محاوره [الأرشيف] - منتديات غرابيل

محمد بن دحيلان

19-11-2003, 01:15 AM

اللي عنده مبدى محاوره ودي اخذ سجّه معه

تقبلو تحياتي

ليت يكون المبدى من عنده

اخووكم

طيف الوله

19-11-2003, 02:16 AM

اولاً لي الشرف اني احاور شاعر بحجم محمد السهلي

ومنك نتعلم اخي

واستلم

مرحبا بك يا محمد مرحبا بالشعر كله
.............. مرحبا بك يا السنافي وأقبل أطيبها تحيّه

القصايد في حضورك بين فنجالٍ ودله
............. ليلةٍ ضمت حروفك من فرحها سرمديه

محمد بن دحيلان

19-11-2003, 02:28 AM

الله الله الله
ياسلالالالالالالالام عليك

الشرف لنا
استلمي طال عمرك

البقا لك من عميلٍ ماتزحزح عن محله= ياهنوفٍ تبدع الطاروق بحروفٍ شجيّه

القريحه بعدي جيتي مسفهله مسفهله=ضعت مدري ويش ابدي بين ذيك وبين ذيّه

طيف الوله

19-11-2003, 03:06 AM

الله الله

استلم

القصيد اللي اعرفه ما تعدّى من محله
........ شاعرة عندي قوافي مع معاني شاعريّه

لو بغيت الشعر جاني خاضعٍ تغشاه ذله
.......... عادة الأجواد فينــــــا بنتهم دوم أجوديّه

محمد بن دحيلان

19-11-2003, 03:09 AM

الله الله

استلمي طال عمرك

قالو ان البحر مهلك قلت لا بله لا بله = بعد ماشفتس ببحر الشعر لتس وقفه قويّه

سوقي المركب مدام الدرب والمعنا ندله=وهاتي اللي في ضميرك دام نار الشعر حيّه

مفرح بن مناحي

19-11-2003, 03:11 AM

الله ........ الله

|1||1||1||1|

واصلوا وحنا بنتابع ...

سهم المنايا

طيف الوله

19-11-2003, 03:28 AM

الله الله

استلم استاذنا الغالي

في ضميري لغز واضح ما قدر غيري يحله
......... بنت لكن ما عرف لي واحدٍ في هالبريّه

لو تركت اليوم علّه تحتضني ألف علّه
......... وذنبي اللي اقترفته( عادتي دايم وفيّه)

شقران

19-11-2003, 03:28 AM

الله عليكم يالغالين

محمد وطيف

اثنان كم نتوق لمثل هذه المحاوره بينكم

لاعدمتكم الجميع

شقران

قوت القلوب

19-11-2003, 03:30 AM

ماشاء الله عليك اخونا محمد

بالاول برحب فيك

هلا ومية هلا بالمهلي الي لفانا........ نورت منتدانا ولك بالقلب الف تحيه

اليوم انت بيننا سعيد بلقانا ..... حياك الله بالشعر ولك مليون هديه

اسفه على الترحيب البسيط بس كان سريع شوي

محمد بن دحيلان

19-11-2003, 03:36 AM

الله الله الله الله

ياسلالالالالالالالام على هالبيت

استلمي طال عمرك

من كلامتس خمني حدسي وعانقة الاهله=لين شافتس ياهنوف النت ليلى العامريّه

الوفا موجود لكن الحضيض اللي وصله=به خلايق تسكبه يابنت سكب الشاذليّه

محمد بن دحيلان

19-11-2003, 03:39 AM

سهم المنايا نورة المحاوره

تراااك في صفي

حرك الصفووووووووف :)

تحياتي

محمد بن دحيلان

19-11-2003, 03:41 AM

شقران

مرحبا والله مسهلا

وجودك اسعدني

تقبل تحياتي

قوت القلوب

صــــــــح السانك

والله يبقيك

عطرة المحاوره بأبياتك الجزله

تقبل تحياتي

أبوعبدالرحمن

19-11-2003, 03:42 AM

ما كل هذا الجمال؟؟

استمتاع بلا حدود ..

استمروا فقد اقفلت جميع الصفحات لمتابعتكم

لكم تحية تقدير واعجاب

طيف الوله

19-11-2003, 03:54 AM

الله عليك يا محمد :confused:

استلم لا هنت

الوفــــــا في وقتنا كـــــــل يعدّه مثل زله .
..................... صارت أفعال الكرام في سلمهم مثل الخطيّه

ليت لي بين الخلايق سيف رجالٍ واسلّه
................... الملا ضاعت شيمهم وأعلنوا موت الحميّه

أبوعبدالرحمن

19-11-2003, 04:05 AM

ليت لي بين الخلايق سيف رجالٍ واسلّه
................... الملا ضاعت شيمهم وأعلنوا موت الحميّه

ليت لي بين الخلايق سيف رجالٍ واسلّه
................... الملا ضاعت شيمهم وأعلنوا موت الحميّه

ليت لي بين الخلايق سيف رجالٍ واسلّه
................... الملا ضاعت شيمهم وأعلنوا موت الحميّه

|1||1||1||1||1|

محمد بن دحيلان

19-11-2003, 04:05 AM

الله الله الله

ياسلام يا شاعرتنا

استلمي طال عمرك

ا
ألوفا بالحب ضايع والغدر جا سهمةٍ له = واجد اللي من سبايب صدقهم راحو ضحيّه

به نفوسٍ مالها مبدا ولامذهب ومله = وبه نفوسٍ ماتبي لصدق تذكير ووصيّه

وصح السانك يالشاعرة

امتعتينا بجزالة معانيك

ونا في كافيه وراح اطلع الحق على السحوور مع ان الود ودي ما انتي من هالمحاوره الجزله معك

تقبلو تحياتي جميعا

والله يسعدكم مثل مسعدني تواجدكم

اخووكم
ابن دحيلان

قوت القلوب

19-11-2003, 04:08 AM

صح ابدنك اخوناوشاعرنا

الله ماشاء الله اعليكم اختنا واخونا طيف ومحمد

اطربونا ومتعونا باجمل ماعندكم من ابيات وكلام جميل|1|:confused::eek:

آصايل

19-11-2003, 04:13 AM

السلام عليكم :
مشاء الله عليكم على الابيات الحلوووه
واهنيكم على الي كتبتوووه لانه مره رائع :cool:
اختكم / آصايل

أبوعبدالرحمن

19-11-2003, 05:31 AM

امتعتونا بحق

صح لسانك اخوي محمد وصح لسان مشرفتنا طيف الولة

تحياتي لكم

راكان بن بدن السبيعي

19-11-2003, 06:24 AM

أخواني الشعــــار

محمـد السهلي و طيـف الوله

:confused:

الله أهنيـــكم على هذا الإبداع

أنا آسف على التأخير

كم تمنيت أنني متواجد كي أتابع الإبداع أثناء ولادته وأواكب الحدث

ولكن إبداعكم نشاهد يتجدد

أهني منتدى الشعــر بكم فأنتم من يفرش طريقه بالورود

كلمات جزله سافرت بنا لمنطقة ليس لها اسماً غير الإبداع

تحياتي لكم

وعلى الود نلتقي

أخــــــوك / الكــــايد .

رمــــــاد

19-11-2003, 07:00 PM

الله يمسيكم بالخير جميعا..

محاوره ولا أروع.. ولا ابدع....

تخوني التعابير..

صح لسانك اخوي الكريم محمد..
وصح لسانك اختي العزيزه طيف الوله..

ابد ..
الرايه بيضا.. ومعليكم كلام..
متربعين على القمه..

وبعد اذنكم..
لكم مني هالمداخله..

ارتمى حرفي يناشد للأمل دربا يدله...
................... وأحتوني كل معنى يرجي للوافي عطيه...
صابني سهم العناوي والغلا مو في محله...
...................واحترق قلبي حسايف وروحي تقرب للمنيه...

وسلامتكم من الشر....

تحياتي.... الخالصه لكم..

دمتم بعناية الرحمن وحفظه...

أختكم رمــــــــــــاد..

طيف الوله

19-11-2003, 07:26 PM

الف شكر لك شاعرنا الرااائع

ماشا الله عليك جاهز ومعك حق تطلب المحاوره اتعبتني معك شاعرنا المبدع

والف شكر لكل من مر من هنااا الله لا يحرمنا من تواجدكم دائمااااااا

مفرح بن مناحي

19-11-2003, 11:30 PM

أمسية رااااااااائعة .... ليلة البارحة ...

محمد السهلي .. طيف الوله .......... أبدعتما ....

بالفعل كانت محاورة قمة من فطاحلة الشعر في المنتدى ....

لكما من أرق التحايا ........

سهم المنايا

منيف الشلهوب

21-11-2003, 02:38 AM

ماشاء الله

الف صحّت السنتكم جميع

من جد شئ مشرّف ورائع تزخر به ساحة القوافي

الله لايحرمنا منك يارب

أمل عبدالعزيز

05-12-2003, 11:25 AM

حضور قوي........

شاعرة رائعة ........

وشاعر ليس بالسهل..........

أستمتع بكل حرف.......

أنتم ذوي ذائقة جدٌ راقِية.........

تحية تليق بكليكما..........