تسجيل الدخول

مشاهدة النسخة كاملة : موسوعة لقافة ( الجزء الأول ..اللقيمات.. وبسكوت الريكو )


فايز ماجد
05-10-2006, 07:07 AM
من وين ابدا ياربي

من وين ابدا ياربي

اممممممممم
<<<<<<<<< اخلص
مدري
أحس اني مثل البزر اللي اول يوم يروح للمدرسة
ومايدري وش الطبخة رايح مع اخوه ووداااه الصف وطلع وريوس
لين صدم بالسبورة من الخرعة وقعد يصيح
:زعلان:
وطاحت صورته حقت بسكوت الريكو اللي عطوه المدرسين وسرقوها البزران
<<<<< قديم ياابو ريكو
على طاري بسكوت الريكو أذكر أيام اولى ابتدائي كانوا يعطونننا بسكوت ريكو
ونضرب فيها
وكل واحد كاشخ بالصورة اللي تجي مع البسكوت المهم فيه طالب اكبر منا راسب الأخ
مر على كل الطلاب ياخذ صور الريكو يوم جا عندي عييت أعطيه الصورة
< <<<<< عنيد :11umbup:
وياخذها بالغصب واروح على طول لاخوي بصف ثالث ابتداي اعلمه بالسالفة
عاد وييييييييين كبارين مرررة صف ثالث
<<<<<<<<<<< أخوه مهجد المدرسة كلها
المهم المسكين حرامي الصور كان قاعد قدام عند الباب ويدخل اخوي وعلى الطاير يعطيه كف
يمشي مليووون وقال عطه صورة البسكوت حقه ويطلع
ابو الشباب عطاني صور الشباب كلهااااا من الخرعة
وبعدها محد يتعرضني يقولون اخوه قووووي:11owoff:
عاد بعدها صرت مهجدهم بالفصل


===============

موقف ثاني
مرة كنت مسافر للشرقية انا ومحمد بن ضاوي ومعنا شلة
وعاد تخبرون لازم قطة ومن هالسوالف
نزلت عند محطة فيها عاااااااااااااااااااااااا ااااااالم وناس كثير مسافرين
وابو ضاوي متكي بالسيارة وخاااش جو قبل أدخل البقالة
أسمعه ينادي

فاااااااااااااااااااااااا ااااااااااااااايز

فاااااااااااااااااااااااا ااااااااااااااااايز

فاااااااااااااااااااااااا ااااااااااااااااااااااااا اااااااااااااايز
انا انهبلت والتفت بسررررررررررررعة والعالم كلهم وقفوا يترقبون وش فيه الرجال لايكون صاير به شي
قال لي بصوت عالي والعالم كلها تسمع
((((((( ترا اللي انت بتشتري من البقالة ماهو محسوب من القطة ياويلك لو تسرقنا))))))
أنا >>>>>>>>>>>>:هاها: مع طيحة وجه والعالم تناظر وتضحك
يوم جيت عند المحاسب بحاسب كل اللي بالبقالة يراقبوني
بيشوفون انا اطلع الحساب من المحفظة (أمين ) والا من المخباة على طول (حرامي)
حتى أن واحد قال لي لاتزعل خويك وتدفع من القطة وتتهاوشون بالطريق
طعوس متجمعة لاتقاضبتوا الشوش اللي طايرة وربي ونشات وجيوش ماتفككم من بعض


====================================



بقول لكم موقف ثالث
مرة مسكت معي غلط انا وواحد من اخواااني عزابية وقنا نسوي فطور برمضان قبل ثلاث سنوات
راح ابو الشباب يشترى عجينة
وخميرة عاد هو اذبحه عند اللقيمات
لا قعدنا نفطر يدربي الوحدة تدربي عبر القصبة الهوااائية عشان يمديه ياكل اكبر قدر ممكن من اللقيمات
وحنا قاعدين نعلج باول وحدة وهو تسد قضى على الصحن بما فيه
المهم
انه بعد ماجاب العجينة والخميرة قعدنا نعجنة قلنا هالمرة مانبيها مثل اللي قبل
بدون خميرة يجي شكلها كنه قوطي صلصلة واطيته تريلة محملة شعير عليها عشر افغانية
رايحة من ينبع لراس ابو قميص <<<< يسمعها من حسن كراني بس مايدري وين
المهم هالمرةكثرنا الخميرة
عشان تنتفخ صححححححححححح ويالله زييييييييييييييد ونزييييييييييييييد
ونخمرها ونجي بعد وقت الا والعجينة منتفخة هلا والله
عز الطلب عز الله ضبطت ونبدا نحمي الزيت ونقلي
وحذف بهالزيت انواع الحركات البهلوانية في رمي العجينة عاد من فوق كنه
مسبح والعجينة اللي يطمرون من فوق (مشوها مدري وش اسمها)
وجت مثل مانبي المهم أذن المغرب
وحنا مستعجلين نبي نشوف وش طلع معنا وميتين جوع
ومتحمسين تاريخية الطبخة
وكل واحد يبي يلحق وياخذ وحدة والا تطلع اللقيمات كفر سيارة وربي لساتك مو لقيمات
كثرنا الخميرة بقوووووة وخربت نحاول نبلعها ماتنبلع كبيرة بحجم الكورة
ناكلها مافيه فايدة قلنا فيه حل
كل وحدة نمسكها مع جهة ونحاول نشد بقوووة انت من جهة وانا من جهة
عشان تنقطع ويسهل علينا ناكلها وبرضو مافيه فايدة
حتى السكين تشتكي قلنا ياولد
مافيه أمل حرام نرميهم
بعد كثيرات وربي
<<<<<<<<<<<<<< على بالهم بيضربون فيها حاطين كيس الطحين كله
المهم قلنا ناخذ لقيماتنا معنا لاستراحة الشباب بالثمامة بعد صلاة التراويح
حاطين شبك فيه كم نعجة شارينهم عشان برمضان نفترسهم
نبي ندلعهم اليوم بدال الشعير لقيمات
فلة وربي ونعجات هاي كلاص وستايل بقوووة
ونقدم لهم اللقيمات وينقضّون بشراهة على الصحن ثلاثتهم
ويبدون يعلجون وصار معهم نفس اللي صار معنا
ويناظرون لنا نظرة استحقار كن الوحدة تقول ياربي لك الحمد والشكر انت واخوك
مسوي فيها الشيف رمزي انت وخشتك ياابو الشباب واخوك مساعد الطباخ مع مرتبة الشرف
انتم شيف خلقه (شيوون) لكن طبخ والله انكم من جنبها وبعدين ليه انتم قعاطا
جيبوا لنا شي من كنتاكي والا هارديز الا تجيبون من خبصكم اللي انتم عايفين يعني
عاد بعدها وربي مالي وجة أمر من عند الشبك اللي هم فيه
طايح وجهي منهم بقوووة ماتجملنا مع الغنم وشرهن علينا بقووووة
ياعيبااااااااااااه بس

<<<<<< لاتشرهون أول مرة يطب القسم يمكن الموضوع

مكسور والا القافية ماهي مضبوطة

اعذروني

:biggrin:
النجلاء
05-10-2006, 08:30 AM
ههههههههههههههههههههههههه ه فايز ريكو


اول شي حياك بالغربله ,,,


وثاني شيء اخوك القوي هذا هو اللي فاهم الدنيا صح وعلى قولة الثل ان لم تكن ذئباً اكلتك النعاج ههههههههههههههههههههههههه



ويبدون يعلجون

وصار معهم نفس اللي صار معنا

ويناظرون لنا نظرة استحقار


وتلومهم بالله ههههههههههههههههههههههههه ههههههههههههههه

الحين يقال لكم بارينهم بالكور هذي ههههههههههههههههههههههههه هههههههههه



لاتشرهون أول مرة يطب القسم يمكن الموضوع

مكسور والا القافية ماهي مضبوطة

ولامكسور ولاهم يكسرون الا وش زينه ههههههههههههههههههههههههه ه

المهم لاتغيب واجد وصغّر الخط وانا اختك انعمت عيوني وانا اقراه هههههههههههههه

يعطيك العافيه
سعود
05-10-2006, 08:54 AM
حيالله فااايز التووووش



نورت الغربله





ناكلها مافيه فايدة قلنا فيه حل
كل وحدة نمسكها مع جهة ونحاول نشد بقوووة انت من جهة وانا من جهة
عشان تنقطع ويسهل علينا ناكلها وبرضو مافيه فايدة


يأخي كان نقعتوها في خل


او في مويه بطاريه


يمكن تلين معكم



يعطيك الف عافيه على هيك مواقف



تحية عطرة
أمل عبدالعزيز
05-10-2006, 11:11 AM
هههههههههههههههه

حيالله فايز
بصراحة كلام ولا أحلى
ذكريات ولا أزين منهن

يافايز ريكو على قولة النجلا الله يرجها

ههههههههههههههههههههههههه هه

بس كلش كوم ولا بن ضاوي
راعي القطة

ولا هاللقيمات؟
ياخي سموها غير هالنك نيم!!
سموها كفرات
قنابل عنقودية
كرة ارضية
بس لقيمة حرام فيها هالإسم

ههههههههههههههههههههههههه ههههه

بعدين حسدتوا خويكم
قام ربي بلاكم
حتى غنمكن زعلت منكم

ههههههههههههههههههههههههه هه

بصراحة موضوع رايق
ويجنن

المهم

خيوكم لازال على قيد الحياة من عيونك ولا لقي حتفه؟
وكيف اللقيمات هالأيام معكم!!
محمد الروقي
05-10-2006, 11:46 AM
حلوه يبيلها قصيدة فيك


يا ابو قطه ههههههههههههههه
شحروره
05-10-2006, 02:02 PM
الله على اياااااااااااااااام الريكو :11ying: وصووور الريكو اللي كاانت تروووح بهاا روووس,.....

وترااا غنمكم بقوه هاااي كلاااص تبي من كنتاااكي ......
ولو بالمره حجزتولهااا رووم بالفيصليه ولا شيرتون مو اسنع لها ....


ثاااااااااااااااااااااااا ااانكس ع القصص المنيسه ,,,,
جواهر عبدالله
05-10-2006, 02:22 PM
أما ابن ضاوي هذا !!

كل يوم اكتشف فيه شي جديد

تسلم يا فايز على الروااااااااااااااااقة

،

،

ألاحظ أن سوق الغربلة ماشي برمضان !!

وش دعاياتكم اللي تستخدمون ؟ :artist:

،

،

أنا قررت أرفع دعوى ضد سعود .. أشوف كل الشعراء عنده بقسمه !!
المرهــف
05-10-2006, 02:32 PM
ههههههههههههههههههههههههه هه


كله كوم وخويك الفضيحه كوم ثاني


والا ليقماتكم الفلـــــه


سلمت ياغالي
فوووووشي
05-10-2006, 02:42 PM
لي عوده
فايز ماجد
06-10-2006, 12:54 AM
ههههههههههههههههههههههههه ه فايز ريكو


اول شي حياك بالغربله ,,,


وثاني شيء اخوك القوي هذا هو اللي فاهم الدنيا صح وعلى قولة الثل ان لم تكن ذئباً اكلتك النعاج ههههههههههههههههههههههههه





وتلومهم بالله ههههههههههههههههههههههههه ههههههههههههههه

الحين يقال لكم بارينهم بالكور هذي ههههههههههههههههههههههههه هههههههههه




ولامكسور ولاهم يكسرون الا وش زينه ههههههههههههههههههههههههه ه

المهم لاتغيب واجد وصغّر الخط وانا اختك انعمت عيوني وانا اقراه هههههههههههههه

يعطيك العافيه



ههههههههههههههههههههههههه هههههههههه

فايز ريكو


حركة والله


الله يبارك فيك ويعطيك العافية على الترحيب


والكلمات الجميلة


ولايهمك برمضان بنشب لكم هنا


حصريا خلال الشهر بس

بعدها لاتحاولون ابد

الا عاد بفلوس وواسطات يمكن اجي اكتب

<<<<<< اخص يالولد امداااااك عاااد لاتخلينا من خفة الدم


عموما حياك ربي

تحياتي لك
فايز ماجد
06-10-2006, 01:00 AM
حيالله فااايز التووووش



نورت الغربله







يأخي كان نقعتوها في خل


او في مويه بطاريه


يمكن تلين معكم



يعطيك الف عافيه على هيك مواقف



تحية عطرة


هههههههههههه فايز التوش

كلن يحشني من جهة

<<<<< تحسف انه دخل الصرقعة

منورة فيكم الغربلة

تصدق فاتت عليناخصوصا موية البطارية

حتى الطعم بيكون حلو وفيه لذعة <<< خخخخ من الاسيد

حياك ربي ويعطك العافية

تحياتي لك
فوووووشي
06-10-2006, 01:46 AM
هلا والله بشاعرنا فااايز ..

تو ما نورت الغربله...

دامك جيت لازم نصكك بشعر ...



فايز بن ماجد يا هلااا بولد التووووش
داخل الغربله وشعره واجد منكوووش

يا صبي القهوه وعلى طريقك ماكنتوش
ودقي ياربابه وانا بطربكم بشعر ملتوش

عامل لقيماات ومسوي علينا علووش
لقيماات يا ناس كله خميره مرشوووش

لوع كبود نعاجه اللي بالحووووش
قاموا يناظرونه ويقولون ما نبووش

حتى قطاوة الشوارع ما تكلووش
جايب لهم بسكوت ريكوو بدالووش

يراضيهم ..........................خبلووش.
.........................................مرمر� �ش

<<=== ما تعرف تكملووش..وتقووول لولولووش


عندها مصطلحات كثيره بس ما عرف اجيبهم في شعر ..





حياك الله وكل يوم تعال ... والله امتعتنا بمواقفك .. ايها الشاعر المربوش

ههههههههههههههههههههههههه هههههههههه

هههههههههههههههههههههه

أختك فش فاشه
فايز ماجد
06-10-2006, 03:14 AM
هههههههههههههههه

حيالله فايز
بصراحة كلام ولا أحلى
ذكريات ولا أزين منهن

يافايز ريكو على قولة النجلا الله يرجها

ههههههههههههههههههههههههه هه

بس كلش كوم ولا بن ضاوي
راعي القطة

ولا هاللقيمات؟
ياخي سموها غير هالنك نيم!!
سموها كفرات
قنابل عنقودية
كرة ارضية
بس لقيمة حرام فيها هالإسم

ههههههههههههههههههههههههه ههههه

بعدين حسدتوا خويكم
قام ربي بلاكم
حتى غنمكن زعلت منكم

ههههههههههههههههههههههههه هه

بصراحة موضوع رايق
ويجنن

المهم

خيوكم لازال على قيد الحياة من عيونك ولا لقي حتفه؟
وكيف اللقيمات هالأيام معكم!!





ههههههههههههههههههههههههه هههههههههههههههههههه


اما اللقيمات نك تيم

هههههههههههههههههههه

خوينا راااح فيها

وهذا ذنبنا عليه

يالله حي الرهيبة

امل عبدالعزيز

منورة الموضوع وربي

الف الف شكر

وابو ضاوي

خصمي اللدود

بكل مكان

مقالبنا في بعض ماتخلص

توك

حياك ربي

تحياتي لك
فايز ماجد
06-10-2006, 03:16 AM
حلوه يبيلها قصيدة فيك


يا ابو قطه ههههههههههههههه


لا ابو بسة

ههههههههههه


يالله حي ابن البادية

منور الموضوع يالغالي

الف شكر

على هيك طلة

لاعدمتك
فايز ماجد
06-10-2006, 03:20 AM
الله على اياااااااااااااااام الريكو :11ying: وصووور الريكو اللي كاانت تروووح بهاا روووس,.....

وترااا غنمكم بقوه هاااي كلاااص تبي من كنتاااكي ......
ولو بالمره حجزتولهااا رووم بالفيصليه ولا شيرتون مو اسنع لها ....


ثاااااااااااااااااااااااا ااانكس ع القصص المنيسه ,,,,



ههههههههههههههههههههههههه ههههه


شحروره

اووووه يا ايام الريكو

شيييي

=
=

لا الشبوك اللي كانوا فيهم

من فئة خمس نجوووم


مايتنازلون عيوا يقولون مستانسات بسكنهم


حياك ربي خيتو

نورتي

والف شكر

لاعدمتك
فايز ماجد
06-10-2006, 03:24 AM
أما ابن ضاوي هذا !!

كل يوم اكتشف فيه شي جديد

تسلم يا فايز على الروااااااااااااااااقة

،

،

ألاحظ أن سوق الغربلة ماشي برمضان !!

وش دعاياتكم اللي تستخدمون ؟ :artist:

،

،

أنا قررت أرفع دعوى ضد سعود .. أشوف كل الشعراء عنده بقسمه !!




ههههههههههههههههههههههههه ههه


هلا وغلا


جواهر

منورة وربي

انا خلاص برمضان بسكن هنا

اعتزلت النبطي

==

==

ههههههههههه ايه ابو ضاوي

الله لايبلانا بس

توك

متوقع انه يجي يفضحنا هنا

الله يستر بس

الف شكر على حضورك

يسلم قلبك

لاعدمتك
فايز ماجد
06-10-2006, 03:26 AM
ههههههههههههههههههههههههه هه


كله كوم وخويك الفضيحه كوم ثاني


والا ليقماتكم الفلـــــه


سلمت ياغالي



ههههههههههههه

هلا وغلا

اخوي الخجول


هو مازين موضوعي الا ابو ضاوي

<<<< يحاول يهدي الوضع خايف يفضحني هنا بعد

وحياك ربي

بكرة على الفطور

بضبط لك لقيماتك بس هالمرة ماني مكثر الخميرة


مشكووور اخوي الخجول على تواجدك

لاعدمتك
00العنود00
06-10-2006, 03:40 AM
هههههههههههههههههه

اييييوه يابوووووووو ريكــــــــو


والقيمـــــــــات رمضــــــــــــان




كل هذا منك بافاااااااااااايز


يا ما تحت السواهي دواااااااااااااااااهي


صج






هههههههههههههههههههههههه










سراحه رووووووووووووووووووووعه


ضحكت من قلب




دايم راااااااااااااااائع حتى بالتصرقع


ههههههههههههههههههههههههه








سلملم


عنود
فايز ماجد
06-10-2006, 03:44 AM
هلا والله بشاعرنا فااايز ..

تو ما نورت الغربله...

دامك جيت لازم نصكك بشعر ...



فايز بن ماجد يا هلااا بولد التووووش
داخل الغربله وشعره واجد منكوووش

يا صبي القهوه وعلى طريقك ماكنتوش
ودقي ياربابه وانا بطربكم بشعر ملتوش

عامل لقيماات ومسوي علينا علووش
لقيماات يا ناس كله خميره مرشوووش

لوع كبود نعاجه اللي بالحووووش
قاموا يناظرونه ويقولون ما نبووش

حتى قطاوة الشوارع ما تكلووش
جايب لهم بسكوت ريكوو بدالووش

يراضيهم ..........................خبلووش.
.........................................مرمر� �ش

<<=== ما تعرف تكملووش..وتقووول لولولووش


عندها مصطلحات كثيره بس ما عرف اجيبهم في شعر ..





حياك الله وكل يوم تعال ... والله امتعتنا بمواقفك .. ايها الشاعر المربوش

ههههههههههههههههههههههههه هههههههههه

هههههههههههههههههههههه

أختك فش فاشه




ههههههههههههههههههههههههه ااااااااااااااااااااااااا اااااااااااااااااااااي


لا لا لالا

يافشفاشة


هجاء مررررة وحدة

<<<<< دميعته على خده ويبتسي


ههههههه اللله يقطع ابليسك

لا عزالله ضعنا

وطاح سوقنا عقب هالموضوع

الف شكر ياوخيه

منووووووووورة

والغربلة منووورة فيكم


واستلمي الرد




منهو مايعرف فشفاشة = اللي اندلعها فشفوشة

باعجاب العالم منحاشة = خفيفة دم وفرفوشة

حتى لو فيها دفاشة = خاوت طقاقة بالكوشة

تتهمني بالرباشة = واهي اللي دايم مربوشة

مدموزيله وآنا باشة = شكلي ببدا معها هوشة

بصقعها في بلكاشة = تصبح شوشتها منفوشة

ثم نطلع بكرة بالشاشة = وآضيع انا بوسط الطوشة

كل يلحقني بفلاشة = في شهرة غوار الطوشة

كله من سبة فشفاشة = يارب تخلي فشفوشة
صالح الروقي
06-10-2006, 03:47 AM
يافاااااااااايز الله يرحم والديك

يااخي لاتجيب طاري القطه

ترى ابغض كلمه عندي هالكلمه

في كل يوم لازم تمر على مسامعي

خخخخخخخخخخخخخخخخخخخخخخخ


على العموم يافااااايز مواقف ولا احلى

مودتي
الدندووووونه
06-10-2006, 06:00 AM
ههههههههههههههههههههههههه هههههه

ههههههههههههههههههههههههه هههههه

ههههههههههههههههههههههههه هههههه

ههههههههههههههههههههههههه هههههه

<< هذا العضو ميت من الضحكـ

حيّاك الله أبو ماجد هنا....

وش هالمواقف اللي تجنن....



حرامي الصور

هههههههههههههههههههههههه

حلووووووووووه لايق عليه الإسم.... بس كان قلت حرامي صور ريكو.خخخخخخخ


((((((( ترا اللي انت بتشتري من البقالة ماهو محسوب من القطة ياويلك لو تسرقنا))))))

فايز مافهمت بن ضاوي يبي يقول خل القطّه معي بس ماعنده إسلوووووب.......

رهيييييييييييب هالموقف..... ياحليل الرجال اللي ينصحك شكله شاف كل علامات الغضب في وجهك روعته خاف على صديقك منك وقام يوصيكـ


عاد بعدها وربي مالي وجة أمر من عند الشبك اللي هم فيه
طايح وجهي منهم بقوووة ماتجملنا مع الغنم وشرهن علينا بقووووة
ياعيبااااااااااااه بس

ياحرااااااااااام يعني تشرهتوا بالناس وكملتوها بالحيوانات..... بجد مالك وجه تقابلهم..... خخخخخخخ


فايز...... يسلموووووووووووو.....
محمد بن ضاوي
07-10-2006, 02:43 AM
حيا الله فايز هو ومواقفه........هههههههههه

عاد مدام انك رفيق وغالي لازم ندعم موضوعك باللي نقدر علاه

>>>>>>>اكثر ماكثر الله عندي المواقف ماغار امشي واوقف....ههههههههه
هذا طال عمرك وعمر من يقرا مرتن من المرارير
ولا تدري بقولك مواقف حاصلتلي مع بنيخي

البناخي هو ابن الاخ او ابن الاخت والجمع حقهم بنيخي
المهم هي ثلاث مواقف اللي بقولها
الموقف الاول........
مره جالس وعندي ثنين منهم واحد في صف رابع وواحد في صف سادس
اللي في صف رابع عنده مسأله رياضيات يقول فيها ( مع احمد 47 ريالا ,,اشترى احمد اقلاما سعر القلم خمسة ريالات,,كم قلما اشترى وكم بقي معه )
الحل طبعا تقسم 47 على 5 وتشوف الناتج كم والباقي كم؟
جا وسألني قلت اسأل اخوك اللي بسادس راح لخوه وليته ماراح,,,هذاك مايعرف شي
المهم سأله السؤال واحرجه انا عندهم ولا وده يقول ما اعرف
قام وسأل اللي برابع وبكل ثقه السؤال التالي::
الاقلام اللي شراهم احمد حبر ناشف ولا سايل؟؟
هذاك قال ما ادري
قال طيب اسأل مدرسكم ورد لي خبر
انا عاد انسدحت ضحك ,,,بس عجبني صراحه على غباءه بس عرف يتخارج...ههههههههه

الموقف الثاني........
رفيقنا هذا اللي بسادس دخل اول متوسط وكاشخ بالانقليز اللي مايفقه فيه شي
جاني يسألني عن درس حق الساعه بالانقليز
الدرس يقول كيف تفرق بين ست إلا ربع ,,, و ست وربع
الجمله جايه كذا ( quarter to six) يعني ست إلا ربع
والثانيه جايه كذا ( quarter past six) يعني ست وربع
الفرق واضح... إلا نحط to و الواو نحط باست
قعدت ساعه افهم فيه وفي الاخير اقوله وش الفرق يابابا

تتوقعون وش قال؟؟؟






في الحلقه القادمه اقولكم........هههههههههههه







الا بقولكم هالحين قال شي يقهر


قال الفرق..... نص ساعه......ياعمري يالذكاء اثره من اليوم قاعد يحسب الدقايق اللي بين ست الا ربع وست وربع

والله قمة التحطيم......حمدت ربي وقتها اني ماني مدرس


الموقف الثالث........
مره مسيرن على اخوي,,, عاد توهم ساكنين بيت جديد
المهم جا وقت صلاة المغرب والقى واحد من عيال اخوي الصغار واسأله عن القبله عشان بصلي
>>>>>> اكيد بتصلي اجل بتذبح ذبيحه.......هههههههههه

>>>>>> فلان وين القبله؟

قال:: تركناها في بيتنا الاول

من جد العيله كلها (فل اوبشن)

اشوفني كني طولت.......هههههههههههه
المواقف كثيره بس بعضها ماتعرضه القناه الاولى
جواهر عبدالله
07-10-2006, 02:57 AM
بنيخي

شكلها أخت بف باستري ..

ونعم والله .. نبي قصيدة مدح فيهم .
نور بني تميم
07-10-2006, 03:01 AM
ههههههههههههههههههههههههه هههههههه<<<<<<<<<<<<<<<اما الريكو واخووووووك ب3 والله كبير<زيي كنت استعين باختي اكبر منس بسنه احس انها مرررررة كبيرة تقدر تاخذ حقي
والقطه انفضحتو عند الناس<لو مكانك ارجع الرياض ومااخاويه<<<<<<<<<<<<<<<هههههههههههه
والللقيمات اول مرة اسويها بحياتي صايرة كنها كورة جلد الجديدة ماتتتقطع بالفم يؤ وانا اعطي امي وابوي<يجاملوني مايبووووووون يفشلوني
<يسلمو فايز موضوعك لوووووووووووووووووووووووو ووووو قطه
محمد بن ضاوي
07-10-2006, 05:30 AM
شكلها أخت بف باستري ..

ونعم والله .. نبي قصيدة مدح فيهم .


ههههههههههههههه

احسن قهرتك جبت كلمه ماتدرين وش معناها..؟
عالعموم ترى تعلمت وعرفت ادخل صور

>>>>>>>يقولون ماعلاه كل ماله يمشي في طيب وهو بخار..هههههههههه
عذوووق
07-10-2006, 11:24 PM
ههههههههههههههههههههههههه


الله يررحم زمااان الررريكووو كناا نجمع الصوور ونحطهم بالدفتر حقهم وتنقص صووره نرروح نشترري البسكوووت

علشااان هااالصووره وماانلقااهاا ونززعل ونجيب غيره لماا عفنااه

<<<<<<<<<< غصبن عليكم تعيفوونه من كثر الاكل

شكل اللي اخذ الصوور منكم مثلي يجمعهن :D

اما على ابوو ضااوي والله مااعررفت

كاان اخذت الفلوووس القطه ومشيت

اما على اللقيمااات

تبي تتفنن وماااتدرري ربي وين حاطك

اقوول ياابو مااجد ماايعررف للخيل الا ركاابهااا :P

ونصيحه مني وانا اختك لاتدخل المطبخ

لان اذا دخلته الله العاالم وش يبي يصيرررر

تحياااتي / عذوووق
بـنـت الـشـيـوخ
09-10-2006, 02:58 AM
وياخذها بالغصب واروح على طول لاخوي بصف ثالث ابتداي اعلمه بالسالفة

وين العناااااااااااااد <<< خذاها منكــ
ماهقيتكـ خوااااااااااااف


يمشي مليووون وقال عطه صورة البسكوت حقه ويطلع
ابو الشباب عطاني صور الشباب كلهااااا من الخرعة
وبعدها محد يتعرضني يقولون اخوه قووووي
عاد بعدها صرت مهجدهم بالفصل
الله يخلي لك اخوووووووووووووووووكـ
يفزع لكـ





ترا اللي انت بتشتري من البقالة ماهو محسوب من القطة ياويلك لو تسرقنا))))))
أنا >>>>>>>>>>>> مع طيحة وجه والعالم تناظر وتضحك

ياحليلوه بن مضاوي <<<نذل يبي يحرجكــ
بس اعجبتني حركته


طعوس متجمعة لاتقاضبتوا الشوش اللي طايرة وربي ونشات وجيوش ماتفككم من بعض<<<<<<<<<خخخخخخخخخخخخ


لا قعدنا نفطر يدربي الوحدة تدربي عبر القصبة الهوااائية عشان يمديه ياكل اكبر قدر ممكن من اللقيمات
وحنا قاعدين نعلج باول وحدة وهو تسد قضى على الصحن بما فيه
المهم<<<<<<< يدربيها ليه وش هي ......
وياكل اكبر قدر ممكن <<< ابوووك يالفصحى


وحذف بهالزيت انواع الحركات البهلوانية في رمي العجينة عاد من فوق كنه
مسبح والعجينة اللي يطمرون من فوق (مشوها مدري وش اسمها)

حذف <<< الله يرجكم صدز
صراااااااااااااااااحه ماابغى اتخيل شكل اللقيمات
اشك انها بتطلع لقيمات زي اللي نعرفهااااااااااااااااا


وكل واحد يبي يلحق وياخذ وحدة والا تطلع اللقيمات كفر سيارة وربي لساتك مو لقيمات
كثرنا الخميرة بقوووووة وخربت نحاول نبلعها ماتنبلع كبيرة بحجم الكورة
ناكلها مافيه فايدة قلنا فيه حل
والله اني قد دريت انكم بتجيبون العيد انت وخوياااااااااااكـ
بس من اللي عجنهاااااااااا؟؟؟
من هو صاحب الانامل الذهبيه اللي عجن <<<<لايكون بن ضاوي بس !!


ويناظرون لنا نظرة استحقار كن الوحدة تقول ياربي لك الحمد والشكر انت واخوك
مسوي فيها الشيف رمزي انت وخشتك ياابو الشباب واخوك مساعد الطباخ مع مرتبة الشرف
انتم شيف خلقه (شيوون) لكن طبخ والله انكم من جنبها وبعدين ليه انتم قعاطا<<<<<<<<<خخخخخخخخخخخخخخخخ
ياي غنماااااااااااااااااااات <<<< تسوي فيها دلووووووووعه


طايح وجهي منهم بقوووة ماتجملنا مع الغنم وشرهن علينا بقووووة
ياعيبااااااااااااه بس<<<<<<<< ماتبي تردكم هالغنيمااااااااااااااااات
ومايرد الكريم الا اللئيم

<<<<<<<<<<<<هههههههههههههههههههه
فايز والله انكــ نكته وفلله

خلااااااااااااااااااااااا اص غيرت نظرتي لكـم يالشعرااااااااااااااااااء ....
فايز ماجد
09-10-2006, 07:45 AM
يافاااااااااايز الله يرحم والديك

يااخي لاتجيب طاري القطه

ترى ابغض كلمه عندي هالكلمه

في كل يوم لازم تمر على مسامعي

خخخخخخخخخخخخخخخخخخخخخخخ


على العموم يافااااايز مواقف ولا احلى

مودتي



ههههههههههه

يالله حي

صالح

اجل تكره طاري القطة


أجل اكيد مدير القطة مثل ابو ضاوي

فضيحة

وماعنده تسيب اداري واختلاسات

حياك ربي

وشرفني مرورك

على الموضوع

الف شكر

لاعدمتك
فايز ماجد
09-10-2006, 07:48 AM
هههههههههههههههههه

اييييوه يابوووووووو ريكــــــــو


والقيمـــــــــات رمضــــــــــــان




كل هذا منك بافاااااااااااايز


يا ما تحت السواهي دواااااااااااااااااهي


صج






هههههههههههههههههههههههه










سراحه رووووووووووووووووووووعه


ضحكت من قلب




دايم راااااااااااااااائع حتى بالتصرقع


ههههههههههههههههههههههههه








سلملم


عنود



هههههههههههه

يالله حي العنود

الا من جنبها

موضوعي سوالف لا اكثر

الله مير يحييتس

ودوم هالضحكة

يالغالية

الف شكر على التواجد

لادعمتك <<< دايم اغلط وماانتبه


لاعدمتك قصدي
فايز ماجد
09-10-2006, 07:59 AM
ههههههههههههههههههههههههه هههههه

ههههههههههههههههههههههههه هههههه

ههههههههههههههههههههههههه هههههه

ههههههههههههههههههههههههه هههههه

<< هذا العضو ميت من الضحكـ

حيّاك الله أبو ماجد هنا....

وش هالمواقف اللي تجنن....




هههههههههههههههههههههههه

حلووووووووووه لايق عليه الإسم.... بس كان قلت حرامي صور ريكو.خخخخخخخ



فايز مافهمت بن ضاوي يبي يقول خل القطّه معي بس ماعنده إسلوووووب.......

رهيييييييييييب هالموقف..... ياحليل الرجال اللي ينصحك شكله شاف كل علامات الغضب في وجهك روعته خاف على صديقك منك وقام يوصيكـ



ياحرااااااااااام يعني تشرهتوا بالناس وكملتوها بالحيوانات..... بجد مالك وجه تقابلهم..... خخخخخخخ


فايز...... يسلموووووووووووو.....



ههههههههههههههه


يالله حي الدندونه و( نحمده ) ونشكره على تواجدك


ايه الرجال

قال نصوح

وابوضاوي

فاهم قصده يبي يفشلني

بس وجهي مغسول بمرقة بعير


مايهمني

دووووووووووم هالضحكة

وسعيد صالح بتواجدك الجميل

منووورة

الف شكر

لاعدمتك
فايز ماجد
09-10-2006, 08:07 AM
حيا الله فايز هو ومواقفه........هههههههههه

عاد مدام انك رفيق وغالي لازم ندعم موضوعك باللي نقدر علاه


يالله انك تحييه

>>>>>>>اكثر ماكثر الله عندي المواقف ماغار امشي واوقف....ههههههههه
هذا طال عمرك وعمر من يقرا مرتن من المرارير
ولا تدري بقولك مواقف حاصلتلي مع بنيخي <<<<<<<<<<<<< هذي اللي عقدت جواهر ياخوي ثاني مرة اهرج عربي لاتكلم عنقليزي وتشبك الحروف
البناخي هو ابن الاخ او ابن الاخت والجمع حقهم بنيخي
المهم هي ثلاث مواقف اللي بقولها
الموقف الاول........
مره جالس وعندي ثنين منهم واحد في صف رابع وواحد في صف سادس
اللي في صف رابع عنده مسأله رياضيات يقول فيها ( مع احمد 47 ريالا ,,اشترى احمد اقلاما سعر القلم خمسة ريالات,,كم قلما اشترى وكم بقي معه )
الحل طبعا تقسم 47 على 5 وتشوف الناتج كم والباقي كم؟
جا وسألني قلت اسأل اخوك اللي بسادس راح لخوه وليته ماراح,,,هذاك مايعرف شي
المهم سأله السؤال واحرجه انا عندهم ولا وده يقول ما اعرف
قام وسأل اللي برابع وبكل ثقه السؤال التالي::
الاقلام اللي شراهم احمد حبر ناشف ولا سايل؟؟
هذاك قال ما ادري
قال طيب اسأل مدرسكم ورد لي خبر
انا عاد انسدحت ضحك ,,,بس عجبني صراحه على غباءه بس عرف يتخارج...ههههههههه



ههههههههههههههههههههههههه ههههههههههههههههههههههههه هههههههههههههههههههههه

حلللللللللللللللللوة

عرف يصرف نفسه يارجال يكفي لو ماحله الله يخليهم لاهلهم




الموقف الثاني........
رفيقنا هذا اللي بسادس دخل اول متوسط وكاشخ بالانقليز اللي مايفقه فيه شي
جاني يسألني عن درس حق الساعه بالانقليز
الدرس يقول كيف تفرق بين ست إلا ربع ,,, و ست وربع
الجمله جايه كذا ( quarter to six) يعني ست إلا ربع
والثانيه جايه كذا ( quarter past six) يعني ست وربع
الفرق واضح... إلا نحط to و الواو نحط باست
قعدت ساعه افهم فيه وفي الاخير اقوله وش الفرق يابابا

تتوقعون وش قال؟؟؟






في الحلقه القادمه اقولكم........هههههههههههه







الا بقولكم هالحين قال شي يقهر


قال الفرق..... نص ساعه......ياعمري يالذكاء اثره من اليوم قاعد يحسب الدقايق اللي بين ست الا ربع وست وربع

والله قمة التحطيم......حمدت ربي وقتها اني ماني مدرس




ههههههههههههههههههههههههه ههههههههههههههههههه


رااااااااااااااايق جوابه

ياخوي بعذره حوسة والله خله يحسبها بالساعة احسن


الموقف الثالث........
مره مسيرن على اخوي,,, عاد توهم ساكنين بيت جديد
المهم جا وقت صلاة المغرب والقى واحد من عيال اخوي الصغار واسأله عن القبله عشان بصلي
>>>>>> اكيد بتصلي اجل بتذبح ذبيحه.......هههههههههه

>>>>>> فلان وين القبله؟

قال:: تركناها في بيتنا الاول

من جد العيله كلها (فل اوبشن)



ههههههههههههههههههههههههه ههههههه

يارجال كلهم طالعين على عمهم اللي هو انت

ليه مايصيرون فل أوبشن



اشوفني كني طولت.......هههههههههههه
المواقف كثيره بس بعضها ماتعرضه القناه الاولى



لا لاتعرضها

تعرضها قناة الدانة عند شميم

بعد العيد ان شاء الله

هههههههههههههههههههههههه

وعمرة مقبولة نهاية هالاسبوع ان شاء الله

حياك ربي ماي فريند
فايز ماجد
09-10-2006, 08:12 AM
ههههههههههههههههههههههههه هههههههه<<<<<<<<<<<<<<<اما الريكو واخووووووك ب3 والله كبير<زيي كنت استعين باختي اكبر منس بسنه احس انها مرررررة كبيرة تقدر تاخذ حقي
والقطه انفضحتو عند الناس<لو مكانك ارجع الرياض ومااخاويه<<<<<<<<<<<<<<<هههههههههههه
والللقيمات اول مرة اسويها بحياتي صايرة كنها كورة جلد الجديدة ماتتتقطع بالفم يؤ وانا اعطي امي وابوي<يجاملوني مايبووووووون يفشلوني
<يسلمو فايز موضوعك لوووووووووووووووووووووووو ووووو قطه


ههههههههههههههههههههههههه

يالله حي نور الكون كله


أجل عشتي نفس المعاناة مع اللقيمات

هههههههه اما كورة جلد الجديدة

ودي اني رجت للرياض بس شلون ارجع على رجولي

ايه كنت استعين بأخوي

بالاوقات الحرجة اذا غلبت الكثرة الشجاعة

<<<< أيه هين

بس اخوي هذا القوي

اصفقه انا بالبيت

عجايب وربي

<<< بدا المهايط


نورتي الموضوع اختي

الف شكر على حضورك

تحيتي لك
فايز ماجد
09-10-2006, 08:16 AM
ههههههههههههههههههههههههه


الله يررحم زمااان الررريكووو كناا نجمع الصوور ونحطهم بالدفتر حقهم وتنقص صووره نرروح نشترري البسكوووت

علشااان هااالصووره وماانلقااهاا ونززعل ونجيب غيره لماا عفنااه

<<<<<<<<<< غصبن عليكم تعيفوونه من كثر الاكل

شكل اللي اخذ الصوور منكم مثلي يجمعهن :D

اما على ابوو ضااوي والله مااعررفت

كاان اخذت الفلوووس القطه ومشيت

اما على اللقيمااات

تبي تتفنن وماااتدرري ربي وين حاطك

اقوول ياابو مااجد ماايعررف للخيل الا ركاابهااا :P

ونصيحه مني وانا اختك لاتدخل المطبخ

لان اذا دخلته الله العاالم وش يبي يصيرررر

تحياااتي / عذوووق




هههههههههههههههههههه


خوش نصيحة


يالله حي عذوووق

نورتي والله

ماعليك بسمع كلامك


أجل تجمعين صور ريكو مثلي كنت اجمع صوره بس مااحبه <<<< ايه هين



ابو ضاوي غلاه يذبح صحيح الحب مذلة على ماقالوا

اما اللقيمات وش اسو بس تصدقين لو ادري جبت لك منهم


عموما حياك اختي

الف شكر على المرور

تحيتي لك
فايز ماجد
09-10-2006, 08:21 AM
وين العناااااااااااااد <<< خذاها منكــ
ماهقيتكـ خوااااااااااااف


الله يخلي لك اخوووووووووووووووووكـ
يفزع لكـ






ياحليلوه بن مضاوي <<<نذل يبي يحرجكــ
بس اعجبتني حركته

<<<<<<<<<خخخخخخخخخخخخ

<<<<<<< يدربيها ليه وش هي ......
وياكل اكبر قدر ممكن <<< ابوووك يالفصحى



حذف <<< الله يرجكم صدز
صراااااااااااااااااحه ماابغى اتخيل شكل اللقيمات
اشك انها بتطلع لقيمات زي اللي نعرفهااااااااااااااااا


والله اني قد دريت انكم بتجيبون العيد انت وخوياااااااااااكـ
بس من اللي عجنهاااااااااا؟؟؟
من هو صاحب الانامل الذهبيه اللي عجن <<<<لايكون بن ضاوي بس !!

<<<<<<<<<خخخخخخخخخخخخخخخخ
ياي غنماااااااااااااااااااات <<<< تسوي فيها دلووووووووعه

<<<<<<<< ماتبي تردكم هالغنيمااااااااااااااااات
ومايرد الكريم الا اللئيم

<<<<<<<<<<<<هههههههههههههههههههه
فايز والله انكــ نكته وفلله

خلااااااااااااااااااااااا اص غيرت نظرتي لكـم يالشعرااااااااااااااااااء ....



هههههههههههههههه

حي الله بنت الشيوخ

لا ماني خواف بس الكثرة تغلب الشجاعة

خخخخخخخخخ

ايه ابوضاوي فلة بقووووة

وبعدين اللقيمات

مو شكل اللي تعرفينها ابد

حصى مو لقيمات

اللي عجن اخوي اللي مثلي من جنبها

حلو تغيرت نظرتك


تعقيد والله اذا كل الناس يتوقعون انا نكديين دايم

استخف دمي ولا اصير نكدي خخخخخخخ


حياك اختي

مشكورة على التواااجد الجميل

لاعدمتك