صالح الازوري
06-10-2006, 01:50 AM
يداري عبرته واعزتي له=ويبكي من قهر صبحه وليله
وينثر دمع عينه فوق خده=ويومي كل ما تطري شليله
حياته صاره فيها وفيها=وحاله صايره عدله وميله
يشوف إنه كبير الهم همه=يحس انه ثقيل الشيل شيله
تولع بالهوى وازداد همه=وهام بحبها وانهد حيله
ليا منه تذكرها وغنى=يهز النجم راع الذيل ذيله
غنوج(ن) لو اوصفها بشعري=وابعطي كل شي ما يستويله
لخليها معاني في معاني=وقلب المهتوي لأشفي غليله
فلا جا قيس واعطاها لخله=ولا امرالقيس معطيها لخيله
عليها الله وامان الله ومني=سلام الله عدد وبل المخيله
عدد ما هب من غربي هواها=وجا براقها يشعل شعيله
ثقيله جوفها الرعاد يدوي=كما اللي ثوروها بالفتيله
ويصبح وبلها ف اديار خلي=ويعطي نجد لين يسيل سيله
ليا قالو تحبه قلت احبه=اقول اهواه ورقبتي طويله
الا يا من لها ف القلب عندي=مكانة شيخ ف اعيون القبيله
ولا يا من لها ف العين عندي=مكانة عود شاف ابنه حصيله
انا والله كتبتك في قصيده=جميله مثل ما كنتي جميله
ليا قلبي لقاك انتي مناته=ولن ما حصلك ربي وكيله
وينثر دمع عينه فوق خده=ويومي كل ما تطري شليله
حياته صاره فيها وفيها=وحاله صايره عدله وميله
يشوف إنه كبير الهم همه=يحس انه ثقيل الشيل شيله
تولع بالهوى وازداد همه=وهام بحبها وانهد حيله
ليا منه تذكرها وغنى=يهز النجم راع الذيل ذيله
غنوج(ن) لو اوصفها بشعري=وابعطي كل شي ما يستويله
لخليها معاني في معاني=وقلب المهتوي لأشفي غليله
فلا جا قيس واعطاها لخله=ولا امرالقيس معطيها لخيله
عليها الله وامان الله ومني=سلام الله عدد وبل المخيله
عدد ما هب من غربي هواها=وجا براقها يشعل شعيله
ثقيله جوفها الرعاد يدوي=كما اللي ثوروها بالفتيله
ويصبح وبلها ف اديار خلي=ويعطي نجد لين يسيل سيله
ليا قالو تحبه قلت احبه=اقول اهواه ورقبتي طويله
الا يا من لها ف القلب عندي=مكانة شيخ ف اعيون القبيله
ولا يا من لها ف العين عندي=مكانة عود شاف ابنه حصيله
انا والله كتبتك في قصيده=جميله مثل ما كنتي جميله
ليا قلبي لقاك انتي مناته=ولن ما حصلك ربي وكيله