوقف قدام الباب عشان يركب عورني قلبي قلت ياولد لايكون بس
وافتح باب السيارة قلت سلمان تعرف النعول هذي قال هذي
نعولي انا بغيت ابكي من طيحة الوجة طلعت انا حرامي نعول بالأخير
نزلنا وقلنا ندور والقى نعولي محذوفات ورى الباب والبسهم اثر فيه تشابه لدرجة
ان ابو الشباب مطقم بنعلة لي ونعلة له بيوم من الايام ورايح للكلية قلت اشوا انها صارت بأخوي ولا صارت بمسلم جاي يصلي
واخذت درس ماانساه بحياتي
ايه صح نسيت بعد يومين شفت نعولي الغاليات بمسجد جنبنا قلت بطلع بدري
بشوف اذا هو هندي والا مراهق ياويله ويلحقوني الشباب وش عندك قلت ابد بشوف راعي هالحذا اذا هيئته هيئة حرامي
عز الله راااح فيها
ويطلع ذااااك الدب طوول وعرررض قلت لا مشينا شباب ابد هذا باين من شكله انه ماهو حرامي وانه رجال محترم بقووووة
<<<<<<<<<ماودي اتصفق واتهزأ قدام العالم ابلع العافية احسن لي والركادة زينة واللقافة ماتصلح بتاتا البتة بتاتات
=============
آسف على الأطالة لكن أنا من رمضان لرمضان بكتب ( حوليات)
<<<<<<<<<<< لاتخلينا عاد خخخخخخخ
كل عام وأنتم بخير
والوعد برمضان الجاي ان شاء الله
<<<<<< الله المستعان
وداعاً قسم الغربلة:11ap:
============