ياسلامي

[الرااااااسي]

كانت مشاركتي الاولى في الرد على احد شعار غرابيل الذي يبارك بشهر الصوم
وهذي مشاركتي الثانيه


يا سلامي سلاماً عالياً مستواه ــــ ردةً ما تمر السحب من فوقها
راعي السابق اللي كل ليلً سراه ـــ كيف يدخل مصر في حكم فاروقها

[الرااااااسي]

غريب جداً هالمنتدى ان رديت على احد راح وخلاك وان بديت ابياتك ما احد جاك

[ابن دخيل الله]

الراسي

اهلا وسهلا والناس صوم وقليله المشاركات هاليومين

استلم لاهنت


ياهلابك على ضلع الهدى والسراه ==قمةٍ كل سحب الجو بعروقها


والشجاع المسمى مايهاب العداه == وسر خلطت غداكم وسط صندوقها

[محمد الروقي]

الراسي

صح لسانك وجاك شاعر بس والله يا اخي مادمت تفتل وتنقض

المفروض انها تحمل اسمك لا عدمتك انت شاعر وقصيدك ماينقدك

[ناصر السبيعي]

الراســــي.........ابن دخيل الله

رائعين الله لايهينكم واصلوا

وازهلوا الصفوف........


بس بعد الفطور والتراويح..........

[الرااااااسي]

ابن دخيل الله

الله يبقيك و شكرا على الترحيب والله لا يهينك واستلم


البقا بك واعرف الذيب واعرف عواه ــــــ والغداء كان تعرف خلطته ذوقها
الجبل فوق سفحه ما تشوف الرماه ــــــ قبل رعد السحابه تلمح بروقها

[الرااااااسي]

اخوي محمد الروقي صح بدنك واشادتك افخر بها وسوف افصح عن اسمي قريب لكن اصبر علي وشكرا لك ويا هلا


اخوي ناصر السبيعي لاهنت وانت الرائع بوجودك وكلامك الطيب حياك

[بعيد النظر]

الراسي
و
ابن دخيل الله


واااااااااااااااااااااااا ااااصلوا


نتابع..

[الرااااااسي]

متابعتك تشرفنا يا بعيد النظر

[ابن دخيل الله]

ابن دخيل الله

الله يبقيك و شكرا على الترحيب والله لا يهينك واستلم


البقا بك واعرف الذيب واعرف عواه ــــــ والغداء كان تعرف خلطته ذوقها
الجبل فوق سفحه ما تشوف الرماه ــــــ قبل رعد السحابه تلمح بروقها


استلم سلمك الله

مايرّد المسلّح من حذف له حصاه === واثر شهب الليالي يصعب لحوقها


مارسى غير راسي بين ذيك الجباه === والمراجل تراها فاتح ن سوقها

[ابن دخيل الله]

محمد الروقي


ناصر السبيعي


بغيد النظر



اشكركم من سويداء قلبي


ولكم التحيه \ ابن دخيل الله

[الرااااااسي]

استلم حفظك الله


بندقــــــك يالمسلح ماااعليها زكاه ــــ والمطيه ترى ماكلن يسوقها
انت يااااابن دخيل الله تريد الصلاه ــــ مار يالاجودي ماتوفي حقوقها

[محمد الجبريني]

استلم حفظك الله


بندقــــــك يالمسلح ماااعليها زكاه ــــ والمطيه ترى ماكلن يسوقها
انت يااااابن دخيل الله تريد الصلاه ــــ مار يالاجودي ماتوفي حقوقها




صحت السنتكم


الله الله هنا ابداااع

وفتل ونقض

والله يالراسي

انك عملاق ياخي
وانك ارسى وثقل من اطويق هنا

ولاهان ابن دخيل الله كفو


واصلو متابع

[الرااااااسي]

الشاعر / محمد الجبريني صح بدنك واطرائك هنا اعتبره وسام افخر به من شاعر له قيمته
لك كل الشكر . وكان لي شرف وجودك هنا ومتابعتك . لا هنت

[ابن دخيل الله]

استلم حفظك الله


بندقــــــك يالمسلح ماااعليها زكاه ــــ والمطيه ترى ماكلن يسوقها
انت يااااابن دخيل الله تريد الصلاه ــــ مار يالاجودي ماتوفي حقوقها


استلم لاهنت


هيه ياللي تسدّح بالمساجد غداه == من تسّول يشيل البشت بخروقها


يامعمّــر ترانا ماكليــنا النيــاه ==و من طيخه له مريضه يشرب امروقها

[صادق الإحساس]

الراسي
و أبن دخيل الله

شعراء كبار
ولا عليهم كلام


صحت الألسن
وصحت القلوب


متابعين ومشجعين



لكما
ود و ورد


صادق الإحساس

[الرااااااسي]

استلم حفظك الله



سيرة الطبخ دايم في لسان الطهاه= طف نار الصواني جاد مرقوقها
شاري الموت يابيّاع كرت الحياه = لا تقف في كبود الناس وحلوقها

[الرااااااسي]

صادق الاحساس

شكرا على الاطراء وصح بدنك والله لا يهينك على الحضور والمتابعه التي تشرفنا ولك منا فل وياسمين

[ابن دخيل الله]

استلم حفظك الله



سيرة الطبخ دايم في لسان الطهاه= طف نار الصواني جاد مرقوقها
شاري الموت يابيّاع كرت الحياه = لا تقف في كبود الناس وحلوقها


استلم بارك الله فيك والدعوى امزوح

من قصاصيبكم ناخذ لحوم الشياه == يوم اطيور الهقاوي نطلق اسبوقها

جاك موتك تولم قدم يوم الوفاه == وكل لــسن السلاطه ربــنا يعوقها

[ابن دخيل الله]

صادق الاحساس




لك مني الف تحيه بل تزيد








ابن دخيل الله

[الرااااااسي]

اااااه وااااشيب عينك لو نجيب القضااه = ونعرض المشكله ونجيب طاروقها
كان ودوك يابن الناس صوب الصفاه =وريــّحوا منك ليلى منته بشوقها

[ابن دخيل الله]

استلم


ااه واااشيب عيني لو عطوك العصاه == تظلم ام اليتامى وتاخذ لنوقها


الحرااامي تجرى ماســمع من نهاه == ثم توهق وكبده زادت احروقها

[الرااااااسي]

صح لساانك اخوي / ابن دخيل الله .. كنت رائع وماقصرت بارك الله فيك على سعة صدرك ولك الشكر والاحترام

[ابن دخيل الله]

الراسي


لك التحيه


كنت شاعرا محاورا بحق


لك التحيه والله= من ابن دخيل الله